ᐂᓮᐊᓯᐅᑉ ᐊᒡᓚᖏᑦ 42:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᑭᐊ ᔧᑰᑉ ᑭᖑᕚᖏᑦ ᐊᕐᓵᕐᑎᕆᔪᒧᑦ ᑐᓂᓚᐅᕐᐰᑦ, ᐃᓴᕆᐊᓕᒥᐅᓪᓗ ᑎᒡᓕᒃᑎᓄᑦ ᑐᓂᓪᓗᒋᑦ? ᐊᑕᓂᐅᑉ ᑍᒤᑕᐅᑎᓚᐅᓐᖏᓔᑦ? ᐊᔪᕐᑐᓕᕕᒋᓚᐅᕋᑦᑎᒍ, ᑍᑦᓱᒪᓂ ᐊᑐᕐᑕᐅᖁᔭᖏᓐᓂᒃ ᒪᓕᓚᐅᖏᒻᒪᑕ, ᐱᖁᔭᖏᓪᓗ ᓈᓚᓚᐅᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 42:24 Iomraidhean Croise

ᑯᕉᓂᑲ ᐂᑉᐸᖏᑦ 15:6

ᐃᓅᖃᑎᒌᒡᔪᐊᑦ ᐃᒻᒥᖕᓄᑦ ᐊᓯᕈᖃᑦᑕᐅᑎᖃᑦᑕᓚᐅᕐᐳᑦ, ᐃᒡᓗᒐᓮᓪᓗ ᐃᒡᓗᒐᓴᐅᖃᑎᒥᖕᓄᑦ, ᒎᑎᐅᑉ ᐊᒃᓱᕈᕐᓇᕐᑐᒃᑰᕐᑎᓚᐅᕐᒪᒋᑦ ᐅᖁᒤᑦᑐᒃᑯᑦ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᐃᓐᖏᕈᑎᑦ 81:12

ᑍᒤᒻᒪᑦ ᐃᓱᒤᓐᓇᕐᕆᑎᓕᕐᐸᒃᑲ ᑐᓴᕈᓐᓇᖏᒻᒪᑕ, ᐱᔪᒪᔭᒥᖕᓂᒃ ᒪᓕᖕᓂᐊᓕᕐᒪᑕ.

ᐃᓐᖏᕈᑎᑦ 81:13

ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ, ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ!

ᐂᓮᐊᓯᐅᑉ ᐊᒡᓚᖏᑦ 30:15

ᐊᑕᓂᖅ ᒎᑎ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐃᒫᒃ ᐅᖃᕐᐳᖅ, “ᐅᕙᓐᓄᑦ ᐅᑎᕈᑦᓯ ᓮᓕᓇᕐᑐᒦᓪᓗᓯ ᐱᐅᓕᔭᐅᒐᔭᕐᐳᓯ; ᓂᐰᑦᑑᓂᖅ ᖁᓚᖏᓐᓂᕐᓗ ᐱᔪᓐᓇᕐᓂᕆᓂᐊᕐᐸᓯ.” ᑭᓯᐊᓂᓕ ᑍᒤᑦᑐᒪᓚᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 42:23

ᓇᓪᓕᑦᓯᓐᓄᑦ ᑕᒪᓐᓇ ᑐᓴᕐᑕᐅᔪᓐᓇᕐᐹ? ᑭᓇ ᓈᓚᒡᓗᓂ ᑐᓵᓇᓱᒍᓐᓇᕐᐹ ᓯᕗᓂᕐᒥ ᐱᔪᖃᓛᕐᑐᒥᒃ?

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 48:18

ᓈᓚᑦᓯᐊᖃᑦᑕᓚᐅᕈᑦᓯᓕ ᑍᒪ ᐱᖁᔭᓐᓂᒃ! ᓮᒪᓇᕐᑐᖅ ᑰᒃᑎᑐᑦ ᑰᒐᔭᕐᐳᖅ, ᓇᓛᒎᕐᓂᓯᓗ ᑕᕆᐅᑉ ᒪᓕᖏᑎᑐᑦ ᑍᒤᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 57:17

ᓂᓐᖓᓚᐅᕋᒪ ᐊᔪᕐᑐᓕᔪᒪᓗᐊᕐᓂᖏᓐᓂᒃ ᐱᑦᔪᑎᖃᕐᓗᖓ, ᓱᒋᐊᓚᐅᕐᐸᒃᑲ, ᐃᔨᕐᓗᖓᓗ ᑖᒃᑯᓇᓐᖓᑦ ᓂᓐᖓᓚᐅᕋᒪ, ᑭᓯᐊᓂᓕ ᑲᑕᒃᐸᓪᓕᐊᑐᐃᓐᓇᓚᐅᕐᐳᑦ ᐊᑐᕈᒪᔭᑐᐃᓐᓇᕐᒥᖕᓂᒃ ᑲᔪᓯᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 44:10

ᐅᓪᓗᒥᒧᑦ ᑎᑭᓪᓗᒍ ᓱᓕ ᒥᑭᒡᓕᑎᓚᐅᕐᓯᒪᓐᖏᓚᓯ ᐃᓕᑦᓯᓗ ᓯᕗᓕᕕᓂᓯᓗ, ᐅᕙᓐᓂᒃ ᐅᐱᒋᔭᖃᓚᐅᕐᓯᒪᓐᖏᓚᓯ ᐃᓅᓇᓱᐊᓚᐅᕐᓯᒪᓇᓯᓗ ᐱᖁᔭᒃᑲ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 5:15

ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:14

ᐊᔪᕐᑐᓕᓂᒃᑲ ᑲᑎᑎᓪᓗᓂᒋᑦ ᓇᖕᒪᐅᑎᓐᖑᕐᑎᑉᐰᑦ, ᐊᒡᒐᖕᒥᓄᑦ ᓄᕕᕐᓴᕐᓗᓂᒋᑦ ᖁᖓᓯᓐᓄᑦ ᑲᐅᑎᑉᐰᑦ. ᐊᑕᓂᐅᑉ ᓄᑭᖏᕈᑎᑎᒻᒪᖓ ᐊᑭᕋᕐᑐᕐᑎᓐᓄᑦ ᐱᔭᐅᕗᖓ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᒫᑎᐅᓯᐅᑉ ᐊᒡᓚᖏᑦ 22:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᒃᑐᐊᓘᕗᖅ; ᐅᓇᑕᕐᑐᒃᓴᖁᑎᓂ ᑎᓕᕔᑦ ᑍᒃᑯᐊ ᐃᓄᐊᕐᑐᑦ ᑐᖁᑕᐅᖁᓪᓗᒋᑦ ᐃᒡᓗᒐᓴᖏᓪᓗ ᐃᑯᐊᓪᓚᒃᑕᐅᓗᑎᒃ.

ᒨᓯᓯ ᑕᓪᓕᒪᖏᑦ 28:49

ᐊᑕᓂᖅ ᐃᓅᖃᑎᒌᒡᔪᐊᓂᒃ ᓄᓇᕐᔪᐊᑉ ᐃᓱᐊᓂᑦ ᐱᓯᒪᔪᓄᑦ ᐅᐸᒃᑕᐅᑎᑦᓱᒫᕐᐹᓯ ᐅᓇᑕᕆᐊᕐᑕᐅᓗᓯ, ᐅᐸᒃᑐᕈᒫᕐᐳᑦ ᓇᒃᑐᕋᓕᒃᑎᑐᑦ ᐊᐅᕐᓵᕐᑐᑎᑐᑦ,

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᐃᓗᐊᕐᓮᔩᑦ ᐊᒡᓚᖏᑦ 10:7

ᐊᑕᓂᐅᓪᓕ ᓂᓐᖓᑎᐅᓚᐅᕐᐰᑦ ᐃᓴᕆᐊᓕᒥᐅᑦ, ᐱᓕᔅᑍᓂᒥᐅᓄᓪᓗ ᐊᒧᓁᑎᓄᓪᓗ ᓵᓚᐅᑎᓚᐅᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.