ᐂᓮᐊᓯᐅᑉ ᐊᒡᓚᖏᑦ 43:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 43:28 Iomraidhean Croise

ᓴᒧᐃᓕ ᐂᑉᐸᖏᑦ 1:21

ᓯᓚᓗᓕᕐᑍᓕᓕ, ᒥᓂᑦᑍᓕᓗᓂᓗ ᒋᐅᓪᐳᐊᑉ ᖃᖅᑲᖏᓐᓂ; ᐱᕈᕐᓰᕕᖏᓪᓗ ᐱᕈᕐᑐᖃᕐᑍᓕᓕᑦ! ᓯᕘᕋᖏᑦᑐᑦ ᓴᐴᓗᑕᖏᑦ ᒪᓂᖅᑲᒦᑉᐳᑦ ᑲᓐᖑᓇᕐᑐᒦᑎᑕᐅᓂᒃᑯᑦ; ᓴᐅᓕᐅᑉ ᓴᐴᓗᑕᖓ ᕿᓪᓕᕐᓴᕐᓯᒪᔫᓐᓃᕐᐳᖅ ᐅᕐᓱᒧᑦ.

ᑯᕉᓂᑲ ᓯᕗᓪᓖᑦ 24:5

ᑖᒃᑯᐊ ᐋᖅᑭᒃᓱᕐᑕᐅᕗᑦ ᓇᓚᐅᑦᑖᕈᑎᒧᑦ, ᐊᑦᔨᒌᒃᑐᒥᒃ, ᐃᒤᓕᖓᑎᓪᓗᒋᑦ ᐃᓚᖏᑦ ᐊᖓᔪᖅᑳᓐᖑᕐᐳᑦ ᐃᑦᔪᕐᓁᑦᑐᒃᑯᕕᖕᒧᑦ, ᐃᓚᖏᓪᓗ ᐊᖓᔪᖅᑳᓐᖑᕐᐳᑦ ᒎᑎᐅᑉ ᐃᒡᓗᖓᓄᑦ ᐃᓕᓯᕆᐅᑉ ᐃᑕᒫᕆᐅᓪᓗ ᐃᕐᓂᖏᑦ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᐃᓐᖏᕈᑎᑦ 79:4

ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ; ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.

ᐃᓐᖏᕈᑎᑦ 89:39

ᐱᔨᖕᓄᑦ ᐊᖏᖃᑎᒌᒍᑎᒋᓯᒪᔧᑦ ᐊᑐᕈᓐᓃᕐᑎᑉᐸᑦ; ᑖᑦᓱᒪ ᓂᐊᖂᑎᖓ ᓇᕐᕈᓇᕐᓯᑎᑉᐸᑦ ᓄᓇᒧᑦ ᐃᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 34:5

ᓴᕕᒡᔪᐊᕋ ᐃᒥᕈᐃᕐᓯᒪᓕᕐᒪᑦ ᕿᓚᖕᒥ; ᑕᕝᕙ ᐊᖅᑲᓕᕆᕗᖅ ᐄᑐᒥᒥᐅᓄᑦ, ᐃᓄᖏᓐᓄᑦ ᐊᓯᕈᒐᒃᓴᓄᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 5:15

“ᓇᕐᕈᓇᕐᓯᔪᒫᕐᐳᓯ ᒥᑕᐅᑎᒃᓴᐅᓕᕐᓗᓯᓗ, ᐃᓂᕐᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᕐᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓯᒪᓂᒃᑯᓪᓗ, ᓱᒋᐊᕐᓯᓂᒃᑯᑦ ᑲᑉᐱᐊᓇᕐᑐᑎᒍᑦ, ᐅᕙᖓ ᐊᑕᓂᖅ, ᐅᖃᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:12

ᐅᖃᐅᓯᕐᑎᑦ ᓈᒻᒪᒃᓴᖏᓐᓂᑎᓪᓗ ᐅᕙᑦᑎᓐᓂᒃ ᐊᐅᓚᑦᓯᔨᑦᑎᓐᓂᒡᓗ ᑲᔪᓯᓯᒪᖕᒪᑕ ᖁᕕᐊᓇᖏᑦᑐᓄᑦ ᐅᒡᒍᐊᕐᓇᕐᑐᓄᑦ ᑎᑭᓯᒪᕗᒍᑦ. ᕿᓚᐅᑉ ᐊᑖᓂ ᔨᕉᓴᓕᐅᑉ ᐱᓂᐊᕐᕕᐅᓯᒪᓂᖓᑐᑦ ᐱᔭᐅᔪᖃᓚᐅᕐᓯᒪᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 9:14

ᐊᑕᓂᐅᑉ ᐱᐅᖏᑦᑐᒧᑦ ᑲᑉᐱᐊᓇᕐᑐᒧᑦ ᐅᑕᕿᓇᓂ ᑎᑭᑎᓚᐅᕐᐹᑎᒍᑦ, ᐊᑕᓂᖅ ᒎᑎ ᐃᓱᐊᕐᑑᖕᒪᑦ ᖃᓄᐃᓕᐅᕐᑕᓕᒫᒥᓂ; ᐅᕙᒍᓪᓕ ᓈᓚᓚᐅᖏᓚᕗᑦ.

ᓴᑲᕅᐊᐅᑉ ᐊᒡᓚᖏᑦ 5:3

ᐅᖃᐅᑎᕚᖓᓗ, “ᑖᒃᑯᓇᓂ ᓱᒋᐊᕐᑕᐅᑦᔪᑎᒃᓮᑦ ᑕᒫᓂ ᓄᓇᖃᕐᑐᓕᒫᓄᑦ ᑎᑎᕋᕐᓯᒪᕗᑦ; ᐃᒫᒃ ᑎᑎᖅᑲᑦ ᐃᒡᓗᐊᓂ ᑎᑎᕋᕐᓯᒪᖕᒪᑦ, ᑎᒡᓕᒃᐸᒃᑐᑦ ᓄᓇᒥᑦ ᐊᐅᓪᓚᕐᑎᑕᐅᔪᒫᕐᐳᑦ; ᑎᑎᖅᑲᓪᓗ ᑖᒃᑯᐊ ᑐᓄᐊᓂ ᐃᒤᓕᖓᒋᕗᑦ; ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᑦ ᐊᐅᓪᓚᕐᑎᑕᐅᔪᒫᕆᕗᑦ.

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:16

ᐊᒡᓛᑦ ᔫᑎᐅᖏᑦᑐᓄᑦ ᐅᖃᓪᓚᖃᑦᑕᖁᔨᓇᑎᒃ ᓄᖅᑲᕐᑎᑦᓯᓇᓱᐊᓚᐅᕐᐳᑦ ᐅᕙᑦᑎᓐᓂᒃ, ᐅᖃᐅᓯᕐᓂᒃ ᐱᐅᓕᔭᐅᑦᔪᑎᒃᓴᖏᓐᓂᒃ; ᑍᒤᓕᐅᕐᓗᑎᒃ ᐊᔪᕐᑐᓕᒃᑲᓐᓂᓚᐅᕐᐳᑦ ᐊᖏᓂᕐᓴᒋᐊᓪᓚᖕᒥᒃ. ᒫᓐᓇᓗ ᒎᑎᐅᑉ ᓂᓐᖓᐅᓯᖓᑕ ᑎᑭᕝᕕᒋᓯᒪᓕᕐᐰᑦ!