ᐂᓮᐊᓯᐅᑉ ᐊᒡᓚᖏᑦ 40:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᑯᒋᑦ, ᓯᓚᕐᔪᐊᕐᒥ ᐃᓅᖃᑎᒌᒡᔪᐊᑦ ᖃᑦᑕᕐᒥᑦ ᑯᓯᕐᓂᑯᑐᐃᓐᓇᕐᑐᑦ ᐃᓱᒪᓇᕐᐳᑦ, ᓯᐅᕋᒐᓛᑯᓗᑎᑐᓪᓗ ᐃᓱᒪᓇᕐᓗᑎᒃ ᐅᖁᒤᓐᓂᕐᓂᐊᕐᕕᖕᒥ, ᑕᑯᒋᓪᓗ ᕿᑭᕐᑍᑦ ᒥᑭᔪᒍᓗᒃᑎᑐᑦ ᖃᖓᑦᑕᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 40:15 Iomraidhean Croise

ᒨᓯᓯ ᓯᕗᓪᓖᑦ 10:5

ᑖᒃᑯᓇᓐᖓᑦ ᑕᕝᕙ ᐃᓄᐃᑦ ᓯᐊᒻᒪᓚᐅᕐᐳᑦ ᐃᒪᐅᑉ ᓯᓈᓂᑦᑐᓄᑦ, ᐅᑯᐊ ᑕᕝᕙ ᔧᐱᑎᐅᑉ ᑭᖑᕚᖏᑦ ᓄᓇᒥᖕᓂ, ᓇᖕᒥᓂᕐᓗ ᐅᖃᐅᓯᖃᕐᓗᑎᒃ, ᐃᓚᒌᖕᓂᕐᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᐃᓐᖏᕈᑎᑦ 62:9

ᐃᓄᐃᑦ ᐃᒻᒥᖕᓂᒃ ᓱᓇᐅᔪᕆᖏᑦᑐᑦ ᐳᔪᑐᐃᓐᓇᐅᕗᑦ, ᐃᓄᐃᓪᓗ ᐃᒻᒥᖕᓂᒃ ᓱᓇᐅᔪᕆᓗᐊᕐᑐᑦ ᓴᒡᓗᓂᑐᐃᓐᓇᐅᕗᑦ; ᐅᖁᒤᓐᓂᕐᓯᐅᕐᑕᐅᒃᐸᑕ; ᑲᑎᓪᓗᒋᑦ ᐳᔪᕐᒥᑦ ᐅᕿᓐᓂᕐᓴᐅᒐᔭᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 17:13

ᐃᓄᒋᐊᒃᑐᕐᔪᐊᑦ ᓂᓪᓕᐊᔪᕐᔪᐊᖑᓕᕐᐳᑦ ᐃᒪᕐᔪᐃᑦ ᓂᐱᕐᔪᐊᖏᑎᑐᑦ, ᑖᑦᓱᒪᓕ ᐃᓂᕐᑎᕈᒫᕐᐰᑦ, ᕿᒫᓕᕈᒫᕐᐳᑦ ᐅᖓᓯᒃᑐᒧᑦ, ᓂᐊᖂᔭᒃᓴᐅᑉ ᓄᕗᖏᑕ ᐴᖓᑐᑦ ᐃᓗᓕᖃᖏᑦᑐᑐᑦ ᖃᖅᑲᐅᑉ ᖄᖏᑎᒍᑦ ᑎᒃᑕᐅᔪᑎᑐᑦ ᐊᓄᕆᒧᑦ, ᐃᕕᒐᕐᑎᑐᓪᓗ ᐅᓚᓗᔨᕋᕐᑐᒧᑦ ᖃᖓᑕᕋᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 2:22

ᐃᓄᒃ ᐊᓚᕐᓯᐅᒃ ᓱᕐᓗᖕᒥᒍᑦ ᐊᓂᕐᓵᕐᑐᕐᐸᒃᑐᖅ, ᓱᓇᒦᒃ ᐊᑑᑎᒃᓴᖃᕐᒪᑦ?

ᐂᓮᐊᓯᐅᑉ ᐊᒡᓚᖏᑦ 29:5

ᐊᑭᕋᑎᑦ ᐅᓄᕐᑐᕐᔪᐊᑦ ᐳᔪᕐᓗᒃᑎᑐᑦ ᒥᑭᔫᑎᑐᑦ ᑍᒤᑦᓱᒫᕐᐳᑦ, ᐅᓄᕐᑐᕐᔪᐊᑦ ᓂᑲᒍᓱᖃᖏᑦᑐᑦ ᓂᐊᖂᔭᒃᓴᐅᑉ ᓴᓂᖓᑐᑦ ᑎᒃᑕᐅᔪᑐᑦ ᐊᑦᔨᖃᕈᒫᕐᐳᑦ, ᑕᕝᕙᓐᖓᑦᓮᓐᓇᖅ, ᑕᕝᕙᑦᓴᐅᑎᒋᓗ.

ᐂᓮᐊᓯᐅᑉ ᐊᒡᓚᖏᑦ 40:22

ᑖᓐᓇᐅᕗᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᔪᖅ ᓄᓇᕐᔪᐊᑉ ᐊᖕᒪᓗᕐᓂᖓᑕ ᖁᓛᓂ, ᐃᓄᐃᑦ ᓄᓇᒥ ᐱᒡᓕᕐᑕᐅᔮᕐᑐᑎᑐᑦ ᑍᒤᒻᒪᑕ, ᕿᓚᒃ ᐃᓯᕕᓯᒪᖕᒪᒍ ᑖᓗᑕᕐᑎᑐᑦ, ᑐᐱᕐᑎᑐᓪᓗ ᓇᑉᐸᕐᑎᓪᓗᒍ ᐃᓯᕐᓯᒪᕕᐅᔪᓐᓇᕐᓯᑎᓪᓗᓂᐅᒃ.

ᐂᓮᐊᓯᐅᑉ ᐊᒡᓚᖏᑦ 41:5

ᐃᒪᐅᑉ ᓯᓈᓂᒥᐅᑦ ᑕᑯᓚᐅᕐᐳᑦ ᓯᕘᕋᓕᕐᓗᑎᒡᓗ, ᓄᓇᕐᔪᐊᑉ ᑭᒡᓕᖓᓃᑦᑐᑦ ᓴᔪᓕᕐᐳᑦ; ᖃᒡᓕᒋᐊᕐᓗᑎᒡᓗ ᕾᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 59:18

ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ ᐊᑭᓕᕈᒫᕐᐰᑦ, ᐊᑭᕋᕐᑐᕐᑎᓂ ᓂᓐᖓᐅᒪᓂᕐᒥᓄᑦ ᐱᓇᓱᐊᕐᕕᒋᔪᒫᕐᐰᑦ; ᐊᑭᕋᕐᑐᕐᑎᓂ ᑍᒫᓪᓗᐊᖅ ᐱᓂᐊᕐᕕᒋᓗᒋᑦ; ᐃᒪᐅᓪᓗ ᓯᓈᓂᒥᐅᑦ ᐱᓂᐊᕐᓂᖏᑦ ᒪᓕᒡᓗᒋᑦ ᐱᓇᓱᐊᕐᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 11:18

ᐃᒫᐅᑉ ᓯᓈᓃᑦᑐᓄᑦ ᓄᓇᓕᖕᓄᑦ ᓵᓐᖓᓕᕈᒫᕆᕗᖅ, ᐅᓄᕐᑐᓪᓗ ᐃᒪᐅᑉ ᓯᓈᓃᑦᑐᑦ ᓄᓇᓖᑦ ᐱᑖᕆᔪᒫᕐᐰᑦ, ᐊᖓᔪᖅᑳᖁᑎᖓᑕ ᕿᓂᕐᓂᖓ ᓄᓇᓖᑦ ᐊᓯᖏᓐᓄᑦ ᓄᖅᑲᕐᑎᑦᓱᒫᕐᐹ, ᐃᒻᒥᓄᓪᓗ ᓵᓐᖓᑎᓕᕐᓗᒍ.

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᔨᐸᓁᐊᐅᑉ ᐊᒡᓚᖏᑦ 2:11

ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.