ᐂᓮᐊᓯᐅᑉ ᐊᒡᓚᖏᑦ 46:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᖅᑬᓕᕆᑦᓯ ᑍᑦᓱᒪᓂᐊᓗᒃ ᐊᑐᓚᐅᕐᑐᓂᒃ; ᐅᕙᖓᐅᕗᖅ ᒎᑎ, ᐊᓯᓐᓂᒡᓗ ᐱᑕᖃᕋᓂ, ᐅᕙᖓᐅᕗᖅ ᒎᑎ, ᐅᕙᑦᑐᑦ ᑍᒤᑦᑐᕐᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 46:9 Iomraidhean Croise

ᔫᐱᐅᑉ ᐊᒡᓚᖏᑦ 10:13

ᒫᓐᓇᓕ ᑐᑭᓯᕗᖓ ᓱᓇᐅᕝᕙ ᑕᒪᒃᑯᐊ ᐃᔨᕐᓯᒪᓚᐅᕐᐸᑎᑦ ᐅᕙᓐᓄᑦ ᑕᒪᐅᓈᕐᑎᓐᓂᐊᕐᓂᕋᕕᖓ.

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 9:14

ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᐂᓮᐊᓯᐅᑉ ᐊᒡᓚᖏᑦ 41:26

ᑭᐊ ᓇᓗᓁᓚᐅᕐᐸᐅᒃ ᐱᒋᐊᕐᓂᖓᓂᑦ? ᑕᒪᑐᒥᖓ ᖃᐅᔨᖁᓪᓗᑕ, ᐊᑐᓚᐅᕐᑎᓐᓇᒍ ᐅᖃᕈᓐᓇᖁᓪᓗᑕ, ‘ᐅᓇ ᓱᓕᔪᖅ.’ ᐃᓛᒃ, ᐱᑕᖃᓐᖏᓚᖅ ᓇᓗᓁᕐᓯᔪᓐᓇᕐᑐᒥᒃ, ᑐᓴᕐᑎᑦᓯᔪᖃᕈᓐᓇᓐᖏᓚᕐᓘᓐᓃᑦ, ᐅᖃᐅᓯᕐᑎᑦ ᑐᓴᕐᑕᐅᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 41:27

ᓯᕗᓪᓕᕐᐹᒥᒃ ᓮᐅᓂ ᐅᖃᐅᑎᓚᐅᕐᐸᕋ, ‘ᑕᑯᒋᑦ ᕾᓕᕐᐳᑦ!’ ᔨᕉᓴᓕᒻᓗ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᑐᓂᒃ ᑐᓂᓯᕕᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 42:9

ᑕᑯᒋᑦ, ᐊᑐᓚᐅᕐᑐᑦ ᐊᓂᒍᕐᓯᒪᓕᕐᐳᑦ, ᒫᓐᓇᓗ ᓄᑖᓂᒃ ᓇᓗᓁᕐᓯᕕᒋᕙᑦᓯ; ᓱᓕ ᐊᑐᓕᓚᐅᕐᑎᓐᓇᒋᑦ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ.”

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 45:18

ᐃᒫ ᑕᕝᕙ ᐊᑕᓂᖅ ᐅᖃᕐᐳᖅ, ᕿᓚᖕᒥᐅᓂᒃ ᐱᓐᖑᕐᑎᑦᓯᓚᐅᕐᑐᖅ, ᑖᓐᓇ ᒎᑎᐅᖕᒪᑦ, ᓄᓇᕐᔪᐊᖅ ᐋᖅᑭᒃᓱᓚᐅᕐᒪᒍ ᓴᓇᓪᓗᒍ ᐃᓂᓕᐅᕐᓗᒍᓗ; ᐱᓐᖑᕐᑎᓚᐅᓐᖏᓛ ᓱᓇᖃᖁᓇᒍ, ᐱᓐᖑᕐᑎᓚᐅᕐᐹᓕ ᐃᓄᖃᕐᑐᒃᓴᐅᖁᓪᓗᒍ, “ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒡᓗ ᐱᑕᖃᕋᓂ.

ᐂᓮᐊᓯᐅᑉ ᐊᒡᓚᖏᑦ 46:5

ᑭᓇᒧᑦ ᐊᑦᔨᐅᑎᑦᓱᓐᓇᕐᐱᓯᓐᖔ? ᓇᓪᓕᐅᒪᔭᐅᔪᓐᓇᕐᓂᕋᕐᓗᖓᓗ, ᑭᓇᒧᑦ ᑍᒤᓪᓗᐊᕆᔭᐅᑎᓐᓂᐊᕐᐱᓯᓐᖔ ᐊᑦᔨᒌᑯᓪᓗᓄᒃ?

ᐂᓮᐊᓯᐅᑉ ᐊᒡᓚᖏᑦ 48:3

ᑍᑦᓱᒪᓂᐊᓘᑎᓪᓗᒍ ᓱᓕ ᐱᓚᐅᕐᑐᕕᓂᕐᓂᒃ ᐅᖃᐅᑎᓯᒪᕙᑦᓯ, ᓇᖕᒥᓂᖅ ᖃᓂᓐᓂᑦ ᐊᓂᓪᓗᑎᒃ, ᑐᓴᕐᑕᐅᑎᓪᓗᒋᓪᓗ. ᐃᓕᑦᓯᓐᓄᑦ ᓇᓪᓕᐅᑎᑳᓪᓚᓚᐅᕐᐳᑦ ᐱᓇᓱᐊᓚᐅᕋᒃᑭᑦ ᖄᖏᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 65:17

“ᑕᑯᒋᑦ, ᐱᓐᖑᕐᑎᑦᓯᔪᒫᕐᐳᖓ ᕿᓚᖕᒥᒃ ᓄᑖᒥᒃ, ᓄᓇᒥᒡᓗ ᓄᑖᒥᒃ, ᐱᑐᕾᑦ ᐃᖅᑲᐅᒪᔭᐅᔪᒫᓐᖏᓚᑦ ᐃᓱᒪᓇᕈᓐᓃᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 49:19

ᑕᑯᒋᑦ, ᐃᒤᑦᓱᒫᕐᐳᖅ ᓛᔭᑎᑐᑦ ᓇᐹᕐᑐᐃᑦ ᐃᒻᒧᐊᓂ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᒧᑦ ᔪᐊᕐᑕᓂᐅᑉ ᑰᖓᓄᑦ, ᑍᒫᒃᑕᐅᖅ ᐄᑐᒥᒥᐅᑦ ᐊᖑᔪᒫᕐᐸᒃᑲ ᓄᓇᖓᓐᓂ ᑕᕝᕔᓐᓇᖅ, ᓇᓪᓕᐊᓐᓂᒃ ᑍᒤᓕᐅᕐᑐᒃᓴᒥᒃ ᓂᕈᐊᕈᓐᓇᕐᐳᖔ, ᑭᓇ ᐅᕙᑦᑐᑦ ᑍᒤᑉᐹ? ᐊᑭᓕᖃᕈᓐᓇᕐᑐᖅ ᐅᕙᓐᓂᒃ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᐊᑭᕋᕐᑐᕈᓐᓇᕐᑐᒥᒃ?

ᔨᕆᒤᐊᐅᑉ ᐊᒡᓚᖏᑦ 50:44

“ᑕᑯᒋᑦ, ᓛᔭᑎᑐᑦ ᑕᕐᕆᓯᒪᕕᖕᒥᖕᓂᑦ ᔪᐊᕐᑕᓂᐅᑉ ᓯᓈᓂᑦ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᔪᖕᒧᑦ ᐃᕕᒃᓱᒐᖃᕐᑐᒧᑦ, ᐹᐱᓘᓂᒥᐅᑦ ᐊᖑᑦᓴᐅᑎᒋᔪᒫᕐᐸᒃᑲ ᕿᒫᑎᓪᓗᒋᑦ ᓄᓇᒥᖕᓂᑦ, ᑭᓇᒥᒃ ᑎᓕᔭᒃᓴᖃᕐᐳᖔ ᑍᒤᓕᐅᕈᓐᓇᕐᑐᒥᒃ? ᑭᓇ ᐅᕙᑦᑐᑦ ᑍᒤᑉᐹ, ᐅᕙᓐᓂᒃ ᐊᑭᓕᖃᕈᓐᓇᕐᑐᖅ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᓴᐱᓯᓯᒪᔪᓐᓇᕐᑐᒦᒃ?

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᔪᐃᓕᐅᑉ ᐊᒡᓚᖏᑦ 2:27

ᖃᐅᔨᔪᒫᕐᐳᓯᓗ ᐃᓴᕆᐊᓕᒥᐅᑦ ᐊᑯᓐᓂᖓᓃᓐᓇᒪ: ᐅᕙᖓ ᐊᑕᓂᐅᕗᖓ ᒎᑎᓯ ᐊᓯᓐᓂᒃ ᐱᑕᖃᓐᖏᓚᖅ. ᐃᓄᖁᑎᒃᑲ ᖃᖓᓕᒫᖅ ᑲᓐᖑᓱᒃᑎᑕᐅᓚᐅᕐᓯᒪᓂᐊᕈᓐᓁᕐᐳᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᒨᓯᓯ ᑕᓪᓕᒪᖏᑦ 32:7

ᐅᓪᓗᓂᒃ ᐃᖅᑬᓚᐅᕆᑦᓯ ᑍᑦᓱᒪᓂᐅᓚᐅᕐᑐᓂᒃ; ᐊᑖᑕᓯ ᐊᐱᕐᓱᓚᐅᕐᓯᐅᒃ ᖃᓄᐃᑦᑐᖃᓚᐅᕐᓯᒪᖕᒪᖔᑦ, ᐊᖓᔪᖅᑳᓯᓗ ᐊᐱᕐᓱᓚᐅᕐᓯᐅᒃ ᑖᒃᑯᓇᓐᖓᑦ ᐅᖃᐅᑦᔭᐅᓂᐊᕋᑦᓯ.

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.