ᐂᓮᐊᓯᐅᑉ ᐊᒡᓚᖏᑦ 44:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓇᓪᓕᖏᓪᓘᓐᓃᑦ ᐃᓱᒪᒃᓴᕐᓯᐅᓐᖏᓚᑦ, ᓯᓔᓐᓂᕐᒧᑦ ᖃᐅᔨᒪᓇᓱᓐᖏᓚᑦ ᐅᖃᓐᖏᓚᓪᓘᓐᓃᑦ, “ᕿᔫᑉ ᐃᓚᖓᓄᑦ ᐃᑯᐊᓚᑦᓯᕗᖓ, ᓂᐊᖂᔭᓕᐅᕈᑎᒋᓪᓗᒍᓗ, ᓂᕿᒥᒡᓗ ᐆᔪᓕᐅᕈᑎᒋᒐᒃᑯ ᓂᕆᕗᖓ; ᕿᔪᒋᔭᒪ ᐊᒥᐊᒃᑯᖓ ᓇᕐᕈᓇᕐᑐᓕᐊᕆᔭᕆᐊᖃᕐᐸᕌ? ᐹᒻᒪᒃᑎᕆᐊᖃᕐᐳᖔ ᕿᔪᕈᓗᖕᒧᑦ?”

ᐂᓮᐊᓯᐅᑉ ᐊᒡᓚᖏᑦ 44:19 Iomraidhean Croise

ᐊᑕᓃᑦ ᓯᕗᓪᓖᑦ 11:5

ᓲᓗᒨᓂ ᑐᒃᓯᐊᖃᑦᑕᓕᓚᐅᕐᐳᖅ ᐋᔅᑕᕉᑎᒧᑦ ᐊᕐᓇᐅᓪᓗᓂ ᓮᑐᓂᒥᐅᑦ ᒎᑎᓐᖑᐊᖓᓄᑦ, ᒧᓕᑭᒧᓪᓗ ᐊᒧᓁᑎᑦ ᒎᑎᓐᖑᐊᖓᓄᑦ ᒎᑎᐅᑉ ᓇᕐᕈᒋᔭᖓᓄᑦ.

ᐊᑕᓃᑦ ᓯᕗᓪᓖᑦ 11:7

ᓲᓗᒨᓂ ᓴᓇᓚᐅᕆᕗᖅ ᑐᒃᓯᐊᕐᕕᖕᒥᒃ ᑭᒨᓯᒧᑦ ᒧᐊᐱᒥᐅᑦ ᒎᑎᓐᖑᐊᖓᓐᓄᑦ ᒎᑎᐅᑉ ᓇᕐᕈᒋᔭᖓᓄᑦ, ᑐᒃᓯᐊᕐᕕᖕᒥᒡᓗ ᒧᓕᑭᒧᑦ ᐊᒧᓁᑎᒥᐅᑦ ᒎᑎᓐᖑᐊᖓᓂᒃ ᒎᑎᐅᑉ ᓇᕐᕈᒋᔭᖓᓂᒃ ᔨᕉᓴᓕᐅᑉ ᑕᓕᕐᐱᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ.

ᐊᑕᓃᑦ ᐂᑉᐸᖏᑦ 23:13

ᐊᖓᔪᖅᑳᕐᔪᐊᑉ ᔫᓮᐊᐅᑉ ᐱᓪᓚᕆᒋᔭᐅᓪᓗᑎᒃ ᑐᒃᓯᐊᕐᕕᐅᖃᑦᑕᕐᑐᕕᓃᑦ ᐊᑐᕐᑕᐅᔪᓐᓁᓪᓕᑎᑉᐰᑦ ᔨᕉᓴᓕᐅᑉ ᓯᕿᓂᐊᑕ ᓇᓛᓃᑦᑐᑦ ᐱᖒᑉ ᐱᐅᖏᑦᑐᓕᕝᕕᖕᒥᒃ ᑍᔭᐅᔫᑉ ᓯᕿᓂᖓᓃᑦᑐᑦ, ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᓇᔭᐅᑎᑕᕕᓂᖏᑦ ᒎᑎᓐᖑᐊᒧᑦ ᐋᔅᑕᕉᑎᒥᒃ ᑍᔭᐅᔪᒧᑦ ᓮᑐᓂᐊᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ, ᑭᒨᓯᓗ ᒧᐊᐱᒥᐅᑦ ᒎᑎᓐᖑᐊᖓᓄᑦ ᓇᕐᕈᓇᕐᑐᒧᑦ, ᒥᐅᓪᑲᒻᒧᓪᓗ ᐊᒧᓁᑎᒥᐅᑦ ᒎᑎᓐᖑᐊᖓᓐᓄᑦ ᓇᕐᕈᓇᕐᑐᒧᑦ.

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᒨᓯᓯ ᐂᑉᐸᖏᑦ 7:23

ᑍᒤᒻᒪᑦ ᐰᕉ ᑕᕝᕙᓐᖓᑦ ᕿᒪᕉᑎᓕᕋᒥ ᐊᖏᕐᕋᕐᐳᖅ, ᑕᒪᑐᒧᖓᓗ ᐊᒡᓛᑦ ᐃᓱᒪᖓ ᐊᐅᓚᑦᔭᒃᑕᐅᓚᐅᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 44:18

ᑍᒤᑦᑐᑦ ᖃᐅᔨᒪᓐᖏᓚᑦ ᑐᑭᓯᓯᒪᓇᑎᒡᓗ; ᑕᑯᓐᓇᕐᑍᓕᒪᒐᒥᒃ ᑕᑯᔪᓐᓇᓐᖏᓚᑦ, ᐃᓱᒪᒥᒃᑎᒍᓪᓗ ᑐᑭᓯᔪᓐᓇᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 46:8

ᐅᓇ ᐃᖅᑲᐅᒪᓯᐅᒃ ᐃᓱᒪᒃᓴᕐᓯᐅᕈᑎᒋᓗᒍᓗ, ᐃᖅᑲᖃᑦᑕᕐᓗᒍᓗ, ᐃᓕᑦᓯ ᓈᓚᒍᒪᔪᓐᓇᖏᑦᑐᓯ.

ᐂᓮᐊᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᐃᓄᖁᑎᒃᑲ ᐊᐅᓪᓚᕈᑦᔭᐅᓚᐅᕐᐳᑦ ᑎᒍᔭᐅᓪᓗᑎᒃ, ᖃᐅᔨᒪᓇᓱᓚᐅᖏᓐᓇᒥᒃ; ᐊᖑᑎᑦ ᐅᐱᓐᓇᕐᑐᖁᑎᖏᑦ ᑳᖕᓂᕐᒧᑦ ᐱᕐᓕᓕᕐᐳᑦ, ᐃᓄᒐᓴᒡᔪᐊᖁᑎᖏᓪᓗ ᐃᒥᕈᖕᓂᕐᒧᑦ ᖀᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 40:4

ᑖᑦᓱᒪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐃᒃᐱᒋᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ, ᑐᑭᓯᑦᓯᐊᕋᓱᐊᕐᓗᑎᓪᓗ ᑕᒤᓐᓂᒃ ᐃᓕᖕᓄᑦ ᑕᑯᔭᐅᑎᓐᓂᐊᕐᑕᓐᓂᒃ, ᑕᒪᒃᑯᓂᖓ ᑕᑯᑎᑦᓯᖁᓪᓗᖓ ᐃᓕᖕᓄᑦ ᑕᒪᐅᓐᖓᕐᑎᑕᐅᒐᕕᑦ; ᑕᑯᔭᓕᒫᕐᓂᒃ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᖃᐅᓯᖃᕐᑐᒃᓴᐅᕗᑎᑦ.”

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 7:2

ᐃᓱᒪᓚᐅᕐᓯᒪᓐᖏᓚᓪᓘᓐᓃᑦ ᐱᐅᖏᑦᑐᓕᓂᖏᓐᓂᒃ ᐃᖅᑲᐅᒪᒐᔭᕐᓂᓐᓂᒃ; ᐊᔪᕐᑐᓕᓂᕐᒥᖕᓄᑦ ᐃᓗᒪᔭᐅᓕᕐᐳᑦ, ᑮᓇᕐᒪᓗ ᓯᕗᕌᓃᑉᐳᑦ.”

ᕼᐊᒊᑉ ᐊᒡᓚᖏᑦ 1:5

ᑍᒤᒻᒪᑦ ᒫᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ‘ᐃᓱᒪᒋᓚᐅᕐᓯᐅᒃ ᖃᓄᐃᓕᐅᕐᓯᒪᓂᓯ!

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 32:46

ᐃᓄᖕᓄᑦ ᐅᖃᕐᐳᖅ, “ᐆᒻᒪᑎᑦᓯᓐᓄᑦ ᑐᖅᑯᕐᓯᐅᒃ ᐅᖃᐅᓯᓕᒫᑦ ᐅᖃᐅᓯᕆᔭᒃᑲ, ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ, ᕿᑐᕐᖓᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᒃᓴᕆᕙᓯ, ᑖᒃᑯᐊᑦᑕᐅᖅ ᑲᒪᑦᓯᐊᕐᓗᑎᒃ ᒪᓕᖁᓪᓗᒋᑦ ᐱᖁᔧᑦ ᐅᑯᐊ ᐅᖃᐅᓯᓕᒫᖏᓐᓂᒃ.