ᐂᓮᐊᓯᐅᑉ ᐊᒡᓚᖏᑦ 40:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 40:22 Iomraidhean Croise

ᒨᓯᓯ ᓯᕗᓪᓖᑦ 1:6

ᒎᑎᓗ ᐅᖃᕆᕗᖅ, “ᐃᒪᖅ ᖁᓕᒥᐅᑕᕐᑖᕐᓕ ᐊᐅᓚᖏᑦᑐᒥᒃ ᐃᒪᐅᑉ ᕿᑎᖓᓂ, ᐊᕕᒃᓯᓗᓂ ᐃᒪᕐᒥᒃ ᐃᒪᕐᓂᒡᓗ.”

ᔫᐱᐅᑉ ᐊᒡᓚᖏᑦ 22:14

ᓄᕗᑦᑕᕆᒃᑐᒧᑦ ᑕᓕᐅᒪᑎᑕᐅᒐᒥ ᑕᑯᔪᓐᓇᓐᖏᓚᖅ, ᕿᓚᐅᑉ ᐃᒡᓗᕕᒐᐅᔮᕐᑑᑉ ᖁᓛᒍᑦ ᐱᓱᑲᑕᑐᐃᓐᓇᕋᒥ.’

ᔫᐱᐅᑉ ᐊᒡᓚᖏᑦ 26:7

ᑖᑦᓱᒪ ᐅᓐᓄᐊᓪᓗᐊᖅ ᐃᓯᕕᑉᐹ ᓱᓇᖃᖏᑦᑐᒥ, ᓄᓇᕐᔪᐊᕐᓗ ᓂᕕᓐᖓᕐᑎᑉᐹ ᐱᑕᖃᖏᑦᑐᒧᑦ.

ᔫᐱᐅᑉ ᐊᒡᓚᖏᑦ 36:29

ᓇᓪᓕᐊᓐᓄᑦ ᑐᑭᓯᔭᐅᔪᓐᓇᕐᐹ ᖃᓄᖅ ᓄᕗᔧᑦ ᐃᖏᕐᕋᕙᖕᒪᖔᑕ? ᑲᓪᓘᓪᓗ ᐃᕗᓗᖕᓂᖓ ᓯᓚᒃᑯᑦ ᖃᓄᖅ ᓂᓪᓕᐊᖃᑦᑕᕐᒪᖔᑦ? ᑕᑉᐸᐅᓇ ᐃᒡᓗᕕᒐᐅᔭᐅᑉ ᖁᓛᖓᓂᑦ?

ᔫᐱᐅᑉ ᐊᒡᓚᖏᑦ 37:18

ᑖᑦᓱᑐᓇᖅ ᕿᓚᒃ ᐃᓯᕕᑎᑦᓱᓐᓇᕐᐱᐅᒃ? ᓯᑎᔫᓕᕐᑎᓪᓗᒍ ᐊᐅᒃᑎᓯᒪᔪᑎᑐᑦ ᑕᕐᕋᕐᑑᑎᑎᑐᑦ?

ᔫᐱᐅᑉ ᐊᒡᓚᖏᑦ 9:8

ᐃᑲᔪᕐᑕᐅᓚᐅᕐᓯᒪᓐᖏᓚᖅ ᕿᓚᖕᓂᒃ ᐃᓯᕕᑦᓯᓕᕐᑎᓪᓗᒍ, ᑐᓪᓕᕋᕈᓐᓇᕐᓗᓂᓗ ᐃᒪᕐᔪᐊᑉ ᐃᖏᐅᓕᖏᓐᓂᒃ;

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 18:11

ᑖᕐᑐᖅ ᐃᔨᕐᓯᒪᕝᕕᒋᕚ; ᐅᓕᒃᓯᒪᓪᓗᓂ ᐃᒪᕐᔪᐊᓂᒃ ᑖᕐᑐᓂᒃ, ᓄᕗᔧᓪᓗ ᑖᕐᑐᕐᔪᐊᑦ ᐃᔨᕐᓯᒪᕝᕕᒋᕔᑦ.

ᐃᓐᖏᕈᑎᑦ 19:4

ᓂᐱᖏᑦ ᐂᕗᑦ ᓄᓇᕐᔪᐊᒧᑦ ᑕᒤᓐᓄᑦ, ᐅᖃᐅᓯᖏᓪᓗ ᓯᓚᕐᔪᐊᑉ ᐃᓱᐊᓄᑦ. ᑕᕝᕙᓂ ᑕᑯᒃᓴᐅᔪᓂ ᓯᕿᓂᖅ ᑐᐱᓕᐅᕐᐹ,

ᐃᓐᖏᕈᑎᑦ 2:4

ᕿᓚᖕᒥ ᑕᕝᕙ ᐃᒃᓯᕙᔪᖅ ᐃᔪᕈᒫᕐᐳᖅ; ᐊᑕᓂᐅᑉ ᓇᓗᓕᕐᑎᑦᓱᒫᕐᒪᒋᑦ.

ᐃᓐᖏᕈᑎᑦ 29:10

ᐊᑕᓂᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᕗᖅ ᐃᒪᕐᔪᐊᑦ ᖄᒥᓯᒪᔪᑦ ᖁᓛᓂ, ᐊᑕᓂᕐᓗ ᐃᒃᓯᕙᓂᐊᕐᐳᖅ ᐊᖓᔪᖅᑳᕐᔪᐊᖑᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 68:33

ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:27

ᕿᓔᑦ ᐱᓐᖑᕐᑎᓕᕐᒪᒋᑦ, ᑕᕝᕙᓃᓚᐅᕐᐳᖓ, ᐃᒪᕐᔪᐊᓪᓗ ᐊᖕᒪᓗᕐᓂᖓ ᐋᖅᑭᓕᕐᑎᓪᓗᓂᐅᒃ,

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 37:16

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 40:15

ᑕᑯᒋᑦ, ᓯᓚᕐᔪᐊᕐᒥ ᐃᓅᖃᑎᒌᒡᔪᐊᑦ ᖃᑦᑕᕐᒥᑦ ᑯᓯᕐᓂᑯᑐᐃᓐᓇᕐᑐᑦ ᐃᓱᒪᓇᕐᐳᑦ, ᓯᐅᕋᒐᓛᑯᓗᑎᑐᓪᓗ ᐃᓱᒪᓇᕐᓗᑎᒃ ᐅᖁᒤᓐᓂᕐᓂᐊᕐᕕᖕᒥ, ᑕᑯᒋᓪᓗ ᕿᑭᕐᑍᑦ ᒥᑭᔪᒍᓗᒃᑎᑐᑦ ᖃᖓᑦᑕᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 40:17

ᐃᓅᖃᑎᒌᒡᔪᐊᑦ ᑲᑎᓪᓗᒋᑦ ᓱᓇᐅᖏᒻᒪᑕ ᑖᑦᓱᒪ ᓵᖓᓂ, ᐃᓱᒪᒋᕔᓪᓗ ᓱᓇᐅᖏᑦᑐᒥᑦ ᒥᑭᓐᓂᕐᓴᐅᔪᓂᒃ ᓱᓇᖃᖏᑦᑐᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 44:24

ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;

ᐂᓮᐊᓯᐅᑉ ᐊᒡᓚᖏᑦ 51:13

ᐳᐃᒍᕐᓯᒪᓪᓗᑎᑦ ᐊᑕᓂᕐᒥᒃ, ᐃᓕᖕᓂᒃ ᓴᓇᓚᐅᕐᑐᒥᒃ, ᕿᓚᖕᒦᑦᑐᓂᒃ ᐃᓯᕕᑦᓯᓯᒪᔪᖅ ᓄᓇᕐᔪᐊᕐᒥᒡᓗ ᐃᓂᒋᔭᒃᓴᖓᓄᑦ ᐃᓕᓯᓯᒪᔪᖅ, ᓯᕘᕋᖃᑦᑕᕐᐲᑦ ᐅᓪᓗᖅ ᓈᓗᒍ ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖓᓂᒃ, ᑐᖁᑦᓯᔪᒪᑎᓪᓗᒍ? ᐊᑭᕋᕐᑐᕐᑎᕖᑦ ᑲᑉᐱᐊᓇᕐᓂᖓ ᓇᓃᒻᒪᑦ?

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᕆᒤᐊᐅᑉ ᐊᒡᓚᖏᑦ 10:12

ᑖᑦᓱᒪ ᐱᔪᓐᓇᕐᓂᕐᔪᐊᒥᓄᑦ ᓄᓇ ᐱᓐᖑᕐᑎᓚᐅᕐᐹ, ᓯᓚᕐᔪᐊᕐᓗ ᐃᓂᑖᕐᑎᓚᐅᕐᐹ ᓯᓚᑐᓂᕐᒥᒍᑦ, ᕿᓚᒡᓗ ᓂᕈᑐᔫᑎᑉᐹ ᖃᐅᔨᒪᓂᕐᔪᐊᒥᓄᑦ.

ᓴᑲᕅᐊᐅᑉ ᐊᒡᓚᖏᑦ 12:1

ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

ᒨᓯᓯ ᓯᑕᒪᖏᑦ 13:33

ᑖᕙᓂ ᑕᑯᓚᐅᕐᐳᒍᑦ ᐃᓄᒃᐸᓂᒃ (ᐊᓇᑭᐅᑉ ᑭᖑᕚᖏᑦ ᐃᓄᒃᐸᓂᑦ ᐱᓯᒪᖕᒪᑕ); ᐅᕙᒍᓪᓕ ᖁᐱᕐᕈᑎᑐᑦ ᐱᒡᓕᕐᑕᐅᔮᕐᑐᑎᑐᑦ ᑍᒤᓚᐅᕐᐳᒍᑦ ᑕᐅᑐᒃᑕᑦᑎᒍᑦ, ᑍᒫᒃᑕᐅᖅ ᑍᒃᑯᓇᓐᖓᑦ ᑕᐅᑐᒃᑕᐅᓪᓗᑕ.”