ᐂᓮᐊᓯᐅᑉ ᐊᒡᓚᖏᑦ 43:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ “ᒎᑎᐅᒐᒪ, ᐅᓪᓗᐃᑦ ᐱᒋᐊᓚᐅᕐᑎᓐᓇᒋᑦ ᓱᓕ ᐅᕙᖓᐅᕗᖓ ᑖᓐᓇᑦᓮᓐᓇᖅ; ᓇᓪᓕᐊᓪᓘᓐᓃᑦ ᑎᒍᒥᐊᕐᑕᓐᓂᒃ ᐲᕐᓯᔪᓐᓇᓐᖏᓚᖅ; ᐱᓇᓱᐊᕐᓂᒃᑲᓗ ᑭᓇᒧᓪᓘᓐᓃᑦ ᐊᒡᕕᐊᕐᑕᐅᔪᓐᓇᕋᑎᒃ.”

ᐂᓮᐊᓯᐅᑉ ᐊᒡᓚᖏᑦ 43:13 Iomraidhean Croise

ᔫᐱᐅᑉ ᐊᒡᓚᖏᑦ 10:7

ᖃᐅᔨᒪᒐᓗᐊᕐᐳᑎᑦ ᐸᓯᔭᒃᓴᐅᖏᓐᓂᓐᓂᒃ, ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕐᓇᖓ ᐊᒡᒐᖕᓂᑦ.

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔫᐱᐅᑉ ᐊᒡᓚᖏᑦ 9:12

ᑕᑯᒋᑦ, ᐱᔪᒪᔭᒥᓂᒃ ᐱᒃᐸᑦ; ᑭᓇᒧᑦ ᓄᖅᑲᕐᑎᑕᐅᔪᓐᓇᕐᐹ? ᑭᓇᒧᓪᓘᓐᓃᑦ ᐅᖃᐅᑦᔭᐅᔪᓐᓇᕐᐹ, ‘ᖃᓄᐃᓕᐅᓕᕐᐱᑦ?’

ᐃᓐᖏᕈᑎᑦ 102:28

ᐱᔨᕕᑦ ᕿᑐᕐᖓᖏᑦ ᑲᔪᓯᑦᓮᓐᓇᕐᓂᐊᕐᐳᑦ; ᑭᖑᕚᖏᓪᓗ ᐊᐅᓚᖏᑦᑐᒦᓐᓂᐊᕐᐳᑦ ᐃᓕᖕᓂ.

ᐃᓐᖏᕈᑎᑦ 50:22

ᑕᒪᓐᓇ ᐃᓱᒪᒋᓚᐅᕐᓯᐅᒃ, ᐃᓕᑦᓯ ᒎᑎᒥᒃ ᐳᐃᒍᕐᓯᒪᔪᓯ, ᐊᓕᒃᑐᐃᓕᖁᓇᖓ ᐃᓕᑦᓯᓐᓂᒃ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᓯ.

ᐃᓐᖏᕈᑎᑦ 90:2

ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ, ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.

ᐃᓐᖏᕈᑎᑦ 93:2

ᐃᒃᓯᕙᐅᑕᕐᔪᐊᑦ ᐋᖅᑭᒃᓯᒪᕗᖅ ᐃᑦᓴᕐᔪᐊᒥᑦ; ᐃᕝᕕᑦ ᐃᓱᖃᖏᑦᑐᒥᑦ ᐱᓯᒪᕗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:23

ᐱᒋᐊᕐᑎᑕᐅᓚᐅᕐᓯᒪᕗᖓ ᐱᒋᐊᕐᓂᖓᓂᑦ, ᓯᕗᓪᓕᕐᐸᐅᓪᓗᖓ ᓄᓇᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ.

ᐂᓮᐊᓯᐅᑉ ᐊᒡᓚᖏᑦ 14:27

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑍᒫᒃ ᐱᓇᓱᐊᕈᒪᕗᖅ, ᑭᓇᒧᑦ ᓄᖅᑲᕐᑎᑕᐅᔪᓐᓇᕐᐹ? ᐊᒡᒐᓂ ᐃᓴᒻᒥᓕᕐᐰᑦ ᑭᐊ ᐊᒻᒧᒃᑎᑦᓱᓐᓇᕐᐰᑦ?”

ᐂᓮᐊᓯᐅᑉ ᐊᒡᓚᖏᑦ 41:4

ᑭᓇ ᑍᒤᓕᐅᓚᐅᕐᐸ, ᕾᖁᔨᓪᓗᓂ ᑭᖑᕚᕇᓂᒃ ᐱᒋᐊᕐᓂᖓᓂᑦ? ᐅᕙᖓᐅᕗᖅ, ᐊᑕᓂᖅ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᑖᓐᓇᐅᕗᖓ.

ᐂᓮᐊᓯᐅᑉ ᐊᒡᓚᖏᑦ 46:10

ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

ᐂᓮᐊᓯᐅᑉ ᐊᒡᓚᖏᑦ 46:4

ᐃᓄᑐᖃᐅᓕᕋᓗᐊᕈᑦᓯ, ᐅᕙᖓᐅᕗᖅ ᑖᓐᓇ, ᖀᖃᓕᕋᓗᐊᕈᑦᓯᓗ ᓱᓕ ᐊᒡᔭᕈᒫᕐᐸᑦᓯ! ᓴᓇᓚᐅᕋᒪ, ᐊᒡᔭᕐᓯᓂᐊᕐᓗᖓᓗ; ᐊᒡᔭᕐᓂᐊᕐᐸᑦᓯ ᐱᐅᓕᓗᓯᓗ.

ᐂᓮᐊᓯᐅᑉ ᐊᒡᓚᖏᑦ 47:15

ᑕᒪᒃᑯᐊ ᑍᒤᑦᓱᒫᕐᐳᑦ ᐊᒃᓱᕈᕐᓗᓯ ᐱᓇᓱᐊᕐᓯᒪᔭᓯ, ᓄᓇᖃᕐᑐᑦ ᐊᓯᑦᓯᓐᓂᑦ ᓂᐅᕕᐊᕆᓯᒪᔭᓯ ᐃᓅᓱᖕᓂᑦᓯᓐᓂᑦ; ᐃᖏᕐᕋᕙᖕᒪᑕ ᓇᖕᒥᓂᖅ ᐅᐸᒍᒪᔭᒥᖕᓄᑦ; ᑖᒃᑯᐊᓕ ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓛᓯ.”

ᐂᓮᐊᓯᐅᑉ ᐊᒡᓚᖏᑦ 48:16

ᐅᕙᓐᓄᑦ ᖃᒡᓕᒋᑦᓯ, ᐅᓇᓗ ᑐᓴᕐᓗᒍ: ᐱᒋᐊᕐᓂᖓᓂᑦ ᐅᖃᕐᐸᓚᐅᓐᖏᓚᖓ ᐃᔨᕐᓯᒪᔪᓂᒃ, ᑍᒪᓐᖓᓂᑦ ᑕᒫᓃᓯᒪᒐᒪ. ᒫᓐᓇᓗ ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕᓗ ᑎᓕᕚᖓ.”

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᕼᐆᓯᐊᑉ ᐊᒡᓚᖏᑦ 2:10

ᒫᓐᓇ ᐊᓐᓄᕅᔭᕐᓂᐊᓕᕐᐸᕋ ᑲᓐᖑᒋᔭᖏᑦ ᓴᖅᑭᔮᓕᕐᓗᑎᒃ ᐱᖃᑎᒋᕙᓚᐅᕐᑕᖏᑦ ᑕᑯᓐᓇᕐᑎᓪᓗᒋᑦ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᖅ ᐱᔪᓐᓇᕐᓂᓐᓂᑦ.

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᒨᓯᓯ ᓯᑕᒪᖏᑦ 23:20

ᑕᑯᒋᑦ, ᑐᓂᓯᕕᐅᔪᖓ ᐱᖁᔨᓂᕐᒥᒃ ᓮᒻᒪᕐᑎᑦᓯᖁᓪᓗᖓ; ᓮᒻᒪᕐᑎᑦᓯᓯᒪᖕᒪᑦ, ᓮᒻᒪᕐᑎᑦᓯᓂᖓᓗ ᓴᖑᑎᑦᓱᓐᓇᕐᓇᒍ.

ᔪᐊᓇᓯᐅᑉ ᐊᒡᓚᖏᑦ 8:58

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᑉᕋᕼᐋᒻ ᐃᓅᓚᐅᕐᑎᓐᓇᒍ, ᑕᑉᕙᐅᓚᐅᕐᐳᖓ.”

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᒨᓯᓯ ᑕᓪᓕᒪᖏᑦ 28:31

ᐃᒻᒧᒃᓯᐅᒐᖁᑎᓯ ᑕᑯᓐᓇᕐᑎᓪᓗᓯ ᑐᖁᑕᐅᔪᒫᕐᐳᑦ, ᓂᕿᖏᓐᓂᒡᓕ ᓂᕆᕕᒋᔪᒫᓐᖏᓚᓯ; ᓯᐅᑎᖅᑯᕐᑐᔪᖁᑎᓯ ᑕᑯᓐᓇᕐᑎᓪᓗᑎᑦ ᑲᑉᐱᐊᓵᕐᑕᐅᓗᓯ ᐱᔭᐅᔪᒫᕐᐳᑦ, ᐃᓕᑦᓯᓐᓄᓪᓗ ᐅᑎᕐᑎᑕᐅᔪᒫᓐᖏᓚᑦ. ᓰᐱᖁᑎᓯ ᐊᑭᕋᕐᑐᕐᑎᑦᓯᓐᓄᑦ ᑐᓂᔭᐅᔪᒫᕐᐳᑦ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᐄᑉᕈᐃᓄᑦ 13:8

ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.

ᔮᓱᐊᑉ ᐊᒡᓚᖏᑦ 2:2

ᔨᕆᑰᑉ ᐊᖓᔪᖅᑳᕐᔪᐊᖓ ᑐᓴᕐᑎᑕᐅᓚᐅᕐᐳᖅ ᐃᓴᕆᐊᓕᒥᐅᑦ ᐃᓚᖏᑦ ᐅᓐᓄᐊᒃᑯᑦ ᑎᑭᑦᑐᕕᓂᐅᓂᖏᓐᓂᒃ ᖃᐅᔨᓴᕆᐊᕐᓗᑎᒃ ᓄᓇᖁᑎᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:8

“ᐋᓪᐸᐅᕗᖓ ᐅᒥᒐᐅᓪᓗᖓᓗ,” ᐱᒋᐊᕐᓂᐅᕗᖓ ᑭᖑᓪᓕᕐᐸᐅᓪᓗᖓᓗ, ᐊᑕᓂᖅ ᒎᑎ ᐅᖃᕐᐳᖅ, ᒫᓐᓇ ᑍᒤᑦᑐᖅ ᑍᒤᓚᐅᕐᑐᕐᓗ ᑍᒤᖏᓐᓇᕐᓂᐊᕐᑐᕐᓗ ᐊᔪᒐᖃᖏᑦᑐᖅ.