ᐂᓮᐊᓯᐅᑉ ᐊᒡᓚᖏᑦ 43:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᓯᕗᓕᑦᓯ ᓯᕗᓪᓕᕐᐹᕕᓂᖓᑦ ᐊᔪᕐᑐᓕᓚᐅᕐᐳᖅ, ᐃᑲᔪᕐᑎᒋᔭᓯᓗ ᐊᔪᕐᑐᓕᓚᐅᕐᐳᑦ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 43:27 Iomraidhean Croise

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 24:20

ᓄᓇᕐᔪᐊᕐᓗ ᐊᖔᔮᕐᑐᑎᑐᑦ ᐅᕐᕈᔮᕈᒫᕐᐳᖅ, ᐃᒡᓗᑎᑐᓪᓗ ᐊᓄᕆᓯᐅᕐᓗᓂ ᐅᕚᔪᑎᑐᑦ ᐊᐅᓚᔪᒫᕐᐳᖅ, ᓄᓇᕐᔪᐊᖅ ᐊᔪᕐᑐᓕᓂᕐᒥᓄᑦ ᐅᖁᒤᑦᑐᒦᑎᒻᒪᑦ, ᐅᕐᕈᔪᒫᕐᐳᖅ ᒪᑭᒃᑲᓐᓂᕐᓂᐊᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 28:7

ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᐋᖓᔮᓗᐊᕐᓂᕐᒧᑦ ᐅᕐᕈᔮᓕᕐᐳᑦ, ᐃᒥᓗᐊᕐᓂᕐᒧᓪᓗ ᕔᓂᒥᒃ ᓴᓐᖏᔪᒥᒡᓗ ᐅᕐᕈᖃᑦᑕᑐᐃᓐᓇᓕᕐᐳᑦ; ᕔᓂᑐᕐᓂᕐᒧᑦ ᓇᓗᓕᕐᓯᒪᓕᕐᐳᑦ, ᐅᕐᕈᔮᕐᐳᑦ ᐃᒥᓗᐊᒧᑦ ᓴᓐᖏᔪᒧᑦ; ᑕᑯᓐᓇᕐᑕᖏᑦ ᐱᐅᔪᓐᓃᕐᓗᑎᒃ, ᑕᒻᒪᖃᑦᑕᓕᕐᐳᑦ ᐃᖅᑲᕐᑐᐃᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 29:10

ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᐂᓮᐊᓯᐅᑉ ᐊᒡᓚᖏᑦ 3:12

ᐃᓄᖁᑎᒪᓕ ᓱᕈᓰᑦ ᐅᖁᒤᒃᓴᕐᑎᑦᓯᔨᒋᕔᑦ, ᐊᕐᓇᓄᓪᓗ ᐊᐅᓚᑕᐅᓪᓗᑎᒃ. ᐃᓄᖁᑎᒃᑳ, ᑕᓯᐅᕐᑎᑦᓯᓐᓄᑦ ᑕᒻᒪᕐᑎᑕᐅᓯᒪᕗᓯ, ᐊᖅᑯᑎᒋᔭᕆᐊᖃᕐᑕᑦᓯᓐᓂᒡᓗ ᓇᓗᓕᕐᑎᑕᐅᓯᒪᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 51:2

ᐂᑉᕋᕼᐋᒻ ᓯᕗᓕᕕᓂᓯ ᐃᖅᑲᕐᓯᐅᒃ, ᓵᕋᓗ ᐊᓂᕕᒋᓯᒪᔭᓯ; ᐂᑉᕋᕼᐋᒻ ᐊᑕᐅᓯᑐᐊᖑᑎᓪᓗᒍ ᕾᖁᓚᐅᕐᐸᕋ, ᓮᒻᒪᕐᑎᓪᓗᒍᓗ ᐃᓄᒋᐊᒃᓯᑎᓚᐅᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 9:15

ᐃᓄᑐᖃᐅᔪᑦ ᐅᐱᒋᔭᐅᔪᓪᓗ ᑕᕝᕙ ᓂᐊᖂᕗᑦ, ᓱᓕᖏᑦᑐᒥᒃ ᓇᓚᐅᑦᑍᕙᒃᑐᑦ ᐃᓕᓮᕙᒃᑐᓪᓗ ᑕᕝᕙ ᐸᒥᐅᖑᕗᑦ;

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 8:8

ᖃᓄᖅ ᐅᖃᕈᓐᓇᕐᐱᓰ? ᓯᓚᑐᓂᕋᕐᓗᓯ ᐊᑕᓂᐅᑉ ᐱᖁᔭᖏᓐᓂᒃ ᓇᔪᕐᑎᖃᕐᓂᑦᓯᓐᓄᑦ, ᑕᑯᒋᑦ, ᐊᒡᓚᖕᓂᒃ ᐃᓕᓯᒪᔪᖁᑎᓯ ᓱᓕᖏᑦᑐᒥᒃ ᐱᓇᓱᐊᕈᑎᖃᓕᕐᑎᓪᓗᒌᑦ?

ᔨᕆᒤᐊᐅᑉ ᐊᒡᓚᖏᑦ 8:9

ᓯᓚᑐᔪᑦ ᑲᓐᖑᓱᒃᑎᑕᐅᓂᐊᕐᐳᑦ, ᑲᒪᓂᐊᕐᑎᑕᐅᓂᐊᕐᐳᓪᓗ ᐊᔪᓕᕐᑎᑕᐅᓗᑎᒃ, ᐊᑕᓂᐅᑉ ᐱᖁᔭᖏᓐᓂᒃ ᒪᓕᒍᒪᖏᓐᓇᒥᒃ, ᖃᓄᐃᑦᑐᒥᒃ ᑍᒪ ᓯᓚᑐᓂᖃᓕᕐᐹᑦ?

ᐃᓯᑭᐊᓕᐅᑉ ᐊᒡᓚᖏᑦ 16:3

ᐅᖃᐅᑎᓗᒋᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒧᑦ: ᐱᒋᐊᕐᕕᖃᕐᐳᑎᑦ ᐃᓅᓕᕐᓯᒪᓪᓗᑎᓪᓗ ᑬᓇᓂᐅᑉ ᓄᓇᖓᓂ; ᐊᑖᑍᑦ ᐊᒧᕅᑎᐅᖕᒪᑦ, ᐊᓈᓁᓪᓗ ᕼᐃᑍᑎᒥᐅᑕᐅᓪᓗᓂ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒪᓚᑬᑉ ᐊᒡᓚᖏᑦ 3:7

ᓯᕗᓕᓯ ᐃᓅᑎᓪᓗᒋᑦ ᒪᓕᒃᑕᐅᖁᔭᓐᓂᒃ ᒪᓕᒍᓐᓁᓚᐅᕐᓯᒪᕗᓯ ᐊᑐᕈᓐᓁᕐᓗᒋᓪᓗ. ᐅᕙᓐᓄᑦ ᐅᑎᕆᑦᓯ, ᑕᕝᕙ ᐅᑎᕐᕕᒋᓂᐊᕐᐸᑦᓯ, ᕿᓚᖕᒥᐊᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᐅᖃᕐᐳᓯᓕ, ‘ᖃᓄᕐᓕ ᐅᑎᕈᓐᓇᕐᐱᑖ?’

ᒨᓯᓯ ᓯᑕᒪᖏᑦ 32:14

ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ.

ᒫᑎᐅᓯᐅᑉ ᐊᒡᓚᖏᑦ 15:14

ᐃᓕᑦᓯ ᐃᓱᒫᓗᑎᒋᔭᕆᐊᖃᓐᖏᑕᓯ! ᑕᓯᐅᕐᑎᐅᖕᒪᑕ ᑕᐅᑐᖏᑑᓪᓗᑎᒃ, ᑕᐅᑐᓐᖏᑑᖃᑎᒥᖕᓂᒃ ᑕᓯᐅᕐᓯᓇᓱᐊᕐᑐᑦ ᑕᐅᑐᖏᑦᑐᐃᓐᓇᐅᒍᑎᒃᓗ ᐃᑎᕐᓴᒧᑦ ᑲᑕᒃᑲᔭᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 27:1

ᖃᐅᓕᕐᑎᓪᓗᒍ ᐅᓪᓛᒻᒪᕆᒃᑯᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ, ᔫᑎᓄᓪᓗ ᐊᖓᔪᖅᑲᐅᔪᓕᒫᑦ ᐊᖏᖃᑎᒌᒃᐳᑦ ᔩᓱᓯ ᑐᖁᑕᐅᖁᓪᓗᒍ;

ᒫᑎᐅᓯᐅᑉ ᐊᒡᓚᖏᑦ 27:41

ᑐᓂᕐᕈᓯᕐᑎᑦᓯᔩᑦᑕᐅᖅ ᐊᖓᔪᖅᑳᖏᑦ, ᐱᖁᔭᓂᒡᓗ ᐃᓕᓮᔩᑦ, ᔫᑎᓪᓗ ᐊᖓᔪᖅᑳᖏᑦ, ᒥᑕᐅᑎᖃᕆᕗᑦ ᐅᖃᕐᓗᑎᒃ:

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.