ᐂᓮᐊᓯᐅᑉ ᐊᒡᓚᖏᑦ 45:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐊᑕᓂᖅ ᐃᒫᒃ ᐅᖃᕐᐳᖅ, ᐅᕐᓱᕐᑎᕐᓯᒪᔭᒥᓄᑦ ᓮᕋᓯᒧᑦ, ᑖᓐᓇ ᑕᓕᕐᐱᖓᒍᑦ ᑎᒍᕙᕋ ᓵᓚᖃᖁᓪᓗᒍ ᐃᓅᖃᑎᒌᒡᔪᐊᓂᒃ ᓯᕗᓂᕐᒥᓃᑦᑐᓂᒃ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᕐᔪᐊᕐᓯᐅᑎᖏᓐᓂᒃ ᐲᔧᖁᓪᓗᒍ, ᐅᒃᑯᐊᕐᔪᐊᓂᒃ ᒪᕐᕉᓕᖓᔪᓂᒃ ᐅᒃᑯᐃᕐᓯᑦᔪᑎᔪᒫᕐᐸᕋ ᐃᑎᕐᑕᕐᕖᓪᓗ ᐅᒃᑯᐊᕐᑕᐅᔪᓐᓇᕐᓂᐊᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 45:1 Iomraidhean Croise

ᐊᑕᓃᑦ ᓯᕗᓪᓖᑦ 19:15

ᐊᑕᓂᐅᓪᓗ ᐅᖃᐅᑎᕚ, “ᐅᑎᓕᕆᑦ, ᑕᒫᓯᑰᓯᐅᑉ ᐃᓄᖃᔪᐃᑦᑐᖓᒎᕐᓗᑎᑦ; ᑎᑭᒃᑯᕕᑦ, ᕼᐊᔧᐅᓪ ᒥᖑᐊᓛᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᓯᕆᐊᒧᑦ.

ᐄᓱᕋᐅᑉ ᐊᒡᓚᖏᑦ 1:1

ᓮᕋᓯ ᓯᕗᓪᓕᕐᐹᒥ ᐊᕐᕌᒍᒥ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕐᑎᒥᒍᑦ ᔨᕆᒤᐊᒃᑯᑦ ᓇᓚᐅᑦᓯᓚᐅᕐᐳᖅ, ᓮᕋᓯ ᐊᑕᓂᐅᑉ ᐃᓱᒪᑎᓚᐅᕐᐹ ᐱᓇᓱᐊᖁᓪᓗᒍ ᑎᓕᓯᖁᓪᓗᒍᓗ ᑎᑎᕋᕐᓯᒪᔪᑎᒍᑦ ᐅᖃᓕᒫᕐᑕᐅᖁᓪᓗᒋᓪᓗ ᓂᐱᖃᕐᓗᑎᒃ ᓄᓇᓂ ᐊᖓᔪᖅᑲᐅᕕᒋᔭᓕᒫᒥᓂ ᐃᒫᒃ:

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᔫᐱᐅᑉ ᐊᒡᓚᖏᑦ 12:21

ᐊᖓᔪᖅᑳᑦ ᑲᓐᖑᓇᕐᑐᒦᑎᑉᐰᑦ, ᐊᐅᓚᑦᓯᔩᓪᓗ ᐱᔪᓐᓇᕐᓂᖏᑦ ᓄᖑᑎᓪᓗᒋᑦ.

ᐃᓐᖏᕈᑎᑦ 73:23

ᐃᓕᖕᓄᓪᓕ ᖃᓂᑦᑑᖏᓐᓇᓚᐅᕐᐳᖓ; ᐊᒡᒐᒃᑯᑦ ᑕᓕᕐᐱᒃᑯᑦ ᑎᒍᒥᐊᓚᐅᕋᕕᖓ.

ᐂᓮᐊᓯᐅᑉ ᐊᒡᓚᖏᑦ 13:2

“ᖃᖅᑲᐅᑉ ᐳᕐᑐᔫᑉ ᐱᕈᕐᑐᖃᖏᑦᑑᑉ ᖄᖓᓂ ᓇᓗᓁᒃᑯᑦᓯᓕᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᕕᒋᓕᕐᓯᐅᒃ; ᑕᓕᑦᓯᓐᓄᓪᓗ ᓄᓗᕋᕐᓗᒋᑦ, ᐃᑎᕈᓐᓇᖁᓪᓗᒋᑦ ᐊᖓᔪᖅᑳᑦ ᐃᑎᕐᑕᕐᕕᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 13:3

ᐃᑦᔪᕐᓁᑎᑕᒃᑲ ᐱᖁᓯᒪᕙᒃᑲ; ᕾᖁᓪᓗᒋᓪᓗ ᐊᔪᖏᑦᑐᕐᔪᐊᖁᑎᒃᑲ ᓂᓐᖓᐅᑎᓯᒪᔭᓐᓂᒃ ᐱᓇᓱᐊᖁᓪᓗᒋᑦ, ᑖᒃᑯᐊ ᐊᖏᔪᕈᕐᑎᑕᐅᓂᓐᓂᒃ ᖁᕕᐊᓲᑎᖃᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 41:13

ᐅᕙᖓ ᐊᑕᓂᖅ ᒎᑎᒋᒐᕕᖓ, ᑕᓕᕐᐱᒃᑯᑦ ᑕᓯᐅᕋᒃᑭᑦ; ᐅᖃᐅᑎᓪᓗᑎᓪᓗ, ‘ᑲᑉᐱᐊᓱᒃᑍᓕᒋᑦ, ᐃᑲᔪᕐᓂᐊᕋᒃᑭᑦ.’

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 41:25

ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 42:6

“ᐅᕙᖓ ᐊᑕᓂᐅᔪᖓ, ᕾᖁᓚᐅᕐᐸᒋᑦ ᓇᓛᒎᕐᓂᒃᑯᑦ; ᐊᒡᒐᒃᑯᑦ ᑕᓯᐅᓚᐅᕐᐸᒋᑦ, ᑲᒪᒋᑦᓯᐊᕐᓗᑎᓪᓗ; ᑐᓂᓚᐅᕐᐸᒋᑦ ᐃᓄᖕᓄᑦ ᐊᖏᖃᑎᒌᒍᑕᐅᖁᓪᓗᑎᑦ, ᖃᐅᒪᓂᐅᖁᓪᓗᑎᓪᓗ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᐂᓮᐊᓯᐅᑉ ᐊᒡᓚᖏᑦ 45:5

ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 48:15

ᐅᕙᖓ, ᐃᓛᒃ ᐅᕙᖓ, ᐅᖃᐅᓯᕆᕙᕋ; ᐄᓛᒃ, ᕾᖁᓚᐅᕐᐸᕋ, ᑕᒪᐅᓐᖓᐅᑎᓪᓗᒍᓗ, ᐱᓇᓱᐊᕐᑕᖓᓗ ᐱᕙᓪᓕᐊᓇᑦᓯᐊᕈᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 27:6

ᓄᓇᖁᑎᓕᒫᓯᓗ ᑐᓂᑦᔪᑎᒋᔪᒪᓕᕐᐸᒃᑲ ᐱᔨᒋᔭᓐᓄᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐆᒪᔪᑦ ᐊᒡᓛᑦ ᑖᑦᓱᒥᖓ ᐊᖓᔪᖅᑳᖃᕐᑎᑦᓱᒪᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 43:10

ᐅᖃᐅᑎᓗᒋᓪᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐱᔨᒐ ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑎᑭᑎᓐᓂᐊᕐᐸᕋ ᑕᒪᐅᖓ, ᐊᖓᔪᖅᑲᐅᕕᖓᓗ ᐃᓂᖃᕐᓂᐊᕐᐳᖅ ᑖᒃᑯᐊ ᐅᔭᕅᑦ ᖃᓕᕇᒃᑐᑦ ᐃᓂᖓᓐᓂ, ᑐᐱᖁᑎᓂᓗ ᑖᒃᑯᐊ ᓇᓛᓄᑦ ᓇᑉᐸᕈᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 50:3

“ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᑐᓄᑦ ᐃᓅᖃᑎᒌᒡᔪᐊᓄᑦ ᐅᓇᑕᕐᑕᐅᔪᒫᕐᐳᑦ, ᓄᓇᖓᓗ ᓱᓁᕈᑦᔭᐅᓗᓂ ᓄᓇᒋᔭᐅᔪᓐᓃᕐᑎᑕᐅᔪᒫᕐᐳᖅ ᐃᓄᖕᓄᑦ, ᐆᒪᔪᓪᓗ ᐃᓄᖏᓪᓗ ᑕᒪᕐᒥᒃ ᕿᒫᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 50:35

ᐹᐱᓘᓂᒥᐅᑦ ᐅᓇᑕᕐᑕᐅᔪᒫᕐᒪᑕ, ᐊᑕᓂᖅ ᐅᖃᕐᐳᖅ, ᐃᓄᓕᒫᖏᑦ ᑎᑭᑕᐅᔪᒫᕐᐳᑦ ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 51:30

ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᐃᓯᑭᐊᓕᐅᑉ ᐊᒡᓚᖏᑦ 29:20

ᐄᑦᔨᑉᑎᒥᒃ ᐊᑭᓖᕕᒋᓂᐊᕐᐸᕋ ᐅᓇᑕᕆᐊᕐᓂᕆᓚᐅᕐᑕᖓ ᐱᑦᔪᑎᒋᓪᓗᒍ, ᐅᓇᑕᕐᑎᖁᑎᖏᑦ ᐱᓇᓱᐊᕐᑎᖁᑎᒋᓚᐅᕋᒃᑭᑦ, ᐅᖃᕐᐳᖅ ᐊᑕᓂᖅ ᒎᑎ.

ᑖᓂᐊᓕᐅᑉ ᐊᒡᓚᖏᑦ 5:6

ᑮᓇᖓᑕ ᑕᐅᑦᑐᐊ ᖃᑯᕐᓯᕗᖅ, ᑲᑉᐱᐊᓱᒻᒪᕆᓕᕐᓗᓂ ᓰᖅᑯᖏᒡᓗ ᓴᔪᒃᐴᒃ, ᓂᐅᖏᒃ ᓄᑮᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 7:5

“ᐆᒪᔫᓪᓗ ᐂᑉᐸᖓ ᓵᓐᓃᓕᕆᕗᖅ, ᓇᓄᕐᑎᑐᑦ ᑕᐅᑦᑐᓕᒃ, ᑖᓐᓇᓗ ᒪᑭᑎᑕᐅᕗᖅ, ᐱᖓᓱᓂᒡᓗ ᑐᓕᒫᓂᒃ ᑭᖕᒥᐊᕐᐳᖅ; ᐅᖃᐅᑎᔭᐅᓪᓗᓂᓗ, ‘ᒪᑭᓪᓗᑎᑦ ᓂᕆᔪᓐᓇᕐᑕᓕᒫᕐᓂᒃ ᓂᕿᒥᒃ ᓂᕆᒋᑦ!’

ᑖᓂᐊᓕᐅᑉ ᐊᒡᓚᖏᑦ 8:3

ᖁᒻᒧᑦ ᕿᕕᐊᕋᒪ, ᑕᑯᕗᖓ ᓰᐱᒥᒃ ᐊᖑᓴᓪᓗᕐᒥᒃ ᒪᕐᕉᖕᓂᒃ ᓇᒡᔪᖃᕐᑐᒥᒃ, ᑰᑉ ᓴᓂᐊᓂ ᓇᖏᕐᑐᒥᒃ, ᓇᒡᔪᖏᒡᓗ ᑕᑭᔪᐊᓘᕗᒃ: ᓇᒡᔪᖓᑕ ᐂᑉᐸᖓ ᐃᒡᓗᐊᓂᑦ ᑕᑭᓂᕐᓴᐅᕗᖅ ᑭᖑᓪᓕᐅᓪᓗᓂᓗ ᑎᑭᐅᑎᕗᖅ.

ᑖᓂᐊᓕᐅᑉ ᐊᒡᓚᖏᑦ 8:4

ᑕᐅᑐᒃᑎᓪᓗᖓ ᓰᐱᐅᑉ ᐊᖑᓴᓪᓗᖓ ᐅᐸᒃᑐᖃᑦᑕᕐᐳᖅ, ᓯᕿᓂᐅᑉ ᓂᐱᕕᐊᑕ ᓇᓛᓄᑦ, ᐅᓐᓄᐊᓪᓗ ᓇᓛᓄᑦ, ᓯᕿᓂᐅᓪᓗ ᓇᓛᓄᑦ. ᐆᒪᔪᓂᑦ ᓱᓇᑐᐃᓐᓇᕐᓂᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᑭᓇᒥᒡᓘᓐᓃᑦ ᑖᑦᓱᒪᖓᑦ ᓴᐳᑎᔭᐅᔪᖃᕈᓐᓇᕋᓂ, ᐃᓱᒪᒥᓂᒃ ᖁᕕᐊᒋᔭᒥᓂᒡᓗ ᐱᓇᓱᐊᑐᐃᓐᓇᕐᐳᖅ, ᐊᔪᖏᑦᑐᒪᕆᐅᓕᕐᓗᓂᓗ.

ᓇᕼᐅᒥᐅᑉ ᐊᒡᓚᖏᑦ 2:6

ᑰᒑᓘᓪᓕ ᓯᒥᖏᑦ ᒪᑐᐃᕐᒪᑕ, ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᓱᐱᕕᐅᕗᖅ.

ᓇᕼᐅᒥᐅᑉ ᐊᒡᓚᖏᑦ 3:13

ᑕᑯᒋᑦ, ᐅᓇᑕᕐᑐᒃᓴᖁᑎᓯ ᐊᕐᓇᑎᑐᑦ ᑍᒤᑉᐳᑦ ᐊᑯᓐᓇᑦᓯᓐᓂ, ᓄᓇᒋᔭᑦᓯᓗ ᐃᑎᕐᑕᕐᕕᖏᑦ ᐊᑭᕋᑦᓯᓐᓄᑦ ᒪᑐᐃᖓᑦᓯᐊᕐᐳᑦ; ᐃᑎᕐᑕᕐᕕᒃᔪᐊᑦᓯᓗ ᓴᕕᕋᔭᖏᑦ ᐃᑯᒪᒧᑦ ᓄᖑᑕᐅᕗᑦ.