ᐂᓮᐊᓯᐅᑉ ᐊᒡᓚᖏᑦ 41:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᑯᒋᑦ, ᐃᓕᖕᓂᒃ ᐆᒥᓱᒃᑐᓕᒫᑦ ᑲᓐᖑᓱᒃᑎᑕᐅᔪᒫᕐᐳᑦ ᒥᑕᐅᑎᒋᔭᐅᓗᑎᒡᓗ; ᐃᓕᖕᓂᒡᓗ ᐊᑭᕋᕐᑐᕐᑐᑦ ᓱᓇᐅᔪᓐᓃᕐᓗᑎᒃ ᓄᖑᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 41:11 Iomraidhean Croise

ᒨᓯᓯ ᐂᑉᐸᖏᑦ 11:8

ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.

ᒨᓯᓯ ᐂᑉᐸᖏᑦ 12:29

ᐅᓐᓄᐊᓪᓗᐊᖑᓕᕐᑎᓪᓗᒍ ᐊᑕᓂᐅᑉ ᑐᖁᑎᑉᐰᑦ ᐃᕐᓂᕐᑖᕆᐅᕈᑕᐅᓯᒪᔪᓕᒫᑦ ᐄᑦᔨᑉᑎᒥᐅᓄᑦ. ᐊᖓᔪᖅᑳᕐᔪᐊᑉ ᐃᕐᓂᖓᓂᑦ ᐱᒋᐊᕐᓗᓂ, ᑖᓐᓇ ᐊᖓᔪᖅᑳᕐᔪᐊᑉ ᑭᖑᕝᕕᕐᑎᒃᓴᕆᒐᔭᕐᑕᖓ, ᑎᒍᔭᐅᓯᒪᕕᖕᒦᑦᑐᑦ ᐃᕐᓂᑖᕆᐅᕈᑎᕕᓂᖓᑦ ᑎᑭᓪᓗᒍ. ᐆᒪᔪᓪᓗᑦᑕᐅᖅ ᕿᑐᕐᖓᕐᑖᕆᐅᕈᑎᕕᓂᖏᑦ ᑐᖁᑕᐅᒋᕗᑦ.

ᒨᓯᓯ ᐂᑉᐸᖏᑦ 23:22

ᓈᓚᖕᓂᐊᕈᑦᓯᐅᒡᓕ ᐅᖃᓯᕆᔭᒃᑲᓗ ᑖᑦᓱᒨᓇ ᐱᓇᓱᐊᕈᑎᒋᓂᐊᕈᑦᓯᐅᒃ, ᑕᕝᕙ ᐊᑭᕋᕐᑐᑎᓯ ᐊᑭᕋᕐᑐᕐᑎᒋᓂᐊᕆᕙᒃᑲ ᐅᓇᖕᒥᔨᓯᓗ ᐅᓇᖕᒥᔨᒋᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 29:5

ᐊᑭᕋᑎᑦ ᐅᓄᕐᑐᕐᔪᐊᑦ ᐳᔪᕐᓗᒃᑎᑐᑦ ᒥᑭᔫᑎᑐᑦ ᑍᒤᑦᓱᒫᕐᐳᑦ, ᐅᓄᕐᑐᕐᔪᐊᑦ ᓂᑲᒍᓱᖃᖏᑦᑐᑦ ᓂᐊᖂᔭᒃᓴᐅᑉ ᓴᓂᖓᑐᑦ ᑎᒃᑕᐅᔪᑐᑦ ᐊᑦᔨᖃᕈᒫᕐᐳᑦ, ᑕᕝᕙᓐᖓᑦᓮᓐᓇᖅ, ᑕᕝᕙᑦᓴᐅᑎᒋᓗ.

ᐂᓮᐊᓯᐅᑉ ᐊᒡᓚᖏᑦ 29:7

ᐃᓅᖃᑎᒌᒡᔪᐊᓂᓪᓗ ᐊᑦᔨᒌᖏᑦᑐᓂᑦ ᐱᓯᒪᓪᓗᑎᒃ ᐅᓇᑕᕆᐊᓚᐅᕐᑐᑦ ᐃᒡᓗᒐᓴᒡᔪᐊᓂᒃ ᐊᕅᐅᓪᒥᒃ, ᒎᑎᐅᑉ ᑐᓂᕐᕈᓯᕐᕕᖁᑎᖓᓂᒃ ᐱᑕᖃᕐᑐᒥᒃ ᐅᓇᑕᐅᑎᖏᑦ ᐊᐅᓚᑦᔪᑎᓕᒫᖏᓪᓗ ᑕᕝᕔᓐᓇᖅ ᐱᑕᖃᓚᐅᕐᓯᒪᖏᑦᑐᑎᑐᑦ ᓄᖑᑕᐅᔪᒫᕐᐳᑦ ᓯᓐᓇᒃᑐᕐᑎᑐᑦ ᐅᓐᓄᐊᒥ ᐃᓱᒪᒋᔭᐅᑐᐃᓐᓇᕐᑐᕕᓂᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 29:8

ᐊᑦᔨᖃᕈᒫᕐᐳᑦ ᐊᖑᒻᒥᒃ ᑳᒃᑐᒥᒃ ᓂᕆᓗᓂ ᓯᓐᓇᒃᑑᒪᔪᒥᒃ ᐃᖅᑯᒻᒪᕋᒥ ᓱᓕ ᑳᒡᓗᓂ ᐃᖅᑯᒻᒪᕐᑐᑐᑦ, ᐅᕝᕙᓘᓐᓃᑦ ᐃᒥᕈᖕᓂᕐᒧᑦ ᖀᓕᕐᑐᑎᑐᑦ ᓯᓐᓇᒃᑑᒪᔪᒥᒃ ᐃᒥᕐᓗᓂ ᐃᖅᑯᒻᒪᕐᐳᖅ ᐃᒡᒋᐊᖓ ᓱᓕ ᓴᓗᐊᖓᑎᓪᓗᒍ ᐃᒥᕈᖕᓂᕐᒧᑦ, ᑍᒤᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᓇᑭᑐᐃᓐᓈᕐᓯᒪᔪᑦ ᖃᖅᑲᒥᒃ ᓮᐅᓂᒥᒃ ᐅᓇᑕᖃᑎᖃᕋᓱᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 34:12

ᐊᖓᔪᖅᑳᕐᔪᐊᖃᕐᕕᒃᓴᐅᖏᑦᑐᒥᒃ ᐊᑦᓯᕈᒫᕐᐹᑦ ᑍᖕᓇ, ᐊᖓᔪᖅᑳᖁᑕᐅᔪᓪᓗ ᑕᕝᕙᓂ ᐱᑕᖃᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 40:17

ᐃᓅᖃᑎᒌᒡᔪᐊᑦ ᑲᑎᓪᓗᒋᑦ ᓱᓇᐅᖏᒻᒪᑕ ᑖᑦᓱᒪ ᓵᖓᓂ, ᐃᓱᒪᒋᕔᓪᓗ ᓱᓇᐅᖏᑦᑐᒥᑦ ᒥᑭᓐᓂᕐᓴᐅᔪᓂᒃ ᓱᓇᖃᖏᑦᑐᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 41:24

ᑕᑯᒋᑦ, ᓱᓇᐅᓐᖏᓚᓯ, ᐱᓇᓱᐊᕐᑕᓯᓗ ᓱᓇᒥᒃ ᓴᖅᑭᑎᑦᓯᓇᑎᒃ; ᐃᓕᑦᓯᓐᓂᒃ ᓂᕈᐊᓚᐅᕐᑐᖅ ᓇᕐᕈᓇᕐᑐᐊᓘᕗᖅ.

ᐂᓮᐊᓯᐅᑉ ᐊᒡᓚᖏᑦ 41:29

ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”

ᐂᓮᐊᓯᐅᑉ ᐊᒡᓚᖏᑦ 45:24

ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 49:25

ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 54:15

ᐱᒋᐊᕐᑕᐅᒐᓗᐊᕈᑦᓯ ᐅᓇᑕᕐᓂᕐᒧᑦ, ᐱᒋᐊᕐᑕᐅᓂᓯ ᐅᕙᓐᓂᑦ ᐱᔪᒫᓐᖏᓚᑦ; ᐃᓕᑦᓯᓐᓂᒃ ᐱᒋᐊᕋᓱᒃᑐᑦ ᐅᕐᕈᖃᑦᑕᕈᒫᕐᐳᑦ ᐃᓕᑦᓯ ᐱᑦᔪᑎᒋᓗᓯ.

ᐂᓮᐊᓯᐅᑉ ᐊᒡᓚᖏᑦ 54:17

ᐅᓇᑕᐅᑏᑦ ᐃᓕᑦᓯᓐᓄᑦ ᐊᑐᕐᑕᐅᓇᓱᒃᑐᑦ ᐊᑑᑎᖃᕈᒫᓐᖏᓚᑦ, ᐅᖃᐅᓯᒃᓮᕈᑎᔪᒫᕐᐸᓯ ᐅᖃᓕᒫᑦ ᐃᓕᑦᓯᓐᓂᒃ ᐊᑭᕋᕐᑐᕋᓱᒃᑐᑦ ᐃᖅᑲᕐᑐᐃᕕᖕᓂ, ᑕᒪᓐᓇ ᑕᕝᕙ ᐊᑕᓂᐅᑉ ᐱᔨᖏᑕ ᐱᒋᔪᒫᕐᑕᖓᑦ ᓴᐳᑦᔭᐅᓂᕆᔪᒫᕐᑕᖓᓪᓗ ᐅᕙᓐᓂᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 12:17

ᐃᓅᖃᑎᒌᒡᔪᐊᓪᓕ ᓇᓪᓕᖏᑦ ᓈᓚᖏᑉᐸᑕ, ᑕᕝᕙ ᓄᓱᑦᓯᐊᒻᒪᕆᒍᒫᕐᐸᒃᑲ ᐊᓯᕈᕐᓗᒋᓪᓗ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᓴᑲᕅᐊᐅᑉ ᐊᒡᓚᖏᑦ 12:3

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐅᔭᕋᓱᒡᔪᒃᑎᑐᑦ ᐅᖁᒤᑦᑑᑎᑦᓱᒫᕐᐸᕋ, ᑖᑦᓱᒥᖓ ᐊᐅᓚᑦᔧᓇᓱᐊᕐᑐᑦ ᐃᒻᒥᖕᓂᒃ ᐋᓐᓂᖃᑦᑕᕈᒫᕐᐳᑦ, ᐃᓅᖃᑎᒌᒡᔪᐊᑦ ᓇᑭᑐᐃᓐᓇᖅ ᐱᓯᒪᔪᑦ ᐊᑭᕋᕐᑐᕋᓱᒃᑲᓗᐊᕐᐸᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 16:39

ᑖᒃᑯᐊ ᑎᒍᔭᐅᓯᒪᕕᖕᒧᐊᕐᓗᑎᒃ ᑖᒃᑯᓄᖓ ᒪᒥᐊᒋᐊᕐᑐᕐᐳᑦ. ᐊᓂᑎᓪᓗᒋᓪᓗ ᑎᒍᔭᐅᓯᒪᕕᖕᒥᑦ, ᕿᓄᕕᒋᕚᑦ ᐃᒡᓗᒐᓴᖕᓂᑦ ᐊᐅᓪᓚᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.