ᐂᓮᐊᓯᐅᑉ ᐊᒡᓚᖏᑦ 43:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓪᓕᕐᓇᕐᑐᐊᓘᒐᕕᑦ ᑕᑯᓪᓗᑎᑦ, ᐅᐱᓐᓇᕐᓗᑎᑦ, ᓇᒡᓕᒋᓪᓗᑎᓪᓗ; ᑍᒤᒻᒪᑦ ᐃᓄᐃᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᐃᓄᐃᓪᓗ ᑕᐅᕐᓯᐅᑎᓗᒋᑦ ᐃᓅᓯᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 43:4 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᐃᓐᖏᕈᑎᑦ 135:4

ᐊᑕᓂᐅᑉ ᔧᑯ ᓂᕈᐊᓚᐅᕐᒪᒍ ᓇᖕᒥᓂᕆᔪᒪᓪᓗᒍ, ᐃᓴᕆᐊᓕᓗ ᓇᖕᒥᓂᖅ ᐱᖁᑎᒋᔪᒪᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 49:5

ᒫᓐᓇᓗ ᐊᑕᓂᖅ ᐅᖃᕐᐳᖅ, ᑖᑦᓱᒪ ᓴᓇᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᐱᔨᒋᔪᒪᓪᓗᓂᖓ, ᔧᑯᒃᑯᑦ ᐃᒻᒥᓄᑦ ᐅᑎᕐᑎᑕᐅᖁᓪᓗᒋᑦ, ᐃᓴᕆᐊᓕᒥᐅᓪᓗ ᑲᑎᑕᐅᖁᓪᓗᒋᑦ ᑖᑦᓱᒧᖓ, ᐅᐱᒋᔭᐅᔪᒃᓴᐅᖁᓪᓗᖓ ᐊᑕᓂᐅᑉ ᐃᔨᖏᒃᑕ ᓵᖓᓂ, ᒎᑎᒐᓗ ᐱᔪᓐᓇᐅᑎᒋᔪᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 63:9

ᐋᓐᓂᐊᑎᑕᐅᔭᕌᖓᑕ ᑕᒫᑦ ᐋᓐᓂᐊᖃᑕᐅᕙᓚᐅᕐᐳᖅ, ᓇᔫᑎᓂᖓᑕ ᐂᖏᓕᖓᓄᑦ ᓴᐳᑎᕙᓚᐅᕐᐰᑦ; ᓇᒡᓕᒍᓱᖕᓂᕐᒥᓄᑦ ᓂᑲᒍᓱᖕᓂᕐᒥᓄᓪᓗ ᐃᒻᒥᓄᑦ ᐅᑎᕐᑎᖃᑦᑕᓚᐅᕐᐰᑦ, ᑎᒍᓪᓗᒋᑦ ᐊᒡᔭᖃᑦᑕᓚᐅᕐᐰᑦ ᐅᓪᓗᓂ ᑍᒃᑯᓇᓂ.

ᔨᕆᒤᐊᐅᑉ ᐊᒡᓚᖏᑦ 31:3

ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

ᕼᐆᓯᐊᑉ ᐊᒡᓚᖏᑦ 11:1

“ᐃᓴᕆᐊᓕ ᓄᑕᕋᐅᑎᓪᓗᒍ, ᓇᒡᓕᒋᓚᐅᕐᐸᕋ, ᐃᕐᓂᕋ ᐄᑦᔨᑉᑎᒦᑎᓪᓗᒍ ᕾᖁᓚᐅᕐᐸᕋ.

ᒪᓚᑬᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᓇᒡᓕᒋᓚᐅᕐᐸᑦᓯ.” ᐅᖃᕐᐳᓯᓕ, “ᖃᓄᐃᓕᐅᕐᓗᑎᑦ ᓇᒡᓕᒋᕕᒋᑎᒍᑦ?” ᐊᑕᓂᖅ ᐅᖃᕐᐳᖅ, “ᐄᓴ ᔧᑰᑉ ᖃᑕᓐᖑᑎᒋᓚᐅᓐᖏᓛ? ᔧᑯᓕ ᓇᒡᓕᒋᓚᐅᕐᐸᕋ.

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᔪᐊᓇᓯᐅᑉ ᐊᒡᓚᖏᑦ 16:27

ᐊᑖᑕᐅᑉ ᓇᖕᒥᓂᖅ ᓇᒡᓕᒋᖕᒪᓯ, ᓇᒡᓕᒋᒐᑦᓯᓐᖓ ᐅᒃᐱᕐᓗᓯᓗ ᒎᑎᒥᑦ ᐱᓚᐅᕋᒪ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᔪᐊᓇᓯᐅᑉ ᐊᒡᓚᖏᑦ 17:26

ᑖᒃᑯᓄᖓ ᖃᐅᔨᔭᐅᑎᑉᐸᒋᑦ, ᓱᓕ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓂᖅ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᒨᓯᓯ ᑕᓪᓕᒪᖏᑦ 14:2

ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑎᒋᔭᐅᒐᑦᓯ ᐃᑦᔪᕐᓁᑦᑐᖁᑎᒋᔭᐅᓪᓗᓯ, ᐊᑕᓂᐅᑉ ᓂᕈᐊᕐᓯᒪᖕᒪᓯ ᓇᖕᒥᓂᕆᔪᒪᓪᓗᓯ, ᓄᓇᕐᔪᐊᕐᒦᑦᑐᓕᒫᑦ ᐊᑯᕐᖓᓐᓂᑦ.”

ᒨᓯᓯ ᑕᓪᓕᒪᖏᑦ 26:18

ᐅᓪᓗᒥ ᐊᑕᓂᐅᑉ ᐃᓚᓕᐅᓕᕐᐹᓯ ᓇᖕᒥᓂᖅ ᐃᓄᖁᑎᒋᔪᒪᓪᓗᓯ, ᑕᒪᑐᒥᖓ ᐊᖏᕐᕕᒋᓯᒪᖕᒪᓯ, ᑖᑦᓱᒪᓗ ᐱᖁᕚᓯ ᐱᖁᔭᖏᓐᓂᒃ ᑕᒤᓐᓂᒃ ᒪᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 4:37

ᓯᕗᓕᕕᓂᕐᓯ ᓇᒡᓕᒋᒐᒥᒋᑦ, ᑕᕝᕙ ᓂᕈᐊᓚᐅᕐᐹᓯ, ᐱᔪᓐᓇᕐᓂᕐᔪᐊᕐᒥᓄᑦ ᓇᖕᒥᓂᖅ ᐊᓂᑎᓚᐅᕐᐹᓯ ᐄᑦᔨᑉᑎᒥᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.