ᐂᓮᐊᓯᐅᑉ ᐊᒡᓚᖏᑦ 43:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᕿᒻᒥᕐᔪᐊᓃᑦᑐᓂᒃ ᐊᒃᓴᓗᐊᓕᖕᓃᑦᑐᓂᒡᓗ, ᐅᓇᑕᕐᑎᓂᒃ ᐱᔪᓐᓇᕐᓂᕐᔪᐊᖃᕐᑐᓂᒡᓗ; ᑖᒃᑯᐊ ᐅᕐᕈᑎᒻᒪᒋᑦ, ᒪᑭᑦᓵᓚᐅᓐᖏᓚᑦ, ᓄᖑᑕᐅᓚᐅᕐᐳᑦ ᖁᓪᓕᐅᑉ ᒪᓂᖓᑐᑦ ᖃᒥᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 43:17 Iomraidhean Croise

ᐃᓐᖏᕈᑎᑦ 118:12

ᑖᒃᑯᓄᖓ ᐊᕙᓗᔭᐅᓯᒪᕗᖓ ᓲᕐᓗ ᐃᒍᑦᓴᑎᑐᑦ; ᐃᑯᐊᓪᓚᕆᒃᐳᑦ ᐅᕐᐱᒐᕐᑎᑐᑦ ᐃᑯᐊᓚᔪᑎᑐᑦ; ᐊᑕᓂᐅᓪᓕ ᐊᑎᖓᓂ ᓇᑲᑎᕐᓗᒋᑦ ᐲᔭᕐᓂᐊᕐᐸᒃᑲ!

ᒨᓯᓯ ᐂᑉᐸᖏᑦ 15:19

ᐰᕉᑉ ᕿᒻᒥᕐᔪᐊᖁᑎᖏᑦ ᖃᒧᑎᓖᓪᓗ ᐃᑭᒪᔪᓪᓗ ᐃᒪᒃᑯᑦ ᐊᕕᒃᓯᒪᔪᒃᑯᑦ ᐃᖏᕐᕋᓚᐅᕐᐳᑦ, ᐊᑕᓂᐅᓪᓕ ᐃᒪᖅ ᐅᑎᕐᑎᒻᒪᒍ ᐃᓂᖓᓄᑦ ᑕᒪᑐᒧᖓ ᐅᓕᒃᑕᐅᕗᑦ; ᐃᓴᕆᐊᓕᒥᐅᓪᓕ ᐃᓄᖏᑦ ᐱᓱᓚᐅᕐᐳᑦ ᓄᓇᒃᑯᑦ ᐸᓂᕐᑐᒃᑯᑦ ᐃᒪᐅᑉ ᕿᑎᖓᒍᑦ.

ᒨᓯᓯ ᐂᑉᐸᖏᑦ 15:4

ᐰᕉᑉ ᕿᒧᒃᓯᐅᑎᖁᑎᖏᑦ ᖃᒧᑎᓖᑦ ᐃᓄᖏᓪᓗ ᐃᒫᕐᑎᓚᐅᕐᐰᑦ ᐃᒪᕐᕕᖕᒧᑦ; ᐊᖓᔪᖅᑳᖁᑎᖏᓪᓗ ᓂᕈᐊᕐᑕᐅᓯᒪᔪᑦ ᑭᕕᓚᐅᕐᐳᑦ ᐃᒪᕐᒧᑦ ᐊᐅᐸᓗᒃᑕᒧᑦ.

ᐂᓮᐊᓯᐅᑉ ᐊᒡᓚᖏᑦ 1:31

ᓴᓐᖏᔪᑦ ᐃᑯᐊᓪᓚᒃᓴᐅᑎᐅᔪᒫᕐᐳᑦ, ᐱᓇᓱᐊᕐᓂᖏᓪᓗ ᐊᐅᒫᒡᒋᕐᑐᑎᑐᑦ ᑍᒤᓕᕐᓗᑎᒃ, ᑕᒪᕐᒥᒃ ᑖᒃᑯᐊᒃ ᐃᑯᐊᓚᔪᒫᕐᐴᒃ, ᑭᓇᒧᓪᓘᓐᓃᑦ ᖃᒥᑕᐅᔪᓐᓇᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 51:21

ᐊᑐᕐᓗᑎᑦ ᐊᓯᕈᐃᓚᐅᕐᐳᖓ ᕿᒻᒥᕐᔪᐊᓂᒃ ᐃᑭᒪᔨᐊᖏᓐᓂᒡᓗ, ᐊᑐᕐᓗᑎᓪᓗ ᐊᓯᕈᐃᓚᐅᕐᐳᖓ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᐃᑭᒪᔨᐊᖏᓐᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 38:4

ᑐᓄᒻᒧᑦ ᓵᑎᑦᓱᒫᕐᐸᒋᑦ, ᐊᒃᓕᕈᒃᑯᓪᓗ ᓂᒃᓯᒡᓗᑎᑦ ᐅᓂᐊᕈᒫᕐᐸᒋᑦ, ᐅᓇᑕᕐᑎᖁᑎᓕᒫᑎᓪᓗ, ᕿᒻᒥᕐᔪᐊᑦ ᕿᒻᒥᕐᔪᐊᒃᑰᕐᑐᓪᓗ, ᐊᓐᓄᕌᕐᓯᒪᔪᓕᒫᑦ ᐅᓇᑕᕐᑐᕐᓯᐅᑎᓂᒃ, ᐃᓄᒋᐊᒃᑐᕐᔪᐊᑦ, ᐊᑕᖏᕐᓗᑎᒃ ᐊᒡᕖᕋᐅᑎᓕᔭᕐᑐᑦ ᓴᐴᓗᑕᖃᕐᓗᑎᒡᓗ, ᓴᕕᒡᔪᐊᓕᔭᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 12:20

ᓇᑲᑦᓯᔪᒫᓐᖏᓚᖅ ᐃᕕᒡᔪᐊᒥᒃ ᓂᐅᖓᔪᒥᒃ, ᖃᒥᑦᓯᔪᒫᓐᖏᓚᕐᓗ ᖁᓪᓕᐅᑉ ᒪᓂᖓᓂᒃ ᐸᓕᓕᕐᑐᒥᒃ. ᓴᐱᓕᕈᒫᓐᖏᓚᕐᓗ ᐊᑦᔨᒌᒃᑎᑦᓯᓂᕐᒥᒃ ᓵᓚᖃᕐᑎᑦᓯᓚᐅᖅᑳᕋᓂ;

ᐃᓗᐊᕐᓮᔩᑦ ᐊᒡᓚᖏᑦ 4:16

ᐸᕌᒃᓕ ᐊᒃᓴᓗᐊᓖᑦ ᐅᓇᑕᕐᑐᒃᓮᓪᓗ ᒪᓕᓚᐅᕐᐰᑦ ᕼᐊᕈᓯᑎ-ᕼᐊᒍᔨᒻ ᑎᑭᓪᓗᒍ, ᓯᓰᕋᐅᑉ ᐅᓇᑕᕐᑐᒃᓴᖁᑎᖏᑦ ᑐᖁᑕᐅᓚᐅᕐᐳᑦ ᓴᕕᒡᔪᐊᒧᑦ, ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᔭᐅᓚᐅᓐᖏᓚᑦ.