ᐂᓮᐊᓯᐅᑉ ᐊᒡᓚᖏᑦ 46:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

ᐂᓮᐊᓯᐅᑉ ᐊᒡᓚᖏᑦ 46:10 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᔫᐱᐅᑉ ᐊᒡᓚᖏᑦ 23:13

ᑖᓐᓇ ᐊᓯᑦᔨᕈᓐᓇᓐᖏᓚᖅ ᑭᐊᓕ ᓴᖑᑎᑦᓱᓐᓇᕐᐸᐅ? ᐱᓇᓱᐊᕈᒪᔭᒥᓂᒃ, ᐱᓇᓱᐊᕐᐸᒃᐳᖅ.

ᐃᓐᖏᕈᑎᑦ 135:6

ᐊᑕᓂᐅᑉ ᖁᕕᐊᒋᔭᓂ ᐱᓇᓱᐊᕐᐰᑦ, ᕿᓚᖕᒥ ᓄᓇᒥᓗ, ᐃᒪᕐᐱᖕᓂ, ᐃᑎᔪᕐᔪᐊᓂᓗ ᑕᒤᓐᓂ.

ᐃᓐᖏᕈᑎᑦ 33:11

ᐊᑕᓂᐅᓪᓕ ᓯᕗᓂᕐᒧᑦ ᐋᖅᑭᒃᓯᒪᔭᖏᑦ ᐃᓱᖃᖏᑦᑐᒧᑦ ᑲᔪᓯᕗᑦ, ᐆᒻᒪᑎᒥᒍᑦ ᓯᕗᒧᑦ ᐋᖅᑭᒃᓱᕐᓯᒪᔭᖏᑦ ᑭᖑᕚᖑᖃᑎᒌᓄᑦ ᑕᒤᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:21

ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 14:24

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 40:8

ᐃᕕᒃᓱᒊᑦ ᑐᖁᓕᕙᖕᒪᑕ ᐱᕈᕐᑐᓪᓗ ᑐᖁᓕᕙᒃᑭᓪᓗᑎᒃ; ᒎᑎᐅᓪᓕ ᐅᖃᐅᓯᖏᑦ ᑍᒤᓕᖎᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 41:21

ᐊᑕᓂᖅ ᐅᖃᕐᐳᖅ, “ᐊᑏ ᓵᓚᐅᑦᑍᓕᒪᔪᑎᑦᓯᓐᓂᒃ ᓴᖅᑭᑎᑦᓯᓚᐅᕆᑦᓯ, ᐂᕙᔭᐅᔪᓐᓇᖏᑦᑐᓂᒃ ᐅᖃᐅᓯᒃᓴᑦᓯᓐᓂᒃ ᓴᖅᑭᑎᑦᓯᓚᐅᕆᑦᓯ, ᔧᑰᑉ ᐊᖓᔪᖅᑳᕐᔪᐊᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 41:4

ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.

ᐂᓮᐊᓯᐅᑉ ᐊᒡᓚᖏᑦ 43:13

“ᒎᑎᐅᒐᒪ, ᐅᓪᓗᐃᑦ ᐱᒋᐊᓚᐅᕐᑎᓐᓇᒋᑦ ᓱᓕ ᐅᕙᖓᐅᕗᖓ ᑖᓐᓇᑦᓮᓐᓇᖅ; ᓇᓪᓕᐊᓪᓘᓐᓃᑦ ᑎᒍᒥᐊᕐᑕᓐᓂᒃ ᐲᕐᓯᔪᓐᓇᓐᖏᓚᖅ; ᐱᓇᓱᐊᕐᓂᒃᑲᓗ ᑭᓇᒧᓪᓘᓐᓃᑦ ᐊᒡᕕᐊᕐᑕᐅᔪᓐᓇᕋᑎᒃ.”

ᐂᓮᐊᓯᐅᑉ ᐊᒡᓚᖏᑦ 44:7

ᑭᓇ ᐅᕙᑦᑐᑦ ᑍᒤᑉᐸ, ᐊᑏ ᓇᓗᓁᕐᓯᓚᐅᕐᓕ? ᐅᖃᐅᓯᕆᓗᓂ ᓵᓐᓄᓪᓗ ᐱᑎᓪᓗᒍ, ᑭᓇ ᐅᖃᐅᓯᖃᕐᓯᒪᕙ ᑍᑦᓱᒪᓂᐊᓗᖕᓂᑦ ᐱᔪᒫᕐᑐᓂᒃ? ᑍᒤᓕᐅᕈᓐᓇᕐᑐᖅ ᐅᖃᓚᐅᕐᓕ ᓱᓇ ᐱᔪᒫᓕᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 46:11

ᐊᖑᓇᓱᒃᑎᒥᒃ ᑎᖕᒥᐊᕐᔪᐊᒥᒃ ᕾᖁᔨᓯᒪᕗᖓ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᐊᖑᑦ ᐱᓇᓱᐊᕐᑕᐅᖁᔭᓐᓂᒃ ᐱᓇᓱᐊᕐᓂᐊᕐᑐᖅ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᖅ; ᐅᖃᕇᕐᓯᒪᒐᒪ ᓇᓪᓕᐅᑎᑎᑦᓱᒫᕐᓗᒍᓗ. ᐱᓇᓱᐊᕈᒪᔭᓐᓂᒃ ᐅᖃᕐᓯᒪᒐᒪ; ᑍᒤᓕᐅᕐᓂᐊᕐᓗᖓᓗ.

ᐂᓮᐊᓯᐅᑉ ᐊᒡᓚᖏᑦ 48:14

ᐊᑕᖏᕐᓗᓯ ᑲᑎᓕᕆᑦᓯ, ᓈᓚᒡᓗᓯᓗ! ᓇᓪᓕᐊᑦᑕ ᑕᒪᒃᑯᐊ ᓇᓪᓕᐅᒃᑐᒃᓮᑦ ᐅᖃᐅᓯᕆᓚᐅᕐᐰᑦ? ᑖᓐᓇ ᐊᑕᓂᐅᑉ ᓇᒡᓕᒋᕚ; ᐱᓇᓱᐊᕈᒪᔭᓂᓗ ᐊᑐᕈᒫᕐᐹ ᐹᐱᓘᓂᒧᑦ, ᑕᓕᖓᓗ ᐱᒋᐊᕈᒫᕐᐳᖅ ᑲᐅᓪᑎᐊᒥᐅᓄᑦ.

ᐂᓮᐊᓯᐅᑉ ᐊᒡᓚᖏᑦ 48:3

ᑍᑦᓱᒪᓂᐊᓘᑎᓪᓗᒍ ᓱᓕ ᐱᓚᐅᕐᑐᕕᓂᕐᓂᒃ ᐅᖃᐅᑎᓯᒪᕙᑦᓯ, ᓇᖕᒥᓂᖅ ᖃᓂᓐᓂᑦ ᐊᓂᓪᓗᑎᒃ, ᑐᓴᕐᑕᐅᑎᓪᓗᒋᓪᓗ. ᐃᓕᑦᓯᓐᓄᑦ ᓇᓪᓕᐅᑎᑳᓪᓚᓚᐅᕐᐳᑦ ᐱᓇᓱᐊᓚᐅᕋᒃᑭᑦ ᖄᖏᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 44:28

ᑍᒃᑯᐊ ᐅᓇᑕᕐᑐᓄᑦ ᐱᔭᐅᖏᓪᓗᑎᒃ ᔫᑕᐅᑉ ᓄᓇᖓᓄᑦ ᐅᑎᕈᒫᕐᑐᑦ ᐅᓄᖏᑦᑐᑯᓘᔪᒫᕐᐳᑦ, ᔫᑕᒥᐅᕕᓃᑦ ᐊᒥᐊᒃᑯᖏᑦ ᐄᑦᔨᑉᑎᒥᐅᑕᐅᓕᕐᑐᑦ ᖃᐅᔨᖁᓪᓗᒋᑦ ᓇᓪᓕᐊᑦᑕ ᐅᖃᐅᓯᖏᑦ ᓱᓕᓂᕐᓴᐅᓕᕈᒫᕐᒪᖔᑕ, ᐅᕙᖓᓘᓐᓃᑦ ᑍᒃᑯᐊᓘᓐᓃᑦ.

ᐃᓯᑭᐊᓕᐅᑉ ᐊᒡᓚᖏᑦ 39:8

“ᑕᑯᒋᑦ, ᓇᓪᓕᐅᑎᔪᒫᕐᑐᖅ ᓇᓪᓕᐅᑎᓕᕐᐳᖅ, ᐊᑕᓂᖅ ᒎᑎ ᐅᖃᕐᐳᖅ. ᑖᓐᓇ ᑕᕝᕙ ᐅᓪᓗᖅ ᓇᓪᓕᐅᑎᓛᕐᓂᕋᕐᓗᒍ ᐅᖃᐅᓯᕆᓯᒪᔭᕋ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᕼᐆᓯᐊᑉ ᐊᒡᓚᖏᑦ 5:9

ᐃᕗᕅᒥᐅᑉ ᐅᓪᓗᖓ ᓱᒋᐊᕐᑕᐅᕕᒃ ᕾᓕᕐᒪᑦ; ᐃᓴᕆᐊᓕᒥᐅᓪᓗ ᐊᓯᕈᕐᑕᐅᔪᒫᕐᐳᑦ ᐃᓄᖏᑦ, ᑕᒪᓐᓇ ᑲᔪᓯᓪᓚᕆᖕᓂᐊᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 15:18

ᑍᒫᒃ ᐊᑕᓂᖅ ᐅᖃᕐᐳᖅ, ᑕᒪᑐᒥᖓ ᓇᓗᓁᕐᓯᓚᐅᕐᑐᖅ ᑍᑦᓱᒪᓂᐊᓗᒃ.’

ᐋᐴᓯᑕᓖᑦ ᐱᓂᐊᕐᓂᖏᑦ 3:23

ᐃᒤᑦᓱᒫᕐᐳᕐᓗ ᓇᓪᓕᐊᑦ ᑖᑦᓱᒥᖓ ᓇᓚᐅᑦᑍᔪᒥᒃ ᓈᓚᖏᑦᑐᖅ, ᐃᓄᖕᓂᑦ ᐊᕕᑕᐅᓗᓂ ᐊᓯᕈᕐᑕᐅᔪᒫᕐᐳᖅ.’

ᐋᐴᓯᑕᓖᑦ ᐱᓂᐊᕐᓂᖏᑦ 5:39

ᒎᑎᒥᓪᓕ ᐱᒃᐸᑦ, ᓵᓚᖃᕈᓐᓇᓐᖏᓚᓯ. ᐊᒡᓛᑦ ᖃᐅᔨᔭᐅᒐᔭᕐᐳᓯ ᒎᑎᒥᒃ ᐊᑭᕋᕐᑐᓕᕐᑎᓪᓗᓯ!”

ᐄᑉᕈᐃᓄᑦ 6:17

ᒎᑎᓕ ᖁᓚᕐᓇᖏᑦᓯᐊᕐᑐᒥᒃ ᐊᖏᕈᑎᒋᔭᒥᓂᒃ ᐊᓯᑦᔨᑦᔮᖏᓐᓂᖓᓂᒃ ᖃᐅᔨᑎᑦᓯᔪᒪᒐᒥ ᐊᖏᒻᒪᕆᒍᑕᐅᔪᒥᒃ ᑲᔪᓯᑎᑦᓯᔪᒃᓴᓄᑦ, ᖁᓚᕐᓁᕐᑎᓚᐅᕐᐹ ᐊᖏᒻᒪᕆᖕᓂᕐᒥᒃ ᓇᓗᓁᒃᑯᓯᕐᓗᓂᐅᒃ.