ᐂᓮᐊᓯᐅᑉ ᐊᒡᓚᖏᑦ 42:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑕᓂᖅ ᐅᐸᒍᑎᓂᐊᕐᒪᑦ ᐊᖑᑎᑐᑦ ᐱᔪᓐᓇᕐᑐᕐᔪᐊᑐᑦ; ᐅᓇᑕᕐᑎᐅᑉ ᐅᓇᑕᕆᐊᕈᒪᓂᖓᑐᑦ ᑲᔪᖏᕐᓂᖃᕐᓗᓂ, ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, ᓂᐱᕐᔪᐊᒧᑦ ᕾᒐᓛᕐᓗᓂ; ᐊᑭᕋᓂᓗ ᓵᓚᒋᓂᐊᕐᐰᑦ.”

ᐂᓮᐊᓯᐅᑉ ᐊᒡᓚᖏᑦ 42:13 Iomraidhean Croise

ᐃᓐᖏᕈᑎᑦ 118:16

ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᐊᖏᔪᕈᕐᑎᑕᐅᓕ, ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᓵᓚᖃᑦᓮᓐᓇᕐᐳᖅ!”

ᐃᓐᖏᕈᑎᑦ 78:65

ᐊᑕᓂᕐᓕ ᓯᓂᖕᓂᕐᒥᑦ ᑐᐸᒃᑐᑎᑐᑦ ᑍᒤᓕᓚᐅᕐᐳᖅ, ᐊᖑᑎᑐᓪᓗ ᓴᓐᖏᔪᑐᑦ ᕔᓂᑐᕐᓯᒪᔪᑐᑦ ᓂᓪᓕᐊᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 31:4

ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 37:32

ᔨᕉᓴᓕᒥᑦ ᐊᓂᔪᒫᕐᐳᑦ ᐊᒥᐊᒃᑯᑦ, ᓮᐅᓂᐅᑉ ᖃᖅᑲᖓᓂ ᐊᓐᓇᒃᑐᑦ ᐊᓂᔪᒫᕐᐳᑦ, ᑕᒪᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑲᔪᓯᑎᑦᓱᒪᒐᒥᐅᒃ ᐱᓇᓱᐊᕈᒫᕐᒪᒍ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 66:14

ᑕᒪᓐᓇ ᑕᑯᓕᕈᑦᓯᐅᒃ, ᐆᒻᒪᑎᓯ ᖁᕕᐊᓱᒃᑐᐊᓘᔪᒫᕐᐳᑦ; ᑎᒥᓯᓗ ᐱᕈᑦᓯᐊᕈᒫᕐᐳᑦ ᐃᕕᒃᓱᒐᕐᑎᑐᑦ; ᖃᐅᔨᒪᔭᐅᓕᕈᒫᕐᒪᑦ ᐊᑕᓂᐅᑉ ᐊᒡᒐᖕᒥᓄᑦ ᐱᔨᓂ ᓇᔪᕐᒪᒋᑦ, ᓂᓐᖓᕕᒡᔪᐊᕐᓂᐊᓗᐊᓗ ᓴᖅᑭᔮᕈᒫᕆᕗᖅ ᐊᑭᕋᕐᑐᕐᑎᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 25:30

“ᐅᖃᐅᓯᕆᔭᐅᖁᔭᓐᓂᒃ ᐅᖃᐅᓯᖃᕆᐊᕐᑐᓕᕆᑦ ᐅᖃᐅᑎᓗᒋᓪᓗ, ‘ᐊᑕᓂᖅ ᓂᓪᓕᐊᓕᕐᐳᖅ ᖁᑦᓯᒃᑐᒥᑦ, ᐃᓂᒋᔭᒥᓂᑦ ᐃᑦᔪᕐᓁᑦᑐᒥᑦ ᓂᐱᖓ ᑐᓴᕐᓴᐅᕗᖅ, ᓂᐱᕐᔪᐊᒧᓪᓗ ᓱᐊᖕᓂᐊᕐᐳᖅ ᓄᓇᖃᕐᑐᓄᑦ ᑕᒫᓂ, ᕾᒐᓛᕐᓂᐊᕐᐳᖅ ᐸᐅᕐᖓᓂᒃ ᐃᑦᓰᔧᕝᕕᖕᒦᑦᑐᑎᑐᑦ ᓄᓇᕐᔪᐊᒥ ᐃᓂᖃᕐᑐᓕᒫᑦ ᐊᑭᕋᕐᑐᕐᓗᒋᑦ.

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᔪᐃᓕᐅᑉ ᐊᒡᓚᖏᑦ 3:16

ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ, ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ; ᕿᓚᒡᓗ ᓄᓇᓗ ᓴᔪᒍᒫᕐᐴᒃ; ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ, ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 1:2

ᐅᖃᕐᐳᕐᓗ, “ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ, ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ; ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ, ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᔨᐸᓁᐊᐅᑉ ᐊᒡᓚᖏᑦ 1:18

ᓯᐅᓪᕕᕆᖁᑎᖏᑕ ᒎᓗᖁᑎᖏᑕᓘᓐᓃᑦ ᐱᐅᓕᔭᐅᔪᓐᓇᕈᒫᓐᖏᓔᑦ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ. ᓄᓇᕐᔪᐊᓕᒫᖅ ᓄᖑᑕᐅᔪᒫᕐᐳᖅ ᓯᒡᒐᑦᔨᓂᕐᒥᓄᑦ ᓂᓐᖓᐅᒪᓂᖓᑕ ᐃᑯᐊᓚᓂᖓᓄᑦ; ᑲᑉᐱᐊᓇᒃᑲᓐᓂᕐᕕᖃᖏᑦᑐᒧᑦ ᑕᕝᕔᓐᓇᖅ ᓄᖑᑦᓱᒫᕐᐰᑦ ᓄᓇᕐᔪᐊᕐᒥᐅᓕᒫᑦ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.