ᐂᓮᐊᓯᐅᑉ ᐊᒡᓚᖏᑦ 42:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 42:1 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐃᓐᖏᕈᑎᑦ 72:4

ᐊᑦᔨᒌᒃᑎᑦᓯᔪᓐᓇᖁᓪᓗᒍ ᐃᓄᖕᓂᒃ ᐊᔪᕐᓴᕐᑐᓂᒃ; ᐱᒃᓴᖃᖏᑦᑐᓪᓗ ᕿᑐᕐᖓᖏᓐᓂᒃ ᓴᐳᑦᔨᔪᒫᕐᐳᖅ, ᐅᖁᒤᒃᓴᕐᑎᑦᓯᔪᓪᓗ ᓵᓚᒋᔪᒫᕐᐰᑦ.

ᐃᓐᖏᕈᑎᑦ 89:4

‘ᑭᖑᕚᒃᓴᑎᑦ ᐋᖅᑭᒃᓯᒪᓂᐊᕐᐸᒃᑲ ᐃᓱᖃᖏᑦᑐᒧᑦ, ᐊᖓᔪᖅᑳᕐᔪᐊᖑᕖᓪᓗ ᐋᖅᑭᒃᓱᕐᓂᐊᕐᐸᕋ ᐃᓱᖃᖏᑦᑐᒧ.’” ᓰᓚ

ᐂᓮᐊᓯᐅᑉ ᐊᒡᓚᖏᑦ 2:4

ᐃᓅᖃᑎᒌᒡᔪᐊᓪᓗ ᐊᑭᕋᕐᑐᕐᑎᒌᒃᑐᑦ ᐊᑭᕋᕐᑐᕐᑎᒌᒍᓐᓃᕐᑎᑦᓱᒫᕐᐰᑦ, ᓴᕕᒡᔪᐊᑎᒡᓗ ᑲᐅᒐᕐᓗᒋᑦ ᓄᓇᒥᒃ ᒪᒃᐱᕐᑎᕆᑦᔪᑎᓐᖑᕐᑎᑦᓱᒫᕐᐰᑦ, ᖃᓗᒋᐊᑎᒡᓗ ᓇᐹᕐᑑᑉ ᓄᕗᖏᓐᓂᒃ ᑭᓪᓗᐃᑦᔪᑎᒃᓴᓐᖑᕐᑎᓪᓗᒋᑦ. ᐃᓅᖃᑎᒌᒡᔪᐊᓪᓗ ᐅᓇᑕᖃᑦᑕᕈᓐᓃᕈᒫᕐᐳᑦ ᐅᓇᑕᕆᐊᕐᐸᒍᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 32:16

ᐊᑦᔨᒌᒃᑎᑦᓯᓂᖅ ᐃᓂᖃᕈᒫᕐᐳᖅ ᐱᕈᕐᑐᖃᖏᑦᑐᒥ, ᓇᓛᒎᕐᓂᕐᓗ ᓅᑦᓱᒫᓐᖏᓚᖅ ᐱᕈᕐᑐᖃᕐᐸᒃᑐᒥ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 41:9

ᑎᒍᓚᐅᕐᐸᒋᑦ ᓄᓇᕐᔪᐊᑉ ᐃᓱᐊᓂᑦ, ᐅᖓᓯᖕᓂᕐᐹᓂᓪᓗ ᕾᖁᓯᒪᕙᒋᑦ, ᐅᖃᐅᑎᓪᓗᑎᓪᓗ, ‘ᐱᔨᒋᕙᒋᑦ, ᓂᕈᐊᕐᓯᒪᒐᒃᑭᑦ ᖁᔭᓈᕐᓯᒪᓐᖏᓚᒋᑦ.’

ᐂᓮᐊᓯᐅᑉ ᐊᒡᓚᖏᑦ 42:2

ᕾᒐᓛᕈᒫᓐᖏᓚᖅ, ᓂᐱᖅᑯᕐᑐᔪᒫᕋᓂᓗ, ᐊᖅᑯᑎᓂ ᓂᓪᓕᐊᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 52:13

ᑕᑯᒋᑦ, ᐱᔨᒐ ᐱᓇᓱᐊᕐᑕᒥᓂᒃ ᐊᔪᖏᑦᓯᐊᕈᒫᕐᐳᖅ, ᑖᓐᓇ ᐊᖏᒡᓕᑎᕐᑕᐅᔪᒫᕐᐳᖅ, ᖃᖓᑦᑕᕐᑎᑕᐅᓗᓂᓗ, ᖁᒻᒧᒃᑎᑕᐅᒻᒪᕆᒍᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 59:21

“ᐅᕙᖓᓕ,” ᐊᑕᓂᖅ ᐅᖃᕐᐳᖅ: “ᐃᒫᒃ ᐊᖏᖃᑎᒌᒍᑎᒥᒃ ᓇᓗᓁᕐᓯᕕᒋᔪᒪᕙᒃᑲ; ᐊᓂᕐᓂᕋ ᐃᓕᖕᓃᑦᑐᖅ, ᐅᖃᐅᓯᒃᑲᓗ ᖃᓂᕐᓄᑦ ᐃᓕᓯᒪᔭᒃᑲ, ᖃᓂᕐᓂᒃ ᕿᒤᓂᐊᓐᖏᓚᑦ, ᑭᖑᕚᕐᓂᓪᓗ ᑭᖑᕚᕆᔪᒫᕐᑕᖏᑕᓗ ᖃᓂᖏᓐᓂᒃ, ᐊᑕᓂᖅ ᑍᒪᒃ ᐅᖃᕐᐳᖅ, ᒫᓐᓇᒥᑦ ᐱᒋᐊᕐᓗᒍ ᐃᓱᖃᖏᑦᑐᒧᓪᓗ.”

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 63:1

ᑭᓇᐅᓇ ᓄᓇᒥᑦ ᐄᑐᒥᒥᑦ ᑎᑭᑦᑐᖅ, ᐊᓐᓄᕌᖃᕐᑐᖅ ᐊᐅᐸᓪᓚᕆᒃᑐᒥᒃ ᐳᔾᕋᒥᐅᔭᓂᒃ? ᑭᓇᐅᓇ ᐊᓐᓄᕌᑦᓯᐊᒥᒃ ᐊᑐᕐᑐᖅ, ᓯᕗᒧᑦ ᐊᓪᓗᕋᕐᓂᖓ ᐱᔪᓐᓇᕐᓂᕐᑕᓕᒃ? “ᐅᕙᖎᓐᓇ ᓴᐳᑦᔨᓂᕐᒥᒃ ᐅᖃᐅᓯᖃᕐᑐᖅ, ᐱᔪᓐᓇᕐᓂᖃᕐᑐᖅ ᐱᐅᓕᒃᓯᓂᕐᒥᒃ.”

ᕼᐊᒊᑉ ᐊᒡᓚᖏᑦ 2:23

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᑎᒍᔪᒫᕐᐸᒋᑦ ᔨᕈᐸᐱᐅᓪ ᐱᔨᒋᒐᒃᑭᑦ, ᓯᐅᓪᑎᐅᑉ ᐃᕐᓂᖓ,’ ᐊᑕᓂᖅ ᐅᖃᕐᐳᖅ, ‘ᓇᕿᑦᑎᑦᔪᑎᐅᑎᑦᓱᒫᕐᐸᒋᑦ ᓇᒡᒍᐊᕐᒥᒃᑎᑐᑦ; ᓂᕈᐊᕐᓯᒪᒐᒃᑭᑦ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᓘᑲᓯᐅᑉ ᐊᒡᓚᖏᑦ 3:22

ᐊᓂᕐᓂᐅᑉ ᐃᑦᔪᕐᓁᑦᑑᑉ ᐊᖅᑲᕐᕕᒋᕚ ᑕᑯᒃᓴᐅᓪᓗᓂ ᑎᖕᒥᐊᑎᑐᑦ ᑑᕕᑎᑐᑦ, ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ, “ᐃᕐᓂᕆᕙᒋᑦ ᓇᒡᓕᒋᔭᕋ; ᖁᕕᐊᒋᑦᓯᐊᕐᑕᕋ.”

ᓘᑲᓯᐅᑉ ᐊᒡᓚᖏᑦ 4:18

“ᐊᑕᓂᐅᑉ ᐊᓂᕐᓂᖓᑕ ᓇᔪᕐᐹᖓ, ᓂᕈᐊᓚᐅᕐᐹᖓ ᐊᔪᕆᕐᑐᐃᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᒃᖢᔪᓄᑦ. ᑎᓕᕚᖓᓗ ᐅᖃᐅᑦᔨᖁᓪᓗᖓ ᑎᒍᔭᐅᓯᒪᔪᑦ ᐊᓂᑎᑕᐅᖁᓪᓗᒋᑦ, ᑕᐅᑐᖏᑦᑐᑦ ᑕᐅᑐᓕᕐᑎᑕᐅᖁᓪᓗᒋᑦ, ᓵᓚᒋᔭᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ,

ᓘᑲᓯᐅᑉ ᐊᒡᓚᖏᑦ 4:19

ᐅᖃᐅᑦᔨᖁᓪᓗᖓ ᐊᑕᓂᐅᑉ ᐱᐅᓕᓯᕕᒋᔪᒪᔭᓐᖓᑕ ᐊᕐᕌᒍᖓ ᓇᓪᓕᐅᑎᖕᒪᑦ.”

ᓘᑲᓯᐅᑉ ᐊᒡᓚᖏᑦ 9:35

ᓄᕗᔭᒥᑦ ᓂᐱ ᑐᓴᕐᓴᐅᓕᕐᐳᖅ ᐅᖃᕐᑐᖅ, “ᐅᓇ ᐃᕐᓂᕋ, ᓂᕈᐊᕐᓯᒪᔭᕋ; ᑖᓐᓇ ᓈᓚᒃᓯᐅᒃ!”

ᔪᐊᓇᓯᐅᑉ ᐊᒡᓚᖏᑦ 16:32

ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᐳᖅ, ᒫᓐᓇᓗ ᐊᑐᓕᕐᐸᕗᑦ, ᓇᒧᑐᐃᓐᓇᖅ ᓯᐊᒻᒪᕐᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᕐᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓛᕐᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᒪᖓ.

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:28

“ᑕᒪᓐᓇ ᐱᓪᓗᒍ ᖃᐅᔨᒪᖁᕙᑦᓯ ᒎᑎᐅᑉ ᐱᐅᓕᒃᓯᓂᖓ ᑐᕌᖓᑎᑕᐅᓕᕐᐳᖅ ᔫᑎᐅᖏᑦᑐᓄᑦ; ᑖᒃᑯᐊ ᓈᓚᒍᓐᓇᕐᒪᑕ.” [

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐱᓕᐱᒥᐅᓄᑦ 2:7

ᐃᓱᒪᕐᓱᑦᓯᐊᕐᓗᓂᓕ ᐱᔪᒪᔭᒥᓂᒃ ᓴᒃᑯᐃᓚᐅᕐᐳᖅ, ᐱᔨᑐᐃᓐᓇᕐᑎᑐᑦ ᑍᒤᓕᕐᓗᓂ, ᐃᓄᑐᐃᓐᓇᕐᑐᓪᓗ ᑍᒤᓕᓚᐅᕐᐳᖅ ᐃᓄᑐᐃᓐᓇᕐᑎᑐᓪᓗ ᑕᑯᒃᓴᐅᓂᖃᓕᕐᓗᓂ.

ᑯᓘᓯᐊᒥᐅᓄᑦ 1:13

ᑖᑦᓱᒪ ᐱᐅᓕᓯᒪᖕᒪᑎᒍᑦ ᑖᕐᔪᐊᑉ ᐱᔪᓐᓇᕐᓂᖓᓂᑦ ᓄᒃᑎᕐᑎᓪᓗᑕᓗ ᐃᕐᓂᒥ ᓇᒡᓕᒋᒻᒪᕆᒃᑕᒥ ᐊᑕᓂᐅᕕᐊᓄᑦ,

ᐲᑦᑐᕉᓯ ᓯᕗᓪᓖᑦ 2:4

ᐊᑕᓂᕐᒧᐊᕐᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᕐᑐᒧᑦ ᒎᑎᐅᓪᓕ ᓂᕈᐊᓚᐅᕐᑕᖓᓄᑦ ᑖᑦᓱᒧᖓ ᐱᕕᐊᕐᓇᒻᒪᕆᒃᑐᒧᑦ.

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”