ᐂᓮᐊᓯᐅᑉ ᐊᒡᓚᖏᑦ 44:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᑯᒋᑦ ᒪᓕᖃᑎᓕᒫᖏᑦ ᑕᕝᕙ ᑲᓐᖑᓇᕐᑐᒦᖃᑕᐅᕗᑦ; ᒎᑎᓐᖑᐊᒥᒃ ᓴᓇᔪᑦ ᐃᓄᑐᐃᓐᓇᐅᖕᒪᑕ, ᑲᑎᓪᓗᑎᒃ ᐃᑲᔪᕐᑎᒌᓕᕐᐸᑕ ᐊᑕᖏᕐᓗᑎᒃ; ᓯᕘᕋᓇᕐᑐᒧᑦ ᑎᑭᒐᔭᕐᐳᑦ, ᑲᓐᖑᓇᕐᑐᕐᔪᐊᕐᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 44:11 Iomraidhean Croise

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᐃᓐᖏᕈᑎᑦ 97:7

ᓴᓇᓯᒪᔪᓂᒃ ᑐᒃᓯᐊᕐᕕᖃᕐᑐᓕᒫᑦ ᑲᓐᖑᓱᒃᑎᑕᐅᓕᑦ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᐅᔪᕆᑦᔪᑎᖃᕐᑐᑦ; ᒎᑎᒋᔭᐅᔪᓯ ᑕᒪᑦᓯ ᑖᓐᓇ ᐹᒻᒪᒃᑎᕐᕕᒋᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 1:29

ᑲᓐᖑᓱᒃᑎᑕᐅᔪᒫᕐᐳᓯ ᓇᐹᕐᑐᓂᑦ ᑍᔭᐅᔪᓂᑦ ᐆᒃᒥᒃ ᖁᕕᐊᒋᓚᐅᕐᑕᑦᓯᓐᓂᑦ; ᐊᐅᐸᓪᓕᕐᑎᑕᐅᓗᓯᓗ ᐱᕈᕐᓰᕖᑦ ᓂᕈᐊᕆᓚᐅᕐᑕᑦᓯ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 42:17

ᑍᒃᑯᐊ ᐅᑎᕐᑎᑕᐅᔪᒫᕐᐳᑦ ᑲᓐᖑᓇᕐᑐᒦᓕᕐᓗᑎᒡᓗ, ᒎᑎᓐᖑᐊᓂᒃ ᑕᑎᖃᕋᓱᓚᐅᕐᑐᑦ, ᐅᖃᕐᐸᒃᑐᑦ ᒎᑎᓐᖑᐊᓄᑦ, ‘ᐃᓕᑦᓯᓐᓂᒃ ᒎᑎᖃᕐᐳᒍᑦ.’”

ᐂᓮᐊᓯᐅᑉ ᐊᒡᓚᖏᑦ 44:9

ᒎᑎᓐᖑᐊᓂᒃ ᓴᓇᔪᓕᒫᑦ ᐊᑑᑎᒃᓴᖃᓐᖏᓚᑦ, ᐱᓪᓚᕆᐅᑎᑕᕋᓗᐊᖏᓪᓗ ᐱᕙᓪᓕᕐᓇᕐᑐᕐᑕᖃᕋᑎᒃ, ᐃᒻᒥᖕᓂᒃ ᓇᓗᓁᓕᕗᑦ; ᑕᐅᑐᖏᒻᒪᑕ ᖃᐅᔨᒪᓇᑎᒡᓗ, ᑕᒪᒃᑯᐊ ᑲᓐᖑᓇᕐᑐᒦᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 45:16

ᒎᑎᓐᖑᐊᓕᐅᕐᐸᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᐅᐱᓐᓇᕈᓐᓃᕐᑎᑕᐅᓗᑎᒡᓗ ᐊᑕᖏᕐᓗᑎᒃ; ᐊᐅᓪᓚᕈᒫᕐᐳᑦ ᐊᑕᐅᑦᓯᒃᑯᑦ ᓇᓗᓕᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᔨᕆᒤᐊᐅᑉ ᐊᒡᓚᖏᑦ 10:14

ᐃᓄᓕᒫᑦ ᓯᓔᒻᒪᑕ ᖃᐅᔨᒪᓇᑎᒡᓗ, ᒎᓗᓕᕆᔨᓕᒫᑦ ᑲᓐᖑᓲᑎᓇᕐᓯᕗᑦ ᒎᑎᓐᖑᐊᒥᖕᓄᑦ; ᓴᓇᔭᖏᑦ ᓱᓕᓐᖏᓚᑦ, ᐊᓂᕐᓂᖃᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 51:17

ᐃᓄᓕᒫᑦ ᑐᑭᓯᒪᓐᖏᓚᑦ ᖃᐅᔨᒪᓇᑎᒡᓗ; ᒎᓗᒥᒃ ᓴᓇᓐᖑᐊᕐᑏᑦ ᒎᑎᓐᖑᐊᓕᐊᒥᖕᓂᒃ ᑲᓐᖑᓲᑎᒃᓴᓕᐅᕐᐸᒃᐳᑦ, ᓴᓇᓐᖑᐊᕐᑕᖏᑦ ᓱᓕᖏᒻᒪᑕ ᐊᓂᕐᓂᖃᕋᑎᒡᓗ.

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᒨᓯᓯ ᑕᓪᓕᒪᖏᑦ 4:28

ᑕᒪᒃᑯᓇᓂᓕ ᓇᔪᓕᕐᑕᑦᓯᓐᓂ ᒎᑎᖃᕈᒫᕐᐳᓯ ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᔪᓂᒃ, ᕿᔪᖕᓄᑦ ᐅᔭᖅᑲᓄᓪᓗ ᒎᑎᐅᔪᓄᑦ, ᒎᑎᒋᔭᐅᔪᑦ ᑕᑯᔪᓐᓇᖏᑦᑐᑦ ᑐᓴᕈᓐᓇᖏᑦᑐᓪᓗ, ᓂᕆᔪᓐᓇᖏᑦᑐᑦ ᓁᒪᔪᓐᓇᖏᑦᑐᓪᓗ.