ᐂᓮᐊᓯᐅᑉ ᐊᒡᓚᖏᑦ 43:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐆᒪᔪᓄᑦ ᓄᔪᐊᕐᑐᓄᑦ ᐅᐱᒋᔭᐅᔪᒫᕐᐳᖓ, ᑎᕆᒐᓂᐊᖓᔪᓄᑦ ᔮᑯᓄᑦ ᑎᖕᒥᐊᕐᔪᐊᓄᓪᓗ ᐋᔅᑐᕆᑦᓯᓄᑦ; ᐃᒪᕐᑖᕐᑎᑦᓯᔪᒫᕋᒪ ᓄᓇᒥ ᐃᓄᖃᖏᑦᑐᒥ, ᑰᓕᐅᕐᓗᖓᓗ ᓯᐅᕅᓐᓇᕐᒥ, ᐃᓄᖁᑎᓐᓄᑦ ᓂᕈᐊᕐᓯᒪᔭᓐᓄᑦ ᐃᒥᕆᔭᐅᔪᒫᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 43:20 Iomraidhean Croise

ᑯᕉᓂᑲ ᓯᕗᓪᓖᑦ 16:13

ᐱᔨᖓᓄᑦ ᐂᑉᕋᕼᐋᒧᑦ ᑭᖑᕚᖑᔪᓯ, ᔧᑰᑉ ᑭᖑᕚᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!

ᐃᓐᖏᕈᑎᑦ 104:21

ᓛᔧᑦ ᐅᕕᒃᑲᖏᑦ ᖃᓕᖑᐊᖃᑦᑕᕐᐳᑦ ᐆᒪᔪᕋᓱᒃᓗᑎᒃ, ᓂᕿᒃᓴᕐᓯᐅᕐᓗᑎᒃ ᒎᑎᒥᓐᖔᕐᑐᓂᒃ.

ᐃᓐᖏᕈᑎᑦ 148:10

ᐆᒪᔪᐃᑦ ᐃᒻᒧᒃᓯᐅᒐᓕᒫᓪᓗ, ᓄᓇᒥ ᐹᕐᖑᕐᑏᑦ ᑎᖕᒥᐊᓪᓗ ᖃᖓᑕᕙᒃᑐᑦ!

ᐃᓐᖏᕈᑎᑦ 33:12

ᓮᒪᓇᕐᑐᒦᑉᐳᑦ ᐃᓅᖃᑎᒌᒡᔪᐊᑦ ᐊᑕᓂᕐᒥᒃ ᒎᑎᖃᕐᑐᑦ, ᐃᓄᐃᑦ ᓂᕈᐊᕐᓯᒪᔭᖏᑦ ᓇᖕᒥᓂᖅ ᐱᒃᓴᕆᔪᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 13:22

ᕿᒻᒥᖓᔪᑦ ᕼᐋᐄᓁᑦ ᒥᐊᒡᒎᕈᒫᕐᐳᑦ ᓄᕗᒐᓴᒡᔪᐊᕕᓂᕐᓂ ᑎᕆᒐᓂᐊᖓᔪᓪᓗ ᔮᑯᐃᑦ ᐊᖓᔪᖅᑳᕐᔪᐊᑦ ᐃᒡᓗᕐᔪᐊᕕᓂᖏᓐᓂ ᑕᑯᒥᓇᕐᑐᒦᓪᓗᑎᒃ; ᐃᓱᓕᕝᕕᒃᓴᖓᑦ ᖃᒡᓕᕗᖅ, ᐅᓪᓗᐃᓪᓗ ᐊᑯᓂᐅᓂᐊᕈᓐᓃᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 30:25

ᖃᖅᑲᓕᒫᓂᑦ ᐱᖑᓕᒫᓂᓪᓗ ᐳᕐᑐᔪᓂᑦ ᑰᒐᓛᒃᑕᖃᕈᒪᕐᐳᖅ ᑰᓪᓚᕆᒃᑕᖃᕐᓗᓂᓗ, ᐅᓇᑕᕐᓂᕐᒥ ᐅᓄᕐᑐᓂᒃ ᑐᖁᕅᔪᖃᕐᑎᓪᓗᒍ, ᓇᐸᔪᐊᓗᐃᓪᓗ ᐅᕐᕈᑎᑕᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 33:21

ᑕᕝᕙᓂ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓚᒋᔪᒫᕐᐹᑎᒍᑦ, ᑰᖃᕐᑐᖅ ᓯᓕᒃᑐᓂᒃ ᐊᒥᓐᓂᕐᓴᓂᒡᓗ, ᐅᒥᐊᕐᔪᐊᑦ ᑎᖏᕐᕋᐅᑕᓖᑦ ᐃᐳᑎᖃᕐᑐᑦ ᑕᒪᐅᓈᕈᓐᓇᕈᒫᓐᖏᓚᑦ, ᐅᒥᐊᕐᔪᐊᓪᓗ ᐊᖏᓂᕐᓮᑦ ᑕᒪᐅᓈᕈᓐᓇᕈᒫᖏᓐᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 35:7

ᓯᐅᕅᓐᓇᖅ ᐃᒪᖃᖏᓐᓂᕐᒧᑦ ᐆᓇᓚᐅᕐᑐᖅ ᑕᓯᐅᓕᕈᒫᕐᐳᖅ, ᓄᓇᓗ ᐹᓂᕐᓂᑰᓕᓚᐅᕐᑐᖅ ᓄᓇᐅᑉ ᐃᓗᐊᓂᑦ ᑯᕕᔪᓂᒃ ᐃᒪᕐᑕᖃᓕᕈᒫᕐᐳᖅ; ᑎᕆᒐᓂᐊᖑᔮᕐᑐᓄᓪᓗ ᓄᓇᒋᔭᐅᓕᓚᐅᕐᑐᖅ ᐃᒪᕐᓲᓕᕐᓗᓂ, ᐱᕈᕐᕕᐅᓕᕈᒫᕐᐳᖅ ᐃᕕᒃᓱᒐᕐᓄᑦ ᓱᓪᓗᓕᖕᓄᑦ ᐃᕕᒃᓱᒐᕐᔪᐊᓄᓪᓗ ᑕᑭᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 41:18

ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ.

ᐂᓮᐊᓯᐅᑉ ᐊᒡᓚᖏᑦ 43:19

ᑕᑯᒋᑦ, ᓄᑖᒥᒃ ᐱᓇᓱᐊᓕᕐᐳᖓ; ᒫᓐᓇ ᓴᖅᑭᖃᑦᑕᓕᕐᐳᖅ, ᑕᑯᓯᒪᖏᑉᐱᓯᐅᒃ? ᐊᖅᑯᑎᓕᐅᕐᓂᐊᕐᐳᖓ ᐃᓄᖃᖏᑦᑐᒥ ᑰᓕᐅᕐᓗᖓᓗ ᓯᐅᕅᓐᓇᕐᒥ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 31:9

ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᒫᑯᓯᐅᑉ ᐊᒡᓚᖏᑦ 13:20

ᐊᑕᓂᐅᑉ ᐅᓪᓗᐃᑦ ᓁᒡᓕᒋᐊᕐᓂᐊᖏᑉᐸᒋᑦ, ᐃᓄᓕᒫᑦ ᐱᐅᓕᔭᐅᔪᖃᕋᔭᓐᖏᓚᑦ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ, ᐅᓪᓗᐃᑦ ᑖᒃᑯᐊ ᓁᒡᓕᒋᐊᕐᓯᒪᕔᑦ.

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:6

ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.