11 ᐅᕙᖓ, ᐅᕙᖓᐅᕗᖅ ᐊᑕᓂᖅ, ᓴᓂᒃᑯᑦ ᐊᓯᓐᓂᒃ ᐱᐅᓕᔨᑕᖃᓐᖏᓚᖅ.
ᐱᐅᓕᕐᓯᓂᖅ ᐊᑕᓂᐅᑉ ᐱᒋᕚ, ᓮᒻᒪᕐᑎᑦᓯᓃᓪᓗ ᐃᓄᖁᑎᖕᓃᑉᐳᖅ. ᓰᓚ
ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”
ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.
ᐅᕙᖓᐅᕗᖅ ᐊᑕᓂᖅ, ᑖᓐᓇ ᑕᕝᕙ ᐊᑎᕋ; ᐱᓐᓇᕐᓇᕐᓂᕐᔪᐊᕋ ᓇᒧᓪᓘᓐᓃᑦ ᑐᓂᓂᐊᓐᖏᓚᕋ, ᓂᕐᑐᕐᓇᕐᓂᕋᓗ ᒎᑎᓐᖑᐊᓄᑦ ᑐᓂᓂᐊᓐᖏᓚᕋ.
ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.
ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.
ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”
ᐃᓅᖃᑎᒌᒡᔪᐊᑦ ᐃᒻᒧᖏᓐᓂᒃ ᐃᒥᕈᒫᕐᐳᓯ, ᐊᖓᔪᖅᑳᕐᔪᐊᓪᓗ ᐊᒫᒪᖏᓐᓂᑦ ᐊᒫᒪᒡᓗᓯ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᖅ ᐱᐅᓕᔨᐅᒐᒪ ᐃᓕᑦᓯᓐᓄᑦ ᐅᑎᕐᑎᑦᓯᔨᓯ, ᔧᑰᑉ ᑭᖑᕚᖏᑕ ᐊᔪᒐᖃᖏᑦᑐᖁᑎᖓ.
ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”
“ᐅᕙᖓᐅᕗᖓ ᐊᑕᓂᖅ ᒎᑏᑦ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᑦᓯᓚᐅᕐᑐᖅ; ᐊᓯᓐᓂᒃ ᒎᑎᒥᒃ ᖃᐅᔨᓂᐊᓐᖏᓚᑎᑦ, ᐊᓯᓐᓂᒡᓗ ᐱᐅᓕᔨᑕᖃᕐᓇᓂ.
ᐊᑕᓂᐅᓪᓗ ᐃᒪᕐᒥᐅᑕᖅ ᒥᕆᐊᖁᕚ, ᑖᑦᓱᒪᓗ ᔫᓇ ᒥᕆᐊᕆᕚ ᓄᓇᒧᑦ.
ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.
ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,
ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.
“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”
“ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ ᐊᑕᓂᑑᕗᖅ.
ᑎᒡᓕᒐᕐᕕᖃᖏᓪᓗᑎᒡᓗ, ᓴᖅᑭᑎᑦᓯᖔᕐᑐᒃᓴᐅᕗᓪᓕ ᐱᓂᐊᑦᓯᐊᕐᓂᕐᒥᒃ ᑲᔪᓯᑦᓯᐊᕐᓂᕐᒥᒡᓗ, ᒎᑎᐅᑉ ᐱᐅᓕᔨᑦᑕ ᐊᔪᕆᕐᑑᑖᓂᒃ ᓂᕐᑐᕐᓇᕐᑎᑦᓯᖁᓪᓗᒋᑦ ᖃᓄᓕᒫᖅ ᐱᓂᐊᕐᓂᕐᒥᒃᑎᒍᑦ.
ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.
ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.
ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.
ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.
ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.”
