ᐂᓮᐊᓯᐅᑉ ᐊᒡᓚᖏᑦ 43:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᑯᒋᑦ, ᓄᑖᒥᒃ ᐱᓇᓱᐊᓕᕐᐳᖓ; ᒫᓐᓇ ᓴᖅᑭᖃᑦᑕᓕᕐᐳᖅ, ᑕᑯᓯᒪᖏᑉᐱᓯᐅᒃ? ᐊᖅᑯᑎᓕᐅᕐᓂᐊᕐᐳᖓ ᐃᓄᖃᖏᑦᑐᒥ ᑰᓕᐅᕐᓗᖓᓗ ᓯᐅᕅᓐᓇᕐᒥ.

ᐂᓮᐊᓯᐅᑉ ᐊᒡᓚᖏᑦ 43:19 Iomraidhean Croise

ᐃᓐᖏᕈᑎᑦ 105:41

ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.

ᐃᓐᖏᕈᑎᑦ 126:4

ᐊᑕᓃᖅ, ᐅᑎᕐᑎᑦᓯᕕᒋᓚᐅᕐᑎᒍᑦ ᐊᕐᓵᕐᑕᐅᑦᔪᑎᒋᓚᐅᕐᑕᑦᑎᓐᓂᒃ, ᑰᒃᑎᑐᑦ ᐸᓂᕐᓂᑰᓕᓚᐅᕐᓗᓂ ᐃᒪᕐᒧᑦ ᐅᑎᕐᕕᐅᓕᕐᑐᑎᑐᑦ ᓂᒋᑉᒥᑦ.

ᒨᓯᓯ ᐂᑉᐸᖏᑦ 17:6

ᐱᖃᑎᒋᓂᐊᕐᐸᒋᓪᓗ ᕾᕐᑐᒑᕐᒦᓕᕐᑎᓪᓗᑎᑦ ᖃᖅᑲᒥ ᕼᐆᕆᑉᒦᑦᑐᒥ, ᕾᕐᑐᕐᓗ ᐊᓇᐅᒍᕕᐅᒃ ᐃᒥᖅ ᑯᕕᓕᕐᓂᐊᕐᐳᖅ ᑕᕝᕙᓐᖓᑦ ᐃᓄᐃᑦ ᐃᒥᕈᓐᓇᖁᓪᓗᒋᑦ.” ᒨᓯᓯᓗ ᑍᒫᒃ ᐱᓂᐊᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᑕᒃᑯᐊᓂ.

ᐂᓮᐊᓯᐅᑉ ᐊᒡᓚᖏᑦ 30:25

ᖃᖅᑲᓕᒫᓂᑦ ᐱᖑᓕᒫᓂᓪᓗ ᐳᕐᑐᔪᓂᑦ ᑰᒐᓛᒃᑕᖃᕈᒪᕐᐳᖅ ᑰᓪᓚᕆᒃᑕᖃᕐᓗᓂᓗ, ᐅᓇᑕᕐᓂᕐᒥ ᐅᓄᕐᑐᓂᒃ ᑐᖁᕅᔪᖃᕐᑎᓪᓗᒍ, ᓇᐸᔪᐊᓗᐃᓪᓗ ᐅᕐᕈᑎᑕᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 33:21

ᑕᕝᕙᓂ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓚᒋᔪᒫᕐᐹᑎᒍᑦ, ᑰᖃᕐᑐᖅ ᓯᓕᒃᑐᓂᒃ ᐊᒥᓐᓂᕐᓴᓂᒡᓗ, ᐅᒥᐊᕐᔪᐊᑦ ᑎᖏᕐᕋᐅᑕᓖᑦ ᐃᐳᑎᖃᕐᑐᑦ ᑕᒪᐅᓈᕈᓐᓇᕈᒫᓐᖏᓚᑦ, ᐅᒥᐊᕐᔪᐊᓪᓗ ᐊᖏᓂᕐᓮᑦ ᑕᒪᐅᓈᕈᓐᓇᕈᒫᖏᓐᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 35:1

ᓄᓇ ᓯᐅᕅᓐᓇᖅ ᓄᓇᓗ ᐸᓂᕐᓂᑯ ᖁᕕᐊᓱᓕᕈᒫᕐᐳᑦ; ᓄᓇᓗ ᓱᓇᖃᔪᐃᑦᑐᖅ ᖁᕕᐊᓱᓕᕈᒫᕐᐳᖅ ᐱᕈᕐᑎᑦᓯᑦᓯᐊᓕᕐᓗᓂᓗ; ᓄᓇᕋᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 41:18

ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ.

ᐂᓮᐊᓯᐅᑉ ᐊᒡᓚᖏᑦ 41:19

ᓄᓇᒥ ᐃᓄᖃᖏᑦᑐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᑦᓯᐊᕙᖕᓂᒃ ᓰᑕᕆᓂᒃ ᐊᑬᓯᐊᓂᒡᓗ, ᒨᕐᑐᓂᒃ ᐋᓕᕝᓂᒡᓗ, ᓄᓇᒥᓗ ᓯᐅᕅᓐᓇᕐᒥ ᐱᕈᕐᑎᑦᓯᔪᒫᕐᐳᖓ ᓇᐹᕐᑐᓂᒃ ᓮᐳᕆᓯᓂᒃ ᐰᓂᓂᒡᓗ ᐸᓖᓂᓂᒡᓗ ᑲᑎᓐᖓᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 42:9

ᑕᑯᒋᑦ, ᐊᑐᓚᐅᕐᑐᑦ ᐊᓂᒍᕐᓯᒪᓕᕐᐳᑦ, ᒫᓐᓇᓗ ᓄᑖᓂᒃ ᓇᓗᓁᕐᓯᕕᒋᕙᑦᓯ; ᓱᓕ ᐊᑐᓕᓚᐅᕐᑎᓐᓇᒋᑦ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ.”

ᐂᓮᐊᓯᐅᑉ ᐊᒡᓚᖏᑦ 48:5

ᑍᑦᓱᒪᓂᐊᓗᖕᓂᑦ ᐱᔪᒫᕐᑐᓂᒃ ᐅᖃᐅᑎᓯᒪᕙᑦᓯ, ᓱᓕ ᓇᓪᓕᐅᑎᓂᐅᓴᑎᓐᓇᒋᑦ ᑐᓴᕐᑕᐅᑎᖃᑦᑕᓕᓚᐅᕐᓯᒪᕙᒃᑲ ᐃᓕᑦᓯᓐᓄᑦ, ᐅᖃᖃᑦᑕᖁᓇᓯ, ‘ᒎᑎᓐᖑᐊᑦᑕ ᑍᒤᑎᑉᐰᑦ, ᒎᑎᑦᑕ ᕿᔪᖕᒥᑦ ᓴᓇᓯᒪᔫᑉ ᖁᕕᔭᐅᓪᓗᑎᒡᓗ ᐃᓄᓐᖑᐊᓕᐊᕆᔭᐅᓯᒪᔫᑉ ᓇᓪᓕᐅᑎᑎᑉᐰᑦ.’

ᐂᓮᐊᓯᐅᑉ ᐊᒡᓚᖏᑦ 48:6

ᑐᓴᓚᐅᕐᐸᓯ; ᒫᓐᓇ ᑕᑯᓕᕐᓯᐅᒃ; ᐅᖃᐅᓯᕆᓂᐊᓐᖏᓚᓯᐅᒃ? ᒫᓐᓇᒥᑦ ᐱᒋᐊᕐᓗᒍ ᓄᑖᓂᒃ ᑐᓴᕐᑎᖃᑦᑕᕈᒪᓕᕐᐸᑦᓯ, ᐊᒡᓛᑦ ᐃᔨᕐᓯᒪᔪᓂᒃ ᖃᐅᔨᒪᓐᖏᑕᑦᓯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 49:10

ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:7

“ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐃᓄᐃᑦ ᐅᖃᖃᑦᑕᕈᓐᓃᕈᒫᕐᓂᖓᑦ, ‘ᐊᑕᓂᖅ ᐆᒪᖕᒪᑦ, ᐊᐅᓪᓚᕐᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ ᐄᑦᔨᑉᑎᒥᑦ.’

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 31:9

ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

ᒨᓯᓯ ᓯᑕᒪᖏᑦ 20:11

ᒨᓯᓯᐅᓪᓗ ᑕᓕᓂ ᐃᓵᒡᓗᒍ ᕾᕐᑐᖅ ᐊᓇᐅᕚ ᒪᕐᕈᐊᕐᑎᕐᓗᒍ; ᑕᕝᕙ ᐃᒪᖅ ᐊᒥᒐᖏᑦᑐᒥᒃ ᑰᓕᕐᐳᖅ, ᑕᕝᕙ ᐃᓄᒋᐊᑐᕐᔪᐊᑦ ᐆᒪᔪᖁᑎᖏᓪᓗ ᐃᒥᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:17

ᑍᒤᒻᒪᑦ, ᙭ᔅᑑᓯᒧᐊᕐᑐᖃᕐᐸᑦ, ᑖᓐᓇ ᓄᑖᓐᖑᕐᑎᑕᐅᕗᖅ; ᐃᓅᓯᑐᖃᖓ ᐲᕐᑕᐅᕗᖅ, ᑕᑯᒋᑦ, ᓄᑖᖅ ᐱᒋᐊᓕᕐᐳᖅ.

ᒨᓯᓯ ᑕᓪᓕᒪᖏᑦ 8:15

ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:5

ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.”