ᐂᓮᐊᓯᐅᑉ ᐊᒡᓚᖏᑦ 45:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 45:17 Iomraidhean Croise

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 26:4

ᐊᑕᓂᖅ ᑕᑎᒋᓯᐅᒃ ᐃᓱᖃᖏᑦᑐᒧᑦ, ᑖᓐᓇ ᐊᑕᓂᖅ ᒎᑎᐅᖕᒪᑦ ᔭᕼᐊ! ᐃᓱᖃᖏᑦᑐᒧᑦ ᐱᔪᓐᓇᐅᑎᒃᓴᖅ ᕾᕐᑑᔪᖅ.

ᐂᓮᐊᓯᐅᑉ ᐊᒡᓚᖏᑦ 29:22

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐱᐅᓕᒃᓯᓚᐅᕐᑐᖅ ᐂᑉᕋᕼᐋᒻᒥᒃ, ᔧᑰᑉ ᑭᖑᕚᖏᑦ ᐱᓪᓗᒋᑦ: “ᔧᑰᑉ ᑭᖑᕚᖏᑦ ᑲᓐᖑᓱᒃᑎᑕᐅᓂᐊᕈᓐᓃᕐᐳᑦ, ᑮᓇᖏᓪᓗ ᐊᐅᖃᕈᓐᓃᖃᑦᑕᕐᓂᐊᕈᓐᓃᕐᓗᑎᒃ ᑲᓐᖑᓱᖕᓂᕐᒧᑦ;

ᐂᓮᐊᓯᐅᑉ ᐊᒡᓚᖏᑦ 33:6

ᐊᑕᓂᖅ ᐊᐅᓚᑕᐅᔪᓐᓇᖏᑦᑐᒥᒃ ᑐᓐᖓᕕᒃᓴᐅᓂᐊᕐᐳᖅ ᐊᑐᕐᑕᑦᓯᓐᓂ. ᐊᔪᕐᓴᕐᑎᑦᓯᓂᐊᓐᖏᓚᖅ ᐱᐅᓕᔭᐅᓂᕐᒥᒃ ᓯᓚᑐᓂᕐᒥᒡᓗ ᖃᐅᔨᒪᓂᕐᒥᒡᓗ. ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᑕᒪᒃᑯᓂᖓ ᐊᔪᕐᓴᖏᑦᔪᑎᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 45:25

ᐊᑕᓂᕐᒥᓕ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᓵᓚᖃᕐᑎᑕᐅᔪᒫᕐᐳᑦ, ᓂᕐᑐᕐᓇᕐᑎᑕᐅᓗᑎᒡᓗ.’”

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 50:7

ᐊᑕᓂᐅᑉ ᒎᑎᐅᑉ ᐃᑲᔪᕐᓂᐊᕐᒪᖓ; ᑍᒤᒻᒪᑦ ᑲᓐᖑᓱᒃᑎᑕᐅᓐᖏᓚᖓ; ᑍᒤᒻᒪᑦ ᑮᓇᕋ ᐅᔭᕋᒃᑐᑦ ᓯᑎᔪᑐᑦ ᒪᓂᕙᕋ, ᖃᐅᔨᒪᒐᒪ ᑲᓐᖑᓱᒃᑎᑕᐅᓂᐊᖏᓐᓂᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 54:4

ᑲᑉᐱᐊᓱᒃᑍᓕᒋᑦᓯ, ᑲᓐᖑᓇᕐᑐᒧᐊᕐᑎᑕᐅᓂᐊᓐᖏᓚᓯ; ᓇᓗᓕᕐᑎᑕᐅᓂᐊᓐᖏᓚᓯᓗ, ᑲᓐᖑᓱᒃᑎᑕᐅᓂᐊᕋᓯᓗ; ᐅᕕᒐᕐᑑᓂᑦᓯᓐᓄᑦ ᑲᓐᖑᓇᕐᑐᒦᓐᓂᕆᕙᓚᐅᕐᑕᓯ ᐳᐃᒍᕈᒫᕐᐸᓯ; ᐅᐃᒡᒐᕐᓂᐅᓂᑦᓯᓐᓄᑦ ᓇᕐᕈᓇᕈᑎᒋᓚᐅᕐᑕᓯ ᐃᖅᑲᐅᒪᔪᓐᓁᕈᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 54:8

ᓂᓐᖓᓗᐊᕐᓂᑯᒧᑦ ᐊᑯᓂᐅᖏᑦᑐᖅ ᑮᓇᕋ ᐃᓕᑦᓯᓐᓂᑦ ᐊᓚᓚᐅᕋᒃᑯ; ᓇᒡᓕᖕᓂᓐᓄᓪᓕ ᓱᖁᓯᔪᐃᑦᑐᒧᑦ ᐱᑦᓯᐊᕐᕕᒋᓂᐊᕐᐸᑦᓯ, ᑍᒫᒃ ᐊᑕᓂᖅ ᐅᖃᕐᐳᖅ, ᑖᓐᓇ ᐃᒻᒥᓄᑦ ᐅᑎᕐᑎᑦᓯᔨᓯ.

ᐂᓮᐊᓯᐅᑉ ᐊᒡᓚᖏᑦ 60:19

ᓯᕿᓂᖅ ᐅᓪᓘᒐᓗᐊᒃᑯᑦ ᖃᐅᒪᑦᔪᑎᒋᔭᕆᐊᖃᕈᒫᓐᖏᓚᓯ, ᑕᖅᑭᐅᓪᓗ ᖃᐅᒪᓂᖓ ᐅᓐᓄᐊᒥ ᖃᐅᒪᑦᔪᑎᒋᔭᕆᐊᖃᕈᒫᓐᖏᓐᓂᕙᓯ; ᐊᑕᓂᐅᑉ ᖃᐅᒪᓂᖓᓄᑦ ᖃᐅᒪᑎᑕᐅᓕᕈᒫᕋᑦᓯ ᑍᒫᓐᖓᓕᒫᖅ, ᒎᑎᓯᓗ ᐱᓐᓇᕐᓇᕐᓂᕆᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 31:3

ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᔫᓇᐅᑉ ᐊᒡᓚᖏᑦ 2:9

ᐅᕙᖓᓕ ᑐᓂᓯᕕᒋᔪᒪᕙᒋᑦ ᖁᔭᓕᓂᕐᒥᒃ ᓂᐱᖃᕐᓗᖓ, ᐊᑭᓖᔪᒪᕗᖓᓗ ᐊᖏᕈᑎᒋᓚᐅᕐᑕᓐᓂᒃ. ᐱᐅᓕᔭᐅᓂᖅ ᐊᑕᓂᕐᒥᑦ ᐱᕗᖅ!”

ᔨᐸᓁᐊᐅᑉ ᐊᒡᓚᖏᑦ 3:11

ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᓂᕆᓚᐅᕐᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᒥᒃ ᓄᖑᑎᑦᓱᒫᕐᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᕐᓯᒪᓂᐊᕈᓐᓁᕐᐳᓯ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.

ᔪᐊᓇᓯᐅᑉ ᐊᒡᓚᖏᑦ 10:28

ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒃᓘᓐᓃᑦ ᐊᕐᓵᕐᑕᐅᓂᐊᓐᖏᓚᖓ ᑖᒃᑯᓂᖓ ᐱᓯᒪᔭᓐᓂ.

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:40

ᑕᒪᑦᔭ ᐊᑖᑕᒪ ᐱᔪᒪᔭᖓ, ᐃᕐᓂᖓᓂᒃ ᑕᑯᔪᓕᒫᑦ ᐅᒃᐱᓕᕐᓗᑎᒡᓗ ᑖᑦᓱᒧᖓ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᖃᖁᓪᓗᒋᑦ; ᐅᕙᖓᓗ ᐆᒻᒪᕐᑎᑦᓱᒫᕐᐸᕋ ᐅᓪᓗᐃᑦ ᑭᖑᓪᓕᕐᐹᖓᓐᓂ.”

ᕉᒪᒥᐅᓄᑦ 10:11

ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᕉᒪᒥᐅᓄᑦ 11:26

ᑕᕝᕙ ᐃᓴᕆᐊᓕᒥᐅᓕᒫᑦ ᐱᐅᓕᔭᐅᔪᒫᕐᐳᑦ; ᑎᑎᕋᕐᓯᒪᖕᒪᑦ, “ᐱᐅᓕᔨ ᓮᐅᓂᒥᑦ ᑎᑭᑦᓱᒫᕐᐳᖅ, ᒎᑎᖃᖏᓐᓂᕐᓗ ᐲᔭᕈᒫᕐᐹ ᔧᑰᑉ ᑭᖑᕚᖏᓐᓂᑦ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᔪᐊᓇᓯ ᓯᕗᓪᓖᑦ 4:15

ᓇᓪᓕᐊᑦ ᔩᓱᓯ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᓯᔪᖅ, ᒎᑎ ᑖᑦᓱᒪᓃᑉᐳᖅ, ᑖᓐᓇᓗ ᒎᑎᒦᓪᓗᓂ.