ᐂᓮᐊᓯᐅᑉ ᐊᒡᓚᖏᑦ 44:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓴᕕᕋᔭᖕᒥᒃ ᓴᓇᓐᖑᐊᕐᑎ ᓴᓇᕗᖅ ᐃᑯᒪᒧᑦ ᐅᓈᕐᓯᑎᑉᐸᒃᓗᒍ; ᓴᓇᓕᕐᐳᖅ ᑲᓱᐊᕐᓗᒍ ᒥᒃᓯᑖᕐᑎᑉᐹ, ᓴᓇᓪᓗᓂᐅᒃ ᑕᓕᖓᑕ ᓴᓐᖏᓂᖓᓄᑦ, ᓱᓕᓕ ᑳᓕᕐᐸᒃᐳᖅ, ᑕᖃᓪᓗᓂᓗ; ᐃᒥᖃᑦᑕᕈᓐᓃᑐᐊᕈᓂ ᑕᕝᕙ ᓄᑮᕈᑎᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 44:12 Iomraidhean Croise

ᒨᓯᓯ ᐂᑉᐸᖏᑦ 32:4

ᐂᕉᓂᐅᓪᓗ ᓯᐅᑎᒥᐅᑍᑦ ᐱᒐᒥᒋᑦ ᐊᐅᒃᑎᑉᐰᑦ, ᑯᕕᓪᓗᒋᓪᓗ ᐋᖅᑭᒃᓯᕕᖕᒧᑦ, ᓄᕐᕋᓐᖑᐊᒥᒡᓗ ᓴᓇᕗᖅ. ᐃᓄᐃᓪᓗ ᐅᖃᕐᐳᖅ, “ᐃᓴᕆᐊᓕ, ᐅᓇ ᑕᕝᕙ ᒎᑎᕗᑦ, ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ!”

ᒨᓯᓯ ᐂᑉᐸᖏᑦ 32:8

ᑖᒃᑯᓄᖓ ᐊᑐᕐᑕᐅᖁᓚᐅᕐᑕᓐᓂᒃ ᒪᓕᒃᑕᐅᖁᓚᐅᕐᑕᓐᓂᒡᓗ ᕿᒤᓯᒪᓕᕇᕐᒪᑕ; ᒎᓗᒥᒃ ᐊᐅᒃᑎᑦᓯᓪᓗᑎᒃ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓᓂᒃ ᓴᓇᓯᒪᓕᕐᐳᑦ ᑖᓐᓇᓗ ᑐᒃᓯᐊᕐᕕᒋᓪᓗᒍ ᑐᓂᕐᕈᓯᕐᕕᒋᓯᒪᓕᕐᐹᑦ. ᐅᖃᕐᓗᑎᒡᓗ ‘ᑖᒃᑯᐊ ᑕᕝᕙ ᒎᑎᓯ, ᐃᓴᕆᐊᓕᒥᐅᖑᔪᓯ ᐄᑦᔨᑉᑎᒥᑦ ᐊᐅᓪᓚᕈᑦᔨᔨᒋᓚᕐᑕᓯ.’”

ᐂᓮᐊᓯᐅᑉ ᐊᒡᓚᖏᑦ 40:19

ᒎᑎᓐᖑᐊᒦᒃ? ᐃᓄᖕᒧᑦ ᓴᓇᓐᖑᐊᕐᑎᒧᑦ ᓴᓇᔭᐅᕙᒃᑐᓂᒃ, ᓴᕕᕋᔭᖕᒥᒃ ᓴᓇᕙᒃᑑᑉ ᓴᓇᔭᓂ ᒥᖑᐊᕐᐸᒃᐹ ᒎᓗᒥᒃ ᐃᓕᓯᕕᒋᓪᓗᒍᓗ ᐊᕐᓵᕐᑑᔭᓂᒃ ᓯᐅᓪᕕᕆᓂᒃ.

ᐂᓮᐊᓯᐅᑉ ᐊᒡᓚᖏᑦ 40:20

ᐊᖑᓪᓕ ᐊᔪᕐᓴᕌᖓᒥ ᕿᔪᖕᒥᒃ ᓯᑕᒃᑕᒥᒃ ᐊᐅᓂᕈᕈᓐᓇᖏᑦᑐᒥᒃ ᓂᕈᐊᕐᓗᓂ, ᓴᓇᓐᖑᐊᕐᑎᒧᑦ ᓴᓇᔭᐅᑎᑦᓯᕙᒃᐳᖅ ᒎᑎᓐᖑᐊᒥᒃ ᐅᕐᕈᔭᖏᑦᑐᒥᒃ.

ᕼᐊᐸᑲᐅᑉ ᐊᒡᓚᖏᑦ 2:13

ᑕᑯᒋᑦ, ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᑍᒤᑎᑦᓯᓐᖏᓛᖅ? ᐃᓄᐃᑦ ᓴᓇᖕᒪᑕ ᐃᑯᐊᓪᓚᒃᑐᒃᓴᑐᐃᓐᓇᕐᓂᒃ, ᐃᓅᖃᑎᒌᒡᔪᐃᓪᓗ ᐃᒻᒥᖕᓂᒃ ᑕᖃᑎᑉᐳᑦ ᓱᓇᒃᓴᐅᖏᑦᑐᒧᑦ.

ᕼᐊᐸᑲᐅᑉ ᐊᒡᓚᖏᑦ 2:18

ᒎᑎᓕᐊᕆᔭᐅᓯᒪᔪᖅ ᓱᓇᒧᑦ ᐊᑑᑎᖃᕐᐹ? ᓴᓇᔨᒥᓄᑦ ᓴᓇᔭᐅᓯᒪᖕᒪᑦ ᓴᕕᕋᔭᖕᒥᑦ, ᓴᒡᓗᓂᕐᒧᑦ ᐊᔪᕆᕐᑐᐃᑦᔪᑕᐅᓪᓗᓂ. ᖃᓄᕐᓕ ᓴᓇᔪᕕᓂᐅᑉ ᐱᕙᓪᓕᐅᑎᒋᒐᔭᕐᐸᐅᒃ ᓴᓇᔭᕕᓂᓂ ᐱᔪᓐᓇᐅᑎᒋᓇᓱᐊᕈᓂᐅᒃ? ᒎᑎᒋᓇᓱᒃᑕᖓ ᐅᖃᕈᓐᓇᕐᑎᓐᓇᒍ!

ᓴᑲᕅᐊᐅᑉ ᐊᒡᓚᖏᑦ 1:20

ᐊᒻᒪ ᓱᓕ ᐊᑕᓂᐅᑉ ᑕᑯᑎᒃᑭᕚᖓ ᓯᑕᒪᓂᒃ ᐃᒡᓗᓕᐅᕐᑎᓂᒃ.

ᒨᓯᓯ ᑕᓪᓕᒪᖏᑦ 4:28

ᑕᒪᒃᑯᓇᓂᓕ ᓇᔪᓕᕐᑕᑦᓯᓐᓂ ᒎᑎᖃᕈᒫᕐᐳᓯ ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᔪᓂᒃ, ᕿᔪᖕᓄᑦ ᐅᔭᖅᑲᓄᓪᓗ ᒎᑎᐅᔪᓄᑦ, ᒎᑎᒋᔭᐅᔪᑦ ᑕᑯᔪᓐᓇᖏᑦᑐᑦ ᑐᓴᕈᓐᓇᖏᑦᑐᓪᓗ, ᓂᕆᔪᓐᓇᖏᑦᑐᑦ ᓁᒪᔪᓐᓇᖏᑦᑐᓪᓗ.