ᐂᓮᐊᓯᐅᑉ ᐊᒡᓚᖏᑦ 44:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᒥᐊᒃᑯᖓᓂᒡᓗ ᒎᑎᓕᐅᕐᐳᖅ, ᓴᓇᓪᓗᓂ ᐃᓄᓐᖑᐊᓕᐅᕐᐳᖅ. ᐅᑯᕕᒋᓪᓗᒍᓗ ᑐᒃᓯᐊᕐᕕᒋᕚ, ᑐᒃᓯᐊᕐᕕᒋᓕᕋᒥᐅᒃ ᐅᖃᐅᑎᕚ, “ᓴᐳᑎᓚᐅᓐᖓ ᒎᑎᒋᒐᒃᑭᑦ!”

ᐂᓮᐊᓯᐅᑉ ᐊᒡᓚᖏᑦ 44:17 Iomraidhean Croise

ᐊᑕᓃᑦ ᓯᕗᓪᓖᑦ 18:26

ᑕᕝᕙ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᐱᕚᑦ ᑐᓂᔭᐅᓯᒪᔪᖅ, ᐊᑐᐃᓐᓇᕈᕐᓗᒍᓗ, ᒎᑎᒥᖕᓄᓪᓗ ᐰᓕᒧᑦ ᑐᒃᓯᐊᓚᐅᕐᐳᑦ ᐊᑎᖓ ᑍᓪᓗᒍ ᐅᓪᓛᒥᑦ ᐅᓪᓘᑉ ᕿᑎᕋᓕᕐᓂᖓᓄᑦ, ᐅᖃᕐᓗᑎᒃ, “ᐰᓖ, ᑐᓴᓚᐅᕐᑎᒍᑦ!” ᑭᓯᐊᓂᓕ ᓂᐱᖃᕐᑐᖃᓚᐅᓐᖏᓚᖅ, ᑭᐅᔪᖃᓚᐅᕋᓂᓗ. ᑖᓂᓯᕐᓗᑎᒃ ᑐᓂᕐᕈᓯᕐᕕᒃ ᓴᓇᓚᐅᕐᑕᑎᒃ ᑬᕙᓪᓚᖃᑦᑕᓚᐅᕐᐹᑦ.

ᐊᑕᓃᑦ ᓯᕗᓪᓖᑦ 18:28

ᓂᐱᖅᑯᕐᑐᓯᒋᐊᕐᐳᓪᓗ, ᐃᒻᒥᖕᓂᒡᓗ ᑭᓪᓕᐊᓪᓗᑎᒃ ᑍᒫᒃ ᐱᐅᓯᖃᕋᒥᒃ ᓴᕕᒡᔪᐊᓄᑦ ᓴᕕᑐᐃᓐᓇᓄᓪᓗ, ᐊᐅᓈᓕᓚᐅᖏᓐᓂᕐᒥᖕᓂ.

ᐂᓮᐊᓯᐅᑉ ᐊᒡᓚᖏᑦ 2:8

ᓄᓇᖓᑦ ᑕᑕᒃᑭᕗᖅ ᒎᑎᓐᖑᐊᓂᒃ; ᐹᒻᒪᖃᑦᑕᕐᓗᑎᒃ ᑐᒃᓯᐊᕐᓗᑎᒡᓗ, ᐊᒡᒐᓄᑦ ᓴᓇᓯᒪᔪᓄᑦ, ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓚᐅᕐᑕᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 37:38

ᑐᒃᓯᐊᕐᑎᓪᓗᒍᓕ ᑐᒃᓯᐊᕐᕕᖕᒥᓂ ᒎᑎᒥᓄᑦ ᓂᓱᕌᒃᒧᑦ, ᐃᕐᓂᖏᒃᑕ ᒪᕐᕉᒃ ᐋᑕᕋᒥᓕᑭᐅᑉ ᓴᕆᔨᕆᐅᓪᓗ, ᓴᕕᒡᔪᐊᒥᖕᓄᑦ ᑲᐱᓪᓗᒍ ᑐᖁᑉᐹᒃ, ᕿᒫᓪᓗᑎᒡᓗ ᓄᓇᒧᑦ ᐊᕋᕌᑦᒧᑦ, ᐃᕐᓂᕆᖕᒥᔭᖓᓗ ᐃᓴᕼᐊᑕᓂ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑭᖑᕝᕕᐅᑎᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 44:15

ᓇᐹᕐᑑᑉ ᐃᓚᖓ ᐃᓅᑉ ᕿᔪᒃᓴᕆᕚ; ᐃᓚᖓ ᐃᒻᒥᓄᑦ ᐅᖅᑰᑦᔪᑎᒃᓴᕆᕚ; ᐃᒐ ᐃᑯᐊᓪᓚᒃᑲᒥᐅᒃ ᓂᐊᖂᔭᓕᐅᕐᐳᖅ; ᐃᓚᖓᓗ ᒎᑎᓕᐊᕆᓪᓗᒍ ᑐᒃᓯᐊᕐᕕᒋᕚ; ᐃᓄᓐᖑᐊᓕᐊᕆᓪᓗᒍ ᒎᑎᓐᖑᐊᓕᐅᕐᐳᖅ, ᐹᒻᒪᒃᑎᕐᕕᒋᓪᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 44:16

ᓇᐹᕐᑑᑉ ᓇᑉᐸᖓ ᐃᑯᐊᓚᑦᓯᑦᔪᑎᒋᕚ; ᑖᑦᓱᒧᖓ ᓇᑉᐸᖓᓄᑦ ᓂᕿᓕᐅᕐᐳᖅ; ᓂᕿᓕᐊᒥᓂᒡᓗ ᓂᕆᒐᒥ ᐊᕿᐊᑦᑐᕐᐳᖅ. ᐅᖂᑦᓯᐊᓕᕋᒥ ᐅᖃᕐᐳᖅ, “ᐅᖅᑰᑦᓯᐊᓕᕐᐳᖓ, ᐃᑯᒪᑦᓯᐊᓕᕐᒪᑦ!”

ᐂᓮᐊᓯᐅᑉ ᐊᒡᓚᖏᑦ 45:20

“ᑲᑎᕐᓱᕐᓗᓯ ᕾᓚᐅᕆᑦᓯ; ᖃᒡᓕᒋᐊᕐᓗᓯ ᐊᑕᐅᑦᓯᒃᑯᑦ, ᐃᓕᑦᓯ ᐊᓐᓇᒃᓯᒪᔪᓯ ᐃᓅᖃᑎᒌᒡᔪᐊᓂᑦ. ᖃᐅᔨᒪᓐᖏᓚᑦ ᒎᑎᓐᖑᐊᓂᒃ ᕿᔪᖕᓂᒃ ᓴᓇᓯᒪᔪᓂᒃ ᐊᒡᔭᕐᓯᖃᑦᑕᕐᑐᑦ, ᑐᒃᓯᐊᖃᑦᑕᕐᑐᑦ ᒎᑎᓄᑦ ᐱᐅᓕᓯᔪᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 46:6

ᑖᒃᑯᐊ ᑮᓇᐅᔭᖃᐅᑎᒥᖕᓂ ᒎᓗᓂᒃ ᐊᒥᒐᖏᑦᑐᓂᒃ ᐱᖃᕐᑐᑦ, ᓯᐅᓪᕕᕆᓂᒡᓗ ᐅᖁᒤᓐᓂᕐᓯᐅᕐᐸᒃᑐᑦ, ᐊᑭᓕᕐᓱᕐᓂᐊᕐᑕᒥᖕᓂᒃ ᑎᓕᓯᕗᑦ ᒎᓗᓕᐅᕐᑎᒥᒃ ᒎᑎᓐᖑᐊᓕᐅᖁᓪᓗᒍ; ᑕᕝᕙ ᑭᖑᓂᖓᒍᑦ ᐹᒻᒪᒃᑎᕐᕕᒋᓪᓗᒍ ᑐᒃᓯᐊᕐᕕᒋᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 2:27

ᕿᔪᖕᒧᑦ ᐅᖃᕐᐳᑦ, ᐊᑖᑕᒋᕙᒋᑦ, ᐅᔭᕋᖕᒧᓪᓗ ᐅᖃᕐᓗᑎᒃ, ᐃᕐᓂᐊᕆᓚᐅᕐᐸᕐᒪ. ᐅᕙᓐᓂᒃ ᑐᓄᐃᕗᑦ ᓵᓐᖓᔪᒪᓇᑎᒡᓗ ᐅᕙᓐᓄᑦ, ᑭᓯᐊᓂᓕ ᐅᖁᒤᒃᓴᓕᕌᖓᒥᒃ ᐅᖃᕐᐸᒃᐳᑦ, ᐱᐅᓕᔭᐅᔪᒪᓪᓗᑎᒃ ᐅᕙᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 3:17

ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᑖᓂᐊᓕᐅᑉ ᐊᒡᓚᖏᑦ 3:29

“ᑍᒤᒻᒪᑦ ᐱᖁᔭᓕᐅᓕᕐᐳᖓ ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ ᐅᖃᐅᓯᖃᑎᒌᖏᑦᑐᓪᓗ, ᓇᓪᓕᐊᓐᓂᒃ ᐊᑭᕋᕐᑐᕐᓂᕐᒥᒃ ᐅᖃᕐᑐᖃᕐᐸᑦ, ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ ᒎᑎᖓᓐᓄᑦ, ᑍᒤᓕᐅᕐᑑᑉ ᑎᒥᖓ ᐊᕕᒃᑐᕐᑕᐅᔪᒃᓴᐅᕗᖅ ᐃᒡᓗᖓᓗ ᓯᖁᒥᑕᐅᓗᓂ ᓴᓂᑐᐃᓐᓇᐅᓕᕐᓗᓂ: ᒎᑎᑕᖃᖏᒻᒪᑦ ᐊᓯᐊᓂᒃ ᑍᒫᒃ ᓴᐳᑦᔨᔪᓐᓇᕐᑎᒋᔪᒥᒃ.”

ᑖᓂᐊᓕᐅᑉ ᐊᒡᓚᖏᑦ 6:16

ᑍᒤᒻᒪᑦ ᐊᖓᔪᖅᑳᕐᔪᐊᖅ ᐱᖁᔨᕗᖅ, ᑖᓂᐊᓕ ᐂᔭᐅᖁᓪᓗᒍ ᓛᔧᓪᓗ ᓯᑎᖓᓄᑦ ᐃᒋᑕᐅᖁᓪᓗᒍ, ᐊᖓᔪᖅᑳᕐᔪᐊᕐᓗ ᑖᓂᐊᓕᒧᑦ ᐅᖃᕐᐳᖅ, “ᒎᑎᕕᑦ ᑍᒪᓐᖓᑦ ᐱᔨᑦᓯᕐᑕᕕᑦ, ᓴᐳᑎᓕᑎᑦ!”

ᑖᓂᐊᓕᐅᑉ ᐊᒡᓚᖏᑦ 6:27

ᑖᓐᓇ ᐊᓐᓇᒃᑎᑦᓯᕙᒃᑐᖅ ᓴᐳᑦᔨᕙᒡᓗᓂᓗ; ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐱᓂᐊᕐᓂᖃᕐᐳᖅ ᕿᓚᖕᒥ ᓄᓇᒥᓗ. ᑖᓂᐊᓕ ᓴᐳᑎᓚᐅᕐᐹ ᓔᔧᑦ ᐱᔪᓐᓇᕐᓂᖏᓐᓂᑦ.”

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᒤᑲᐅᑉ ᐊᒡᓚᖏᑦ 5:12

ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ.

ᕼᐊᐸᑲᐅᑉ ᐊᒡᓚᖏᑦ 2:19

ᑲᑉᐱᐊᓐᓇᒦᒃ! ᕿᔪᖕᒧᑦ ᐅᖃᖃᑦᑕᕐᑐᖅ, “ᑐᐸᓕᕆᑦ!” ᐅᕝᕙᓗ ᐅᔭᕋᖕᒧᑦ ᑐᓵᖏᑦᑐᒧᑦ, “ᒪᑭᓕᕆᑦ!” ᑖᓐᓇ ᐃᓕᖕᓂᒃ ᑕᑯᑎᑦᓯᔪᓐᓇᕐᐹ? ᑕᑯᒋᑦ, ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᖄᐹᓕᕐᓯᒪᕗᖅ, ᐊᓂᕐᓵᕐᑐᕈᓐᓇᕋᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 19:27

ᑍᒪᓕ ᓇᖏᐊᕐᓇᕐᑐᒦᓕᕐᐳᒍᑦ, ᐱᓇᓱᐊᒐᕗᑦ ᐱᓪᓗᒋᑐᐃᓐᓇᐅᖏᑦᑐᖅ, ᒎᑎᑦᑎᓐᓄᑦ ᐋᕐᑎᒥᓯᒧᑦ ᑐᒃᓯᐊᕐᕕᕗᑦ ᓱᓇᐅᔪᓐᓃᕐᑎᑕᐅᓂᐊᓕᕐᐳᖅ, ᐋᕐᑎᒥᓯᓗ ᐊᓯᕈᕐᑕᐅᒐᔭᕆᐊᖓᓂᒃ, ᑖᓐᓇ ᑐᒃᓯᐊᕐᕕᒋᔭᐅᕙᖕᒪᑦ ᐂᓯᐊᒥ ᓇᓂᑐᐃᓐᓇᕐᓗ ᓄᓇᖃᕐᑐᓂ.”