ᐂᓮᐊᓯᐅᑉ ᐊᒡᓚᖏᑦ 40:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓇᕐᓴᓕᒫᑦ ᓇᖓᕐᑎᕐᓗᒋᑦ, ᖃᖅᑬᓪᓗ ᐱᖑᐃᓪᓗ ᓇᓕᕆᒃᓯᓗᒋᑦ; ᓴᖑᐃᕐᓂᖏᑦ ᑐᑭᓕᐊᕐᓯᑎᓪᓗᒋᑦ ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 40:4 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:15

ᐃᓄᐃᑦ ᑐᑭᒧᐊᖏᑦᑐᓂᒃ ᐊᖅᑯᑎᖃᕐᑐᑦ, ᓴᖑᐃᕐᑐᒥᒡᓗ ᐱᓂᐊᕐᓂᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 40:3

ᓂᐱᒥᒃ ᑐᓴᕐᓴᐅᔪᖃᕐᐳᖅ ᐃᓄᖃᖏᑦᑐᒥ: “ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ; ᓱᓇᖃᔪᐃᑦᑐᒃᑯᑦ ᑐᑭᓕᐊᕐᑐᒥᒃ ᐊᖅᑯᑎᓕᐅᓕᕆᑦᓯ ᒎᑎᑦᑕ ᐊᑐᕐᓂᐊᕐᑕᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 40:5

ᐊᑕᓂᐅᑉ ᐱᓐᓇᕐᓇᕐᓂᕐᔪᐊᖓ ᓴᖅᑭᑦᓱᒫᕐᐳᖅ, ᐃᓄᓕᒫᓪᓗ ᐃᓘᓐᓇᖓ ᑕᑯᔪᒫᕐᐹᑦ, ᐊᑕᓂᐅᑉ ᖃᓂᕐᒥᒍᑦ ᑕᒪᓐᓇ ᐅᖃᐅᓯᕆᖕᒪᒍ.”

ᐂᓮᐊᓯᐅᑉ ᐊᒡᓚᖏᑦ 42:11

ᓱᓇᖃᔪᐃᑦᑐᖅ ᓄᓇᓕᖏᓪᓗ ᓂᓪᓕᐊᓕᕐᓕᑦ ᓂᐱᖅᑯᕐᑐᓗᑎᒃ, ᓄᓇᓖᑦ ᑭᑕᕆᒥ ᓄᓇᖃᕐᑐᑦ ᐱᖃᑕᐅᓕᑦ; ᓰᓚᒥᐅᑦ ᐃᓄᖏᑦ ᐃᓐᖏᕐᓕᑦ ᖁᕕᐊᓱᖕᓂᕐᒧᑦ, ᓂᐱᖅᑯᕐᑐᓗᑎᒃ ᓂᓪᓕᐊᓕᑦ ᖃᖅᑬᑦ ᖄᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 45:2

ᓯᕗᓂᕐᓃᓐᓂᐊᕐᐳᖓ ᖃᖅᑲᓂᒃ ᒪᓂᖅᑲᒃᓮᓗᖓ, ᐃᑎᕐᑕᕐᕕᖕᓂᒃ ᑲᓐᓄᔭᓂᒃ ᓯᖁᑦᑎᕆᓗᖓ ᐅᒃᑯᐊᓪᓗ ᓴᕕᕋᔧᑦ ᐅᕐᕉᕋᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 49:11

ᖃᖅᑲᖁᑎᓕᒫᒃᑲ ᐊᖅᑯᑎᓐᖑᕐᑎᑦᓱᒫᕐᐸᒃᑲ, ᐊᖅᑯᑎᓪᓚᕆᖁᑎᒃᑲᓗ ᐳᕐᑐᓯᒋᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 17:24

ᐱᕈᕐᑐᓕᒫᑦ ᓇᐹᕐᑐᑦ ᓇᑎᕐᓇᒦᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᖅ ᓇᐹᕐᑐᒥᒃ ᑕᑭᔪᒥᒃ ᓇᑲᑦᓯᒐᒪ, ᓇᐹᕐᑐᕐᓗ ᐳᒃᑭᑦᑐᖅ ᐳᕐᑐᓯᑎᓪᓗᒍ, ᓇᐹᕐᑐᕐᓗ ᐆᒻᒪᐅᒐᓗᐊᖅ ᑐᖁᓕᑎᑉᐸᕋ, ᓇᐹᕐᑐᕐᓗ ᐸᓐᓇᑰᒐᓗᐊᖅ ᐆᒻᒪᕈᕐᑎᑉᐸᕋ. ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ, ᑍᒫᒡᓗ ᐱᓇᓱᐊᕐᓂᐊᕐᓗᖓ.”

ᐃᓯᑭᐊᓕᐅᑉ ᐊᒡᓚᖏᑦ 21:26

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᐊᖁᕐᐱᑦ ᐃᒻᒧᑎᖓ ᐲᓕᕈᒃ, ᓂᐊᖂᑏᓪᓗ ᐊᖓᔪᖅᑳᕐᓯᐅᑦ ᐲᕐᓗᒍ; ᓱᓇᑐᐃᓐᓁᑦ ᒫᓐᓇᑐᑦ ᑍᒤᓕᖓᑦᓮᓐᓇᕐᓂᐊᕈᓐᓁᕐᐳᑦ; ᓇᓗᖅᑯᑎᔪᑦ ᐊᖏᔪᕈᕐᑎᒃᑭᑦ, ᐊᖏᔪᕈᕐᑎᑦᑐᓪᓗ ᓇᓗᖅᑯᑎᓕᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 4:7

ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᓘᑲᓯᐅᑉ ᐊᒡᓚᖏᑦ 3:5

ᓇᕐᓮᑦ ᑕᒪᕐᒥᒃ ᓇᖓᕐᑎᕐᑕᐅᔪᒫᕐᐳᑦ, ᐱᖑᐃᑦ ᖃᖅᑬᓪᓗ ᐳᒃᑭᒡᓕᑎᑕᐅᔪᒫᕐᓗᑎᒃ, ᐊᖅᑯᑎᑦ ᓴᖑᐃᖓᔪᑦ ᑐᑭᓕᐊᕐᓯᑎᑕᐅᔪᒫᕐᐳᑦ, ᒪᓃᑦᑐᑦ ᒪᓂᖅᑲᒃᓴᕐᓗᒋᑦ.

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.