ᐂᓮᐊᓯᐅᑉ ᐊᒡᓚᖏᑦ 40:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐱᕈᕐᓯᐊᖑᓕᕋᑖᕐᑎᓪᓗᒋᑦ, ᐱᕈᕐᓯᐊᒃᓴᑐᑦ ᐃᓕᔭᐅᕋᑖᕐᑐᑎᑐᑦ ᓄᓇᒧᑦ, ᒪᖑᒃᓯᒪᓂᖏᑦ ᐱᕈᓕᕐᑎᓪᓗᒋᑦ ᓱᐱᖕᒪᒋᑦ ᑐᖁᓕᕗᑦ, ᐊᖅᑯᓇᕐᒧᑦ ᑎᑭᑕᐅᑲᓪᓚᒃᑲᒥᒃ ᑎᒃᑕᐅᕋᕐᐳᑦ ᑭᓪᓗᕐᑕᐅᓂᕕᓂᕐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 40:24 Iomraidhean Croise

ᓴᒧᐃᓕ ᐂᑉᐸᖏᑦ 22:16

ᑕᕝᕙ ᐃᒪᕕᐅᑉ ᐃᖅᑲᖓ ᑕᑯᔭᐅᓚᐅᕐᐳᑦ, ᓄᓇᕐᔪᐊᓪᓗ ᑐᓐᖓᕕᖏᑦ ᓴᖅᑭᑉᐳᑦ ᐃᔨᕐᓯᒪᔪᖃᕈᓐᓃᕐᓗᑎᒃ, ᐊᑕᓂᐅᑉ ᓱᐊᒃᐰᑦ ᐊᑭᕋᓂ, ᐊᓄᕆᕐᔪᐊᒧᑦ ᓱᕐᓗᖓᓂᓐᖔᕐᑐᒧᑦ.

ᐊᑕᓃᑦ ᐂᑉᐸᖏᑦ 10:11

ᑍᒤᒻᒪᑦ ᔨᕼᐆ ᑐᖁᑕᐅᑎᑦᓯᓚᐅᕐᐳᖅ ᐂᕼᐊᑉ ᐃᓚᓕᒫᖏᓐᓂᒃ ᐊᒥᐊᒃᑯᑕᖃᕐᓇᒋᑦ ᔨᔭᕆᐅᓪᒥ, ᐊᖓᔪᖅᑳᖁᑎᕕᓂᖏᓪᓗ ᐃᓚᓐᓇᕆᔭᖏᓪᓗ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᑕᒪᕐᒥᒃ ᐊᒥᐊᒃᑯᖃᕐᑎᓚᐅᓐᖏᓔᑦ.

ᔫᐱᐅᑉ ᐊᒡᓚᖏᑦ 21:18

ᐃᕕᒃᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᓐᖏᓛᑦ, ᐅᕝᕙᓗ ᓴᓂᕐᑎᑐᑦ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᓐᖏᓚᑦ?

ᔫᐱᐅᑉ ᐊᒡᓚᖏᑦ 4:9

ᒎᑎᐅᑉ ᐊᓂᕐᓂᖓᓄᑦ ᐊᓯᕈᕐᑕᐅᓯᒪᕗᑦ, ᓂᓐᖓᐅᓯᖓᑕᓗ ᐊᓂᕐᓵᕐᕕᒋᖕᒪᒋᑦ ᓄᖑᑕᐅᕗᑦ.

ᔫᐱᐅᑉ ᐊᒡᓚᖏᑦ 8:17

ᐊᒫᖏᑦ ᐅᔭᕋᖕᓂᒃ ᓂᒦᓯᒪᕗᑦ; ᐅᔭᕅᑦ ᐊᑯᕐᖓᓐᓂ ᐱᕈᕐᓯᒪᒐᒥᒃ.

ᐃᓐᖏᕈᑎᑦ 58:9

ᐅᒃᑯᓯᒃ ᐆᓇᕐᓯᖅᑳᕐᑎᓐᓇᒍ ᐅᕐᐱᒊᑦ ᑲᑭᓪᓚᕐᓇᕐᑐᑦ ᐃᑯᐊᓚᓂᖏᓐᓄᑦ, ᐆᒻᒪᐅᒐᓗᐊᕐᐸᑕ ᐸᓪᓕᐅᒃᐸᑕᓘᓐᓃᑦ, ᐱᐅᖏᑦᑐᓕᔪᑦ ᑎᒃᑕᐅᑎᑦᓱᒫᕐᐰᑦ.

ᐃᓐᖏᕈᑎᑦ 83:13

ᒎᑏᒃ, ᐳᔪᕋᕐᑎᑐᑦ ᐅᓚᔪᔭᕐᒧᑦ ᐊᐅᓚᑕᐅᔪᑎᑐᑦ ᑍᒤᑎᒃᑭᑦ, ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:27

ᐅᐃᒪᔮᕐᓇᕐᑐᒧᑦ ᑎᑭᑕᐅᒍᕕᑦ ᓯᓚᕐᓂᕐᓗᖕᒧᑦ ᑎᑭᑕᐅᔪᑎᑐᑦ, ᐅᖁᒤᒃᓴᕐᓂᕐᓗ ᐅᓚᔪᔭᕐᑎᑐᑦ ᑎᑭᐅᑎᒃᐸᑦ, ᐱᕖᓱᐊᓂᖅ ᐃᓱᒪᔮᕐᓂᕐᓗ ᐃᓕᖕᓄᑦ ᑎᑭᑉᐸᑦ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 17:11

ᐱᕈᕐᑎᑦᓯᕙᒃᑲᓗᐊᕐᑐᓯ ᐅᓪᓗᒥᑦᓮᓐᓇᖅ ᓄᓇᒧᑦ ᐃᓕᔭᑦᓯᓐᓂᒃ, ᓄᓇᕋᖃᓕᕐᓗᑎᒃ ᐅᓪᓛᓐᖑᕐᒪᑦ ᓄᓇᒧᑦ ᐃᓕᓚᐅᕐᑕᓯ; ᑭᓯᐊᓂ ᑲᑎᕐᓱᐃᓂᖃᕈᓐᓃᓛᕐᐳᖅ ᐅᓪᓗᒥ ᕿᒃᓵᒡᕕᖕᒥ ᐋᓐᓂᐊᓇᕐᑐᒥ ᐋᓐᓂᐊᕈᓐᓃᕐᓇᖏᑦᑐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 37:7

ᑕᑯᒋᑦ, ᐊᓂᕐᓂᕐᒥᒃ ᐃᓗᒻᒥᕈᒪᕙᕋ, ᑕᒫᓐᖓᑐᐃᓐᓇᖅ ᑐᓴᕐᑕᒥᓂᒃ ᐱᑦᔪᑎᖃᕐᓗᓂ, ᓄᓇᒥᖕᓄᑦ ᐅᑎᕐᓂᐊᕐᒪᑦ; ᓄᓇᖓᓄᓪᓗ ᐅᑎᕐᓯᒪᓕᕐᐹᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᖅ ᓄᓇᒥᓂ.’”

ᐂᓮᐊᓯᐅᑉ ᐊᒡᓚᖏᑦ 40:7

ᐃᕕᒃᓱᒊᑦ ᑐᖁᓕᕙᒃᐳᑦ, ᐱᕈᕐᑐᓪᓗ ᑐᖁᓕᕙᒃᑭᓪᓗᑎᒃ, ᐊᑕᓂᐅᑉ ᐊᓂᕐᓵᕐᕕᒋᕙᖕᒪᒋᑦ; ᐃᓛᒃ ᐃᓄᐃᑦ ᐃᕕᒃᓱᒐᕐᑎᑐᑦ ᑍᒤᓪᓚᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 22:30

ᐊᑕᓂᖅ ᐃᒫᒃ ᐅᖃᕐᒪᑦ, ‘ᐊᖑᑦ ᑖᓐᓇ ᑎᑎᕋᕐᓯᒪᓂᐊᕐᐸᓯ ᕿᑐᕐᖏᓱᐃᑦᑑᓂᕋᕐᓗᒍ, ᐱᔪᓐᓇᕐᓯᓐᓂᖏᑦᑐᖅ ᐃᓅᓪᓗᓂ, ᑭᖑᕚᖏᑦ ᒪᑭᑦᑐᓐᓇᕐᓯᔪᖃᕈᒫᓐᖏᓚᑦ, ᑍᕕᑎᐅᑉ ᐊᖓᔪᖅᑲᐅᓂᖓᑕ ᐃᒃᓯᕙᐅᑕᕐᔪᐊᖓᓂ ᐊᖓᔪᖅᑳᕐᔪᐊᓐᖑᕐᑐᖃᕐᓂᐊᓐᖏᓚᑦ, ᐊᐅᓚᑦᓯᔪᕐᑕᖃᕐᓂᐊᕋᓂᓗ ᔫᑕᒥ.’”

ᔨᕆᒤᐊᐅᑉ ᐊᒡᓚᖏᑦ 23:19

ᑕᑯᒋᑦ, ᐊᑕᓂᐅᑉ ᓂᓐᖓᐅᒻᒪᓯᖓ ᐊᓄᕆᕐᔪᐊᑐᑦ ᑎᑭᑦᓱᒫᓕᕐᐳᖅ, ᐊᓄᕆᑎᑐᑦ ᕾᕙᒡᓗᓂ ᓄᓇᒧᑦ ᑎᑭᑦᑐᑎᑐᑦ; ᐱᐅᖏᑦᑐᓕᔪᑦ ᓂᐊᖁᖏᓐᓄᑦ ᑎᑭᑦᓱᒫᕐᐳᖅ.

ᕼᐆᓯᐊᑉ ᐊᒡᓚᖏᑦ 13:15

ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 13:3

ᑍᒤᒻᒪᑦ ᐊᑦᔨᖃᕈᒫᕐᐳᑦ ᐅᓪᓛᒥ ᐳᔪᕐᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᕐᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᕐᑐᑎᑐᑦ ᐃᒐᓛᒃᑯᑦ.

ᓇᕼᐅᒥᐅᑉ ᐊᒡᓚᖏᑦ 1:14

ᐊᑕᓂᖅ ᐱᖁᔭᓕᐅᓚᐅᕐᐳᖅ ᐊᑭᕋᑦᓯᓐᓄᑦ: “ᑭᖑᕚᒃᓴᖃᕐᓂᐊᕈᓐᓁᕐᐳᓯ; ᒎᑎᓯᓗ ᑐᒃᓯᐊᕐᕕᑦᓯᓐᓃᑦᑐᑦ ᓴᓇᓐᖑᐊᕐᓯᒪᔪᑦ ᖄᐹᓕᕐᓯᒪᔪᓪᓗ ᓴᕕᕋᔭᖕᒥᒃ ᓄᖑᑎᓐᓂᐊᕐᐸᒃᑲ. ᒫᓐᓇ ᐃᑎᕐᓴᓕᐅᕆᓕᕐᐳᖓ ᐃᓗᕕᕐᕕᒃᓴᑦᓯᓐᓂᒃ ᐊᑑᑎᖃᕈᓐᓃᕋᑦᓯ.”

ᕼᐊᒊᑉ ᐊᒡᓚᖏᑦ 1:9

“ᑕᑯᔪᒪᓚᐅᕐᐳᓯ ᐊᖏᔪᒥᒃ, ᒥᑭᔪᒥᒡᓕ ᑕᑯᕗᓯ, ᐊᖏᕐᕋᐅᑎᔭᓯᓗ ᑎᒃᑕᐅᑎᓚᐅᕐᐸᒃᑲ, ᓱᖕᒫᑦ? ᐊᑕᓂᖅ ᐅᖃᕐᐳᖅ, ‘ᐃᒡᓗᒐ ᓱᕋᒃᓯᒪᖕᒪᑦ, ᐃᓕᑦᓯ ᐊᑐᓂᑦ ᐃᒡᓗᑦᓯᓐᓂᒃ ᓴᓇᑐᐃᓐᓇᕐᑎᓪᓗᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.