ᐂᓮᐊᓯᐅᑉ ᐊᒡᓚᖏᑦ 43:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 43:3 Iomraidhean Croise

ᒨᓯᓯ ᓯᕗᓪᓖᑦ 10:7

ᑯᓯᐅᑉ ᑭᖑᕚᖏᑦ ᐅᑯᐊᖑᒋᕗᑦ: ᓰᐸ, ᕼᐊᕕᓚ, ᓴᑉᑕ, ᕌᒪ, ᓴᑉᑎᑲᓗ. ᕌᒪᐅᓪᓕ ᑭᖑᕚᖏᑦ ᐅᑯᐊᖑᒋᕗᑦ: ᓰᑉᐸ ᑎᑖᓂᓗ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᒨᓯᓯ ᐂᑉᐸᖏᑦ 10:7

ᑕᕝᕙ ᐰᕉᑉ ᐱᔨᖏᑦ ᐰᕉᒧᑦ ᐅᖃᕐᐳᑦ, “ᖃᓄᖅ ᐊᑯᓂᐅᑎᒋᔪᖅ ᑖᒃᑯᐊ ᐊᖑᑎᑦ ᐅᕙᑦᑎᓐᓂᒃ ᐸᒡᕕᓴᒃᑐᒃᓴᐅᕚᑦ? ᐅᑯᐊ ᐃᓄᐃᑦ ᐊᐅᓪᓚᕐᑎᓚᐅᒃᑭᑦ, ᐊᑕᓂᕐᒧᑦ ᒎᑎᒥᖕᓄᑦ ᑐᒃᓯᐊᕆᐊᕐᑐᕈᓐᓇᖁᓪᓗᒋᑦ; ᓱᓕ ᖃᐅᔨᓐᖏᓚᑏᑦ? ᐄᑦᔨᑉᑎᐅᑉ ᑭᓱᒃᓴᐅᔪᓐᓃᕐᑎᑕᐅᓂᖓᓂᒃ?”

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:8

ᐃᓱᐊᕐᑐᑦ ᓴᐳᑦᔭᐅᓯᒪᓂᐊᕐᐳᑦ ᐊᑲᐅᖏᑦᑐᒥᑦ, ᐱᐅᖏᑦᑐᓪᓗ ᑎᑭᐅᑎᖔᕐᓂᐊᕐᐳᑦ ᐊᑲᐅᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:18

ᐱᐅᖏᑦᑐᑦ ᐊᑭᓕᕐᑕᐅᓂᐊᕐᐳᑦ ᐃᓱᐊᕐᑑᑉ ᐃᓅᑦᔪᑎᒃᓴᖓᓄᑦ, ᐅᒃᐱᕈᒪᖏᑦᑐᓪᓗ ᐊᑭᓕᐅᑕᐅᓗᑎᒃ ᓈᒻᒪᑦᓯᐊᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 19:20

ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 20:3

ᑕᕝᕙ ᐊᑕᓂᖅ ᐅᖃᕐᐳᖅ, “ᐱᔨᒐ ᐂᓮᐊᓯ ᐊᕐᕌᒍᓂᒃ ᐱᖓᓱᓂᒃ ᐱᓱᑲᑕᖃᑦᑕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ, ᑕᒪᓐᓇ ᓇᓗᓁᒃᑯᑕᐅᕗᖅ ᑲᒪᓇᕐᑑᓪᓗᓂᓗ ᐄᑦᔨᑉᑎᒥᐅᑦ ᐃᑎᐅᐱᐊᒥᐅᓪᓗ ᐱᐅᓯᕆᔪᒫᕐᑕᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:11

ᐊᖅᑯᒻᒥᑦ ᐊᒡᕔᕆᑦᓯ, ᐊᖅᑯᑕᐅᕙᒃᑐᖅ ᐊᑐᕈᓐᓃᕐᓗᒍ, ᑐᓴᕐᑎᑦᓯᓂᐊᕋᓯ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᓂᒃ ᐅᕙᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 42:8

ᐅᕙᖓᐅᕗᖅ ᐊᑕᓂᖅ, ᑖᓐᓇ ᑕᕝᕙ ᐊᑎᕋ; ᐱᓐᓇᕐᓇᕐᓂᕐᔪᐊᕋ ᓇᒧᓪᓘᓐᓃᑦ ᑐᓂᓂᐊᓐᖏᓚᕋ, ᓂᕐᑐᕐᓇᕐᓂᕋᓗ ᒎᑎᓐᖑᐊᓄᑦ ᑐᓂᓂᐊᓐᖏᓚᕋ.

ᐂᓮᐊᓯᐅᑉ ᐊᒡᓚᖏᑦ 43:11

ᐅᕙᖓ, ᐅᕙᖓᐅᕗᖅ ᐊᑕᓂᖅ, ᓴᓂᒃᑯᑦ ᐊᓯᓐᓂᒃ ᐱᐅᓕᔨᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 45:15

ᓱᓕᔪᒥᒃ ᐃᕝᕕᑦ ᒎᑎᐅᒐᕕᑦ, ᐃᒻᒥᓂᒃ ᐃᔨᕐᓯᒪᔪᑎᑦ, ᐃᓴᕆᐊᓕᒥᐅᑦ ᒎᑎᖓᑦ, ᐱᐅᓕᔨ.

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 60:16

ᐃᓅᖃᑎᒌᒡᔪᐊᑦ ᐃᒻᒧᖏᓐᓂᒃ ᐃᒥᕈᒫᕐᐳᓯ, ᐊᖓᔪᖅᑳᕐᔪᐊᓪᓗ ᐊᒫᒪᖏᓐᓂᑦ ᐊᒫᒪᒡᓗᓯ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᖅ ᐱᐅᓕᔨᐅᒐᒪ ᐃᓕᑦᓯᓐᓄᑦ ᐅᑎᕐᑎᑦᓯᔨᓯ, ᔧᑰᑉ ᑭᖑᕚᖏᑕ ᐊᔪᒐᖃᖏᑦᑐᖁᑎᖓ.

ᐂᓮᐊᓯᐅᑉ ᐊᒡᓚᖏᑦ 63:8

ᐅᖃᓚᐅᕐᒪᑦ, “ᑖᒃᑯᐊ ᐃᓄᖁᑎᒋᕙᒃᑲ, ᐃᕐᓂᕆᒐᒃᑭᑦ ᓱᓕᖏᑦᑐᓂᒃ ᐅᕙᓐᓄᑦ ᐱᓂᐊᕐᓂᖃᕐᓂᐊᓐᖏᓚᑦ.” ᑍᒤᒻᒪᑦ ᑕᕝᕙ ᐱᐅᓕᔨᑖᕆᓚᐅᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 14:8

ᐃᓴᕆᐊᓕᒥᐅᑦ ᓂᕆᐅᒡᕕᑐᐊᕆᖕᒪᑎᑦ, ᐱᐅᓕᔨᑐᐊᕆᓪᓗᑎᓪᓗ ᐊᑲᐅᖏᑦᑐᖃᓕᕐᑎᓪᓗᒍ, ᓱᖕᒪᑦ ᓂᐅᕐᕈᐊᑎᑐᑦ ᓄᓇᒥ ᑍᒤᓕᐅᕐᕕᒋᕕᑎᒎᑦ? ᐅᓐᓄᐊᒥᒃ ᐊᑕᐅᓯᕐᒥᒃ ᓯᓂᒃᑕᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 16:21

ᑍᒤᒻᒪᑦ ᑕᑯᒋᑦ, ᖃᐅᔨᑎᓐᓂᐊᕐᐸᒃᑲ, ᑕᒪᑐᒪᓂ ᖃᐅᔨᑎᓐᓂᐊᕐᐸᒃᑲ, ᐱᔪᓐᓇᕐᓂᖃᕐᓂᓐᓂᒃ ᓴᓐᖏᔫᓂᓐᓂᒡᓗ, ᖃᐅᔨᓕᕐᓂᐊᕐᒪᑕ ᐊᑎᖃᕋᒪ ᐊᑕᓂᕐᒥᒃ.”

ᐃᓯᑭᐊᓕᐅᑉ ᐊᒡᓚᖏᑦ 39:7

ᐊᑎᕋ ᐃᑦᔪᕐᓁᑦᑐᖅ ᖃᐅᔨᔭᐅᑎᑦᓱᒪᒐᒃᑯ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐊᑎᕋᓗ ᓇᕐᕈᓇᕐᓯᑎᑕᐅᖁᔪᓐᓁᕋᒃᑯ; ᐃᓅᖃᑎᒌᒡᔪᐊᓪᓗ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᕼᐆᓯᐊᑉ ᐊᒡᓚᖏᑦ 13:4

“ᐅᕙᖓᐅᕗᖓ ᐊᑕᓂᖅ ᒎᑏᑦ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᑦᓯᓚᐅᕐᑐᖅ; ᐊᓯᓐᓂᒃ ᒎᑎᒥᒃ ᖃᐅᔨᓂᐊᓐᖏᓚᑎᑦ, ᐊᓯᓐᓂᒡᓗ ᐱᐅᓕᔨᑕᖃᕐᓇᓂ.

ᒨᓯᓯ ᐱᖓᔪᖏᑦ 11:44

ᐊᑕᓂᐅᒐᒪ ᒎᑎᓯ; ᐃᓕᑦᓯᓐᓂᒃ ᑐᓂᓕᕆᑦᓯ ᐃᑦᔪᕐᓁᓕᕐᓗᓯᓗ, ᐅᕙᖓ ᐃᑦᔪᕐᓁᓐᓇᒪ. ᐃᓕᑦᓯᓐᓂᒃ ᓴᓗᒤᓕᕐᑎᓐᓂᐊᕋᓯ ᐆᒪᔪᐃᑦ ᐹᕐᖑᕐᑐᑦ ᓄᓇᒥ ᐱᑦᔪᑎᒋᓗᒋᑦ.

ᐂᒨᓯᐅᑉ ᐊᒡᓚᖏᑦ 9:7

ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ, ᐃᑎᐅᐱᐊᒥᐅᓄᑦ ᐊᑦᔨᐅᓐᖏᑎᑕᐅᓇᓱᒋᕕᓰ ᐅᕙᓐᓄᑦ? ᐊᐅᓪᓚᕐᑎᓚᐅᓐᖏᓚᑦᓰ ᐄᑦᔨᑉᑎᒥᑦ, ᑍᒫᒃᑕᐅᖅ ᐱᓕᔅᑍᓂᒥᐅᑦ ᑲᑉᕼᐊᑐᐊᕆᒥᑦ, ᓯᕆᐊᒥᐅᓪᓗ ᑭᕆᒥᑦ?”

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.