ᐂᓮᐊᓯᐅᑉ ᐊᒡᓚᖏᑦ 44:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒎᑎᓐᖑᐊᓂᒃ ᓴᓇᔪᓕᒫᑦ ᐊᑑᑎᒃᓴᖃᓐᖏᓚᑦ, ᐱᓪᓚᕆᐅᑎᑕᕋᓗᐊᖏᓪᓗ ᐱᕙᓪᓕᕐᓇᕐᑐᕐᑕᖃᕋᑎᒃ, ᐃᒻᒥᖕᓂᒃ ᓇᓗᓁᓕᕗᑦ; ᑕᐅᑐᖏᒻᒪᑕ ᖃᐅᔨᒪᓇᑎᒡᓗ, ᑕᒪᒃᑯᐊ ᑲᓐᖑᓇᕐᑐᒦᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 44:9 Iomraidhean Croise

ᐊᑕᓃᑦ ᐂᑉᐸᖏᑦ 19:18

ᒎᑎᒋᔭᖏᓐᓂᒡᓗ ᐃᑯᐊᓪᓔᓪᓗᑎᒃ ᓄᖑᕅᓯᒪᕗᑦ, ᒎᑎᓪᓚᕆᐅᖏᒻᒪᑕ, ᕿᔪᑐᐃᓐᓇᐅᕗᑦ ᐅᔭᕋᐅᓪᓗᑎᒡᓗ ᐃᓄᑐᐃᓐᓇᕐᓄᑦ ᓴᓇᔭᐅᓯᒪᒐᒥᒃ; ᑍᒤᒻᒪᑦ ᑕᒪᒃᑯᐊ ᐊᓯᕈᕐᑕᐅᓯᒪᕗᑦ.

ᐃᓐᖏᕈᑎᑦ 115:4

ᑖᒃᑯᐊᓕ ᒎᑎᓐᖑᐊᖏᑦ ᓴᓇᔭᐅᓯᒪᕗᑦ ᓯᐅᓪᕕᕆᒥᑦ ᒎᓗᒥᓪᓗ, ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ.

ᐃᓐᖏᕈᑎᑦ 115:8

ᓴᓇᔪᕕᓃᑦ ᑖᒃᑯᓂᖓ ᐃᒻᒥᖕᓂᒃ ᐊᑦᔨᓕᐅᕐᓯᒪᕗᑦ; ᑖᒃᑯᓂᖓᓗ ᑕᑎᖃᕐᑐᓕᒫᑦ ᑖᒃᑯᑎᑐᓇᖅ ᑍᒤᑦᑑᓕᕐᓱᑎᒃ.

ᐃᓐᖏᕈᑎᑦ 135:18

ᑖᒃᑯᓂᖓ ᓴᓇᓚᐅᕐᑐᑦ ᐊᑦᔨᖃᓚᐅᕐᓕᑦ ᓴᓇᓯᒪᔭᒥᖕᓂᒃ! ᐄᓛᒃ, ᑖᒃᑯᓂᖓ ᑕᑎᖃᕐᑐᓕᒫᑦ ᑍᒤᓚᐅᕐᓕᑦ!

ᐃᓐᖏᕈᑎᑦ 97:7

ᓴᓇᓯᒪᔪᓂᒃ ᑐᒃᓯᐊᕐᕕᖃᕐᑐᓕᒫᑦ ᑲᓐᖑᓱᒃᑎᑕᐅᓕᑦ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᐅᔪᕆᑦᔪᑎᖃᕐᑐᑦ; ᒎᑎᒋᔭᐅᔪᓯ ᑕᒪᑦᓯ ᑖᓐᓇ ᐹᒻᒪᒃᑎᕐᕕᒋᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 41:24

ᑕᑯᒋᑦ, ᓱᓇᐅᓐᖏᓚᓯ, ᐱᓇᓱᐊᕐᑕᓯᓗ ᓱᓇᒥᒃ ᓴᖅᑭᑎᑦᓯᓇᑎᒃ; ᐃᓕᑦᓯᓐᓂᒃ ᓂᕈᐊᓚᐅᕐᑐᖅ ᓇᕐᕈᓇᕐᑐᐊᓘᕗᖅ.

ᐂᓮᐊᓯᐅᑉ ᐊᒡᓚᖏᑦ 41:29

ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”

ᐂᓮᐊᓯᐅᑉ ᐊᒡᓚᖏᑦ 42:17

ᑍᒃᑯᐊ ᐅᑎᕐᑎᑕᐅᔪᒫᕐᐳᑦ ᑲᓐᖑᓇᕐᑐᒦᓕᕐᓗᑎᒡᓗ, ᒎᑎᓐᖑᐊᓂᒃ ᑕᑎᖃᕋᓱᓚᐅᕐᑐᑦ, ᐅᖃᕐᐸᒃᑐᑦ ᒎᑎᓐᖑᐊᓄᑦ, ‘ᐃᓕᑦᓯᓐᓂᒃ ᒎᑎᖃᕐᐳᒍᑦ.’”

ᐂᓮᐊᓯᐅᑉ ᐊᒡᓚᖏᑦ 42:18

“ᑐᓵᓕᕆᑦᓯ ᑐᓵᖏᑦᑐᓂᒃ ᓯᐅᑎᖃᕐᑐᓯ; ᑕᑯᓕᕆᑦᓯ ᑕᐅᑐᖏᑦᑐᓯ, ᑕᐅᑐᓕᖁᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 43:8

ᕾᑦᔪᑎᓕᕐᓯᐅᒃ ᐃᔨᖃᕋᓗᐊᕐᓗᑎᒃ ᑕᐅᑐᖏᑦᑐᑦ, ᓯᐅᑎᖃᕋᓗᐊᕐᓗᑎᒡᓗ ᑐᓵᖏᑦᑐᑦ.

ᐂᓮᐊᓯᐅᑉ ᐊᒡᓚᖏᑦ 43:9

ᐃᓅᖃᑎᒌᒡᔪᐊᓕᒫᑦ ᓇᑭᑐᐃᓐᓇᖅ ᑲᑎᖃᑎᒌᓚᐅᕐᓕᑦ, ᐃᓄᐃᓪᓗ ᑲᑎᒪᓚᐅᕐᓕᑦ, ᑲᑎᒪᔪᑦ ᓇᓪᓕᐊᑦᑕ ᑕᒪᓐᓇ ᓇᓗᓁᕈᓐᓇᕐᐸᐅᒃ, ᑕᑯᑎᓪᓗᑕᓗ ᐊᑐᓚᐅᕐᑐᓂᒃ ᐊᓂᒍᕐᓯᒪᓕᕐᑐᓂᒃ? ᖃᐅᔨᓯᒪᔪᑦ ᓱᓕᑦᓯᐊᕐᓂᖏᑦ ᓇᓗᓇᕈᓐᓃᕐᑎᑕᐅᖁᓪᓗᒋᑦ, ᑐᓴᕐᑎᓯᐅᒃ ᐅᖃᕈᓐᓇᕐᓯᖁᓪᓗᒋᑦ, “ᑕᒪᓐᓇ ᓱᓕᕗᖅ.”

ᐂᓮᐊᓯᐅᑉ ᐊᒡᓚᖏᑦ 44:11

ᑕᑯᒋᑦ ᒪᓕᖃᑎᓕᒫᖏᑦ ᑕᕝᕙ ᑲᓐᖑᓇᕐᑐᒦᖃᑕᐅᕗᑦ; ᒎᑎᓐᖑᐊᒥᒃ ᓴᓇᔪᑦ ᐃᓄᑐᐃᓐᓇᐅᖕᒪᑕ, ᑲᑎᓪᓗᑎᒃ ᐃᑲᔪᕐᑎᒌᓕᕐᐸᑕ ᐊᑕᖏᕐᓗᑎᒃ; ᓯᕘᕋᓇᕐᑐᒧᑦ ᑎᑭᒐᔭᕐᐳᑦ, ᑲᓐᖑᓇᕐᑐᕐᔪᐊᕐᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 44:18

ᑍᒤᑦᑐᑦ ᖃᐅᔨᒪᓐᖏᓚᑦ ᑐᑭᓯᓯᒪᓇᑎᒡᓗ; ᑕᑯᓐᓇᕐᑍᓕᒪᒐᒥᒃ ᑕᑯᔪᓐᓇᓐᖏᓚᑦ, ᐃᓱᒪᒥᒃᑎᒍᓪᓗ ᑐᑭᓯᔪᓐᓇᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 44:20

ᐊᕐᔭᓕᓂᕐᓂᒃ ᓂᕆᕗᖅ; ᐆᒻᒪᑎᒥᒍᑦ ᐃᓱᒪᑦᓯᐊᖏᓐᓂᕐᒥᓄᑦ ᐅᐃᕕᕆᔭᐅᕗᖅ; ᓇᖕᒥᓂᖅ ᑕᕐᓂᕐᒥᓂᒃ ᐱᐅᓕᔪᓐᓇᓐᖏᓚᖅ, ᐅᖃᕈᓐᓇᓐᖏᓚᕐᓗ, “ᑕᓕᕐᐱᓐᓄᑦ ᑎᒍᒥᐊᕐᑕᕋ ᓱᓕᒐᓗᐊᕐᐹ?”

ᐂᓮᐊᓯᐅᑉ ᐊᒡᓚᖏᑦ 45:16

ᒎᑎᓐᖑᐊᓕᐅᕐᐸᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᐅᐱᓐᓇᕈᓐᓃᕐᑎᑕᐅᓗᑎᒡᓗ ᐊᑕᖏᕐᓗᑎᒃ; ᐊᐅᓪᓚᕈᒫᕐᐳᑦ ᐊᑕᐅᑦᓯᒃᑯᑦ ᓇᓗᓕᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 57:12

ᐃᓱᐊᕐᑑᓂᕋᕐᓗᓯ ᐱᓂᐊᕐᓂᑦᓯᐊᕆᖕᓂᕋᕐᓗᓯᓗ ᐅᖃᐅᓯᕆᓂᐊᕐᐸᑦᓯ, ᑕᒪᓐᓇᓕ ᐃᓕᑦᓯᓐᓄᑦ ᐃᑲᔪᕈᑎᒃᓴᖃᕐᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 2:11

ᐃᓅᖃᑎᒌᒡᔪᐊᑦ ᒎᑎᒥᖕᓂᒃ ᐊᓯᑦᔩᓲᖑᕚᑦ? ᒎᑎᐅᖏᒃᑲᓗᐊᕐᑎᓪᓗᒋᑦ ᒎᑎᒋᔭᖏᑦ, ᐃᓄᖁᑎᒪᓕ ᐃᓅᖃᓐᓂᕐᓯᑎᑕᐅᓯᒪᓂᕆᔭᑎᒃ ᐃᓇᖏᕐᑕᐅᑎᑉᐹᑦ ᒎᑎᓐᖑᐊᓄᑦ ᐊᑑᑎᒃᓴᖃᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:26

ᐊᑕᓂᖅ ᐅᖃᕐᐳᖅ, “ᑎᒡᓕᒐᕐᑎ ᑲᓐᖑᓇᕐᑐᒥᒃ ᐊᑐᓕᕐᐸᖕᒪᑦ ᖃᐅᔨᔭᐅᔭᕌᖓᒥ, ᑍᒫᒃᑕᐅᖅ ᐃᓴᕆᐊᓕᒥᐅᑦ ᐃᓄᖏᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᑦ, ᑐᓂᕐᕈᓯᕐᑎᑦᓯᔩᑦ, ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ.

ᑖᓂᐊᓕᐅᑉ ᐊᒡᓚᖏᑦ 11:38

ᑕᒪᒃᑯᐊ ᐊᓯᖏᑎᒍᑦ ᐅᐱᒍᓱᒍᒫᕐᐳᖅ ᒎᑎᓐᖑᐊᒥᒃ ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᓐᓂ ᓴᐳᑦᔨᔪᒥᒃ; ᒎᑎ ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓐᖏᑕᖓᑦ, ᐅᐱᒋᔪᒫᕐᐹ ᑐᓂᓯᕕᒋᕙᒡᓗᒍ ᒎᓗᒥᒃ, ᓯᐅᓪᕕᕆᒥᒡᓗ, ᐅᔭᕋᖕᓂᒡᓗ ᐱᓐᓇᕐᓇᕐᑐᓂᒃ, ᐱᖁᑎᓂᒡᓗ ᐊᑭᑐᔪᓂᒃ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᕉᒪᒥᐅᓄᑦ 1:22

ᓯᓚᑐᓇᓱᒋᒐᒥᒃ, ᓯᓔᑦᑑᓕᕐᐳᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:4

ᑍᒤᒻᒪᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓂᕿᒥᒃ ᓂᕆᖃᑦᑕᕐᓂᖅ ᐱᑦᔪᑎᒋᓪᓗᒍ; ᖃᐅᔨᒪᒐᑦᑕ ᒎᑎᓐᖑᐊᑦ ᓱᓇᐅᖏᑦᓯᐊᕐᒪᑕ ᓯᓚᕐᔪᐊᕐᒥ, ᒎᑎᑕᖃᖏᒻᒪᓪᓗ ᒎᑎᑑᔪᑉ ᐊᓯᐊᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᐃᐱᓯᒥᐅᓄᑦ 4:18

ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 4:28

ᑕᒪᒃᑯᓇᓂᓕ ᓇᔪᓕᕐᑕᑦᓯᓐᓂ ᒎᑎᖃᕈᒫᕐᐳᓯ ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᔪᓂᒃ, ᕿᔪᖕᓄᑦ ᐅᔭᖅᑲᓄᓪᓗ ᒎᑎᐅᔪᓄᑦ, ᒎᑎᒋᔭᐅᔪᑦ ᑕᑯᔪᓐᓇᖏᑦᑐᑦ ᑐᓴᕈᓐᓇᖏᑦᑐᓪᓗ, ᓂᕆᔪᓐᓇᖏᑦᑐᑦ ᓁᒪᔪᓐᓇᖏᑦᑐᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 10:14

ᒎᑎᓐᖑᐊᓄᑦ ᓂᕈᐊᓚᐅᕐᑕᑦᓯᓐᓄᑦ ᑐᒃᓯᐊᕆᐊᕐᑐᓕᕆᑦᓯ, ᑖᒃᑯᓇᓐᖓᑦ ᓴᐳᑎᔭᐅᔪᓐᓇᕐᒪᖔᑦᓯ ᐊᒃᓱᕈᕈᑎᒋᔮᑦᓯᓐᓂᑦ.”