ᐂᓮᐊᓯᐅᑉ ᐊᒡᓚᖏᑦ 40:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐱᔪᓐᓇᕐᓂᕐᑖᕐᑎᑦᓯᕙᒃᑐᖅ ᓄᑮᕈᑎᔪᓂᒃ, ᐱᔪᓐᓇᕐᓂᖃᕈᓐᓃᕐᑐᓂᒡᓗ ᓄᑭᒃᑖᕐᑎᑦᓯᕙᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 40:29 Iomraidhean Croise

ᒨᓯᓯ ᓯᕗᓪᓖᑦ 49:24

ᑖᑦᓱᒪᓕ ᐱᑎᒃᓯᖓᑕ ᓴᓐᖏᓂᖓ ᓱᕐᕋᒃᑕᐅᓐᖏᓚᖅ, ᑖᑦᓱᒪ ᑕᓕᖏᒃ ᐃᕾᓕᑎᑕᐅᓯᒪᖕᒪᑎᒃ ᐊᔪᒐᖃᖏᑦᑑᑉ ᐊᒡᒐᖏᓐᓄᑦ ᔧᑰᑉ ᒎᑎᖓᓄᑦ ᓰᐱᓕᕆᔨᐅᑉ ᐊᑎᖓᓂᑦ, ᐃᓴᕆᐊᓕᐅᑉ ᕾᕐᑐᖓᓂᑦ,

ᓂᕼᐃᒤᐊᐅᑉ ᐊᒡᓚᖏᑦ 6:9

ᑍᒃᑯᐊ ᑲᑉᐱᐊᓱᒃᑎᑦᓯᓇᓱᐊᓚᐅᕐᒪᑕ ᐅᕙᑦᑎᓐᓂᒃ ᐱᓇᓱᐊᕐᑕᑦᑎᓐᓂᒃ ᓄᖅᑲᕐᑎᑦᓯᓇᓱᐊᕐᓗᑎᒃ, ᑍᒤᒻᒪᑦ ᑐᒃᓯᐊᓕᓚᐅᕐᐳᖓ, “ᒫᓐᓇ ᒎᑏᒃ, ᓲᖑᓂᖃᕐᑎᓚᐅᓐᖓ!”

ᐃᓐᖏᕈᑎᑦ 29:11

ᐊᑕᓂᐅᑉ ᐃᓄᖁᑎᓂ ᑐᓂᓯᕕᒋᓂᐊᕐᐰᑦ ᓴᓐᖏᓂᕐᒥᒃ; ᐊᑕᓂᐅᓪᓗ ᐃᓄᖁᑎᓂ ᓮᒻᒪᕐᑎᓐᓂᐊᕐᐰᑦ ᓮᓕᓇᕐᑐᒥᒃ.

ᐃᓐᖏᕈᑎᑦ 68:10

ᐃᓄᖁᑎᑎᑦ ᐃᓂᖃᓕᓚᐅᕐᐳᑦ ᑕᕝᕙᓂ; ᐃᕝᕕᑦ ᒎᑏ, ᐱᐅᔫᓂᕐᓄᑦ ᐱᒃᓴᖃᕐᑎᑦᓯᔪᑎᑦ ᐊᔪᕐᓴᕐᑐᓂᒃ.

ᐃᓐᖏᕈᑎᑦ 68:35

ᒎᑎ, ᑲᒪᓇᕐᑐᕐᔪᐊᖑᕗᖅ ᐃᓂᒋᔭᒥᓂ ᐃᑦᔪᕐᓁᑦᑐᒥ, ᐃᓴᕆᐊᓕᑏᑦ ᒎᑎᖓᑦ ᑐᓂᓯᕗᖅ ᓴᓐᖏᓂᕐᒥᒃ ᐱᔪᓐᓇᕐᓂᕐᒥᒡᓗ ᐃᓄᖁᑎᒥᓄᑦ. ᒎᑎ ᓂᕐᑐᕐᑕᐅᓕ!

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 31:25

ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 10:12

ᓄᑭᖃᕐᑎᑦᓱᒪᕙᒃᑲ ᐊᑕᓂᕐᒥ; ᐱᓱᒍᒫᕐᐳᑦ ᑖᑦᓱᒪ ᐊᑎᖓᓂ.” ᑍᒫᒃ ᐊᑕᓂᖅ ᐅᖃᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:16

ᑍᒤᒻᒪᑦ ᓴᐱᓕᓐᖏᓚᒍᑦ. ᑕᑯᒃᓴᐅᔪᒃᑯᑦ ᐃᓅᓯᑦᑎᒍᑦ ᐊᔪᓕᕐᐸᓪᓕᐊᒐᓗᐊᕐᓗᑕ, ᐃᓗᑦᑎᒍᓪᓕ ᖃᐅᑕᒫᑦ ᓄᑖᓐᖑᕐᑎᑕᐅᖏᓐᓇᕐᐳᒍᑦ.

ᒨᓯᓯ ᑕᓪᓕᒪᖏᑦ 33:25

ᐃᑎᕐᑕᕐᕕᒃᓯ ᓴᕕᕋᔭᐅᔪᒃᓴᐅᕗᑦ ᑲᓐᓄᔭᐅᓗᑎᒡᓗ, ᐃᓅᑎᓪᓗᓯ ᑍᒤᒃᑲᑦᓯ, ᑍᒤᓐᓂᐊᕆᕗᖅ ᓴᓐᖏᔫᓂᓯ.”

ᐱᓕᐱᒥᐅᓄᑦ 4:13

ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.

ᑯᓘᓯᐊᒥᐅᓄᑦ 1:11

ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.

ᐄᑉᕈᐃᓄᑦ 11:34

ᐃᑯᐊᓚᔪᕐᔪᐊᓂᒡᓗ ᖃᒥᑦᓯᓚᐅᕐᐳᑦ, ᓴᕕᒡᔪᐊᒥᑦ ᐊᓐᓇᓚᐅᕐᐳᑦ, ᓴᓐᖐᓐᓂᕐᒥᑦ ᐱᔪᓐᓇᕐᓂᕐᑖᓚᐅᕐᐳᑦ; ᐅᓇᑕᕐᓂᕐᒥ ᐊᔪᖏᑦᑐᕐᔪᐊᖑᓚᐅᕐᐳᑦ, ᓄᓇᑐᖃᖃᖏᑦᑐᑦ ᐅᓇᑕᕐᑐᒃᓴᖏᑦ ᕿᒫᑎᓪᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 15:19

ᒎᑎ ᓄᓇᒥᒃ ᐃᑎᕐᓴᒥᒃ ᖁᐱᓯᕗᖅ ᓖᕼᐃᒥ, ᑕᕝᕙᓐᖓᓪᓗ ᐃᒥᖅ ᑯᕕᓕᕐᐳᖅ, ᐃᒥᕋᒥᓗ ᓄᑭᖃᑦᓯᐊᓕᕐᐳᖅ, ᖃᓄᐃᑦᑐᓐᓃᕐᓗᓂᓗ. ᑖᓐᓇᓗ ᐊᑦᓯᕐᐹ ᐃᓐ-ᕼᐊᑯᐊᕆᒥᒃ, ᓕᕼᐃᒦᑦᑐᖅ ᓱᓕ ᐅᓪᓗᒥᒧᑦ.

ᓴᒧᐃᓕ ᓯᕗᓪᓖᑦ 2:4

ᐱᔪᓐᓇᕐᑐᕐᔪᐊᑦ ᐅᓇᑕᕐᑏᑦ ᖃᕐᔪᖏᑦ ᓯᖁᒥᑉᐳᑦ, ᓴᓐᖐᑦᑐᓪᓕ ᓴᓐᖏᒃᑎᑉᐳᑦ.