ᐂᓮᐊᓯᐅᑉ ᐊᒡᓚᖏᑦ 44:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᐂᓮᐊᓯᐅᑉ ᐊᒡᓚᖏᑦ 44:26 Iomraidhean Croise

ᐊᑕᓃᑦ ᐂᑉᐸᖏᑦ 7:16

ᐃᓄᐃᓪᓗ ᓯᕆᐊᒥᐅᑦ ᑕᖕᒫᕐᓯᒪᕝᕕᕕᓂᖓᓐᓄᑦ ᐂᓪᓗᑎᒃ ᐱᖁᑎᖏᓐᓂᒃ ᑎᒍᓯᕗᑦ, ᑕᕝᕙ ᓂᐊᖂᔭᒃᓴᖅ ᓯᖃᓪᓕᑦᓯᐊᕐᓯᒪᔪᖅ 10ᓂᒃ ᐅᖁᒤᓐᓂᓕᒃ ᑮᓇᐅᔭᒧᑦ ᓯᐅᓪᕕᕆᒧᑦ ᐊᑕᐅᓯᕐᒧᑦ ᓂᐅᕕᐊᖑᔪᓐᓇᓕᕐᐳᖅ; ᓂᐊᖂᔭᒃᓴᕐᓗ ᐹᕐᓕᒥᒃ ᐊᑎᓕᒃ ᑮᓇᐅᔭᒧᑦ ᓯᐅᓪᕕᕆᒧᑦ ᐊᑕᐅᓯᕐᒧᑦ ᓂᐅᕕᐊᖑᔪᓐᓇᓕᕐᓗᓂ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᒪᓕᒡᓗᒍ.

ᐊᑕᓃᑦ ᐂᑉᐸᖏᑦ 7:18

ᑕᕝᕙ ᒎᑎᐅᑉ ᐃᓄᖁᑎᖓᑕ ᐅᖃᐅᓯᕆᓚᐅᕐᑕᖏᑦ ᐊᖓᔪᖅᑳᕐᔪᐊᕐᒧᑦ ᓇᓚᐅᑦᓯᔪᐃᓐᓇᐅᓚᐅᕐᐳᑦ ᐅᖃᓚᐅᕐᒪᑦ; ᓂᐊᖂᔭᕐᓴᖅ ᓯᖃᓪᓕᑦᓯᐊᕐᓯᒪᔪᖅ 10ᓂᒃ ᐅᖁᒤᓐᓂᓕᒃ ᑮᓇᐅᔭᒧᑦ ᐊᑕᐅᓯᕐᒧᑦ ᓂᐅᕕᐊᖑᔪᒫᕐᐴᖅ, ᓂᐊᖂᔭᒃᓴᕐᓗ ᐹᕐᓕᒥᒃ ᐊᑎᓕᒃ ᐊᑕᐅᓯᕐᒥᒃ ᐅᖁᒤᓐᓂᓕᒃ ᑮᓇᐅᔭᒧᑦ ᐊᑕᐅᓯᕐᒧᑦ ᓂᐅᕕᐊᖑᔪᓐᓇᕈᒫᕐᐳᖅ, ᖃᐅᒃᐸᑉ ᓴᒥᐊᕆᐊᒥᐅᑦ ᐊᕙᓗᕐᔪᐊᖓᑕ ᐃᑎᕐᑕᕐᕕᖓᓂ.

ᐊᑕᓃᑦ ᐂᑉᐸᖏᑦ 7:20

ᑕᕝᕙ ᑕᒪᓐᓇ ᐊᑑᑎᓚᐅᕐᐳᖅ ᐅᖃᐅᑦᔭᐅᓂᖓ ᐃᓄᖕᓄᑦ ᐊᓂᓇᓱᐊᕐᑐᓄᑦ ᑐᓪᓕᕋᕐᑕᐅᓪᓗᓂ ᑐᖁᓚᐅᕐᒪᑦ ᐃᑎᕐᑕᕐᕕᖕᒥ.

ᐄᓱᕋᐅᑉ ᐊᒡᓚᖏᑦ 2:70

ᑍᒤᒻᒪᑦ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᓄᐃᓪᓗ ᐃᓚᖏᑦ, ᐃᓐᖏᕐᑏᓪᓗ, ᑐᒃᓯᐊᕐᕕᐅᓪᓗ ᖃᐅᔨᓴᕐᑎᖏᑦ, ᐱᓇᓱᐊᕐᑎᖏᓪᓗ, ᓄᓇᑖᕐᑐᓚᐅᕐᐳᑦ ᔨᕉᓴᓕᒥ ᖃᓂᒋᔭᖓᓂᓗ, ᐃᓴᕆᐊᓕᒥᐅᓪᓗ ᐊᓯᖏᑦ ᓄᓇᑖᕐᑐᓚᐅᕐᐳᑦ ᓯᕗᓕᕕᓂᖏᑦᑕ ᓄᓇᕕᓂᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 1:3

ᑖᒃᑯᐊ ᐅᖃᐅᑎᕚᖓ, “ᑖᒃᑯᐊ ᐅᑎᕐᓯᒪᓕᕐᑐᑦ ᑕᕝᕗᖓ ᐊᐅᓪᓚᕈᑦᔭᐅᓯᒪᓚᐅᕐᑐᓂᑦ ᐅᑯᒤᒃᓴᕐᑐᒻᒪᕆᐊᓘᕗᑦ ᑲᓐᖑᓇᕐᑐᒦᓪᓗᑎᒡᓗ; ᔨᕉᓴᓕᐅᓪᓗ ᐊᕙᓗᕐᔪᐊᖓ ᓱᕋᒃᓯᒪᓪᓗᓂ, ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᕗᑦ.”

ᓂᕼᐃᒤᐊᐅᑉ ᐊᒡᓚᖏᑦ 2:3

ᑕᕝᕙ ᐊᖓᔪᖅᑳᕐᔪᐊᖅ ᐅᖃᐅᑎᕙᕋ, “ᑕᕝᕙᑐᖅ ᐊᖓᔪᖅᑳᕐᔪᐊᖅ ᐃᓅᓂᐊᕐᐳᑎᑦ ᐃᓱᖃᖏᑦᑐᒧᑦ! ᖃᓄᕐᓕ ᑮᓇᕋ ᖁᕕᐊᓱᖕᓂᕐᒥᒃ ᓴᖅᑭᔮᕐᑎᑦᓯᔪᓐᓇᕋᔭᕐᐸ, ᐃᒡᓗᒐᓴᒡᔪᐊᑦ, ᓯᕗᓕᕕᓂᕐᒪ ᐃᓗᕕᖃᕐᕕᒋᔭᖏᑦ, ᓯᖁᑦᑎᕐᑕᐅᓯᒪᑎᓪᓗᒋᑦ, ᐃᑎᕐᑕᕐᕕᒃᔪᐊᖏᓪᓗ ᐃᑯᒪᒧᑦ ᓄᖑᑕᐅᓯᒪᑎᓪᓗᒋᑦ?”

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᐃᓐᖏᕈᑎᑦ 147:2

ᐊᑕᓂᐅᑉ ᔨᕉᓴᓕᒻ ᓴᓇᕚ; ᐊᐅᓪᓚᕈᑦᔭᐅᓯᒪᔪᓪᓗ ᐃᓴᕆᐊᓕᒥᐅᑦ ᑲᑎᕐᓱᕐᐰᑦ.

ᐃᓐᖏᕈᑎᑦ 69:35

ᒎᑎᐅᑉ ᓮᐅᓂ ᐱᐅᓕᔪᒫᐹ ᔫᑕᐅᓪᓗ ᐃᒡᓗᒐᓴᖏᑦ ᓴᓇᔪᒫᕐᐰᑦ; ᑕᕝᕙᓂ ᐱᔨᖏᑦ ᐃᓂᖃᖁᓪᓗᒋᑦ ᓇᖕᒥᓂᕆᓗᒋᓪᓗ.

ᐃᓐᖏᕈᑎᑦ 69:36

ᐱᔨᖏᑕᓗ ᑭᖑᕚᖏᑕ ᐱᑖᕆᔪᒫᕆᕚᑦ, ᐊᑎᖓᓂᒡᓗ ᓇᒡᓕᒍᓱᒃᑐᑦ ᐃᓂᒋᔪᒫᕐᐹᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:3

ᓇᓪᓕᐅᓐᓂᖃᕐᐳᖅ ᑐᖁᑦᓯᓂᕐᒧᑦ, ᓇᓪᓕᐅᓐᓂᖃᕆᕗᖅ ᐱᔪᓐᓃᕐᑎᑦᓯᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᕐᕈᑎᑦᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓗᓕᐅᕐᓂᕐᒥᒃ;

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 42:19

ᓇᓪᓕᐊᑦ ᑕᐅᑐᖏᑦᑑᕚ ᐱᔨᑦᑐᑦ, ᑐᓵᖏᓐᓂᕐᓴᕐᑕᖃᕐᐹ ᑎᓕᓯᒪᓪᓗᒍ ᐅᖃᕐᑎᖁᑎᓐᓂᑦ? ᑕᐅᑐᖏᓐᓂᕐᓴᕐᑕᖃᕐᐹ ᐅᕙᓐᓄᑦ ᑐᓂᓯᒪᔪᒥᑦ? ᑕᐅᑐᖏᓐᓂᕐᓴᐅᔪᖃᕆᕙᓘ ᐊᑕᓂᐅᑉ ᐱᔨᖓᓂᑦ?

ᐂᓮᐊᓯᐅᑉ ᐊᒡᓚᖏᑦ 42:9

ᑕᑯᒋᑦ, ᐊᑐᓚᐅᕐᑐᑦ ᐊᓂᒍᕐᓯᒪᓕᕐᐳᑦ, ᒫᓐᓇᓗ ᓄᑖᓂᒃ ᓇᓗᓁᕐᓯᕕᒋᕙᑦᓯ; ᓱᓕ ᐊᑐᓕᓚᐅᕐᑎᓐᓇᒋᑦ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ.”

ᐂᓮᐊᓯᐅᑉ ᐊᒡᓚᖏᑦ 49:8

ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 52:9

ᐊᑕᐅᑦᓯᒃᑯᑦ ᐃᓐᖏᓕᕆᑦᓯ ᖁᕕᐊᓱᖕᓂᕐᒧᑦ, ᓯᖁᒥᓯᒪᔪᓯ ᔨᕉᓴᓕᒻ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᓴᕐᒪᒋᑦ, ᔨᕉᓴᓕᒻᓗ ᓂᐅᕕᐊᕆᓪᓗᒍ ᐅᑎᕐᑎᒻᒪᒍ.

ᐂᓮᐊᓯᐅᑉ ᐊᒡᓚᖏᑦ 54:3

ᐱᕕᑦᑐᕆᐊᕆᐊᖃᕐᓂᐊᕋᕕᐅᒃ ᓴᐅᒥᒧᑦ ᑕᓕᕐᐱᒧᓪᓗ, ᑭᖑᕚᒃᓴᑎᑦ ᐃᓅᖃᑎᒌᒡᔪᐊᓂᒃ ᓄᓁᕈᑦᔨᔪᒫᕐᒪᑕ ᐃᒡᓗᒐᓴᒡᔪᐊᖃᕐᕕᕕᓂᖏᓐᓂᓗ ᐃᓄᖃᔪᐃᑦᑑᓕᕐᑐᓂᒃ ᐃᒡᓗᒐᓴᒃᑖᕐᑐᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 58:12

ᐃᒡᓗᒐᓴᒡᔪᐊᕕᓂᓯ ᓯᖁᑦᑎᕐᓯᒪᔪᑐᕾᑦ ᓇᑉᐸᕐᑎᕐᑕᐅᒃᑲᓐᓂᕈᒫᕐᐳᑦ; ᑐᓐᖓᕕᓕᐅᕐᓗᓯᓗ ᑭᖑᕚᑦᓯᓐᓄᑦ ᑭᖑᓕᕇᓄᑦ ᐅᓄᕐᑐᓄᑦ ᐱᒋᔭᐅᔪᒃᓴᓂᒃ; ᑍᔭᐅᓕᕈᒫᕐᐳᓯ ᐋᖅᑭᒃᓱᐃᔨᓂᒃ ᓯᖁᒥᓯᒪᓚᐅᕐᑐᓂᒃ, ᐊᖅᑯᑎᓂᒡᓗ ᐋᖅᑭᒃᓱᐃᔨᐅᓂᕋᕐᑕᐅᓗᓯ ᐊᑐᕐᑕᐅᔪᒃᓴᓂᒃ.”

ᐂᓮᐊᓯᐅᑉ ᐊᒡᓚᖏᑦ 60:10

ᔫᑎᐅᖏᑦᑐᑦ ᐊᕙᓗᕐᔪᐊᖁᑎᑦᓯᓐᓂᒃ ᓴᓇᔪᒫᕐᐳᑦ, ᐊᖓᔪᖅᑳᕐᔪᐊᖏᑕ ᐱᔨᑦᓯᕋᕈᒫᕐᐹᓯ; ᐃᓕᑦᓯᓐᓂᒃ ᓂᓐᖓᒃᕕᖃᕐᓂᓐᓄᑦ ᓱᒋᐊᓚᐅᕋᑦᓯ, ᐱᑦᓯᐊᕐᓂᓐᓄᓪᓕ ᓈᒃᑭᒋᓚᐅᕐᐸᑦᓯ.

ᐂᓮᐊᓯᐅᑉ ᐊᒡᓚᖏᑦ 61:4

ᐃᒡᓗᒐᓴᒡᔪᐊᓂᒃ ᓴᓇᓕᕈᒫᕐᐳᑦ ᐊᑯᓂ ᓯᖁᑦᑎᕐᓯᒪᓕᓚᐅᕐᑐᓂᒃ, ᒪᑭᑎᑦᓯᔪᒫᕐᓗᑎᒡᓗ ᐅᕐᕈᑎᑕᐅᓯᒪᔪᑐᖃᕐᓂᒃ; ᐃᒡᓗᒐᓴᒡᔪᐊᓪᓗ ᓄᑕᐅᓯᓕᕈᒫᕐᐰᑦ ᓯᖁᑦᑎᕐᓯᒪᔪᑦ, ᓯᖁᑦᑎᕐᓯᒪᓚᐅᕐᑐᑦ ᑭᖑᕚᕇᒐᓴᒡᔪᐊᓂ ᐅᓄᕐᑐᓂ.

ᔨᕆᒤᐊᐅᑉ ᐊᒡᓚᖏᑦ 1:10

ᐅᓪᓗᒥ ᐱᔪᓐᓇᕐᓯᑎᑉᐸᒋᑦ ᐱᔪᓐᓇᕐᓂᖃᓕᖁᓪᓗᑎᑦ ᐃᓅᖃᑎᒌᒡᔪᐊᓄᑦ ᐊᖓᔪᖅᑲᐅᕕᖕᓄᓪᓗ, ᐊᒫᖏᑎᒍᑦ ᓄᓱᒃᓯᖁᓪᓗᑎᑦ ᐅᕐᕈᑎᑦᓯᖁᓪᓗᑎᓪᓗ, ᐊᓯᕈᐃᖁᓪᓗᑎᑦ ᐃᒋᑦᓯᖁᓪᓗᑎᓪᓗ, ᐋᖅᑭᒃᓱᐃᖁᓪᓗᑎᑦ ᐱᕈᕐᑎᑦᓯᖁᓪᓗᑎᓪᓗ.”

ᔨᕆᒤᐊᐅᑉ ᐊᒡᓚᖏᑦ 28:9

ᒎᑎᒧᓪᓕ ᐅᖃᕐᑎᒋᔭᐅᔪᖅ ᐅᖃᐅᓯᖃᕐᐸᒃᑐᖅ ᓮᒻᒪᕐᑎᑕᐅᔪᒫᕐᓂᕅᓪᓗᓂ ᒎᑎᒥᑦ ᑎᓕᔭᐅᓯᒪᓪᓚᕆᖕᓂᖓ ᓇᓗᓇᕈᓐᓃᕋᔭᕐᐳᖅ ᐅᖃᐅᓯᕆᔭᖏᑕ ᓇᓚᐅᑦᓯᓂᖏᑦ ᓴᖅᑭᓕᕐᐸᑕ ᑭᓯᐊᓂ.

ᔨᕆᒤᐊᐅᑉ ᐊᒡᓚᖏᑦ 30:18

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᔧᑰᑉ ᐃᒡᓗᖓ ᐱᐅᓯᖓᓄᑦ ᐅᑎᕐᑎᑦᓱᒫᕐᐸᕋ, ᓇᔪᒐᖏᓪᓗ ᓂᑲᒋᓕᕐᓗᒋᑦ, ᐃᒡᓗᒐᓴᒡᔪᐊᕕᓂᕐᓂᓪᓗ ᓱᕐᕋᑯᓂᑦ ᐃᒡᓗᒐᓴᒡᔪᐊᖏᑦ ᓇᑉᐸᕐᑎᑦᓱᒫᕆᕙᒃᑲ, ᐊᖓᔪᖅᑳᒃᑯᕕᖓᓗ ᐃᓂᒋᕙᒃᑕᒥᓂ ᓇᐸᓕᕈᒫᕆᕗᖅ.

ᔨᕆᒤᐊᐅᑉ ᐊᒡᓚᖏᑦ 31:4

ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

ᔨᕆᒤᐊᐅᑉ ᐊᒡᓚᖏᑦ 32:15

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”

ᔨᕆᒤᐊᐅᑉ ᐊᒡᓚᖏᑦ 32:44

ᐱᕈᕐᓰᕕᖃᕐᕕᒃᓮᑦ ᓂᐅᕕᐊᖑᖃᑦᑕᓕᕈᒫᕐᐳᑦ ᓯᐅᓪᕕᕆᓄᑦ, ᓄᓇᖁᑎᑖᕈᑎᒡᓗ ᐊᑎᓕᐅᕐᑕᐅᕙᒡᓗᑎᒃ, ᓇᕿᑦᔪᓯᕐᑕᐅᓗᑎᒡᓗ ᐱᓐᔭᒥᓂᐅᑉ ᓄᓇᖓᓂ ᔨᕉᓴᓕᒥᓗ, ᔫᑕᒥᓗ, ᖃᖅᑲᒥᐅᓪᓗ ᓄᓇᓕᖏᓐᓂ, ᓯᐱᓚᒥᐅᓪᓗ ᐃᒡᓗᒐᓴᖏᓐᓂᑦ ᓂᒋᑉᒥᓗ ᓄᓇᖃᕐᑐᓂᒃ, ᓄᓇᑐᖃᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 33:7

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐊᔪᕐᓴᕈᓐᓃᕐᑎᑦᓱᒫᕐᐸᒃᑲ, ᓄᓇᒋᓚᐅᕐᑕᖏᓐᓄᓪᓗ ᐅᑎᕐᑎᒻᒥᓗᒋᑦ ᓯᕗᓪᓕᕐᒥ ᐱᐅᓯᕆᓚᐅᕐᑕᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 36:10

ᐃᓅᖃᑎᓯᓗ ᐅᓄᕐᓯᕙᓪᓕᐊᑎᓐᓂᐊᓕᕐᐸᒃᑲ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᐊᑕᖏᕐᓗᒋᑦ; ᐃᒡᓗᒐᓴᒡᔪᐊᑦ ᐃᓄᖃᓕᕈᒫᕐᐳᑦ ᓯᖁᒥᑕᐅᓯᒪᔪᓪᓗ ᓴᓇᔭᐅᓕᕐᒥᓗᑎᒃ;

ᐃᓯᑭᐊᓕᐅᑉ ᐊᒡᓚᖏᑦ 38:17

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂᐊᓗᒃ ᐅᖃᕐᑎᒃᑲ ᐅᖃᐅᓯᖃᕐᐸᓚᐅᕐᐳᑦ ᐃᓴᕆᐊᓕᒥᐅᑦ ᐅᓇᑕᕐᑕᐅᔪᒫᕐᓂᖏᓐᓂᒃ; ᑖᒃᑯᐊᖑᓕᕐᐳᓯ ᑕᕝᕙ ᑎᑭᑦᓱᒫᕐᑐᒃᓮᑦ.”

ᑖᓂᐊᓕᐅᑉ ᐊᒡᓚᖏᑦ 9:12

ᐅᖃᐅᓯᕐᑎᑦ ᓈᒻᒪᒃᓴᖏᓐᓂᑎᓪᓗ ᐅᕙᑦᑎᓐᓂᒃ ᐊᐅᓚᑦᓯᔨᑦᑎᓐᓂᒡᓗ ᑲᔪᓯᓯᒪᖕᒪᑕ ᖁᕕᐊᓇᖏᑦᑐᓄᑦ ᐅᒡᒍᐊᕐᓇᕐᑐᓄᑦ ᑎᑭᓯᒪᕗᒍᑦ. ᕿᓚᐅᑉ ᐊᑖᓂ ᔨᕉᓴᓕᐅᑉ ᐱᓂᐊᕐᕕᐅᓯᒪᓂᖓᑐᑦ ᐱᔭᐅᔪᖃᓚᐅᕐᓯᒪᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᕼᐊᒊᑉ ᐊᒡᓚᖏᑦ 1:13

ᑕᕝᕙ ᕼᐊᒊ, ᐊᑕᓂᐅᑉ ᐅᖃᕐᑎᖓ, ᐊᑕᓂᐅᑉ ᐅᖃᐅᓯᖏᓐᓂᒃ ᐃᓄᖕᓄᑦ ᐅᖃᕐᐳᖅ: “ᐃᓚᒋᕙᑦᓯ, ᐊᑕᓂᖅ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 1:17

“‘ᐂᖏᓕᐅᓪᓗ ᑖᑦᓱᒪ ᐅᖃᐅᑎᕚᖓ ᐅᖃᖁᓪᓗᖓ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖓ ᐊᔪᕐᓴᕈᓐᓁᕈᒫᕆᕗᖅ ᐊᑕᓂᐅᓪᓗ ᓮᐅᓂ ᓮᒻᒪᕐᑎᓕᕈᒫᕆᕚ ᔨᕉᓴᓕᒻᓗ ᓇᖕᒥᓂᕆᓂᕋᓕᕐᓗᓂᒋᑦ.’”

ᓴᑲᕅᐊᐅᑉ ᐊᒡᓚᖏᑦ 1:6

ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”

ᓴᑲᕅᐊᐅᑉ ᐊᒡᓚᖏᑦ 12:6

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 26:56

ᑕᒪᒃᑯᐊᓕᒫᑦ ᐱᓂᐊᕐᓂᐅᕗᑦ, ᓇᓚᐅᑦᑍᔫᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᑎᑕᐅᖁᓪᓗᒋᑦ.” ᐃᓕᓐᓂᐊᕐᑎᓕᒫᖏᑦᑕᓕ ᔩᓱᓯ ᕿᒪᑉᐹᑦ ᕿᒫᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 5:18

ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”