ᐂᓮᐊᓯᐅᑉ ᐊᒡᓚᖏᑦ 46:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐱᐊᓪ ᐹᒻᒪᒃᑎᕐᐳᖅ, ᓂᐴᓗ ᐅᑯᓪᓗᓂ; ᒎᑎᓐᖑᐊᖏᑦ ᓇᖕᒪᒃᑕᐅᕗᑦ ᐆᒪᔪᖁᑎᖏᓐᓄᑦ ᐃᒻᒧᒃᓯᐅᒐᖁᑎᖏᓐᓄᓪᓗ. ᓇᖕᒪᒃᑕᐅᓪᓗᑎᒃ ᑕᒪᒃᑯᐊ ᓇᒃᓴᕐᑕᓯ ᐅᖁᒤᑦᑑᕗᑦ ᐆᒪᔪᖁᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 46:1 Iomraidhean Croise

ᔫᐱᐅᑉ ᐊᒡᓚᖏᑦ 39:11

ᓴᓐᖏᓂᖓ ᐊᔪᖏᓐᓂᖓᓗ ᑕᑎᒋᓕᕋᔭᕐᐱᐅᒃ? ᐱᓇᓱᐊᒐᒃᓴᑎᓪᓗ ᑖᑦᓱᒧᖓ ᐱᓇᓱᐊᕐᑕᐅᑎᓕᕋᔭᕐᐱᒋᑦ?

ᒨᓯᓯ ᐂᑉᐸᖏᑦ 12:12

“ᑕᕝᕙᓂ ᐅᓐᓄᒥ ᐄᑦᔨᑉᑎᐅᑉ ᓄᓇᖓᒍᑦ ᐃᖏᕐᕋᓂᐊᕋᒪ, ᐄᑦᔨᑉᑎᒥᓗ ᐃᕐᓂᐊᖑᖅᑳᕐᓯᒪᔪᓕᒫᑦ ᑐᖁᓐᓂᐊᕐᐸᒃᑲ, ᐃᓄᖕᓂᓗ ᐆᒪᔪᓂᓗ; ᐄᑦᔨᑉᑎᒥᐅᓪᓗ ᒎᑎᓐᖑᐊᓕᒫᖏᑦ ᓱᒋᐊᕐᓂᐊᕐᐸᒃᑲ ᑐᑭᓯᖁᓪᓗᒋᑦ, ᐅᕙᖓ ᐊᑕᓂᐅᒐᒪ.

ᐂᓮᐊᓯᐅᑉ ᐊᒡᓚᖏᑦ 2:18

ᒎᑎᓐᖑᐊᓪᓗ ᐊᑕᖏᑦᓯᐊᕐᓗᑎᒃ ᐱᑕᖃᕈᓐᓃᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 21:9

ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:6

ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 46:7

ᑕᕝᕙ ᐃᕐᓲᑎᓪᓗᒍ ᐊᒡᔭᓕᕐᐹᑦ; ᐃᓂᒃᓴᖓᓄᓪᓗ ᐃᓕᓪᓗᒍ, ᑕᕝᕙᓂᓗ ᓇᐸᓕᕐᐳᖅ; ᐃᓂᒥᓂ ᐊᐅᓚᑦᔭᒍᓐᓇᓐᖏᓚᖅ, ᓂᓪᓕᐊᕕᐅᒐᓗᐊᕈᓂᓗ ᑭᐅᓂᐊᓐᖏᓚᖅ, ᖃᓄᐃᓐᓇᕐᑐᒦᓕᕐᐸᑕᓗ ᓴᐳᑦᔨᑦᔮᓇᓂ.

ᔨᕆᒤᐊᐅᑉ ᐊᒡᓚᖏᑦ 10:5

ᐱᕈᕐᓰᕕᖕᒥ ᑎᖕᒥᐊᓄᑦ ᑲᑉᐱᐊᓵᕆᑦᔪᑎᑎᑐᑦ ᑍᒤᑉᐳᑦ, ᒎᑎᒋᔭᐅᒐᓗᐊᕐᓗᑎᒃ ᐅᖃᕈᓐᓇᓐᖏᓚᑦ, ᐊᒡᔭᒐᑐᐃᓐᓇᐅᕗᑦ ᐱᓱᒍᓐᓇᖏᒻᒪᑕ; ᑲᑉᐱᐊᒋᑦᑍᓕᓯᐅᒃ ᐱᐅᖏᑦᑐᓕᔪᓐᓇᖏᒻᒪᑕ ᐱᐅᔪᒥᒡᓗ ᐱᓂᐊᕐᓂᖃᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 50:2

“ᐃᓅᖃᑎᒌᒡᔪᐊᓂ ᐅᖃᐅᑎᒋᓯᐅᒃ ᑐᓴᕐᑕᐅᑎᓪᓗᒍᓗ, ᓇᓗᓁᒃᑯᑕᖃᕐᓗᓯ ᐅᖃᐅᓯᕆᓯᐅᒃ, ᑐᓴᕐᑕᐅᔭᕆᐊᓖᑦ ᐅᖃᐅᑎᒋᔧᓐᓇᕆᓯᐅᒃ ᐅᖃᕐᓗᓯᓗ, ᐹᐱᓘᓂᒥᐅᑦ ᓵᓚᐅᓗᑎᒃ ᑎᒍᔭᐅᓂᐊᕐᐳᑦ, ᒎᑎᖓᑦ ᐱᐊᓪ ᑲᓐᖑᓱᒃᑎᑕᐅᓂᐊᕐᐳᖅ, ᒎᑎᖓᓪᓗ ᒥᕈᑖᒃ ᑲᑉᐱᐊᓱᒃᑎᑕᐅᓂᐊᕐᐳᖅ, ᐊᑦᔨᖏᓪᓗ ᓴᓇᔭᐅᓯᒪᔪᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᒎᑎᒋᔭᓕᒫᖏᑦ ᑲᑉᐱᐊᓇᕐᑐᒦᑎᑕᐅᓂᐊᕐᐳᑦ!

ᔨᕆᒤᐊᐅᑉ ᐊᒡᓚᖏᑦ 50:38

ᐃᒪᖁᑎᓕᒫᖏᑦ ᓴᓗᐊᕈᒫᕐᐳᑦ, ᒎᑎᓐᖑᐊᖃᕐᕕᑐᐃᓐᓇᐅᖕᒪᑦ, ᐃᓄᖏᑦ ᑐᑮᕈᑎᔪᒫᕐᐳᑦ ᑲᑉᐱᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 51:47

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐹᐱᓘᓂᒥᐅᑦ ᒎᑎᖏᓐᓂᒃ ᓱᒋᐊᕐᓯᔪᒫᕐᓂᕋ, ᓄᓇᓕᒫᖓᑦ ᐱᐅᔪᓐᓃᕐᑎᑦᓱᒫᕐᐸᕋ, ᑐᖁᕋᕐᑕᐅᓂᑯᐃᑦ ᓄᓇᖓᓐᓂ ᓇᓂᑐᐃᓐᓈᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:52

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᑎᑭᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᒎᑎᒋᔭᖏᑦ ᓱᒋᐊᕈᒫᕋᒃᑭᑦ, ᓄᓇᖏᓐᓂᓗ ᓇᓂᑐᐃᓐᓇᖅ ᓂᐹᔪᖃᕈᒫᕐᐳᖅ ᐃᑭᓕᕐᑕᐅᓂᑯᓂᒃ.

ᑖᓂᐊᓕᐅᑉ ᐊᒡᓚᖏᑦ 11:8

ᑖᑦᓱᒪ ᑎᒍᔪᒫᕐᐰᑦ ᒎᑎᓐᖑᐊᖏᑦ, ᐃᓄᓐᖑᐊᑦ ᓴᕕᕋᔧᑦ ᐱᖁᑎᖏᓪᓗ ᐊᑭᑐᔪᑦ ᓯᐅᓪᕕᕇᑦ, ᒎᓗᐃᓪᓗ ᐊᐅᓪᓚᕈᑎᓗᒋᑦ ᐄᑦᔨᑉᑎᒧᑦ, ᐊᕐᕌᒍᓂᒡᓗ ᐅᓄᕐᑐᓂᒃ ᐊᖓᔪᖅᑳᕐᔪᐊᖅ ᐅᓐᓄᐊᑉ ᓇᓛᓃᑦᑐᖅ ᑲᒪᒋᓐᖏᑬᓐᓇᕈᒫᕐᐹ.

ᑖᓂᐊᓕᐅᑉ ᐊᒡᓚᖏᑦ 3:14

ᓂᐱᑯᓁᓴᐅᓪᓗ ᐅᖃᐅᑎᕔᑦ, “ᓵᑐᕌᑭ, ᒥᓵᑭ, ᐊᐱᓐᑎᒎ, ᓱᓕᕚ? ᒎᑎᒃᑲᒎᖅ ᐱᔨᑦᓯᕈᒪᖏᓐᓇᑦᓯᐅᒃ, ᐃᓄᓐᖑᐊᕐᓗ ᒎᓗ ᓴᓇᔭᐅᑎᓚᐅᕐᑕᕋ ᑐᒃᓯᐊᕐᕕᒋᔪᒪᖏᓐᓇᑦᓯᐅᒃ?

ᓇᕼᐅᒥᐅᑉ ᐊᒡᓚᖏᑦ 1:14

ᐊᑕᓂᖅ ᐱᖁᔭᓕᐅᓚᐅᕐᐳᖅ ᐊᑭᕋᑦᓯᓐᓄᑦ: “ᑭᖑᕚᒃᓴᖃᕐᓂᐊᕈᓐᓁᕐᐳᓯ; ᒎᑎᓯᓗ ᑐᒃᓯᐊᕐᕕᑦᓯᓐᓃᑦᑐᑦ ᓴᓇᓐᖑᐊᕐᓯᒪᔪᑦ ᖄᐹᓕᕐᓯᒪᔪᓪᓗ ᓴᕕᕋᔭᖕᒥᒃ ᓄᖑᑎᓐᓂᐊᕐᐸᒃᑲ. ᒫᓐᓇ ᐃᑎᕐᓴᓕᐅᕆᓕᕐᐳᖓ ᐃᓗᕕᕐᕕᒃᓴᑦᓯᓐᓂᒃ ᐊᑑᑎᖃᕈᓐᓃᕋᑦᓯ.”

ᒨᓯᓯ ᓯᑕᒪᖏᑦ 32:38

ᓂᐴᒥ ᐰᓕ-ᒥᐅᓂᒥᓗ (ᑖᒃᑯᐊ ᐊᑎᖏᑦ ᐊᓯᓐᖑᕐᑎᑕᐅᓚᐅᕐᑐᑦ) ᓯᑉᒪᒥᒡᓗ; ᐊᑎᕐᑖᕐᑎᑦᓯᓚᐅᕐᐳᑦ ᐃᒡᓗᒐᓴᒡᔪᐊᓂᒃ ᓴᓇᔭᒥᖕᓂᒃ.

ᒫᑎᐅᓯᐅᑉ ᐊᒡᓚᖏᑦ 23:4

ᓇᖕᒪᒐᒃᓴᓂᒃ ᕿᓚᒃᓱᐃᕗᑦ ᐅᖁᒤᑦᑐᓂᒃ, ᐃᓄᐃᑦ ᓇᖕᒪᖕᓂᐊᕐᑕᖏᓐᓂᒃ; ᓇᖕᒥᓂᕐᓕ ᒥᑭᔪᒥᒡᓘᓐᓃᑦ ᐊᒃᑐᐃᔪᒪᓇᑎᒃ.

ᓴᒧᐃᓕ ᓯᕗᓪᓖᑦ 5:3

ᐅᓪᓛᒻᒪᕆᒃᑯᒃ ᖃᐅᑎᓪᓗᒍ ᐋᔅᑖᑦᒥᐅᑦ ᐃᓄᖏᑦ ᒪᑭᓐᓇᒥᒃ, ᑕᑯᕗᑦ ᒎᑎᓐᖑᐊᖓ ᑍᒐᓐ ᐅᕐᕈᖓᔪᖅ ᐹᒻᒪᖓᓪᓗᓂ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᑕ ᓯᕗᕌᓂ. ᑕᕝᕙ ᑎᒍᕚᑦ ᐅᑎᕐᑎᓪᓗᒍᓗ ᐃᓂᖓᓄᑦ.