ᐂᓮᐊᓯᐅᑉ ᐊᒡᓚᖏᑦ 42:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᐅᑉ ᖁᕕᐊᓲᑎᒋᕚ ᓇᓛᒎᕐᓂᓂ ᐱᓪᓗᒍ; ᐱᖁᔧᑦ ᐊᖏᔪᕈᕐᑎᓐᓂᐊᕐᐰᑦ ᓂᕐᑐᕐᓇᕐᑐᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 42:21 Iomraidhean Croise

ᐃᓐᖏᕈᑎᑦ 138:2

ᑐᒃᓯᐊᕐᓂᐊᕐᐳᖓ ᑐᒃᓯᐊᕐᕕᒡᔪᐊᖁᑏᑦ ᐃᑦᔪᕐᓁᑦᑐᖅ ᓵᓪᓗᒍ, ᐊᑏᓪᓗ ᖁᔭᒋᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓱᖃᖏᑦᑐᖅ ᓱᕐᕋᔪᐃᑦᑑᓃᓪᓗ; ᓴᖅᑭᑎᑦᓯᓚᐅᕋᕕᑦ ᐅᖃᐅᓰᑦ ᐊᑏᓪᓗ ᓱᓇᓕᒫᓂᑦ ᐊᖏᓂᕐᐸᐅᓂᖏᓐᓂᒃ.

ᐃᓐᖏᕈᑎᑦ 40:8

ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.

ᐃᓐᖏᕈᑎᑦ 71:16

ᑍᒤᓕᐅᕈᒪᕗᖓ ᐊᑕᓂᐅᑉ ᒎᑎᐅᑉ ᓴᓐᖏᓂᖓ ᐊᑐᕐᓗᒍ; ᐃᓱᐊᕐᑐᓕᓃᑦ ᓂᓪᓕᐊᑦᔪᑎᒋᔪᒪᕙᕋ, ᐃᕝᕕᑐᐊᖅ ᐊᓯᖃᖏᓐᓇᕕᑦ.

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 51:4

ᐃᓄᖁᑎᒃᑲ, ᓈᓚᓚᐅᕐᓯᓐᖓ; ᑐᓴᕐᓗᖓᓗ ᐃᓅᖃᑎᒌᒡᔪᐊᖁᑎᒃᑲ, ᐱᖁᔭᒃᑲ ᐅᕙᓐᓂᑦ ᐊᓂᔪᒫᕐᐳᑦ, ᐊᑦᔨᒌᒃᑎᑦᓯᓂᓐᓄᓪᓗ ᐃᓄᐃᑦ ᖃᐅᒪᒃᓴᕐᑕᐅᔪᒫᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᒫᑎᐅᓯᐅᑉ ᐊᒡᓚᖏᑦ 3:15

ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᕐᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᕐᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᕐᐹ.

ᒫᑎᐅᓯᐅᑉ ᐊᒡᓚᖏᑦ 3:17

ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

ᔪᐊᓇᓯᐅᑉ ᐊᒡᓚᖏᑦ 15:10

ᐱᖁᔭᒃᑲ ᒪᓕᒃᑯᑦᓯᒋᑦ, ᓇᒡᓕᓐᓂᓐᓃᑦᓮᓐᓇᕐᓂᐊᕐᐳᓯ; ᐊᑖᑕᒪᑦᑕᐅᖅ ᐱᖁᔭᖏᑦ ᒪᓕᓚᐅᕋᒃᑭᑦ, ᓇᒡᓕᖕᓂᖓᓃᑦᓮᓐᓇᕐᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 8:29

ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.”

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᕉᒪᒥᐅᓄᑦ 3:31

ᑕᕝᕙᓕ ᑕᒪᑐᒧᖓ ᐅᒃᐱᕐᓂᕐᒧᑦ ᐱᖁᔭᑦ ᐊᑐᕈᓐᓃᕐᑎᑉᐸᕘᑦ? ᑍᒤᓐᖏᓚᖅ! ᐱᖁᔭᓪᓕ ᑐᓐᖓᕕᒋᓂᕐᓴᕆᓕᕐᐸᕗᑦ.

ᕉᒪᒥᐅᓄᑦ 7:12

ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.

ᒐᓔᑎᐊᒥᐅᓄᑦ 3:13

᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”

ᒐᓔᑎᐊᒥᐅᓄᑦ 3:21

ᑍᒪᓕ ᐱᖁᔧᑦ ᐊᑭᕋᕐᑐᕐᐹᑦ ᒎᑎᐅᑉ ᐊᖏᕈᑎᒋᓯᒪᔭᖏᓐᓄᑦ? ᑍᒤᓐᖏᓚᖅ; ᐃᓄᐃᑦ ᐱᖁᔭᓂᒃ ᐱᑎᑕᐅᓚᐅᕐᐸᑕ ᐃᓅᓯᖃᕐᓇᕐᑐᓂᒃ, ᐃᓗᐊᕐᑐᓐᖑᕈᓐᓇᕋᔭᓚᐅᕐᐳᑦ ᒪᓕᑦᓯᐊᕐᓂᕐᒥᖕᓄᑦ ᐱᖁᔭᓂᒃ.

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᒨᓯᓯ ᑕᓪᓕᒪᖏᑦ 4:8

ᐃᓅᖃᑎᒌᒡᔪᐊᖑᔪᓂᒃ ᐊᓯᖏᓐᓂᒃ, ᐊᔪᖏᑦᑐᕐᔪᐊᖑᒐᓗᐊᕐᐸᑕ, ᐱᖁᔭᖃᕐᑐᖃᓐᖏᓚᖅ ᐱᖁᔭᑦᑎᑐᑦ ᐋᖅᑭᑦᓯᐊᕐᓯᒪᑎᒋᔪᓂᒃ ᐅᓪᓗᒥ ᐃᓕᓯᓐᓄᒃ ᐊᔪᕆᕐᑐᐃᑦᔪᑎᒋᔭᑦᑐᑦ ᑍᒤᑦᑐᓂᒃ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.