ᐂᓮᐊᓯᐅᑉ ᐊᒡᓚᖏᑦ 42:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 42:16 Iomraidhean Croise

ᐃᓐᖏᕈᑎᑦ 94:14

ᐊᑕᓂᐅᑉ ᐃᓄᖁᑎᓂ ᕿᒪᖕᓂᐊᖏᒻᒪᒋᑦ; ᑭᖑᕐᖑᑦᔨᔪᒃᓴᖁᑎᓂᓗ ᖁᔭᓈᕐᓂᐊᕐᓇᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:15

ᓂᐅᖓᔪᑦ ᑐᑭᓕᐊᕐᓯᑎᑕᐅᔪᓐᓇᓐᖏᓚᑦ, ᐱᑕᖃᖏᑦᑐᓪᓗ ᓈᓴᖃᓯᐅᑎᔭᐅᔪᓐᓇᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:13

ᒎᑎᐅᑉ ᐱᓇᓱᐊᕐᓂᖓ ᐃᓱᒪᒋᒍᒃ; ᑭᓇ ᑐᑭᓕᐊᕐᓯᑎᑦᓯᔪᓐᓇᕐᐸ ᑖᑦᓱᒪ ᓂᐅᖓᒃᑎᑕᕕᓂᖓᓂᒃ?

ᐂᓮᐊᓯᐅᑉ ᐊᒡᓚᖏᑦ 26:7

ᐃᓱᐊᕐᑐᑦ ᐊᖅᑯᑎᖏᑦ ᒪᓂᕋᕈᕐᑎᑉᐸᑎᑦ; ᐃᓱᐊᕐᑐᑦ ᐱᓱᒡᕕᒃᓴᖏᑦ ᕾᕋᑦᑑᑎᑉᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 29:18

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑐᓵᖏᑦᑐᖅ ᑐᓵᓕᕈᒫᕐᐳᖅ ᐊᒡᓔᑦ ᐅᖃᐅᓯᖏᓐᓂᒃ ᐅᖃᓕᒫᕐᑐᒥᒃ, ᑕᐅᑐᖏᑦᑐᕐᓗ ᑖᕐᓯᐅᕐᓗᓂ ᐃᓅᔪᖅ, ᑕᐅᑐᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 29:24

ᐊᓂᕐᓂᕐᒥᒍᑦ ᓯᓔᑦᑑᒐᓗᐊᑦ ᑐᑭᓯᓂᖃᓕᕈᒫᕐᐳᑦ, ᓈᒻᒪᒃᓴᓐᖏᒐᔪᒃᑑᒐᓗᐊᓪᓗ ᐊᔪᕆᕐᑐᕐᑕᐅᓂᕐᒥᒃ ᖁᕕᐊᒋᔭᖃᓕᕐᓗᑎᒃ.”

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 32:3

ᐃᔩᑦ ᑕᑯᔪᓐᓇᕐᑐᑦ ᑕᕝᕙᓂ ᑕᑯᓐᓇᑦᓯᐊᕈᒫᕐᐳᑦ, ᑐᓵᔪᓪᓗ ᓯᐅᑎᖏᑦ ᓈᓚᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 35:5

ᑕᕝᕙ ᑕᐅᑐᖏᑦᑐᑦ ᐃᔨᖏᑦ ᑕᑯᓕᕈᒫᕐᐳᑦ, ᑐᓵᖏᑦᑐᓪᓗ ᓯᐅᑎᖏᑦ ᑐᓵᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 40:4

ᓇᕐᓴᓕᒫᑦ ᓇᖓᕐᑎᕐᓗᒋᑦ, ᖃᖅᑬᓪᓗ ᐱᖑᐃᓪᓗ ᓇᓕᕆᒃᓯᓗᒋᑦ; ᓴᖑᐃᕐᓂᖏᑦ ᑐᑭᓕᐊᕐᓯᑎᓪᓗᒋᑦ ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 41:17

ᐊᒃᓱᔪᑦ ᐱᖃᖏᑦᑐᓪᓗ ᐃᒥᕈᒃᑲᓗᐊᕐᐳᑦ ᐃᒥᒃᓴᕐᑕᖃᕋᓂᓗ, ᖀᓐᓂᕐᒧᑦ ᐅᖃᖏᑦ ᓴᓗᐊᕐᐳᑦ, ᐅᕙᖓ ᐊᑕᓂᖅ ᑐᓴᕐᓂᐊᕐᐸᒃᑲ; ᐅᕙᖓ ᐃᓴᕆᐊᓕᐅᑉ ᒎᑎᖓ ᖁᔭᓈᕐᓂᐊᓐᖏᓚᒃᑲ.

ᐂᓮᐊᓯᐅᑉ ᐊᒡᓚᖏᑦ 41:3

ᒪᓕᒃᓴᕌᖓᒥᒋᑦ ᖃᓄᐃᓕᔭᐅᓇᓂ ᑲᔪᓯᑐᐃᓐᓇᕐᐳᖅ, ᓱᒃᑲᑦᑑᓗᐊᒧᑦ ᒪᓂᖅᑲᒧᑦ ᐊᒃᑐᐃᓚᐅᕐᓯᒪᑦᓯᐊᕐᑑᔭᕋᓂ ᐃᖏᕐᕋᔪᓐᓇᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 45:2

ᓯᕗᓂᕐᓃᓐᓂᐊᕐᐳᖓ ᖃᖅᑲᓂᒃ ᒪᓂᖅᑲᒃᓮᓗᖓ, ᐃᑎᕐᑕᕐᕕᖕᓂᒃ ᑲᓐᓄᔭᓂᒃ ᓯᖁᑦᑎᕆᓗᖓ ᐅᒃᑯᐊᓪᓗ ᓴᕕᕋᔧᑦ ᐅᕐᕉᕋᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 52:12

ᑐᐊᕕᕐᑎᑕᐅᓗᓯ ᐊᐅᓪᓚᕐᓂᐊᓐᖏᓐᓇᑦᓯ, ᕿᒫᓂᕐᒧᓪᓗ ᐊᐅᓪᓚᕐᓂᐊᖏᓐᓇᑦᓯ; ᐊᑕᓂᐅᑉ ᓯᕗᓪᓕᕐᓂᐊᕐᒪᓯ, ᐃᓴᕆᐊᓕᐅᓪᓗ ᒎᑎᖓᑦᑕ ᒪᓕᖕᓂᐊᕐᐹᓯ ᑭᖑᓂᑦᓯᓐᓂ ᐃᓕᑦᓯᓐᓂᒃ ᓴᐳᓐᓂᐊᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 54:13

ᐃᕐᓂᓕᒫᓯᓗ ᐊᔪᕆᕐᑐᐊᖑᔪᒫᕐᐳᑦ ᐊᑕᓂᕐᒧᑦ, ᐊᔪᕐᓴᖏᑦᑐᕐᔪᐊᖑᔪᒫᕐᓗᑎᒡᓗ ᕿᑐᕐᖓᓯ.

ᐂᓮᐊᓯᐅᑉ ᐊᒡᓚᖏᑦ 58:10

ᑳᒃᑐᓂᒃ ᐃᑲᔪᕋᓱᐊᑦᓯᐊᖃᑦᑕᕈᑦᓯ, ᓵᓚᐅᓯᒪᔪᓪᓗ ᐱᔭᕆᐊᖃᕐᑕᖏᓐᓂᒃ ᓈᒻᒪᒃᓯᑎᑦᓯᖃᑦᑕᕈᑦᓯ, ᑕᕝᕙ ᖃᐅᒪᓂᓯ ᑖᕐᑐᒥ ᖃᐅᒪᓕᕐᓂᐊᕐᐳᖅ, ᑖᕐᓯᐅᕐᓂᓯᓗ ᐅᓪᓗᓪᓗᐊᑐᑦ ᖃᐅᒪᑎᒋᓕᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 14:23

ᑖᒃᑯᐊ ᐃᓕᑦᓯᓐᓂᒃ ᒪᓂᒍᐃᒃᐸᑕ, ᐱᐅᓯᖏᑦ ᐱᓂᐊᕐᓂᖏᓪᓗ ᑕᑯᒍᑦᓯᒋᒃ; ᖃᐅᔨᓕᕈᒫᕐᐳᓯ ᐱᓂᐊᕐᓂᕆᓯᒪᔭᓕᒫᒃᑲ ᐱᑦᔪᑎᖃᑦᓯᐊᖏᓪᓗᑎᒃ ᐱᓯᒪᖏᓐᓂᖏᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 2:14

“ᑍᒤᒻᒪᑦ, ᑕᑯᒋᑦ, ᓇᕆᐊᓕᕐᓯᒪᓗᒍ ᐃᓄᖃᖏᑦᑐᒧᐊᕈᑎᔪᒫᕐᐸᕋ, ᑍᑲᓂᓗ ᐅᖃᕐᕕᒋᔪᒫᕐᐸᕋ ᐅᖃᐅᓯᕐᓄᑦ ᓇᒡᓕᒃᑐᕐᑐᓄᑦ.

ᕼᐆᓯᐊᑉ ᐊᒡᓚᖏᑦ 2:6

“ᑍᒤᒻᒪᑦ ᐊᕙᓗᓕᐅᕐᓂᐊᕐᐸᕋ ᐅᕐᐱᖕᓄᑦ ᑲᑭᓐᓇᕐᑐᓕᖕᓄᑦ; ᐊᕙᓗᓕᐅᕐᓗᒍ ᐊᑭᓐᓇᓕᐅᕈᑎᓂᐊᕐᐸᕋ ᓴᐴᓗᑦᓯᕐᓗᒍ, ᐊᓂᕕᒃᓴᒥᓂᒃ ᓇᓂᓯᔪᓐᓁᓪᓕᖁᓪᓗᒍ.

ᐂᒨᓯᐅᑉ ᐊᒡᓚᖏᑦ 5:8

ᑖᓐᓇ ᐅᓪᓗᕆᐊᑦ ᐃᓂᒋᔭᖏᑕ ᖃᓄᐃᓕᖓᓂᖏᓐᓂᒃ ᓴᓇᓚᐅᕐᑐᖅ, ᑖᕐᑐᕐᔪᐊᕐᒥᒡᓗ ᒧᒥᒃᑎᑦᓯᕙᒃᑐᖅ ᐅᓪᓛᓐᖑᕐᑎᓪᓗᒍ, ᐅᓪᓗᕐᒥᒡᓗ ᑖᕐᓯᑎᑦᓯᕙᒃᑐᖅ ᐅᓐᓄᐊᖑᓕᕐᓗᓂ, ᑕᕆᐅᕐᔪᐊᒥᒃ ᕾᖁᔨᕙᒃᑐᖅ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ, ᐊᑎᖃᕐᐳᖅ ᐊᑕᓂᕐᒥᒃ.

ᓘᑲᓯᐅᑉ ᐊᒡᓚᖏᑦ 3:5

ᓇᕐᓮᑦ ᑕᒪᕐᒥᒃ ᓇᖓᕐᑎᕐᑕᐅᔪᒫᕐᐳᑦ, ᐱᖑᐃᑦ ᖃᖅᑬᓪᓗ ᐳᒃᑭᒡᓕᑎᑕᐅᔪᒫᕐᓗᑎᒃ, ᐊᖅᑯᑎᑦ ᓴᖑᐃᖓᔪᑦ ᑐᑭᓕᐊᕐᓯᑎᑕᐅᔪᒫᕐᐳᑦ, ᒪᓃᑦᑐᑦ ᒪᓂᖅᑲᒃᓴᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔮᓱᐊᑉ ᐊᒡᓚᖏᑦ 3:4

ᑕᒫᓃᓚᐅᕐᓯᒪᖏᓐᓇᑦᓯ, ᑖᒃᑯᓇᓐᖓᑦ ᖃᐅᔨᑎᑕᐅᓂᐊᕐᐳᓯ ᓇᐅᒃᑰᕆᐊᖃᕐᒪᖔᑦᓯ, ᑭᓯᐊᓂᓕ ᖃᒡᓕᔭᕆᐊᖃᕐᓂᐊᓐᖏᓚᓯ ᑖᓐᓇ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ, ᑭᖑᓂᖓᓂ 1,000 ᖃᓂᒋᔮᓂ ᐃᑎᒐᖕᓂᒃ ᓯᕕᑐᓂᖃᕐᓗᓯ ᒪᓕᖕᓂᐊᕐᐳᓯ.”

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.