ᐂᓮᐊᓯᐅᑉ ᐊᒡᓚᖏᑦ 48:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐊᑕᖏᕐᓗᓯ ᑲᑎᓕᕆᑦᓯ, ᓈᓚᒡᓗᓯᓗ! ᓇᓪᓕᐊᑦᑕ ᑕᒪᒃᑯᐊ ᓇᓪᓕᐅᒃᑐᒃᓮᑦ ᐅᖃᐅᓯᕆᓚᐅᕐᐰᑦ? ᑖᓐᓇ ᐊᑕᓂᐅᑉ ᓇᒡᓕᒋᕚ; ᐱᓇᓱᐊᕈᒪᔭᓂᓗ ᐊᑐᕈᒫᕐᐹ ᐹᐱᓘᓂᒧᑦ, ᑕᓕᖓᓗ ᐱᒋᐊᕈᒫᕐᐳᖅ ᑲᐅᓪᑎᐊᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 48:14 Iomraidhean Croise

ᒨᓯᓯ ᓯᕗᓪᓖᑦ 49:1

ᑕᕝᕙ ᔧᑰᑉ ᐃᕐᓂᓂ ᐃᒻᒥᓄᑦ ᕾᖁᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯᓐᓄᑦ ᑲᑎᓚᐅᕆᑦᓯ, ᓯᕗᓂᒃᓴᑦᓯᓐᓂ ᐃᓕᑦᓯᓐᓄᑦ ᐊᑑᑎᔪᒫᕐᑐᓂᒃ ᐅᖃᐅᑎᓂᐊᕋᑦᓯ.

ᒨᓯᓯ ᓯᕗᓪᓖᑦ 49:2

ᑲᑎᓗᓯ ᓈᓚᓚᐅᕐᓯᓐᖓ, ᔧᑯᒧᑦ ᐃᕐᓂᐅᔪᓯ, ᓈᓚᑦᓯᐊᕐᓗᒍᓗ ᐃᓴᕆᐊᓕ ᐊᑖᑕᓯ.

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 21:9

ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 41:22

ᓇᒃᓴᕐᓗᒋᑦ ᕾᓕᑦ ᐅᖃᐅᑎᓗᑕᓗ ᓱᔪᖃᓛᕐᒪᖔᑦ, ᐊᑐᓚᐅᕐᑐᓂᒃ ᐅᓂᒃᑲᐅᑎᑎᒍᑦ, ᓱᓇᐅᖕᒪᖔᑕ ᐃᓱᒪᒋᓂᐊᕋᑦᑎᒍ, ᖃᓄᐃᑦᑐᕕᓂᐅᖕᒪᖔᑕ ᖃᐅᔨᓂᐊᕋᑦᑕ; ᐅᕝᕙᓗ ᓱᔪᖃᓛᕐᒪᖔ ᓇᓗᓁᕐᓯᕕᒋᓗᑕ.

ᐂᓮᐊᓯᐅᑉ ᐊᒡᓚᖏᑦ 43:9

ᐃᓅᖃᑎᒌᒡᔪᐊᓕᒫᑦ ᓇᑭᑐᐃᓐᓇᖅ ᑲᑎᖃᑎᒌᓚᐅᕐᓕᑦ, ᐃᓄᐃᓪᓗ ᑲᑎᒪᓚᐅᕐᓕᑦ, ᑲᑎᒪᔪᑦ ᓇᓪᓕᐊᑦᑕ ᑕᒪᓐᓇ ᓇᓗᓁᕈᓐᓇᕐᐸᐅᒃ, ᑕᑯᑎᓪᓗᑕᓗ ᐊᑐᓚᐅᕐᑐᓂᒃ ᐊᓂᒍᕐᓯᒪᓕᕐᑐᓂᒃ? ᖃᐅᔨᓯᒪᔪᑦ ᓱᓕᑦᓯᐊᕐᓂᖏᑦ ᓇᓗᓇᕈᓐᓃᕐᑎᑕᐅᖁᓪᓗᒋᑦ, ᑐᓴᕐᑎᓯᐅᒃ ᐅᖃᕈᓐᓇᕐᓯᖁᓪᓗᒋᑦ, “ᑕᒪᓐᓇ ᓱᓕᕗᖅ.”

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 44:7

ᑭᓇ ᐅᕙᑦᑐᑦ ᑍᒤᑉᐸ, ᐊᑏ ᓇᓗᓁᕐᓯᓚᐅᕐᓕ? ᐅᖃᐅᓯᕆᓗᓂ ᓵᓐᓄᓪᓗ ᐱᑎᓪᓗᒍ, ᑭᓇ ᐅᖃᐅᓯᖃᕐᓯᒪᕙ ᑍᑦᓱᒪᓂᐊᓗᖕᓂᑦ ᐱᔪᒫᕐᑐᓂᒃ? ᑍᒤᓕᐅᕈᓐᓇᕐᑐᖅ ᐅᖃᓚᐅᕐᓕ ᓱᓇ ᐱᔪᒫᓕᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 45:13

ᓮᕋᓯ ᒪᑭᑎᓯᒪᕙᕋ ᓇᓛᒎᕐᓂᓐᓄᑦ, ᐊᖅᑯᑎᒋᓂᐊᕐᑕᓕᒫᖏᓪᓗ ᑐᑭᓕᐊᕐᓯᑎᓐᓂᐊᕐᐸᒃᑲ; ᐃᒡᓗᒐᓴᒡᔪᐊᖁᑎᒃᑲ ᓴᓇᔪᒫᕐᐰᑦ ᐊᐅᓪᓚᕈᑦᔭᐅᓯᒪᔪᖁᑎᒃᑲᓗ ᑎᒍᔭᐅᓯᒪᔪᓐᓃᕐᑎᓪᓗᒋᑦ, ᐊᑭᓕᕐᑕᐅᓂᕐᒨᖏᑦᑐᖅ ᐊᑭᓕᕐᑕᐅᔪᒪᓂᕐᒨᖏᑦᑐᕐᓗ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:44

“ᑕᑯᒋᑦ, ᓛᔭᑎᑐᑦ ᑕᕐᕆᓯᒪᕕᖕᒥᖕᓂᑦ ᔪᐊᕐᑕᓂᐅᑉ ᓯᓈᓂᑦ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᔪᖕᒧᑦ ᐃᕕᒃᓱᒐᖃᕐᑐᒧᑦ, ᐹᐱᓘᓂᒥᐅᑦ ᐊᖑᑦᓴᐅᑎᒋᔪᒫᕐᐸᒃᑲ ᕿᒫᑎᓪᓗᒋᑦ ᓄᓇᒥᖕᓂᑦ, ᑭᓇᒥᒃ ᑎᓕᔭᒃᓴᖃᕐᐳᖔ ᑍᒤᓕᐅᕈᓐᓇᕐᑐᒥᒃ? ᑭᓇ ᐅᕙᑦᑐᑦ ᑍᒤᑉᐹ, ᐅᕙᓐᓂᒃ ᐊᑭᓕᖃᕈᓐᓇᕐᑐᖅ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᓴᐱᓯᓯᒪᔪᓐᓇᕐᑐᒦᒃ?

ᒫᑯᓯᐅᑉ ᐊᒡᓚᖏᑦ 10:21

ᔩᓱᓯᐅᑉ ᑕᑯᓴᕐᓗᒍ ᓇᒡᓕᒋᓪᓗᓂᐅᒃ ᐅᖃᐅᑎᕚ, “ᐊᑕᐅᓯᕐᒥᒃ ᓱᓕ ᐱᓐᖏᓚᑎᑦ; ᐂᓗᑎᑦ ᐱᖁᑎᖕᓂᒃ ᓂᐅᕐᕈᑎᖃᕆᐊᕐᑐᕆᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᒃᓴᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”