ᐂᓮᐊᓯᐅᑉ ᐊᒡᓚᖏᑦ 41:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑰᖃᓕᕐᑎᑦᓯᔪᒫᕐᐳᖓ ᖃᖅᑲᑎᒍᑦ ᐱᕈᕐᑐᖃᖏᑦᑐᑎᒍᑦ, ᓇᕐᓮᓪᓗ ᓄᓇᐅᑉ ᐃᓗᐊᓂᑦ ᑯᕕᔪᕐᑕᖃᓕᕈᒫᕐᐳᑦ; ᓄᓇᒥ ᐃᓄᖃᖏᑦᑐᒥ ᐃᒪᕐᓱᖃᐅᓕᕐᑎᑦᓯᔪᒫᕐᐳᖓ, ᓄᓇᒥᓗ ᐸᓂᕐᑐᒥ ᐃᒥᕐᒥᒃ ᑯᕕᔪᖃᓕᕐᑎᑦᓯᓗᖓ.

ᐂᓮᐊᓯᐅᑉ ᐊᒡᓚᖏᑦ 41:18 Iomraidhean Croise

ᐃᓐᖏᕈᑎᑦ 104:10

ᓄᓇᐅᑉ ᐃᓗᐊᓂᑦ ᑰᖕᓂᐊᕐᑐᓂᒃ ᓇᕐᓴᓄᑦ ᑎᓕᓯᓯᒪᕗᑎᑦ; ᖃᖅᑬᑦ ᐊᑯᓐᓂᖏᓐᓂ ᑰᒍᓐᓇᖁᓪᓗᒋᑦ.

ᐃᓐᖏᕈᑎᑦ 105:41

ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.

ᐃᓐᖏᕈᑎᑦ 107:35

ᓱᓇᖃᔪᐃᑦᑐᖅ ᑕᓯᖃᐅᓕᕐᑎᑉᐹ, ᓄᓇᓗ ᐸᓂᕐᑐᖅ ᐃᓗᐊᓂᑦ ᑰᖃᓕᕐᑎᑉᐹ.

ᐃᓐᖏᕈᑎᑦ 126:4

ᐊᑕᓃᖅ, ᐅᑎᕐᑎᑦᓯᕕᒋᓚᐅᕐᑎᒍᑦ ᐊᕐᓵᕐᑕᐅᑦᔪᑎᒋᓚᐅᕐᑕᑦᑎᓐᓂᒃ, ᑰᒃᑎᑐᑦ ᐸᓂᕐᓂᑰᓕᓚᐅᕐᓗᓂ ᐃᒪᕐᒧᑦ ᐅᑎᕐᕕᐅᓕᕐᑐᑎᑐᑦ ᓂᒋᑉᒥᑦ.

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᐂᓮᐊᓯᐅᑉ ᐊᒡᓚᖏᑦ 12:3

ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 30:25

ᖃᖅᑲᓕᒫᓂᑦ ᐱᖑᓕᒫᓂᓪᓗ ᐳᕐᑐᔪᓂᑦ ᑰᒐᓛᒃᑕᖃᕈᒪᕐᐳᖅ ᑰᓪᓚᕆᒃᑕᖃᕐᓗᓂᓗ, ᐅᓇᑕᕐᓂᕐᒥ ᐅᓄᕐᑐᓂᒃ ᑐᖁᕅᔪᖃᕐᑎᓪᓗᒍ, ᓇᐸᔪᐊᓗᐃᓪᓗ ᐅᕐᕈᑎᑕᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 33:21

ᑕᕝᕙᓂ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓚᒋᔪᒫᕐᐹᑎᒍᑦ, ᑰᖃᕐᑐᖅ ᓯᓕᒃᑐᓂᒃ ᐊᒥᓐᓂᕐᓴᓂᒡᓗ, ᐅᒥᐊᕐᔪᐊᑦ ᑎᖏᕐᕋᐅᑕᓖᑦ ᐃᐳᑎᖃᕐᑐᑦ ᑕᒪᐅᓈᕈᓐᓇᕈᒫᓐᖏᓚᑦ, ᐅᒥᐊᕐᔪᐊᓪᓗ ᐊᖏᓂᕐᓮᑦ ᑕᒪᐅᓈᕈᓐᓇᕈᒫᖏᓐᓂᕗᑦ.

ᐂᓮᐊᓯᐅᑉ ᐊᒡᓚᖏᑦ 35:1

ᓄᓇ ᓯᐅᕅᓐᓇᖅ ᓄᓇᓗ ᐸᓂᕐᓂᑯ ᖁᕕᐊᓱᓕᕈᒫᕐᐳᑦ; ᓄᓇᓗ ᓱᓇᖃᔪᐃᑦᑐᖅ ᖁᕕᐊᓱᓕᕈᒫᕐᐳᖅ ᐱᕈᕐᑎᑦᓯᑦᓯᐊᓕᕐᓗᓂᓗ; ᓄᓇᕋᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 44:3

ᐃᒥᕈᒃᑐᖅ ᐃᒪᕐᒥᒃ ᑯᕕᓯᕕᒋᔪᒫᕐᐸᕋ, ᓄᓇᓗ ᐸᓂᕐᑐᖅ ᑰᒡᕕᐅᑎᑦᓱᒫᕐᓗᒍ, ᐊᓂᕐᓂᕋ ᑯᕕᔪᒫᕐᐸᕋ ᑭᖑᕚᑦᓯᓐᓄᑦ, ᕿᑐᕐᖓᓯᓗ ᓮᒻᒪᕐᑎᑦᓱᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 14:8

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᒥᖅ ᐃᓅᓯᖃᕐᓇᕐᑐᒥᒃ ᐃᒪᓕᒃ, ᔨᕉᓴᓕᒥᑦ ᑰᓕᕈᒫᕐᐳᖅ, ᐊᕝᕙᖓ ᑰᒡᓗᓂ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦᑐᒧᑦ, ᐊᕝᕙᖓᓗ ᑰᒡᓗᓂ ᐃᒪᕐᔪᐊᕐᒧᑦ ᐃᑎᕕᐊᓃᑦᑐᒧᑦ, ᑰᒍᒫᕐᐳᖅ ᐊᐅᔭᒃᑯᑦ ᐅᑭᐅᒥᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:17

ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”

ᐃᓗᐊᕐᓮᔩᑦ ᐊᒡᓚᖏᑦ 15:19

ᒎᑎ ᓄᓇᒥᒃ ᐃᑎᕐᓴᒥᒃ ᖁᐱᓯᕗᖅ ᓖᕼᐃᒥ, ᑕᕝᕙᓐᖓᓪᓗ ᐃᒥᖅ ᑯᕕᓕᕐᐳᖅ, ᐃᒥᕋᒥᓗ ᓄᑭᖃᑦᓯᐊᓕᕐᐳᖅ, ᖃᓄᐃᑦᑐᓐᓃᕐᓗᓂᓗ. ᑖᓐᓇᓗ ᐊᑦᓯᕐᐹ ᐃᓐ-ᕼᐊᑯᐊᕆᒥᒃ, ᓕᕼᐃᒦᑦᑐᖅ ᓱᓕ ᐅᓪᓗᒥᒧᑦ.