ᐂᓮᐊᓯᐅᑉ ᐊᒡᓚᖏᑦ 41:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 41:2 Iomraidhean Croise

ᒨᓯᓯ ᓯᕗᓪᓖᑦ 11:31

ᑏᕋᐅᓪᓕ ᐃᕐᓂᓂ ᐂᑉᕋᒻ ᓇᒃᓴᕐᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᕐᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᕐᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᕐᐳᑦ.

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᓴᒧᐃᓕ ᐂᑉᐸᖏᑦ 22:43

ᓯᖃᓪᓕᒐᒃᑭᑦ, ᐳᔪᕋᑐᐃᓐᓇᓐᖑᕐᐳᑦ, ᑐᓪᓕᕋᕐᐸᒃᑲ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᑯᕉᓂᑲ ᐂᑉᐸᖏᑦ 36:23

“ᐊᖓᔪᖅᑳᕐᔪᐊᖅ ᓮᕋᓯ ᐴᕐᓯᐊᒥᐅᑕᖅ ᐃᒫᒃ ᐅᖃᕐᐳᖅ, ‘ᐊᖓᔪᖅᑲᐅᕕᓕᒫᑦ ᓄᓇᒦᑦᑐᑦ ᐊᑕᓂᐅᑉ ᕿᓚᐅᑉ ᒎᑎᖓᑕ, ᐅᕙᓐᓄᑦ ᑐᓂᓚᐅᕐᐰᑦ, ᑖᑦᓱᒪᓗ ᑎᓕᕚᖓ ᐃᒡᓗᓕᐅᖁᓪᓗᖓ ᔨᕉᓴᓕᒥ ᔫᑕᒦᑦᑐᒥ. ᑖᑦᓱᒪ ᐃᓄᖁᑎᓕᒫᖏᑦ ᓄᓇᖅᑲᑎᒋᒍᑦᓯᐅᒃ, ᑍᒃᑯᐊ ᐂᔪᒃᓴᐅᕗᑦ ᑕᑉᐸᐅᖓ, ᐊᑕᓂᐅᑉ ᒎᑎᖏᑦᑕ ᐃᓚᒋᓗᓂᒋᑦ.’”

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐂᓮᐊᓯᐅᑉ ᐊᒡᓚᖏᑦ 40:24

ᐱᕈᕐᓯᐊᖑᓕᕋᑖᕐᑎᓪᓗᒋᑦ, ᐱᕈᕐᓯᐊᒃᓴᑐᑦ ᐃᓕᔭᐅᕋᑖᕐᑐᑎᑐᑦ ᓄᓇᒧᑦ, ᒪᖑᒃᓯᒪᓂᖏᑦ ᐱᕈᓕᕐᑎᓪᓗᒋᑦ ᓱᐱᖕᒪᒋᑦ ᑐᖁᓕᕗᑦ, ᐊᖅᑯᓇᕐᒧᑦ ᑎᑭᑕᐅᑲᓪᓚᒃᑲᒥᒃ ᑎᒃᑕᐅᕋᕐᐳᑦ ᑭᓪᓗᕐᑕᐅᓂᕕᓂᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 41:25

ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 41:3

ᒪᓕᒃᓴᕌᖓᒥᒋᑦ ᖃᓄᐃᓕᔭᐅᓇᓂ ᑲᔪᓯᑐᐃᓐᓇᕐᐳᖅ, ᓱᒃᑲᑦᑑᓗᐊᒧᑦ ᒪᓂᖅᑲᒧᑦ ᐊᒃᑐᐃᓚᐅᕐᓯᒪᑦᓯᐊᕐᑑᔭᕋᓂ ᐃᖏᕐᕋᔪᓐᓇᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 42:6

“ᐅᕙᖓ ᐊᑕᓂᐅᔪᖓ, ᕾᖁᓚᐅᕐᐸᒋᑦ ᓇᓛᒎᕐᓂᒃᑯᑦ; ᐊᒡᒐᒃᑯᑦ ᑕᓯᐅᓚᐅᕐᐸᒋᑦ, ᑲᒪᒋᑦᓯᐊᕐᓗᑎᓪᓗ; ᑐᓂᓚᐅᕐᐸᒋᑦ ᐃᓄᖕᓄᑦ ᐊᖏᖃᑎᒌᒍᑕᐅᖁᓪᓗᑎᑦ, ᖃᐅᒪᓂᐅᖁᓪᓗᑎᓪᓗ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 45:1

“ᐊᑕᓂᖅ ᐃᒫᒃ ᐅᖃᕐᐳᖅ, ᐅᕐᓱᕐᑎᕐᓯᒪᔭᒥᓄᑦ ᓮᕋᓯᒧᑦ, ᑖᓐᓇ ᑕᓕᕐᐱᖓᒍᑦ ᑎᒍᕙᕋ ᓵᓚᖃᖁᓪᓗᒍ ᐃᓅᖃᑎᒌᒡᔪᐊᓂᒃ ᓯᕗᓂᕐᒥᓃᑦᑐᓂᒃ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᕐᔪᐊᕐᓯᐅᑎᖏᓐᓂᒃ ᐲᔧᖁᓪᓗᒍ, ᐅᒃᑯᐊᕐᔪᐊᓂᒃ ᒪᕐᕉᓕᖓᔪᓂᒃ ᐅᒃᑯᐃᕐᓯᑦᔪᑎᔪᒫᕐᐸᕋ ᐃᑎᕐᑕᕐᕖᓪᓗ ᐅᒃᑯᐊᕐᑕᐅᔪᓐᓇᕐᓂᐊᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 45:13

ᓮᕋᓯ ᒪᑭᑎᓯᒪᕙᕋ ᓇᓛᒎᕐᓂᓐᓄᑦ, ᐊᖅᑯᑎᒋᓂᐊᕐᑕᓕᒫᖏᓪᓗ ᑐᑭᓕᐊᕐᓯᑎᓐᓂᐊᕐᐸᒃᑲ; ᐃᒡᓗᒐᓴᒡᔪᐊᖁᑎᒃᑲ ᓴᓇᔪᒫᕐᐰᑦ ᐊᐅᓪᓚᕈᑦᔭᐅᓯᒪᔪᖁᑎᒃᑲᓗ ᑎᒍᔭᐅᓯᒪᔪᓐᓃᕐᑎᓪᓗᒋᑦ, ᐊᑭᓕᕐᑕᐅᓂᕐᒨᖏᑦᑐᖅ ᐊᑭᓕᕐᑕᐅᔪᒪᓂᕐᒨᖏᑦᑐᕐᓗ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 46:11

ᐊᖑᓇᓱᒃᑎᒥᒃ ᑎᖕᒥᐊᕐᔪᐊᒥᒃ ᕾᖁᔨᓯᒪᕗᖓ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᐊᖑᑦ ᐱᓇᓱᐊᕐᑕᐅᖁᔭᓐᓂᒃ ᐱᓇᓱᐊᕐᓂᐊᕐᑐᖅ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᖅ; ᐅᖃᕇᕐᓯᒪᒐᒪ ᓇᓪᓕᐅᑎᑎᑦᓱᒫᕐᓗᒍᓗ. ᐱᓇᓱᐊᕈᒪᔭᓐᓂᒃ ᐅᖃᕐᓯᒪᒐᒪ; ᑍᒤᓕᐅᕐᓂᐊᕐᓗᖓᓗ.

ᐂᓮᐊᓯᐅᑉ ᐊᒡᓚᖏᑦ 48:15

ᐅᕙᖓ, ᐃᓛᒃ ᐅᕙᖓ, ᐅᖃᐅᓯᕆᕙᕋ; ᐄᓛᒃ, ᕾᖁᓚᐅᕐᐸᕋ, ᑕᒪᐅᓐᖓᐅᑎᓪᓗᒍᓗ, ᐱᓇᓱᐊᕐᑕᖓᓗ ᐱᕙᓪᓕᐊᓇᑦᓯᐊᕈᒫᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᐄᑉᕈᐃᓄᑦ 7:1

ᒥᓪᑭᓯᑎᒃ ᑖᓐᓇ ᐊᖓᔪᖅᑳᕐᔪᐊᖑᓚᐅᕐᐳᖅ ᓮᓕᒻᒥ ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐸᐅᔪᒧᑦ. ᐂᑉᕋᕼᐋᒻ ᐅᓇᑕᕆᐊᕐᓯᒪᓚᐅᕐᓗᓂ ᐅᑎᕋᒥ ᓵᓚᖃᕐᓗᓂ ᐊᖓᔪᖅᑳᕐᔪᐊᓂᒃ ᒥᓪᑭᓯᑎᐅᑉ ᐸᕐᕆᐊᕐᓗᓂᐅᒃ ᓮᒻᒪᕐᑎᓚᐅᕐᐹ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:12

ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:2

ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ,