ᐂᓮᐊᓯᐅᑉ ᐊᒡᓚᖏᑦ 42:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᕕᒐᑯᑖᒥᒃ ᓇᑲᑲᓴᒃᓯᒪᔪᒥᒃ ᓇᑲᑦᓯᔪᒫᓐᖏᓚᖅ, ᒪᓂᕐᒥᒡᓗ ᖃᒥᓕᒑᔪᒥᒃ ᖃᒥᑦᓯᔪᒫᓐᖏᓚᖅ, ᓱᓕᓂᒃᑯᑦ ᐊᑦᔨᒌᒃᑎᑦᓯᓂᕐᒥᒃ ᑎᑭᐅᑦᔨᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 42:3 Iomraidhean Croise

ᐃᓐᖏᕈᑎᑦ 147:3

ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.

ᐃᓐᖏᕈᑎᑦ 54:5

ᐊᑭᕋᕐᑐᕐᑎᒃᑲ ᐊᑭᔪᒫᕐᐰᑦ ᐱᐅᖏᑦᑐᒧᑦ; ᓄᖑᑦᓱᒫᕐᐰᑦ ᓱᖁᓯᔪᐃᑦᑑᓂᕐᒥᓄᑦ.

ᐃᓐᖏᕈᑎᑦ 94:15

ᓈᒻᒪᓈᕐᑐᒥᒃ ᐱᓇᓱᐊᕐᕕᐅᓂᖅ ᐅᑎᕐᓂᐊᕐᐳᖅ ᐃᓱᐊᕐᑐᓕᔪᓄᑦ, ᐆᒻᒪᑎᒥᒍᓪᓗ ᐃᓱᐊᕐᑐᓕᔪᓕᒫᑦ ᑕᒪᑐᒥᖓ ᒪᓕᖕᓂᐊᕐᐳᑦ.

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 2:4

ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑎᒌᒃᑐᑦ ᐊᑭᕋᕐᑐᕐᑎᒌᒍᓐᓃᕐᑎᑦᓱᒫᕐᐰᑦ, ᓴᕕᒡᔪᐊᑎᒡᓗ ᑲᐅᒐᕐᓗᒋᑦ ᓄᓇᒥᒃ ᒪᒃᐱᕐᑎᕆᑦᔪᑎᓐᖑᕐᑎᑦᓱᒫᕐᐰᑦ, ᖃᓗᒋᐊᑎᒡᓗ ᓇᐹᕐᑑᑉ ᓄᕗᖏᓐᓂᒃ ᑭᓪᓗᐃᑦᔪᑎᒃᓴᓐᖑᕐᑎᓪᓗᒋᑦ. ᐃᓅᖃᑎᒌᒡᔪᐊᓪᓗ ᐅᓇᑕᖃᑦᑕᕈᓐᓃᕈᒫᕐᐳᑦ ᐅᓇᑕᕆᐊᕐᐸᒍᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 40:11

ᓰᐱᓕᕆᔨᑎᑐᑦ ᐃᓄᖁᑎᓂ ᓂᕆᑎᑦᓱᒫᕐᐰᑦ, ᓰᐲᓪᓗ ᓄᕐᕋᖏᑎᑐᑦ ᑕᓕᕐᒥᓄᑦ ᐃᕿᓯᒥᐊᕈᒫᕐᐰᑦ, ᐊᒡᔭᕐᓗᒋᑦ ᓴᒡᕕᖕᒥᓂ, ᕿᑐᕐᖓᓛᓖᓪᓗ ᐊᑦᑕᕆᓗᒋᑦ ᒪᓕᒃᑎᑦᓱᒫᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 42:2

ᕾᒐᓛᕈᒫᓐᖏᓚᖅ, ᓂᐱᖅᑯᕐᑐᔪᒫᕋᓂᓗ, ᐊᖅᑯᑎᓂ ᓂᓪᓕᐊᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 63:1

ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 31:25

ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᒤᑲᐅᑉ ᐊᒡᓚᖏᑦ 7:9

ᐊᑕᓂᕐᒧᑦ ᐱᐅᖏᑦᑐᓕᓚᐅᕋᒪ, ᕿᓄᐃᓵᕐᓗᖓ ᐊᑐᕈᒪᕙᕋ ᐊᑕᓂᐅᑉ ᓂᓐᖓᐅᓯᖓ, ᕿᓄᑦᔪᑎᒋᔭᓐᓂᒃ ᐋᖅᑭᒃᓯᓚᐅᖅᑳᕐᑎᓐᓇᒍ ᐃᓱᐊᕐᓯᑎᓪᓗᖓᓗ, ᖃᐅᒪᓂᕐᒧᐊᕈᑎᓂᐊᕐᐹᖓ ᖃᐅᔨᓗᒍᓗ ᐃᓱᐊᕐᓂᖓ.

ᒫᑎᐅᓯᐅᑉ ᐊᒡᓚᖏᑦ 11:28

“ᕾᒋᑦᓯ ᐅᕙᓐᓄᑦ, ᑕᒪᑦᓯ ᐊᒃᓱᕈᕐᑐᓯ ᐅᖁᒤᒃᓴᕐᑐᓯᓗ, ᑕᕾᕐᓯᕐᑎᑦᑐᒪᕙᑦᓯ.

ᒫᑎᐅᓯᐅᑉ ᐊᒡᓚᖏᑦ 12:20

ᓇᑲᑦᓯᔪᒫᓐᖏᓚᖅ ᐃᕕᒡᔪᐊᒥᒃ ᓂᐅᖓᔪᒥᒃ, ᖃᒥᑦᓯᔪᒫᓐᖏᓚᕐᓗ ᖁᓪᓕᐅᑉ ᒪᓂᖓᓂᒃ ᐸᓕᓕᕐᑐᒥᒃ. ᓴᐱᓕᕈᒫᓐᖏᓚᕐᓗ ᐊᑦᔨᒌᒃᑎᑦᓯᓂᕐᒥᒃ ᓵᓚᖃᕐᑎᑦᓯᓚᐅᖅᑳᕋᓂ;

ᔪᐊᓇᓯᐅᑉ ᐊᒡᓚᖏᑦ 20:27

ᑕᕝᕙ ᑑᒪᓯᒧᑦ ᐅᖃᕐᐳᖅ, “ᑎᑮᑦ ᐅᕗᖓ ᐃᓕᒍᒃ, ᐊᒡᒐᒃᑲᓗ ᑕᑯᓕᒃᑭᑦ; ᐊᒡᒐᑎᓪᓗ ᐃᓴᒃᓗᒋᑦ ᓴᓂᕋᕋ ᐊᒃᑐᓕᕈᒃ; ᐅᒃᐱᖏᓐᓇᒃ, ᐅᒃᐱᕆᓪᓕ.”

ᔪᐊᓇᓯᐅᑉ ᐊᒡᓚᖏᑦ 5:30

“ᐅᕙᓐᓃᓐᓇᖅ ᐱᔪᓐᓇᕐᓂᓐᓄᑦ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᓐᖏᓚᖓ; ᒎᑎᒥᑦ ᑐᓴᕐᑕᒃᑲ ᒪᓕᒃᓗᒋᑦ ᐃᖅᑲᕐᑐᐃᕗᖓ; ᑍᒤᒻᒪᑦ ᐃᖅᑲᕐᑐᐃᓂᕋ ᐊᑦᔨᒌᒃᑎᑦᓯᕗᖅ, ᓇᖕᒥᓂᖅ ᐱᔪᒪᔭᓐᓂᒃ ᐱᓇᓱᐊᖏᓐᓇᒪ ᑎᓕᔨᒪᓕ ᐱᔪᒪᔭᖓᓂᒃ ᐱᓇᓱᐊᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.