ᐂᓮᐊᓯᐅᑉ ᐊᒡᓚᖏᑦ 4:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓮᐅᓂᒥᓗ ᐊᒥᐊᒃᑯᑦ ᔨᕉᓴᓕᒦᖏᓐᓇᕐᑐᑦ ᑍᔭᐅᔪᒫᕐᐳᑦ ᐃᑦᔪᕐᓁᑦᑐᓂᒃ, ᑕᒪᕐᒥᑦᓯᐊᖅ ᑎᑎᕋᕐᑕᐅᓯᒪᔪᑦ ᔨᕉᓴᓕᒥ ᓄᓇᖃᕐᓂᕋᕐᑕᐅᔪᓕᒫᑦ,

ᐂᓮᐊᓯᐅᑉ ᐊᒡᓚᖏᑦ 4:3 Iomraidhean Croise

ᐃᓐᖏᕈᑎᑦ 69:28

ᐃᓅᔪᑦ ᐊᒡᓚᖁᑎᖏᓐᓂᑦ ᐲᔭᓚᐅᒃᑭᑦ, ᐃᓱᐊᕐᑐᓪᓗ ᑎᑎᕋᕐᓯᒪᕕᖏᓐᓂ ᐃᓚᐅᖏᓪᓗᑎᒃ.

ᐃᓐᖏᕈᑎᑦ 87:6

ᐊᑕᓂᕐᓕ ᓇᓗᓁᕐᓯᒪᔭᒥᓂ ᐃᓄᖕᓂᒃ ᐊᑎᓕᐅᕆᓂᐊᕐᐳᖅ, ᐅᖃᕐᓗᓂ, “ᐅᓇ ᑕᕝᕙᓂ ᐃᓅᓕᕐᓯᒪᕗᖅ.” ᓰᓚ

ᐂᓮᐊᓯᐅᑉ ᐊᒡᓚᖏᑦ 1:27

ᓮᐅᓂ ᐱᐅᓕᔭᐅᔪᒫᕐᐳᖅ ᐸᓯᔭᒃᓴᐅᖏᓐᓂᕐᒧᑦ, ᑕᕝᕙᓃᑦᑐᓪᓗ ᖃᕿᐊᓕᕐᑐᑦ ᓇᓛᒎᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 28:5

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᓂᐊᖂᑎᑎᑐᑦ ᐱᓐᓇᕐᓇᐅᑎᒋᔭᐅᔪᒫᕐᐳᖅ, ᓄᓇᕋᕐᑎᑐᑦ ᑕᑯᒥᓇᕐᑐᑎᑐᑦ ᓂᐊᖂᑎᓕᐊᕆᓯᒪᔪᑐᑦ, ᐃᓄᖁᑎᒥᓄᑦ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 46:3

“ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:9

ᓱᒋᐊᕐᓯᓂᐊᕐᐳᖓ ᐱᔪᒫᕐᑐᓂᒃ ᓱᓕᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓂᒃ ᓱᓕᖏᑦᑐᓂᒡᓗ ᓇᓚᐅᑦᑍᓂᕋᖃᑦᑕᕐᑐᓂᒃ; ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ ᐃᓄᖁᑎᒪ ᑲᑎᒪᖃᑦᑕᕐᓂᖏᓐᓄᑦ, ᐃᓴᕆᐊᓕᐅᑉ ᑭᖑᕚᖏᑕ ᐊᑎᖃᕐᕕᖏᓐᓄᑦ ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ, ᐃᓴᕆᐊᓕᐅᓪᓗ ᓄᓇᖓᓄᑦ ᐃᑎᕐᓂᐊᕈᓐᓃᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.

ᐃᓯᑭᐊᓕᐅᑉ ᐊᒡᓚᖏᑦ 43:12

ᐅᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ; ᖃᖅᑲᐅᑉ ᖄᖓᑕ ᖃᓂᒋᔭᓕᒫᖓ ᐃᑦᔪᕐᓁᑦᑑᓂᕐᐸᐅᔪᒃᓴᐅᕗᖅ. ᑕᑯᒋᑦ, ᑕᒪᓐᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ.”

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᐅᐸᑍᐊᑉ ᐊᒡᓚᖏᑦ 1:17

“ᖃᖅᑲᒥ ᓮᐅᓂᒥ ᕿᒫᓯᒪᔪᖃᕈᒫᕐᐳᖅ, ᐃᑦᔪᕐᓁᑦᑑᔪᒫᕐᐳᕐᓗ ᑖᓐᓇ ᖃᖅᑲᖅ; ᔧᑰᓪᓗ ᑭᖑᕚᖏᑕ ᓄᓇᒋᓚᐅᕐᑕᑎᒃ ᐅᑎᕐᑎᑦᓱᒫᕆᕔᑦ.

ᓴᑲᕅᐊᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᑲᑎᑎᑦᓱᒫᕐᐸᒃᑲ ᐅᓇᑕᕆᐊᕐᑐᖁᓗᒋᑦ ᔨᕉᓴᓕᒥᒃ; ᓄᓇᓖᑦ ᓵᓚᒋᔭᐅᔪᒫᕐᐳᑦ, ᐃᒡᓗᐃᑦ ᐱᖁᑎᖏᑦ ᓱᕋᑦᑎᔭᐅᓗᑎᒃ ᑎᒡᓕᒐᕐᕕᐅᓗᑎᒡᓗ, ᐊᕐᓁᓪᓗ ᖁᓄᔪᕐᓂᐊᕐᑕᐅᓗᑎᒃ. ᓄᓇᓖᑦ ᐊᕝᕙᓪᓗᐊᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᐃᓚᖏᓪᓕ ᐊᒥᐊᒃᑯᑦ ᐃᒡᓗᒐᓴᒡᔪᐊᕐᓃᖏᓐᓇᕈᒫᕐᐳᑦ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᓘᑲᓯᐅᑉ ᐊᒡᓚᖏᑦ 10:20

ᐊᓂᕐᓂᕐᓗᐃᑦ ᓈᓚᖕᒪᓯ ᑕᒪᓐᓇ ᖁᕕᐊᓲᑎᒋᓇᓯᐅᒃ, ᖁᕕᐊᓱᒋᑦᓯᓕ ᐊᑎᕐᓯ ᑎᑎᕋᕐᓯᒪᖕᒪᑕ ᕿᓚᖕᒥ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:48

ᔫᑎᐅᖏᑦᑐᓪᓕ ᑕᒪᑐᒥᖓ ᑐᓴᕋᒥᒃ ᖁᕕᐊᓱᒃᑐᐊᓘᕗᑦ, ᐊᑕᓂᖅ ᓂᕐᑐᕐᐹᑦ ᐅᖃᐅᓯᖏᑦ ᐱᓪᓗᒋᑦ; ᐃᓄᓯᕐᒥᒃ ᓄᖑᓱᐃᑦᑐᒥᒃ ᐱᑎᑕᐅᒐᒥᒃ ᐅᒃᐱᓕᕐᓗᑎᒡᓗ.

ᕉᒪᒥᐅᓄᑦ 11:4

ᖃᓄᕐᓕ ᒎᑎᐅᑉ ᑭᐅᓚᐅᕐᐸᐅᒃ? “ᓴᐳᑦᔨᓯᒪᕗᖓ ᐃᓄᖕᓂᒃ 7,000ᓂᒃ ᑐᒃᓯᐊᕐᕕᖃᓚᐅᖏᑦᑐᓂᒃ ᒎᑎᓐᖑᐊᒧᑦ ᐰᓕᒧᑦ.”

ᕉᒪᒥᐅᓄᑦ 11:5

ᑍᒫᑦᓮᓐᓇᕐᑕᐅᖅ ᒫᓐᓇ ᐊᒥᐊᒃᑯᑕᖃᕆᕗᖅ, ᒎᑎᐅᑉ ᐱᔪᓐᓇᕐᑎᑦᓯᓂᕐᒥᒍᑦ ᓂᕈᐊᕐᓯᒪᔭᖏᓐᓂᒃ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:5

ᓵᓚᖃᕐᑐᑦ ᖃᑯᕐᑕᓂᒃ ᐊᓐᓄᕌᕐᑕᐅᔪᒫᕐᒪᑕ, ᐊᑎᖏᓪᓗ ᐲᕐᓂᐊᓐᖏᓚᒃᑲ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖏᓐᓂᑦ; ᐊᑖᑕᒪ ᐂᖏᓖᖁᑎᖏᑕᓗ ᓵᖓᓂ ᐊᑎᖏᑦ ᐅᖃᐅᓯᕆᔪᒪᕙᒃᑲ.