ᐂᓮᐊᓯᐅᑉ ᐊᒡᓚᖏᑦ 44:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᖅ ᐃᒫᒃ ᐅᖃᕐᐳᖅ ᐃᓕᖕᓂᒃ ᓴᓇᓚᐅᕐᑐᖅ, ᑖᑦᓱᒪ ᓴᓇᓚᐅᕐᒪᑎᑦ ᐃᒡᓕᐊᑉ ᐃᓗᐊᓂ, ᑖᑦᓱᒪ ᐃᑲᔪᕐᓂᐊᕐᐹᑎᑦ; ᑲᑉᐱᐊᓱᒃᑍᓕᒋᑦ, ᔧᑰ ᐱᔨᒋᒐᒃᑭᑦ; ᐃᕝᕕᓪᓗ ᔨᓱᕋᓐ ᓂᕈᐊᕆᓯᒪᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 44:2 Iomraidhean Croise

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐃᓐᖏᕈᑎᑦ 71:6

ᐃᓕᖕᓄᑦ ᒪᑭᑕᑎᑕᐅᕗᖓ ᐃᓅᓕᕐᓂᓐᓂᑦ; ᐊᓈᓇᒪ ᐃᒡᓕᐊᖓᓂᑦ ᐊᓂᑎᓚᐅᕋᕕᖓ. ᑍᒪᓐᖓᑦ ᓂᕐᑐᐃᓐᓇᕐᓂᐊᕐᐸᒋᑦ.

ᐃᓐᖏᕈᑎᑦ 95:6

ᕾᓗᓯ, ᑐᒃᓯᐊᓕᕐᑕ ᐹᒻᒪᒡᓗᑕᓗ, ᓰᖅᑯᖓᓕᕐᑕ ᐊᑕᓂᕐᒧᑦ, ᓴᓇᔨᒋᓚᐅᕐᑕᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 43:5

ᐃᕐᓯᓇᒃ, ᐱᖃᑎᒋᒐᒃᑭᑦ; ᑭᖑᕚᑎᑦ ᑎᑭᑎᑦᓱᒫᕐᐸᒃᑲ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑲᑎᑎᕐᓗᓯᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ.

ᐂᓮᐊᓯᐅᑉ ᐊᒡᓚᖏᑦ 43:7

ᑕᒪᕐᒥᒃ ᐊᑎᒃᑯᑦ ᕾᖁᔭᐅᓯᒪᔪᑦ, ᐱᓐᖑᕐᑎᓚᐅᕐᑕᒃᑲ ᓂᕐᑐᕐᑕᐅᑦᔪᑎᒃᓴᓐᓄᑦ; ᐋᖅᑭᒃᓱᓚᐅᕋᒃᑭᑦ, ᐃᓄᓕᐊᕆᓪᓗᒋᓪᓗ.”

ᐂᓮᐊᓯᐅᑉ ᐊᒡᓚᖏᑦ 44:21

“ᔧᑰ ᑕᒪᒃᑯᐊ ᐃᖅᑲᐅᒪᒃᑭᑦ, ᐃᓴᕆᐊᓪ ᐱᔨᒋᒐᒃᑭᑦ; ᐱᓐᖑᕐᑎᓚᐅᕋᒃᑭᑦ ᐱᔨᒋᕙᒋᑦ; ᐄᓱᕆᐅᓪ ᐅᕙᓐᓄᑦ ᐳᐃᒍᕐᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 44:24

ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;

ᐂᓮᐊᓯᐅᑉ ᐊᒡᓚᖏᑦ 45:11

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐱᓐᖑᕐᑎᑦᓯᔨᖓᓪᓗ: “ᓈᒻᒪᒃᓴᖏᓐᓂᕐᒧᑦ ᐊᐱᕐᓱᕈᒪᕕᓯᓐᖔ, ᕿᑐᕐᖓᓐᓂᒃ ᐱᑦᔪᑎᖃᕐᓗᓯ, ᐅᕙᓐᓂᒡᓗ ᖃᓄᐃᓕᐅᖁᔨᕕᓰ ᐊᒡᒐᓐᓄᑦ ᓴᓇᓯᒪᔭᓐᓂᒃ?

ᐂᓮᐊᓯᐅᑉ ᐊᒡᓚᖏᑦ 49:1

“ᓈᓚᒃᓯᓐᖓ, ᐃᒪᐅᑉ ᓯᓈᓂᒥᐅᑕᐅᔪᓯ, ᑐᓴᑦᓯᐊᕐᓗᓯᓗ ᐅᖓᓯᒃᑐᒥ ᓄᓇᖃᕐᑐᓯ, ᐊᑕᓂᐅᑉ ᕾᖁᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᓱᓕ; ᐊᓈᓇᒪ ᑎᒥᖓᓃᑎᓪᓗᖓ ᐊᑎᕐᑖᕐᑎᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 49:5

ᒫᓐᓇᓗ ᐊᑕᓂᖅ ᐅᖃᕐᐳᖅ, ᑖᑦᓱᒪ ᓴᓇᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᐱᔨᒋᔪᒪᓪᓗᓂᖓ, ᔧᑯᒃᑯᑦ ᐃᒻᒥᓄᑦ ᐅᑎᕐᑎᑕᐅᖁᓪᓗᒋᑦ, ᐃᓴᕆᐊᓕᒥᐅᓪᓗ ᑲᑎᑕᐅᖁᓪᓗᒋᑦ ᑖᑦᓱᒧᖓ, ᐅᐱᒋᔭᐅᔪᒃᓴᐅᖁᓪᓗᖓ ᐊᑕᓂᐅᑉ ᐃᔨᖏᒃᑕ ᓵᖓᓂ, ᒎᑎᒐᓗ ᐱᔪᓐᓇᐅᑎᒋᔪᒫᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 1:5

“ᓄᑕᕋᒃᓴᓐᖑᓚᐅᕐᑎᓐᓇᒃ ᓱᓕ ᓂᕈᐊᓚᐅᕐᐸᒋᑦ; ᐃᓅᓕᖅᑳᕐᑎᓐᓇᒡᓗ ᐃᑦᔪᕐᓁᑎᓚᐅᕐᐸᒋᑦ; ᑎᓕᓚᐅᕐᐸᒋᑦ ᐱᔪᖃᓛᕐᑐᒥᒃ ᐅᖃᕐᑎᒋᔪᒪᓪᓗᑎᑦ ᐃᓅᖃᑎᒌᒡᔪᐊᓄᑦ.”

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᕉᒪᒥᐅᓄᑦ 8:30

ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 33:26

“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ, ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.

ᒨᓯᓯ ᑕᓪᓕᒪᖏᑦ 33:5

ᐊᑕᓂᖅ ᐊᖓᔪᖅᑳᕐᔪᐊᕈᓚᐅᕐᐳᖅ ᔨᓱᕋᓐᒥ, ᐃᓄᐃᑦ ᐊᖓᔪᖅᑳᖏᑦ ᑲᑎᒪᑎᓪᓗᒋᑦ. ᐃᓴᕆᐊᓕᒥᐅᑦ ᑭᖑᕚᖑᖃᑎᒌᓕᒫᑦ ᑲᑎᒪᑎᓪᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:4

ᐅᒃᐱᕐᑑᖃᑎᕗᑦ, ᖃᐅᔨᒪᒐᑦᑕ ᒎᑎᐅᑉ ᓇᒡᓕᒋᖕᒪᓯ, ᑖᑦᓱᒪᓗ ᓂᕈᐊᕐᓯᒪᖕᒪᓯ;

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.