ᐂᓮᐊᓯᐅᑉ ᐊᒡᓚᖏᑦ 44:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑭᓇ ᐅᕙᑦᑐᑦ ᑍᒤᑉᐸ, ᐊᑏ ᓇᓗᓁᕐᓯᓚᐅᕐᓕ? ᐅᖃᐅᓯᕆᓗᓂ ᓵᓐᓄᓪᓗ ᐱᑎᓪᓗᒍ, ᑭᓇ ᐅᖃᐅᓯᖃᕐᓯᒪᕙ ᑍᑦᓱᒪᓂᐊᓗᖕᓂᑦ ᐱᔪᒫᕐᑐᓂᒃ? ᑍᒤᓕᐅᕈᓐᓇᕐᑐᖅ ᐅᖃᓚᐅᕐᓕ ᓱᓇ ᐱᔪᒫᓕᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 44:7 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 19:12

ᓇᐅᒡᓕ ᑍᒪ ᓯᓚᑐᔪᖁᑎᑎᑦ? ᑍᒃᑯᓇᓐᖓᑦ ᐅᖃᐅᑦᔭᐅᓕᕆᑦ ᓇᓗᔪᓐᓁᕐᑎᑕᐅᓗᑎᓪᓗ ᖃᓄᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐄᑦᔨᑉᑎᒥᐅᓂᒃ ᐊᑭᕋᕐᑐᕈᑎᖃᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 41:22

ᓇᒃᓴᕐᓗᒋᑦ ᕾᓕᑦ ᐅᖃᐅᑎᓗᑕᓗ ᓱᔪᖃᓛᕐᒪᖔᑦ, ᐊᑐᓚᐅᕐᑐᓂᒃ ᐅᓂᒃᑲᐅᑎᑎᒍᑦ, ᓱᓇᐅᖕᒪᖔᑕ ᐃᓱᒪᒋᓂᐊᕋᑦᑎᒍ, ᖃᓄᐃᑦᑐᕕᓂᐅᖕᒪᖔᑕ ᖃᐅᔨᓂᐊᕋᑦᑕ; ᐅᕝᕙᓗ ᓱᔪᖃᓛᕐᒪᖔ ᓇᓗᓁᕐᓯᕕᒋᓗᑕ.

ᐂᓮᐊᓯᐅᑉ ᐊᒡᓚᖏᑦ 41:23

ᓯᕗᓂᑦᑎᓐᓂ ᐊᑐᓛᕐᑐᓂᒃ ᓇᓗᓁᕐᓯᕕᒋᓚᐅᕐᑎᒍᑦ, ᒎᑎᓪᓚᕆᐅᖕᒪᖔᑦᓯ ᑐᑭᓯᓂᐊᕋᑦᑕ; ᐱᐅᔪᒥᒃ ᐱᓂᐊᕐᓂᖃᕐᒪᖔᑦᓯ ᓱᒃᑯᑎᕆᔪᒥᒡᓘᓐᓃᑦ, ᑲᑉᐱᐊᓱᓕᖁᓪᓗᑕ ᓴᔪᓕᖁᓪᓗᑕᓗ.

ᐂᓮᐊᓯᐅᑉ ᐊᒡᓚᖏᑦ 41:26

ᑭᐊ ᓇᓗᓁᓚᐅᕐᐸᐅᒃ ᐱᒋᐊᕐᓂᖓᓂᑦ? ᑕᒪᑐᒥᖓ ᖃᐅᔨᖁᓪᓗᑕ, ᐊᑐᓚᐅᕐᑎᓐᓇᒍ ᐅᖃᕈᓐᓇᖁᓪᓗᑕ, ‘ᐅᓇ ᓱᓕᔪᖅ.’ ᐃᓛᒃ, ᐱᑕᖃᓐᖏᓚᖅ ᓇᓗᓁᕐᓯᔪᓐᓇᕐᑐᒥᒃ, ᑐᓴᕐᑎᑦᓯᔪᖃᕈᓐᓇᓐᖏᓚᕐᓘᓐᓃᑦ, ᐅᖃᐅᓯᕐᑎᑦ ᑐᓴᕐᑕᐅᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 41:4

ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.

ᐂᓮᐊᓯᐅᑉ ᐊᒡᓚᖏᑦ 43:12

ᓇᓗᓁᕐᓯᓚᐅᕐᐳᖓ ᐱᐅᓕᒃᓯᓪᓗᖓᓗ, ᐅᖃᐅᓯᖃᕐᓗᖓᓗ, ᐊᓯᓐᓂᒃ ᒎᑎᒋᔭᐅᔪᓂᒃ ᒎᑎᑕᖃᖏᒻᒪᑦ ᐃᓕᑦᓯᓐᓂ; ᑕᒪᑐᒥᖓ ᖃᐅᔨᓯᒪᔪᖁᑎᒋᕙᑦᓯ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:9

ᐃᓅᖃᑎᒌᒡᔪᐊᓕᒫᑦ ᓇᑭᑐᐃᓐᓇᖅ ᑲᑎᖃᑎᒌᓚᐅᕐᓕᑦ, ᐃᓄᐃᓪᓗ ᑲᑎᒪᓚᐅᕐᓕᑦ, ᑲᑎᒪᔪᑦ ᓇᓪᓕᐊᑦᑕ ᑕᒪᓐᓇ ᓇᓗᓁᕈᓐᓇᕐᐸᐅᒃ, ᑕᑯᑎᓪᓗᑕᓗ ᐊᑐᓚᐅᕐᑐᓂᒃ ᐊᓂᒍᕐᓯᒪᓕᕐᑐᓂᒃ? ᖃᐅᔨᓯᒪᔪᑦ ᓱᓕᑦᓯᐊᕐᓂᖏᑦ ᓇᓗᓇᕈᓐᓃᕐᑎᑕᐅᖁᓪᓗᒋᑦ, ᑐᓴᕐᑎᓯᐅᒃ ᐅᖃᕈᓐᓇᕐᓯᖁᓪᓗᒋᑦ, “ᑕᒪᓐᓇ ᓱᓕᕗᖅ.”

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 17:26

ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

ᒨᓯᓯ ᑕᓪᓕᒪᖏᑦ 32:8

ᖁᑦᓯᖕᓂᕐᐹᒍᔪᖅ ᐃᓅᖃᑎᒌᒡᔪᐊᓂᒃ ᓄᓇᑖᕐᑎᑦᓯᓕᕋᒥ; ᐃᓅᖃᑎᒌᑦ ᓇᓂ ᓄᓇᖃᕐᑐᒃᓴᐅᖕᒪᖔᑕ ᐋᖅᑭᒃᓱᐃᓚᐅᕐᐳᖅ, ᐃᓅᖃᑎᒌᒡᔪᐊᓪᓗ ᐊᑐᓂᑦ ᐊᖓᔪᖅᑳᖃᐅᕐᑎᓚᐅᕐᐰᑦ.