ᐂᓮᐊᓯᐅᑉ ᐊᒡᓚᖏᑦ 43:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓇᓗᓁᕐᓯᓚᐅᕐᐳᖓ ᐱᐅᓕᒃᓯᓪᓗᖓᓗ, ᐅᖃᐅᓯᖃᕐᓗᖓᓗ, ᐊᓯᓐᓂᒃ ᒎᑎᒋᔭᐅᔪᓂᒃ ᒎᑎᑕᖃᖏᒻᒪᑦ ᐃᓕᑦᓯᓐᓂ; ᑕᒪᑐᒥᖓ ᖃᐅᔨᓯᒪᔪᖁᑎᒋᕙᑦᓯ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 43:12 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 37:7

ᑕᑯᒋᑦ, ᐊᓂᕐᓂᕐᒥᒃ ᐃᓗᒻᒥᕈᒪᕙᕋ, ᑕᒫᓐᖓᑐᐃᓐᓇᖅ ᑐᓴᕐᑕᒥᓂᒃ ᐱᑦᔪᑎᖃᕐᓗᓂ, ᓄᓇᒥᖕᓄᑦ ᐅᑎᕐᓂᐊᕐᒪᑦ; ᓄᓇᖓᓄᓪᓗ ᐅᑎᕐᓯᒪᓕᕐᐹᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᖅ ᓄᓇᒥᓂ.’”

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 44:8

ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐂᓮᐊᓯᐅᑉ ᐊᒡᓚᖏᑦ 55:4

ᑕᑯᒋᑦᓯ, ᐃᓄᖕᓄᑦ ᖃᐅᔨᓯᒪᔪᖁᑎᒋᓪᓗᒍ ᓇᓗᓁᕐᓯᔨᒋᓚᐅᕐᐸᕋ, ᐊᖓᔪᖅᑳᓐᖑᕐᑎᓪᓗᒍ ᓯᕗᓕᕐᑎᐅᑎᓚᐅᕐᐸᕋ ᐃᓄᒐᓴᖕᓄᑦ.

ᒨᓯᓯ ᑕᓪᓕᒪᖏᑦ 32:12

ᐊᑕᓂᐅᑉ ᓇᖕᒥᓂᖅ ᑕᓯᐅᓚᐅᕐᐹ, ᓄᓇᖃᑎᑐᖃᕆᓐᖏᑕᑦᑕ ᒎᑎᖏᓐᓂᑦ ᐃᑲᔪᕐᑕᐅᓚᐅᕋᓂ.

ᒨᓯᓯ ᑕᓪᓕᒪᖏᑦ 32:16

ᒎᑎᓐᖑᐊᓄᑦ ᓵᓐᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᓮᓪᓗᑎᒃ ᓯᖕᓇᑎᑦᓯᓚᐅᕐᐳᑦ; ᓇᕐᕈᓇᕐᑐᓕᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᑎᑦᓯᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.