ᐂᓮᐊᓯᐅᑉ ᐊᒡᓚᖏᑦ 41:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓯᕗᓂᑦᑎᓐᓂ ᐊᑐᓛᕐᑐᓂᒃ ᓇᓗᓁᕐᓯᕕᒋᓚᐅᕐᑎᒍᑦ, ᒎᑎᓪᓚᕆᐅᖕᒪᖔᑦᓯ ᑐᑭᓯᓂᐊᕋᑦᑕ; ᐱᐅᔪᒥᒃ ᐱᓂᐊᕐᓂᖃᕐᒪᖔᑦᓯ ᓱᒃᑯᑎᕆᔪᒥᒡᓘᓐᓃᑦ, ᑲᑉᐱᐊᓱᓕᖁᓪᓗᑕ ᓴᔪᓕᖁᓪᓗᑕᓗ.

ᐂᓮᐊᓯᐅᑉ ᐊᒡᓚᖏᑦ 41:23 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 19:12

ᓇᐅᒡᓕ ᑍᒪ ᓯᓚᑐᔪᖁᑎᑎᑦ? ᑍᒃᑯᓇᓐᖓᑦ ᐅᖃᐅᑦᔭᐅᓕᕆᑦ ᓇᓗᔪᓐᓁᕐᑎᑕᐅᓗᑎᓪᓗ ᖃᓄᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐄᑦᔨᑉᑎᒥᐅᓂᒃ ᐊᑭᕋᕐᑐᕈᑎᖃᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 42:9

ᑕᑯᒋᑦ, ᐊᑐᓚᐅᕐᑐᑦ ᐊᓂᒍᕐᓯᒪᓕᕐᐳᑦ, ᒫᓐᓇᓗ ᓄᑖᓂᒃ ᓇᓗᓁᕐᓯᕕᒋᕙᑦᓯ; ᓱᓕ ᐊᑐᓕᓚᐅᕐᑎᓐᓇᒋᑦ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ.”

ᐂᓮᐊᓯᐅᑉ ᐊᒡᓚᖏᑦ 43:9

ᐃᓅᖃᑎᒌᒡᔪᐊᓕᒫᑦ ᓇᑭᑐᐃᓐᓇᖅ ᑲᑎᖃᑎᒌᓚᐅᕐᓕᑦ, ᐃᓄᐃᓪᓗ ᑲᑎᒪᓚᐅᕐᓕᑦ, ᑲᑎᒪᔪᑦ ᓇᓪᓕᐊᑦᑕ ᑕᒪᓐᓇ ᓇᓗᓁᕈᓐᓇᕐᐸᐅᒃ, ᑕᑯᑎᓪᓗᑕᓗ ᐊᑐᓚᐅᕐᑐᓂᒃ ᐊᓂᒍᕐᓯᒪᓕᕐᑐᓂᒃ? ᖃᐅᔨᓯᒪᔪᑦ ᓱᓕᑦᓯᐊᕐᓂᖏᑦ ᓇᓗᓇᕈᓐᓃᕐᑎᑕᐅᖁᓪᓗᒋᑦ, ᑐᓴᕐᑎᓯᐅᒃ ᐅᖃᕈᓐᓇᕐᓯᖁᓪᓗᒋᑦ, “ᑕᒪᓐᓇ ᓱᓕᕗᖅ.”

ᐂᓮᐊᓯᐅᑉ ᐊᒡᓚᖏᑦ 45:21

ᓇᓗᓁᕐᓯᓕᕆᑦᓯ ᓱᖕᒪᑦ ᑍᒤᒻᒪᖔᑦᓯ ᐅᖃᐅᓯᖃᕐᓗᓯ, ᐊᑏ ᐅᖃᖃᑎᒌᓚᐅᕐᓕᑦ. ᑭᓇ ᓯᕗᓂᐊᓗᐊᓂ ᐱᔪᖃᓛᕐᑐᓂᒃ ᐅᖃᕐᓯᒪᕚ? ᑭᓇ ᐅᖃᕐᓯᒪᕚ ᑕᒪᑐᒥᖓ? ᐅᕙᖓᐅᓐᖏᓛᖅ ᐊᑕᓂᖅ? ᐊᓯᓐᓂᒃ ᓴᓂᓐᓂ ᒎᑎᑕᖃᖏᒻᒪᑦ, ᒎᑎ ᓇᓛᒎᕐᑐᖅ ᐱᐅᓕᔨᐅᓪᓗᓂᓗ; ᐊᓯᓐᓂᒃ ᓴᓂᓐᓂ ᐱᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 45:3

ᐱᒃᑯᒥᓇᕐᑐᓂᒃ ᐱᑖᕐᑎᓐᓂᐊᕐᐸᒋᑦ ᑖᕐᑐᒦᑦᑐᓂᑦ ᐊᔪᕐᓴᕈᓐᓃᕈᑎᓂᒡᓗ ᐃᔨᕐᑐᕐᓯᒪᔪᓂᒃ, ᖃᐅᔨᓕᖁᓪᓗᑎᑦ ᐅᕙᖓ ᑍᒤᑎᑦᓯᒐᒪ ᐊᑕᓂᖅ, ᐃᓕᖕᓂᒃ ᕾᖁᔨᓯᒪᔪᖅ ᐊᑏᑦ ᑍᓪᓗᒍ, ᐅᕙᖓᐅᕗᖅ ᐃᓴᕆᐊᓕᒥᐅᑦ ᒎᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 46:7

ᑕᕝᕙ ᐃᕐᓲᑎᓪᓗᒍ ᐊᒡᔭᓕᕐᐹᑦ; ᐃᓂᒃᓴᖓᓄᓪᓗ ᐃᓕᓪᓗᒍ, ᑕᕝᕙᓂᓗ ᓇᐸᓕᕐᐳᖅ; ᐃᓂᒥᓂ ᐊᐅᓚᑦᔭᒍᓐᓇᓐᖏᓚᖅ, ᓂᓪᓕᐊᕕᐅᒐᓗᐊᕈᓂᓗ ᑭᐅᓂᐊᓐᖏᓚᖅ, ᖃᓄᐃᓐᓇᕐᑐᒦᓕᕐᐸᑕᓗ ᓴᐳᑦᔨᑦᔮᓇᓂ.

ᔨᕆᒤᐊᐅᑉ ᐊᒡᓚᖏᑦ 10:5

ᐱᕈᕐᓰᕕᖕᒥ ᑎᖕᒥᐊᓄᑦ ᑲᑉᐱᐊᓵᕆᑦᔪᑎᑎᑐᑦ ᑍᒤᑉᐳᑦ, ᒎᑎᒋᔭᐅᒐᓗᐊᕐᓗᑎᒃ ᐅᖃᕈᓐᓇᓐᖏᓚᑦ, ᐊᒡᔭᒐᑐᐃᓐᓇᐅᕗᑦ ᐱᓱᒍᓐᓇᖏᒻᒪᑕ; ᑲᑉᐱᐊᒋᑦᑍᓕᓯᐅᒃ ᐱᐅᖏᑦᑐᓕᔪᓐᓇᖏᒻᒪᑕ ᐱᐅᔪᒥᒡᓗ ᐱᓂᐊᕐᓂᖃᕋᑎᒃ.”

ᑖᓂᐊᓕᐅᑉ ᐊᒡᓚᖏᑦ 2:9

ᐅᖃᐅᑎᖏᒃᑯᑦᓯᓐᖓ ᓯᓐᓇᒃᑐᓐᓂᒃ, ᓱᒋᐊᕐᑕᐅᑦᔪᑎᒃᓴᓯ ᐃᓕᑦᓯᓐᓄᑦ ᓈᒻᒪᒃᑐᖅ ᐋᖅᑭᒌᕐᓯᒪᕗᖅ. ᐊᖏᖃᑎᒌᒃᓯᒪᒐᑦᓯ ᐅᐃᕕᕆᔪᒪᓪᓗᖓ ᐱᐅᖏᑦᑐᓂᒡᓗ ᓱᓕᖏᑦᑐᓂᒃ ᐅᖃᐅᑎᔪᒪᓪᓗᖓ, ᑲᑉᐱᐊᓇᕐᑐᒦᓐᓂᑦᓯᓐᓂᑦ ᐃᓕᑦᓯᓐᓂᒃ ᓴᐳᑎᔪᒪᓪᓗᓯ. ᒫᓐᓇ ᐅᖃᐅᑎᓚᐅᕐᓯᓐᖓ ᓯᓐᓇᒃᑐᕆᓚᐅᕐᑕᓐᓂᒃ, ᖃᐅᔨᓂᐊᕋᒪ ᑐᑭᖓᓂᒃ ᐅᖃᕈᓐᓇᕐᒪᖔᑦᓯ.”

ᔪᐊᓇᓯᐅᑉ ᐊᒡᓚᖏᑦ 13:19

ᒫᓐᓇ ᑕᒪᑐᒥᖓ ᐅᖃᐅᑎᕙᑦᓯ, ᓱᓕ ᐱᔪᖃᓚᐅᕐᑎᓐᓇᒍ, ᑕᒪᓐᓇ ᐊᑐᓕᕐᐸᑦ ᐅᕙᓐᓄᑦ ᐅᒃᐱᓕᖁᓪᓗᓯ, ‘ᐅᕙᖓ ᑖᓐᓇᐅᒐᒪ.’

ᐋᐴᓯᑕᓖᑦ ᐱᓂᐊᕐᓂᖏᑦ 15:18

ᑍᒫᒃ ᐊᑕᓂᖅ ᐅᖃᕐᐳᖅ, ᑕᒪᑐᒥᖓ ᓇᓗᓁᕐᓯᓚᐅᕐᑐᖅ ᑍᑦᓱᒪᓂᐊᓗᒃ.’