ᐂᓮᐊᓯᐅᑉ ᐊᒡᓚᖏᑦ 43:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᕐᓯᓇᒃ, ᐱᖃᑎᒋᒐᒃᑭᑦ; ᑭᖑᕚᑎᑦ ᑎᑭᑎᑦᓱᒫᕐᐸᒃᑲ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑲᑎᑎᕐᓗᓯᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ.

ᐂᓮᐊᓯᐅᑉ ᐊᒡᓚᖏᑦ 43:5 Iomraidhean Croise

ᐃᓐᖏᕈᑎᑦ 106:47

ᐱᐅᓕᓚᐅᕐᑎᒍᑦ, ᐊᑕᓃᖅ ᒎᑎᕗᑦ, ᑲᑎᕐᓱᓚᐅᕐᑎᒍᓪᓗ ᐃᓅᖃᑎᒌᒡᔪᐊᑦ ᐊᑯᕐᖓᓐᓂᑦ, ᐊᑎᕐᓂᒃ ᐃᑦᔪᕐᓁᑦᑐᒥᒃ ᖁᔭᓕᑦᔪᑎᖃᓕᖁᓪᓗᑕ, ᓂᕐᑐᐃᓕᖁᓪᓗᑕᓗ ᓂᕐᑐᕐᑕᐅᔪᒃᓴᐅᓃᑦ ᒪᓕᒡᓗᒍ.

ᐃᓐᖏᕈᑎᑦ 107:3

ᓄᓇᓂᓪᓗ ᑲᑎᕐᓱᓚᐅᕐᑕᖏᑦ, ᓯᕿᓂᐅᑉ ᓄᐃᕕᐊᓂᑦ, ᓂᐱᕕᐊᓂᓪᓗ, ᐅᓐᓄᐊᓪᓗᐊᒥᑦ ᐅᓪᓗᓪᓗᐊᒥᓪᓗ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 41:9

ᑎᒍᓚᐅᕐᐸᒋᑦ ᓄᓇᕐᔪᐊᑉ ᐃᓱᐊᓂᑦ, ᐅᖓᓯᖕᓂᕐᐹᓂᓪᓗ ᕾᖁᓯᒪᕙᒋᑦ, ᐅᖃᐅᑎᓪᓗᑎᓪᓗ, ‘ᐱᔨᒋᕙᒋᑦ, ᓂᕈᐊᕐᓯᒪᒐᒃᑭᑦ ᖁᔭᓈᕐᓯᒪᓐᖏᓚᒋᑦ.’

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 44:2

ᐊᑕᓂᖅ ᐃᒫᒃ ᐅᖃᕐᐳᖅ ᐃᓕᖕᓂᒃ ᓴᓇᓚᐅᕐᑐᖅ, ᑖᑦᓱᒪ ᓴᓇᓚᐅᕐᒪᑎᑦ ᐃᒡᓕᐊᑉ ᐃᓗᐊᓂ, ᑖᑦᓱᒪ ᐃᑲᔪᕐᓂᐊᕐᐹᑎᑦ; ᑲᑉᐱᐊᓱᒃᑍᓕᒋᑦ, ᔧᑰ ᐱᔨᒋᒐᒃᑭᑦ; ᐃᕝᕕᓪᓗ ᔨᓱᕋᓐ ᓂᕈᐊᕆᓯᒪᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 49:12

ᑕᑯᒋᑦ, ᐅᖓᓯᒃᑐᓂᑦ ᑖᒃᑯᐊ ᐱᔪᒫᕐᐳᑦ; ᐃᓚᖏᓪᓗ ᐅᓐᓄᐊᓪᓗᐊᑉ ᓇᓛᓂᑦ, ᐃᓚᖏᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ, ᐃᓚᖏᓪᓗᑦᑕᐅᖅ ᓄᓇᒥᑦ ᓮᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 54:3

ᐱᕕᑦᑐᕆᐊᕆᐊᖃᕐᓂᐊᕋᕕᐅᒃ ᓴᐅᒥᒧᑦ ᑕᓕᕐᐱᒧᓪᓗ, ᑭᖑᕚᒃᓴᑎᑦ ᐃᓅᖃᑎᒌᒡᔪᐊᓂᒃ ᓄᓁᕈᑦᔨᔪᒫᕐᒪᑕ ᐃᒡᓗᒐᓴᒡᔪᐊᖃᕐᕕᕕᓂᖏᓐᓂᓗ ᐃᓄᖃᔪᐃᑦᑑᓕᕐᑐᓂᒃ ᐃᒡᓗᒐᓴᒃᑖᕐᑐᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 54:7

ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 61:9

ᑭᖑᕚᖏᑦ ᐃᓅᖃᑎᒌᒡᔪᐊᓄᑦ ᖃᐅᔨᒪᔭᐅᑦᓯᐊᕈᒫᕐᐳᑦ, ᕿᑐᕐᖓᖏᓪᓗ ᐃᓅᖃᑎᖏᓐᓄᑦ ᐃᓚᒋᔭᐅᑦᓯᐊᕐᓗᑎᒃ; ᑖᒃᑯᓂᖓ ᑕᑯᔪᑦ ᖃᐅᔨᔪᒫᕐᐳᑦ ᐅᖃᕈᓐᓇᕐᓗᑎᒡᓗ ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 8:10

ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 23:7

“ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐃᓄᐃᑦ ᐅᖃᖃᑦᑕᕈᓐᓃᕈᒫᕐᓂᖓᑦ, ‘ᐊᑕᓂᖅ ᐆᒪᖕᒪᑦ, ᐊᐅᓪᓚᕐᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ ᐄᑦᔨᑉᑎᒥᑦ.’

ᔨᕆᒤᐊᐅᑉ ᐊᒡᓚᖏᑦ 23:8

ᐅᖃᖔᖃᑦᑕᓕᕈᒫᕐᐳᓪᓕ ᐃᒫᒃ; ‘ᐊᑕᓂᖅ ᐆᒪᖕᒪᑦ, ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐅᓐᓄᐊᓪᓗᐊᑉ ᓇᓛᓃᑦᑐᓂᑦ ᓄᓇᓂᓪᓗ ᐃᓄᖁᑎᒥᓂᒃ ᖁᔭᓈᕐᓯᕕᒋᓚᐅᕐᑕᒥᓂᑦ.’ ᑕᕝᕙ ᓄᓇᖃᓕᕈᒫᕐᐳᑦ ᓇᖕᒥᓂᖅ ᓄᓇᒥᖕᓂ.”

ᔨᕆᒤᐊᐅᑉ ᐊᒡᓚᖏᑦ 29:14

ᐃᓕᑦᓯᓐᓄᑦ ᓇᓂᔭᐅᔪᓐᓇᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᑎᓐᓂᐊᕐᐸᑦᓯᓗ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ, ᐃᓅᖃᑎᒌᒡᔪᐊᓕᒫᓂᑦ ᓇᑭᑐᐃᓐᓇᖅ ᑲᑎᕐᓱᕐᓂᐊᕐᐸᑦᓯ ᐊᐅᓪᓚᕐᑎᑕᐅᕕᒋᓯᒪᓚᐅᕐᑕᑦᓯᓐᓂᑦ, ᐊᑕᓂᖅ ᐅᖃᕐᐳᖅ, ᐊᐅᓪᓚᕐᑎᑕᐅᕕᒋᓚᐅᕐᑕᑦᓯᓐᓂᑦ ᓄᓇᒋᓐᖏᑕᑦᓯᓐᓄᑦ, ᐅᑎᕐᑎᑦᓱᒫᕆᕙᑦᓯ ᓄᓇᑦᓯᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 3:18

ᑍᒃᑯᓇᓂᓗ ᐅᓪᓗᓂ ᔫᑕᒥᐅᑦ ᐃᓚᓕᐅᑎᔪᒫᕐᐳᑦ ᐃᓴᕆᐊᓕᒥᐅᓄᑦ, ᑖᒃᑯᐊᓗ ᐃᓅᖃᑎᒌᖑᓗᑎᒃ ᐅᓐᓄᐊᓪᓗᐊᑉ ᓇᓛᓂᓐᖓᕐᓗᑎᒃ ᓄᓇᑖᕈᒫᕐᐳᑦ ᓯᕗᓕᑦᓯᓐᓄᑦ ᓄᓇᑖᕆᔭᐅᖁᓚᐅᕐᑕᕋ ᑭᖑᕐᖑᑎᓕᕐᓗᒍ.”

ᔨᕆᒤᐊᐅᑉ ᐊᒡᓚᖏᑦ 42:11

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑲᑉᐱᐊᒋᑦᑍᓕᓯᐅᒃ, ᐱᖃᑎᒋᒐᑦᓯ ᐱᐅᓕᓂᐊᕐᐸᑦᓯ ᐱᔪᓐᓇᕐᓂᖓᓂᓪᓗ ᓴᐳᑎᓯᒪᓂᐊᕐᐸᑦᓯ.

ᔨᕆᒤᐊᐅᑉ ᐊᒡᓚᖏᑦ 51:46

ᑲᑉᐱᐊᓱᖕᓂᐊᕋᓯ ᓯᕘᕋᓇᓯᓗ, ᐅᖃᐅᓯᐅᕈᓘᔭᕐᑐᓂᒃ ᑐᓴᓕᕋᓗᐊᕈᑦᓯ ᐊᕐᕌᒍᑕᒫᑦ ᐅᖃᐅᓯᐅᕈᓘᔭᕐᑐᑦ ᐅᖃᐅᓯᐅᖃᑦᑕᕐᒪᑕ ᑲᑉᐱᐊᓇᕐᑐᖃᕐᓂᕅᔪᑦ ᓄᓇᒥ, ᐊᖓᔪᖅᑳᖑᔪᓪᓗ ᐊᖓᔪᖅᑳᖑᖃᑎᒥᖕᓄᑦ ᐊᑭᕋᕐᑐᕐᓂᕋᕐᑕᐅᔪᑦ.

ᔪᐃᓕᐅᑉ ᐊᒡᓚᖏᑦ 3:7

ᑕᑯᒋᑦ, ᒪᑭᑎᑦᓱᕙᒃᑲ ᓄᓇᓂᑦ ᓂᐅᕐᕈᑎᖃᕐᕕᒋᓚᐅᕐᑕᑦᓯᓐᓂᑦ, ᐱᓂᐊᕐᓂᕆᓚᐅᕐᑕᓯᓗ ᐃᓕᓯᓐᓄᑦ ᐱᑎᓐᓂᐊᕐᐸᕋ.

ᒤᑲᐅᑉ ᐊᒡᓚᖏᑦ 2:12

ᓱᓕᑦᓯᐊᕐᓗᖓ ᑲᑎᕐᓱᕈᒫᕐᐸᑦᓯ, ᔧᑯᒧᑦ ᑭᖑᕚᖑᔪᓯ; ᑲᑎᕐᓱᕈᒫᕐᐸᒃᑲ ᐃᓴᕆᐊᓕᒥ ᐊᒥᐊᒃᑰᔪᑦ; ᓰᐱᑎᑐᑦ ᓰᐱᒃᑯᕕᖕᒧᑦ ᑲᑎᕐᓱᕐᑕᐅᔪᑎᑐᑦ, ᓰᐱᑎᑐᓪᓗ ᓂᕿᒃᓴᓕᖕᒦᑦᑐᑎᑐᑦ; ᑐᓴᒡᒐᕕᒃᓴᐅᓛᓐᖏᓚᕐᓗ ᐃᓄᒋᐊᓗᐊᒧᑦ.

ᓴᑲᕅᐊᐅᑉ ᐊᒡᓚᖏᑦ 8:7

ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: ᐃᓄᖁᑎᒃᑲ ᓴᐳᑎᔪᒫᕐᐸᒃᑲ ᓯᑭᓂᐅᑉ ᓄᐃᕕᐊᓃᑦᑐᑦ ᓂᐱᕕᐊᓃᑦᑐᓪᓗ.

ᓘᑲᓯᐅᑉ ᐊᒡᓚᖏᑦ 13:29

ᐃᓄᐃᑦ ᑎᑭᑦᓱᒫᕐᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓂᑦ, ᐅᓐᓄᐊᓪᓗ ᓇᓛᓂᑦ, ᐅᓪᓘᓪᓗ ᓇᓛᓂᑦ, ᑖᒃᑯᐊ ᐃᒃᓯᕙᖃᑕᐅᔪᒫᕐᐳᑦ ᓂᕆᕕᖕᒥ ᒎᑎᐅᑉ ᐊᑕᓂᐅᕕᖓᓂ.

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.