ᐂᓮᐊᓯᐅᑉ ᐊᒡᓚᖏᑦ 46:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᕝᕙ ᐃᕐᓲᑎᓪᓗᒍ ᐊᒡᔭᓕᕐᐹᑦ; ᐃᓂᒃᓴᖓᓄᓪᓗ ᐃᓕᓪᓗᒍ, ᑕᕝᕙᓂᓗ ᓇᐸᓕᕐᐳᖅ; ᐃᓂᒥᓂ ᐊᐅᓚᑦᔭᒍᓐᓇᓐᖏᓚᖅ, ᓂᓪᓕᐊᕕᐅᒐᓗᐊᕈᓂᓗ ᑭᐅᓂᐊᓐᖏᓚᖅ, ᖃᓄᐃᓐᓇᕐᑐᒦᓕᕐᐸᑕᓗ ᓴᐳᑦᔨᑦᔮᓇᓂ.

ᐂᓮᐊᓯᐅᑉ ᐊᒡᓚᖏᑦ 46:7 Iomraidhean Croise

ᐊᑕᓃᑦ ᓯᕗᓪᓖᑦ 18:26

ᑕᕝᕙ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᐱᕚᑦ ᑐᓂᔭᐅᓯᒪᔪᖅ, ᐊᑐᐃᓐᓇᕈᕐᓗᒍᓗ, ᒎᑎᒥᖕᓄᓪᓗ ᐰᓕᒧᑦ ᑐᒃᓯᐊᓚᐅᕐᐳᑦ ᐊᑎᖓ ᑍᓪᓗᒍ ᐅᓪᓛᒥᑦ ᐅᓪᓘᑉ ᕿᑎᕋᓕᕐᓂᖓᓄᑦ, ᐅᖃᕐᓗᑎᒃ, “ᐰᓖ, ᑐᓴᓚᐅᕐᑎᒍᑦ!” ᑭᓯᐊᓂᓕ ᓂᐱᖃᕐᑐᖃᓚᐅᓐᖏᓚᖅ, ᑭᐅᔪᖃᓚᐅᕋᓂᓗ. ᑖᓂᓯᕐᓗᑎᒃ ᑐᓂᕐᕈᓯᕐᕕᒃ ᓴᓇᓚᐅᕐᑕᑎᒃ ᑬᕙᓪᓚᖃᑦᑕᓚᐅᕐᐹᑦ.

ᐊᑕᓃᑦ ᓯᕗᓪᓖᑦ 18:29

ᐅᓪᓘᑉ ᕿᑎᕋᓕᕐᓂᖓ ᐊᓂᒍᕐᒪᑦ, ᓇᓚᐅᑦᑍᓇᓱᓚᐊᕐᐳᓪᓗ ᐅᓐᓄᖕᒧᑦ ᑐᓂᕐᕈᓯᕐᕕᒃᓴᒧᑦ ᑎᑭᓪᓗᑎᒃ, ᑭᓯᐊᓂᓕ ᓂᓪᓕᕐᑐᖃᓚᐅᓐᖏᓚᖅ; ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᕋᓂ, ᓂᐱᒥᒡᓘᓐᓃᑦ ᑐᓴᕐᓴᕈᕐᑐᖃᓚᐅᓐᖏᓚᖅ.

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 37:38

ᑐᒃᓯᐊᕐᑎᓪᓗᒍᓕ ᑐᒃᓯᐊᕐᕕᖕᒥᓂ ᒎᑎᒥᓄᑦ ᓂᓱᕌᒃᒧᑦ, ᐃᕐᓂᖏᒃᑕ ᒪᕐᕉᒃ ᐋᑕᕋᒥᓕᑭᐅᑉ ᓴᕆᔨᕆᐅᓪᓗ, ᓴᕕᒡᔪᐊᒥᖕᓄᑦ ᑲᐱᓪᓗᒍ ᑐᖁᑉᐹᒃ, ᕿᒫᓪᓗᑎᒡᓗ ᓄᓇᒧᑦ ᐊᕋᕌᑦᒧᑦ, ᐃᕐᓂᕆᖕᒥᔭᖓᓗ ᐃᓴᕼᐊᑕᓂ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑭᖑᕝᕕᐅᑎᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 40:20

ᐊᖑᓪᓕ ᐊᔪᕐᓴᕌᖓᒥ ᕿᔪᖕᒥᒃ ᓯᑕᒃᑕᒥᒃ ᐊᐅᓂᕈᕈᓐᓇᖏᑦᑐᒥᒃ ᓂᕈᐊᕐᓗᓂ, ᓴᓇᓐᖑᐊᕐᑎᒧᑦ ᓴᓇᔭᐅᑎᑦᓯᕙᒃᐳᖅ ᒎᑎᓐᖑᐊᒥᒃ ᐅᕐᕈᔭᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 41:28

ᕿᓂᓕᕋᒪᓕ ᐅᖃᕆᐊᕐᑐᕐᑐᒃᓴᒥᑦ ᐱᑕᖃᓚᐅᓐᖏᓚᖅ, ᐃᑲᔪᕐᑐᒃᓴᖃᓚᐅᓐᖏᓚᕐᓘᓐᓃᑦ, ᐊᐱᕆᒐᓗᐊᕋᒪ ᑭᐅᔪᒃᓴᕐᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 41:29

ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”

ᐂᓮᐊᓯᐅᑉ ᐊᒡᓚᖏᑦ 41:7

ᕿᔪᓕᕆᔨᐅᓪᓗ ᓱᖏᕐᓲᒻᒫᕚ ᒎᓗᓕᕆᔨ, ᑲᑦᔪᒡᓗᒍᓗ ᒪᓂᖅᑲᒃᓮᔨ ᓱᖏᕐᓱᐃᒋᕗᖅ ᑲᓱᐊᕐᕕᖕᒥ ᑲᓱᐊᕐᑐᒥᒃ, ᓴᕕᕋᔭᒃᓴᒥᒃ ᓂᐱᑎᕆᔪᖅ ᐅᖃᐅᑎᓪᓗᒍ, ‘ᐋᖅᑭᑦᓯᐊᕐᐳᖅ.’ ᑭᑭᐊᓄᓪᓗ ᑭᑭᐊᒃᑐᕐᐹᑦ ᐊᐅᓚᑦᔭᖁᓇᒍ.

ᐂᓮᐊᓯᐅᑉ ᐊᒡᓚᖏᑦ 44:12

ᓴᕕᕋᔭᖕᒥᒃ ᓴᓇᓐᖑᐊᕐᑎ ᓴᓇᕗᖅ ᐃᑯᒪᒧᑦ ᐅᓈᕐᓯᑎᑉᐸᒃᓗᒍ; ᓴᓇᓕᕐᐳᖅ ᑲᓱᐊᕐᓗᒍ ᒥᒃᓯᑖᕐᑎᑉᐹ, ᓴᓇᓪᓗᓂᐅᒃ ᑕᓕᖓᑕ ᓴᓐᖏᓂᖓᓄᑦ, ᓱᓕᓕ ᑳᓕᕐᐸᒃᐳᖅ, ᑕᖃᓪᓗᓂᓗ; ᐃᒥᖃᑦᑕᕈᓐᓃᑐᐊᕈᓂ ᑕᕝᕙ ᓄᑮᕈᑎᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 46:1

ᐱᐊᓪ ᐹᒻᒪᒃᑎᕐᐳᖅ, ᓂᐴᓗ ᐅᑯᓪᓗᓂ; ᒎᑎᓐᖑᐊᖏᑦ ᓇᖕᒪᒃᑕᐅᕗᑦ ᐆᒪᔪᖁᑎᖏᓐᓄᑦ ᐃᒻᒧᒃᓯᐅᒐᖁᑎᖏᓐᓄᓪᓗ. ᓇᖕᒪᒃᑕᐅᓪᓗᑎᒃ ᑕᒪᒃᑯᐊ ᓇᒃᓴᕐᑕᓯ ᐅᖁᒤᑦᑑᕗᑦ ᐆᒪᔪᖁᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 47:15

ᑕᒪᒃᑯᐊ ᑍᒤᑦᓱᒫᕐᐳᑦ ᐊᒃᓱᕈᕐᓗᓯ ᐱᓇᓱᐊᕐᓯᒪᔭᓯ, ᓄᓇᖃᕐᑐᑦ ᐊᓯᑦᓯᓐᓂᑦ ᓂᐅᕕᐊᕆᓯᒪᔭᓯ ᐃᓅᓱᖕᓂᑦᓯᓐᓂᑦ; ᐃᖏᕐᕋᕙᖕᒪᑕ ᓇᖕᒥᓂᖅ ᐅᐸᒍᒪᔭᒥᖕᓄᑦ; ᑖᒃᑯᐊᓕ ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓛᓯ.”

ᔨᕆᒤᐊᐅᑉ ᐊᒡᓚᖏᑦ 10:5

ᐱᕈᕐᓰᕕᖕᒥ ᑎᖕᒥᐊᓄᑦ ᑲᑉᐱᐊᓵᕆᑦᔪᑎᑎᑐᑦ ᑍᒤᑉᐳᑦ, ᒎᑎᒋᔭᐅᒐᓗᐊᕐᓗᑎᒃ ᐅᖃᕈᓐᓇᓐᖏᓚᑦ, ᐊᒡᔭᒐᑐᐃᓐᓇᐅᕗᑦ ᐱᓱᒍᓐᓇᖏᒻᒪᑕ; ᑲᑉᐱᐊᒋᑦᑍᓕᓯᐅᒃ ᐱᐅᖏᑦᑐᓕᔪᓐᓇᖏᒻᒪᑕ ᐱᐅᔪᒥᒡᓗ ᐱᓂᐊᕐᓂᖃᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 11:12

ᔫᑕᐅᑉ ᐃᒡᓗᒐᓴᖏᑦ ᔨᕉᓴᓕᒥᐅᓪᓗ ᐃᓄᖏᑦ, ᑕᑎᖃᕋᓱᐊᕈᒫᕐᐳᑦ ᒎᑎᓐᖑᐊᓂᒃ ᑐᒃᓯᐊᕐᕕᒋᕙᒃᑕᒥᖕᓂᒃ, ᐱᐅᓕᔨᒋᔪᓐᓇᕐᓂᐊᓐᖏᓔᓪᓕ ᑲᑉᐱᐊᓇᕐᑐᒧᑦ ᑎᑭᑕᐅᒍᑎᒃ.

ᔨᕆᒤᐊᐅᑉ ᐊᒡᓚᖏᑦ 2:28

“ᒎᑎᓯᓕ ᓴᓇᓚᐅᕐᑕᓯ ᓇᓃᒻᒪᑖ? ᐊᑲᐅᖏᑦᑐᒦᓕᕐᑎᓪᓗᓯ ᐱᐅᓕᓯᔪᓐᓇᕐᐸᑕ ᑍᒃᑯᐊ ᕾᓚᐅᕐᓕᑦ! ᒎᑎᖃᕐᐳᓯ ᓄᓇᓕᖁᑎᑦᓯᑐᑦ ᐅᓄᕐᑎᒋᔪᓂᒃ ᔫᑕᒥᐅᑕᐅᔪᓯ.

ᑖᓂᐊᓕᐅᑉ ᐊᒡᓚᖏᑦ 3:1

ᐊᖓᔪᖅᑳᕐᔪᐊᖅ ᓂᐱᑯᓁᓴ ᓴᓇᑎᑦᓯᕗᖅ ᐃᓄᓐᖑᐊᒥᒃ ᒎᓗᒥᒃ, 90ᓂᒃ ᐃᑎᒐᖕᓂᒃ ᐳᕐᑐᑎᒋᔪᒥᒃ ᐃᑎᒐᖕᓂᒡᓗ 9ᓂᒃ ᓴᓂᒧᑐᑎᒋᔪᒥᒃ, ᐃᓕᓪᓗᒍᓗ ᓇᑎᕐᓇᒧᑦ ᑑᕋᒥᒃ ᐊᑎᓕᖕᒧᑦ, ᐹᐱᓘᓂᐅᑉ ᐃᓚᖓᓄᑦ.

ᔫᓇᐅᑉ ᐊᒡᓚᖏᑦ 1:5

ᐅᒥᐊᕐᔪᐊᒥᐅᓪᓗ ᓇᖏᐊᕐᓗᑎᒃ ᑐᒃᓯᐊᓚᐅᕐᐳᑦ ᐊᑐᓂᑦ ᒎᑎᒋᔭᒥᖕᓄᑦ, ᐅᒥᐊᕐᔪᐊᓪᓗ ᐅᓯᔭᖏᑦ ᐃᒋᐅᖅᑲᕐᐰᑦ ᐃᒫᓄᑦ ᐅᕿᓐᓂᕐᓴᐅᑎᑕᐅᖁᓪᓗᒍ, ᔫᓇᓕ ᐃᑎᕐᓯᒪᓪᓗᓂ ᐅᒥᐊᕐᔪᐊᑉ ᐃᓗᐊᓄᑦ ᐅᓯᕕᖓᓂ ᐃᓐᓇᖓᓪᓗᓂ ᓯᓐᓇᕆᒃᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:2

ᖃᐅᔨᒪᒐᑦᓯ ᒎᑎᒧᑦ ᐅᒃᐱᓕᓚᐅᕐᑎᓐᓇᓯ, ᒎᑎᓐᖑᐊᓄᑦ ᐅᖃᕈᓐᓇᖏᑦᑐᓄᑦ ᐊᐅᓚᑕᐅᓚᐅᕋᑦᓯ, ᑕᒻᒪᕐᑎᑕᐅᓪᓗᓯᓗ.

ᓴᒧᐃᓕ ᓯᕗᓪᓖᑦ 5:3

ᐅᓪᓛᒻᒪᕆᒃᑯᒃ ᖃᐅᑎᓪᓗᒍ ᐋᔅᑖᑦᒥᐅᑦ ᐃᓄᖏᑦ ᒪᑭᓐᓇᒥᒃ, ᑕᑯᕗᑦ ᒎᑎᓐᖑᐊᖓ ᑍᒐᓐ ᐅᕐᕈᖓᔪᖅ ᐹᒻᒪᖓᓪᓗᓂ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓯᕗᕌᓂ. ᑕᕝᕙ ᑎᒍᕚᑦ ᐅᑎᕐᑎᓪᓗᒍᓗ ᐃᓂᖓᓄᑦ.