ᐂᓮᐊᓯᐅᑉ ᐊᒡᓚᖏᑦ 42:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓱᓇᖃᔪᐃᑦᑐᖅ ᓄᓇᓕᖏᓪᓗ ᓂᓪᓕᐊᓕᕐᓕᑦ ᓂᐱᖅᑯᕐᑐᓗᑎᒃ, ᓄᓇᓖᑦ ᑭᑕᕆᒥ ᓄᓇᖃᕐᑐᑦ ᐱᖃᑕᐅᓕᑦ; ᓰᓚᒥᐅᑦ ᐃᓄᖏᑦ ᐃᓐᖏᕐᓕᑦ ᖁᕕᐊᓱᖕᓂᕐᒧᑦ, ᓂᐱᖅᑯᕐᑐᓗᑎᒃ ᓂᓪᓕᐊᓕᑦ ᖃᖅᑬᑦ ᖄᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 42:11 Iomraidhean Croise

ᒨᓯᓯ ᓯᕗᓪᓖᑦ 25:23

ᐊᑕᓂᐅᓪᓗ ᐅᖃᐅᑎᕚ, “ᐃᓅᖃᑎᒌᒡᔪᐊᓂᒃ ᒪᕐᕈᐃᓂᒃ ᐃᓗᒥᐅᑕᖃᕐᐳᑎᑦ ᐃᒡᓕᐊᕐᓂ, ᐃᓅᒃ ᒪᕐᕉᒃ, ᐃᕐᓂᐊᕆᒍᕕᒋᒃ, ᐃᓅᖃᑎᒌᒍᓐᓇᕈᒫᓐᖏᓚᒃ; ᐂᑉᐸᖓ ᓴᓐᖏᓂᕐᓴᐅᔪᒫᕐᐳᖅ ᐂᑉᐸᕐᒥᓂᑦ, ᐊᖓᔪᒃᓯᕐᓗ ᐱᔨᑦᓯᕈᒫᕐᐳᖅ ᓄᑲᕐᒥᓂᒃ.”

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 12:5

ᐊᑕᓂᖅ ᐃᓐᖏᕐᕕᒋᓯᐅᒃ, ᐱᓇᓱᐊᕐᓯᒪᖕᒪᑦ ᐱᓐᓇᕐᓇᕐᑐᕐᔪᐊᓂᒃ; ᑕᒪᓐᓇ ᓄᓇᕐᔪᐊᕐᒥᐅᓕᒫᓄᑦ ᖃᐅᔨᔭᐅᑎᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 16:1

ᓰᐱᐅᑉ ᓄᕐᕋᖏᓐᓂᒃ ᑎᓕᓯᓯᒪᕗᑦ ᓄᓇᒥᒃ ᐊᐅᓚᑦᓯᖁᓪᓗᒋᑦ, ᓄᓇᓕᖕᓂᑦ ᓯᓚᒥᐅᓂᑦ, ᐃᓄᖃᖏᑦᑑᑉ ᑭᒡᓕᖓᓃᑦᑐᓂᑦ, ᓮᐅᓂᐅᑉ ᐸᓂᖓᑕ ᖃᖅᑲᖓ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 21:16

ᐊᑕᓂᖅ ᐃᒫᒃ ᐅᕙᓐᓄᑦ ᐅᖃᕐᒪᑦ, “ᐊᕐᕌᒍ ᐃᓱᓕᓚᐅᕐᑎᓐᓇᒍ, ᐱᓇᓱᐊᕐᑎᐅᑉ ᐊᕐᕌᒍ ᒪᓕᒃᑕᖓ ᐊᑐᕐᓗᒍ, ᑭᑕᕆᒥᐅᑦ ᐊᔪᖏᓐᓂᕐᔪᐊᖓᑦ ᐃᓱᓕᑦᓱᒫᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 32:16

ᐊᑦᔨᒌᒃᑎᑦᓯᓂᖅ ᐃᓂᖃᕈᒫᕐᐳᖅ ᐱᕈᕐᑐᖃᖏᑦᑐᒥ, ᓇᓛᒎᕐᓂᕐᓗ ᓅᑦᓱᒫᓐᖏᓚᖅ ᐱᕈᕐᑐᖃᕐᐸᒃᑐᒥ.

ᐂᓮᐊᓯᐅᑉ ᐊᒡᓚᖏᑦ 35:1

ᓄᓇ ᓯᐅᕅᓐᓇᖅ ᓄᓇᓗ ᐸᓂᕐᓂᑯ ᖁᕕᐊᓱᓕᕈᒫᕐᐳᑦ; ᓄᓇᓗ ᓱᓇᖃᔪᐃᑦᑐᖅ ᖁᕕᐊᓱᓕᕈᒫᕐᐳᖅ ᐱᕈᕐᑎᑦᓯᑦᓯᐊᓕᕐᓗᓂᓗ; ᓄᓇᕋᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 35:6

ᑐᓯᐊᑦᑐᑦ ᐱᒡᓕᕐᑕᓕᕈᒫᕐᐳᑦ ᑐᒃᑐᑎᑐᑦ, ᐅᖃᕈᓐᓇᖏᑦᑐᓪᓗ ᐃᓐᖏᓕᕐᓗᑎᒃ ᖁᕕᐊᓱᖕᓂᕐᒧᑦ, ᐃᒪᖅ ᑰᓕᕈᒫᕐᒪᑦ ᓱᓇᖃᔪᐃᑦᑐᒃᑯᑦ, ᑰᒐᓛᖃᓕᕐᓗᓂᓗ ᓄᓇᒥ ᓯᐅᕋᕐᔪᐊᒥ.

ᐂᓮᐊᓯᐅᑉ ᐊᒡᓚᖏᑦ 40:3

ᓂᐱᒥᒃ ᑐᓴᕐᓴᐅᔪᖃᕐᐳᖅ ᐃᓄᖃᖏᑦᑐᒥ: “ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ; ᓱᓇᖃᔪᐃᑦᑐᒃᑯᑦ ᑐᑭᓕᐊᕐᑐᒥᒃ ᐊᖅᑯᑎᓕᐅᓕᕆᑦᓯ ᒎᑎᑦᑕ ᐊᑐᕐᓂᐊᕐᑕᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 43:19

ᑕᑯᒋᑦ, ᓄᑖᒥᒃ ᐱᓇᓱᐊᓕᕐᐳᖓ; ᒫᓐᓇ ᓴᖅᑭᖃᑦᑕᓕᕐᐳᖅ, ᑕᑯᓯᒪᖏᑉᐱᓯᐅᒃ? ᐊᖅᑯᑎᓕᐅᕐᓂᐊᕐᐳᖓ ᐃᓄᖃᖏᑦᑐᒥ ᑰᓕᐅᕐᓗᖓᓗ ᓯᐅᕅᓐᓇᕐᒥ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 60:7

ᑭᑕᕆᒥᐅᑦ ᓰᐱᖁᑎᓕᒫᖏᑦ ᐃᓕᑦᓯᓐᓄᑦ ᑲᑎᑕᐅᔪᒫᕐᐳᑦ, ᓂᐰᐅᑎᐅᑉ ᓰᐱᖁᑎᖏᑕ ᐊᖑᓴᓪᓗᖏᑦ ᐱᓇᓲᑎᒋᓕᕈᒫᕐᐸᓯ; ᑐᓂᕐᕈᓯᐅᑎᒃᓴᐅᔪᓐᓇᕐᓗᑎᒡᓗ ᑐᓂᕐᕈᓯᕐᕕᖁᑎᓐᓂ ᐃᓚᓕᐅᕈᒫᕐᐸᒃᑲ, ᑐᒃᓯᐊᕐᕕᒡᔪᐊᖁᑎᒐᓗ ᐱᐅᔪᕐᔪᐊᖅ ᐱᓐᓇᕐᓇᕐᓯᑎᑦᓱᒫᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 21:13

ᑕᑯᒋᑦ, ᔨᕉᓴᓕᒥᐅᑕᐅᔪᓯ ᐊᑲᐅᒋᓐᖏᓚᑦᓯ, ᓇᕐᓴᒥᐅᑕᐅᔪᓯ, ᕾᕐᑑᓂᖓᓂ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯ, ‘ᑭᒃᑯᑦ ᐅᕙᑦᑎᓐᓂᒃ ᐅᓇᑕᕋᓱᐊᕐᐹᑦ? ᑭᒃᑯᓪᓗ ᐱᔭᐅᑦᔧᕐᓯᒪᕕᑦᑎᓐᓄᑦ ᐃᑎᕈᓐᓇᕐᐹᑦ?’

ᔨᕆᒤᐊᐅᑉ ᐊᒡᓚᖏᑦ 48:28

“ᒧᐊᐱᒥᐅᑕᐅᔪᓯ ᓄᓇᓖᑦ ᕿᒪᒡᓗᒋᑦ ᕾᕈᓱᖕᓂ ᐃᓂᖃᐅᓕᕆᑦᓯ ᑑᕕᑎᑐᑦ ᐃᓂᒃᓴᕐᓯᐅᓕᕆᑦᓯ, ᕾᕈᓱᐃᑦ ᐹᖏᓐᓂ ᐃᕙᕕᒃᓴᕐᓯᐅᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 49:16

ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 49:31

ᐃᓅᖃᑎᒌᒡᔪᐊᑦ ᐃᓕᒪᓱᖏᑦᑐᑦ ᐅᓇᑕᕐᕕᐅᓂᐊᕋᓱᒋᓗᑎᒃ ᐅᐸᒃᑐᓕᕐᓯᐅᒃ, ᐊᑕᓂᖅ ᐅᖃᕐᐳᖅ, ᓄᓇᓕᒡᔪᐊᖏᑦ ᐃᑎᕐᑕᕐᕕᖃᖏᑦᑐᑦ ᐃᑎᕇᒃᑯᑎᖃᕋᑎᒡᓗ ᐃᓄᖏᑦ ᐱᔭᐅᑦᔧᒃᑯᑎᖃᖏᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 27:21

ᐊᕋᐱᐊᒥᐅᑦ ᑭᑕᕆᒥᐅᓪᓗ ᐊᖓᔪᖅᑳᖏᑦ ᐱᖁᑎᑦᓯᓐᓂᒃ ᑕᐅᕐᓰᕕᒋᕙᒃᐸᓯ ᓄᕐᕋᐅᔭᓂᒃ, ᓰᐲᓪᓗ ᐊᖑᓴᓪᓗᖏᓐᓂᒃ, ᒎᑦᓯᓂᒡᓗ ᐱᑖᕐᕕᒋᖔᕐᓗᒋᑦ.

ᐅᐸᑍᐊᑉ ᐊᒡᓚᖏᑦ 1:3

ᐆᒻᒪᑎᕕᑦ ᐱᐅᔪᕆᓂᖓᑕ ᐅᐃᕕᕆᕚᑎᑦ, ᐃᕝᕕᑦ ᐃᓂᖃᕐᑐᑎᑦ ᕾᕐᑑᑉ ᖁᖕᓇᔪᖏᓐᓂ; ᐳᕐᑐᔪᒥ ᐃᓂᖃᕐᑐᑎᑦ; ᐆᒻᒪᑎᖕᓂ ᐅᖃᕐᑐᑎᑦ: ‘ᑭᐊ ᓄᓇᒧᑦ ᑲᑕᒃᑎᑦᓱᓐᓇᕐᐹᖔ?’

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.