ᐂᓮᐊᓯᐅᑉ ᐊᒡᓚᖏᑦ 41:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 41:8 Iomraidhean Croise

ᑯᕉᓂᑲ ᓯᕗᓪᓖᑦ 16:13

ᐱᔨᖓᓄᑦ ᐂᑉᕋᕼᐋᒧᑦ ᑭᖑᕚᖑᔪᓯ, ᔧᑰᑉ ᑭᖑᕚᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!

ᑯᕉᓂᑲ ᐂᑉᐸᖏᑦ 20:7

ᒎᑎᒋᓐᖏᓚᑦᑎᒌᑦ, ᐃᓅᖃᑎᒌᒡᔪᐊᓂᒃ ᑕᒫᓂ ᓄᓇᖃᕐᑐᓂᒃ ᓯᖏᑦᓯᓚᐅᕐᑐᑎᑦ ᐃᓄᖁᑎᕕᑦ ᐃᓴᕆᐊᓕᒥᐅᑦ ᓵᖓᓂ, ᑐᓂᓪᓗᒍᓗ ᐂᑉᕋᕼᐋᒻ ᐱᖃᓐᓇᕆᔭᕕᑦ ᑭᖑᕚᖏᓐᓄᑦ ᐃᓱᖃᖏᑦᑐᒧᑦ?

ᐃᓐᖏᕈᑎᑦ 105:6

ᐃᓕᑦᓯ ᐱᔨᖓᑕ ᐂᑉᕋᕼᐋᒻ ᑭᖑᕚᖏᑦ, ᔧᑰᓪᓗ ᕿᑐᕐᖓᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!

ᐃᓐᖏᕈᑎᑦ 135:4

ᐊᑕᓂᐅᑉ ᔧᑯ ᓂᕈᐊᓚᐅᕐᒪᒍ ᓇᖕᒥᓂᕆᔪᒪᓪᓗᒍ, ᐃᓴᕆᐊᓕᓗ ᓇᖕᒥᓂᖅ ᐱᖁᑎᒋᔪᒪᓪᓗᓂᐅᒃ.

ᐃᓐᖏᕈᑎᑦ 136:21

ᓄᓇᒋᔭᖏᓪᓗ ᑐᓂᓚᐅᕐᐰᑦ ᑭᖑᕐᖑᑎᔭᐅᖁᓪᓗᒋᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 136:22

ᑭᖑᕐᖑᑎᔭᐅᑯᓪᓗᒋᑦ ᑐᓂᓚᐅᕐᐰᑦ ᐱᔨᒥᓄᑦ ᐃᓴᕆᐊᓕᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 33:12

ᓮᒪᓇᕐᑐᒦᑉᐳᑦ ᐃᓅᖃᑎᒌᒡᔪᐊᑦ ᐊᑕᓂᕐᒥᒃ ᒎᑎᖃᕐᑐᑦ, ᐃᓄᐃᑦ ᓂᕈᐊᕐᓯᒪᔭᖏᑦ ᓇᖕᒥᓂᖅ ᐱᒃᓴᕆᔪᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 14:1

ᐊᑕᓂᖅ ᓂᑲᒍᓱᓕᒃᑲᓐᓂᕈᒫᕆᕗᖅ ᔧᑰᑉ ᑭᖑᕚᖏᓐᓂᒃ ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓕᕈᒫᕆᓪᓗᒋᑦ, ᓄᓇᑐᖃᖏᓐᓄᓪᓗ ᓇᖕᒥᓂᖏᓐᓄᑦ ᐃᓕᔪᒫᕆᕔᑦ, ᓄᓇᖃᑎᑐᖃᕆᓐᖏᑕᖏᓪᓗ ᔧᑰᑉ ᑭᖑᕚᖏᓐᓂᒃ ᐃᓚᕾᓐᓇᕈᒪᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 29:22

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐱᐅᓕᒃᓯᓚᐅᕐᑐᖅ ᐂᑉᕋᕼᐋᒻᒥᒃ, ᔧᑰᑉ ᑭᖑᕚᖏᑦ ᐱᓪᓗᒋᑦ: “ᔧᑰᑉ ᑭᖑᕚᖏᑦ ᑲᓐᖑᓱᒃᑎᑕᐅᓂᐊᕈᓐᓃᕐᐳᑦ, ᑮᓇᖏᓪᓗ ᐊᐅᖃᕈᓐᓃᖃᑦᑕᕐᓂᐊᕈᓐᓃᕐᓗᑎᒃ ᑲᓐᖑᓱᖕᓂᕐᒧᑦ;

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 42:19

ᓇᓪᓕᐊᑦ ᑕᐅᑐᖏᑦᑑᕚ ᐱᔨᑦᑐᑦ, ᑐᓵᖏᓐᓂᕐᓴᕐᑕᖃᕐᐹ ᑎᓕᓯᒪᓪᓗᒍ ᐅᖃᕐᑎᖁᑎᓐᓂᑦ? ᑕᐅᑐᖏᓐᓂᕐᓴᕐᑕᖃᕐᐹ ᐅᕙᓐᓄᑦ ᑐᓂᓯᒪᔪᒥᑦ? ᑕᐅᑐᖏᓐᓂᕐᓴᐅᔪᖃᕆᕙᓘ ᐊᑕᓂᐅᑉ ᐱᔨᖓᓂᑦ?

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 43:10

ᐊᑕᓂᖅ ᐅᖃᕐᐳᖅ, “ᐃᓕᑦᓯ ᖃᐅᔨᓯᒪᔪᖁᑎᒋᕙᑦᓯ, ᐱᔨᒋᓪᓗᓯᓗ ᓂᕈᐊᕐᓯᒪᒐᑦᓯ, ᐅᕙᓐᓂᒃ ᖃᐅᔨᒪᖁᓪᓗᓯ ᐅᒃᐱᕆᓗᖓᓗ, ᑐᑭᓯᖁᓪᓗᓯᓗ ᐅᕙᖓᐅᒐᒪ, ᓯᕗᓂᓐᓂᒃ ᒎᑎᑕᖃᕐᓯᒪᖏᒻᒪᑦ, ᑭᖑᓂᕐᒥᓗ ᒎᑎᑕᖃᕐᓂᐊᖏᓐᓂᕗᖅ.

ᐂᓮᐊᓯᐅᑉ ᐊᒡᓚᖏᑦ 43:5

ᐃᕐᓯᓇᒃ, ᐱᖃᑎᒋᒐᒃᑭᑦ; ᑭᖑᕚᑎᑦ ᑎᑭᑎᑦᓱᒫᕐᐸᒃᑲ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑲᑎᑎᕐᓗᓯᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ.

ᐂᓮᐊᓯᐅᑉ ᐊᒡᓚᖏᑦ 44:21

“ᔧᑰ ᑕᒪᒃᑯᐊ ᐃᖅᑲᐅᒪᒃᑭᑦ, ᐃᓴᕆᐊᓪ ᐱᔨᒋᒐᒃᑭᑦ; ᐱᓐᖑᕐᑎᓚᐅᕋᒃᑭᑦ ᐱᔨᒋᕙᒋᑦ; ᐄᓱᕆᐅᓪ ᐅᕙᓐᓄᑦ ᐳᐃᒍᕐᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 45:4

ᔧᑯ ᐱᔨᒐ ᐱᓪᓗᒍ, ᐃᓴᕆᐊᓕᓗ ᓂᕈᐊᕐᓯᒪᔭᕋ, ᐊᑏᑦ ᑍᓪᓗᒍ ᕾᖁᓚᐅᕐᐸᒋᑦ, ᐊᑎᕐᑖᕐᑎᓚᐅᕐᐸᒋᑦ ᐅᕙᓐᓂᒃ ᖃᐅᔨᒪᓐᖏᑲᓗᐊᕐᑎᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 48:12

“ᔧᑰᑉ ᑭᖑᕚᖏᑦ, ᓈᓚᓚᐅᕐᓯᓐᖓ ᐃᓴᕆᐊᓕᒥᐅᓪᓗ ᕾᖁᓚᐅᕐᑕᒃᑲ! ᐅᕙᖓᐅᕗᖅ, ᓯᕗᓪᓕᕐᐹᖑᔪᖅ, ᑭᖑᓪᓕᕐᐹᖑᓪᓗᖓᓗ.

ᐂᓮᐊᓯᐅᑉ ᐊᒡᓚᖏᑦ 49:3

ᐅᖃᐅᑎᓪᓗᖓᓗ, ‘ᐃᓴᕆᐊᓪ ᐱᔨᒋᕙᒋᑦ, ᐊᖅᑯᑎᒋᓗᑎᑦ ᓂᕐᑐᕐᑕᐅᔪᒫᕐᐳᖓ.’

ᐂᓮᐊᓯᐅᑉ ᐊᒡᓚᖏᑦ 51:2

ᐂᑉᕋᕼᐋᒻ ᓯᕗᓕᕕᓂᓯ ᐃᖅᑲᕐᓯᐅᒃ, ᓵᕋᓗ ᐊᓂᕕᒋᓯᒪᔭᓯ; ᐂᑉᕋᕼᐋᒻ ᐊᑕᐅᓯᑐᐊᖑᑎᓪᓗᒍ ᕾᖁᓚᐅᕐᐸᕋ, ᓮᒻᒪᕐᑎᓪᓗᒍᓗ ᐃᓄᒋᐊᒃᓯᑎᓚᐅᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᔨᕆᒤᐊᐅᑉ ᐊᒡᓚᖏᑦ 33:24

“ᐃᓄᐃᑦ ᐅᖃᓪᓚᖕᓂᖏᑦ ᖃᐅᔨᒪᕕᒌᑦ? ᐅᖃᕐᒪᑕ, ‘ᐊᑕᓂᐅᑉ ᐊᖓᔪᖅᑲᐅᕕᒃ ᓂᕈᐊᓚᐅᕐᑕᓂ ᐃᓚᒌᒃ ᒪᕐᕉᒃ ᓇᕐᕈᒋᓕᕐᐹᒃ.’ ᑍᒤᒻᒪᑦ ᐃᓄᖁᑎᒃᑲ ᓇᕐᕈᒋᓕᕐᐰᑦ ᐃᓅᖃᑎᒌᒡᔪᐊᖑᔪᓐᓃᕐᓗᑎᒡᓗ ᑖᑦᓱᒪ ᓵᖓᓂ.

ᒨᓯᓯ ᐱᖓᔪᖏᑦ 25:42

ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ; ᓯᐊᓚᒻᒪᕆᐅᓂᕐᒧᑦ ᓂᐅᕕᐊᖑᔭᕆᐊᖃᖏᒻᒪᑕ.

ᒪᓚᑬᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᓇᒡᓕᒋᓚᐅᕐᐸᑦᓯ.” ᐅᖃᕐᐳᓯᓕ, “ᖃᓄᐃᓕᐅᕐᓗᑎᑦ ᓇᒡᓕᒋᕕᒋᑎᒍᑦ?” ᐊᑕᓂᖅ ᐅᖃᕐᐳᖅ, “ᐄᓴ ᔧᑰᑉ ᖃᑕᓐᖑᑎᒋᓚᐅᓐᖏᓛ? ᔧᑯᓕ ᓇᒡᓕᒋᓚᐅᕐᐸᕋ.

ᒫᑎᐅᓯᐅᑉ ᐊᒡᓚᖏᑦ 3:9

ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᑎᑦᓯᔪᓐᓇᕐᐳᖅ!

ᒐᓔᑎᐊᒥᐅᓄᑦ 3:19

ᓱᖕᒪᓪᓕ ᐱᖁᔭᕐᑕᖃᕐᐸ? ᑖᒃᑯᐊᓕ ᐃᓚᓕᐅᑦᔭᐅᓯᒪᕗᑦ ᐱᐅᖏᑦᑐᓕᓂᖅ ᖃᐅᔨᒪᔭᐅᖁᓪᓗᒍ, ᑐᓂᑦᔪᑕᐅᓯᒪᓂᖏᑦ ᐊᑑᑎᒃᓴᖃᓚᐅᕐᐳᑦ ᐂᑉᕋᕼᐋᒻ ᑭᖑᕚᒃᓴᖓ ᑎᑭᖏᓐᓂᖓᓂ ᑖᑦᓱᒧᖓ ᐊᖏᕈᑕᐅᓯᒪᔪᖅ ᑐᕌᖓᖕᒪᑦ; ᐱᖁᔧᑦ ᑐᓂᔭᐅᓚᐅᕐᐳᑦ ᐂᖏᓕᒃᑯᑦ ᐃᓄᒃ ᐊᖅᑯᓯᐅᑎᔭᐅᓪᓗᓂ ᑐᓂᔭᐅᓪᓗᑎᒃ.

ᒨᓯᓯ ᑕᓪᓕᒪᖏᑦ 10:15

ᐊᑕᓂᐅᓪᓕ ᓯᕗᓕᕕᓂᑦᓯᓐᓄᑦ ᓇᒡᓕᒍᓱᖕᓂᖓᑕ ᓴᓐᖏᔫᓗᐊᕐᓂᖓᓄᑦ ᐃᓅᖃᑎᒌᖑᔪᓯ ᓂᕈᐊᓚᐅᕐᐹᓯ ᐊᓯᑦᓯᓐᓂᒃ ᐃᓅᖃᑎᒌᖑᔪᓂᒃ ᐱᓇᓂ, ᓱᓕ ᓂᕈᐊᕐᓯᒪᓪᓗᓂᓯ ᐃᓄᖁᑎᒋᖕᒪᓯ.

ᒨᓯᓯ ᑕᓪᓕᒪᖏᑦ 14:2

ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑎᒋᔭᐅᒐᑦᓯ ᐃᑦᔪᕐᓁᑦᑐᖁᑎᒋᔭᐅᓪᓗᓯ, ᐊᑕᓂᐅᑉ ᓂᕈᐊᕐᓯᒪᖕᒪᓯ ᓇᖕᒥᓂᕆᔪᒪᓪᓗᓯ, ᓄᓇᕐᔪᐊᕐᒦᑦᑐᓕᒫᑦ ᐊᑯᕐᖓᓐᓂᑦ.”

ᔧᒥᓯᐅᑉ ᐊᒡᓚᖏᑦ 2:23

ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᕗᑦ ᐃᒤᓕᔪᑦ, “ᐂᑉᕋᕼᐋᒻ ᒎᑎ ᐅᒃᐱᕆᕚ, ᑕᒪᑐᒧᖓ ᐃᓗᐊᕐᓯᑎᑕᐅᓂᕋᕐᑕᐅᕗᖅ”; ᑍᔭᐅᓕᕐᓗᓂᓗ ᒎᑎᐅᑉ ᐃᓚᓐᓈᖓᓂᒃ.