ᐂᓮᐊᓯᐅᑉ ᐊᒡᓚᖏᑦ 38:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕐᓗᓂ, “ᐊᑕᓃᖅ ᐃᖅᑲᐅᒪᒋᑦ, ᒫᓐᓇ ᐊᑕᓃᖅ ᓵᖕᓂ ᐃᓅᓚᐅᕋᒪ ᓱᖁᓯᔪᐃᑦᑐᒥᒃ ᐃᓕᖕᓂᒃ ᒪᓕᒡᓗᖓ ᐆᒻᒪᑎᒪ ᐱᔪᓐᓇᕐᑕᓕᒫᖓᓄᑦ, ᐱᓇᓱᐊᓚᐅᕐᓗᖓᓗ ᐱᔪᒪᔭᕐᓂᒃ.” ᕼᐃᓯᑬᐊᓗ ᕿᐊᓯᒐᒥ ᕿᐊᕕᒡᔪᐊᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 38:3 Iomraidhean Croise

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 6:9

ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᕐᑐᒥᒃ ᐃᓅᓯᖃᓚᐅᕐᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᕐᓗᓂ.

ᐊᑕᓃᑦ ᓯᕗᓪᓖᑦ 15:14

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᑐᒃᓯᐊᕐᕕᐅᖃᑦᑕᕐᓂᕐᐹᑦ ᐲᔭᓚᐅᓐᖏᓔᑦ. ᑍᒤᒃᑲᓗᐊᕐᑎᓪᓗᒍᓕ ᐋᓴ ᐊᑕᓂᕐᒧᑦ ᑲᔪᓯᑦᓯᐊᕐᑐᒥᒃ ᐃᓅᓯᖃᓚᐅᕐᐳᖅ ᐃᓅᓯᓕᒫᒥᓂ.

ᐊᑕᓃᑦ ᓯᕗᓪᓖᑦ 2:4

ᐊᑕᓂᐅᑉ ᑕᕝᕙ ᑲᔪᓯᑎᓐᓂᐊᕐᐹ ᐅᖃᐅᓯᓂ ᐅᖃᐅᓯᕆᓚᐅᕐᑕᓂ ᐅᕙᓐᓄᑦ, ᐅᖃᓚᐅᕐᒪᑦ, ‘ᑭᖑᕚᑎᑦ ᐱᐅᓯᕐᒥᖕᓂᒃ ᑲᒪᑦᓯᐊᕐᐸᑕ, ᐅᕙᓐᓄᓪᓗ ᓱᖁᓯᔪᐃᑦᑐᒥᒃ ᐃᓅᓗᑎᒃ ᐆᒻᒪᑎᒥᖕᓄᑦ ᐃᓗᐃᑦᑐᒧᑦ ᑕᕐᓂᕐᒥᖕᓄᓪᓗ ᐃᓗᐃᑦᑐᒧᑦ, ᑕᕝᕙ ᐃᓕᖕᓂᒃ ᓇᓪᓕᐊᑦ ᑕᒪᐅᖎᓐᓈᕐᑎᑦᓯᓂᐊᓐᖏᓚᖅ ᑭᖑᕝᕕᐅᑎᓗᓂ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ.’

ᐊᑕᓃᑦ ᐂᑉᐸᖏᑦ 18:3

ᐊᑕᓂᐅᑉ ᓵᖓᓂ ᓈᒻᒪᒋᔭᐅᔪᒥᒃ ᐱᐅᓯᖃᓚᐅᕐᐳᖅ, ᓯᕗᓕᕕᓂᕐᒥ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐃᓕᖅᑯᓯᕆᓚᐅᕐᑕᖓᓂᒃ ᒪᓕᒃᑲᒥ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᑯᕉᓂᑲ ᓯᕗᓪᓖᑦ 29:9

ᑕᕝᕙ ᐃᓄᐃᑦ ᖁᕕᐊᓱᓕᕐᐳᑦ ᑐᓂᓯᔪᒪᑦᓯᐊᕐᓗᑎᒃ ᑐᓂᓯᒐᒥᒃ, ᐆᒻᒪᒻᒧᑦ ᑲᑦᓱᖎᕐᓯᒪᑦᓯᐊᕐᓗᑎᒃ ᑐᓂᓯᒐᒥᒃ ᐊᑕᓂᕐᒧᑦ; ᐊᖓᔪᖅᑳᕐᔪᐊᕐᑕᐅᖅ ᑍᕕᑎ ᐊᖏᔪᒥᒃ ᖁᕕᐊᓱᒻᒪᕆᓕᓚᐅᕆᕗᖅ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᑯᕉᓂᑲ ᐂᑉᐸᖏᑦ 25:2

ᐊᑕᓂᐅᑉ ᑕᑯᓐᓇᕐᑕᖓᒍᑦ ᓈᒻᒪᒋᔭᖓᓂᒃ ᐱᓇᓱᐊᓚᐅᕐᐳᖅ, ᐆᒻᒪᑎᒥᒍᓪᓕ ᐸᓯᔭᒃᓴᐅᖏᑦᑑᓚᐅᓐᖏᓚᖅ.

ᐄᓱᕋᐅᑉ ᐊᒡᓚᖏᑦ 10:1

ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 1:4

ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 13:14

ᒎᑎᒐ ᐃᖅᑲᐅᒪᓐᖓ, ᑕᒪᒃᑯᐊ ᐱᑦᔪᑎᒋᓗᒋᑦ, ᐱᓇᓱᐊᑦᓯᐊᕐᓂᕆᓚᐅᕐᑕᒃᑲᓗ ᒎᑎᒪ ᐃᒡᓗᖓᓄᑦ ᐳᐃᒍᕐᑍᓕᒃᑭᑦ ᑖᑦᓱᒪᓗ ᐱᓇᓱᐊᕐᑕᐅᖁᓯᒪᔭᖏᓐᓂᒃ ᐱᓇᓱᐊᕐᓯᒪᔭᒃᑲ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:31

ᕿᔪᖕᓂᒡᓗ ᐊᑐᐃᓐᓇᕈᐃᓚᐅᕐᐳᖓ ᑐᓂᕐᕈᓯᓕᕐᑎᓪᓗᒋᑦ ᐃᑯᐊᓚᒍᑎᒃᓴᓂᒃ, ᑐᓂᕐᕈᓯᕐᕕᒃᓴᖅ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ, ᐱᕈᕐᑐᓪᓗ ᓯᕗᓪᓕᕐᐹᑦ ᐱᕈᕐᑎᑕᐅᔪᑦ ᑐᓂᔭᐅᓂᒃᓴᖏᓐᓂ. ᒎᑎᒐ, ᐃᖅᑲᐅᒪᓐᖓ, ᐱᐅᔪᓂᒃ ᐱᓇᓱᐊᓚᐅᕐᑕᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 5:19

ᒎᑏᒃ, ᐃᖅᑲᐅᒪᓂᐊᕐᐸᕐᒪ ᐱᑦᓯᐊᕐᓯᒪᓂᓐᓂᒃ, ᐱᓂᐊᕐᓂᕆᓯᒪᔭᓕᒫᓐᓂᒡᓗ ᐅᑯᓄᖓ ᐃᓄᖕᓄᑦ.

ᐃᓐᖏᕈᑎᑦ 101:2

ᓯᓚᑐᑦᓯᐊᕐᓗᖓ ᓈᒻᒪᓈᑦᓯᐊᕐᓗᖓᓗ ᐃᓅᔪᒪᕗᖓ. ᖃᖓ ᐅᕙᓐᓄᑦ ᕾᓂᐊᕐᐲᑦ? ᐃᓅᔪᒪᕗᖓ ᐆᒻᒪᑎᒃᑯᑦ ᓱᓕᑦᓯᐊᕐᑐᒦᓪᓗᖓ ᐊᖏᕐᕋᓐᓂ;

ᐃᓐᖏᕈᑎᑦ 102:9

ᐊᕐᔭᓕᓃᑦ ᓂᕆᕙᒃᑲ ᓂᐊᖂᔭᑎᑐᑦ, ᐃᒥᕐᓂᐊᕐᑕᕋᓗ ᖁᕝᕕᐅᕐᓂᓐᓂᒃ ᐅᐊᕈᓯᕐᓯᒪᓕᕐᐳᖅ.

ᐃᓐᖏᕈᑎᑦ 119:80

ᐆᒻᒪᑎᒐ ᐸᓯᔭᒃᓴᐅᓂᖃᕐᑍᓕᓕ ᐊᑐᕐᑕᐅᖁᔭᕐᓄᑦ, ᑲᓐᖑᓱᒃᑎᑕᐅᖁᓇᖓ.

ᐃᓐᖏᕈᑎᑦ 16:8

ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.

ᐃᓐᖏᕈᑎᑦ 26:3

ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᔨᒪ ᓵᖓᓃᑦᓮᓐᓇᕐᐳᖅ: ᑍᒪᓐᖓᓪᓗ ᐱᓱᒃᐳᖓ ᓱᓕᑦᓯᐊᕐᓂᕐᓂ.

ᐃᓐᖏᕈᑎᑦ 32:2

ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ, ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.

ᐃᓐᖏᕈᑎᑦ 6:6

ᑕᖃᒐᒪ ᓂᐹᓂᕐᒥᒃ; ᐅᓐᓄᐊᖅ ᓈᓪᓗᒍ ᓯᓂᒡᕕᒐ ᖃᐅᓯᕐᑎᑉᐸᕋ ᕿᐊᓂᓐᓄᑦ, ᓇᓪᓚᖓᕕᒐᓗ ᒪᓴᒃᑎᑉᐸᕋ ᖁᕝᕕᓐᓄᑦ.

ᐃᓐᖏᕈᑎᑦ 6:8

ᐱᐅᖏᑦᑐᓕᓂᕐᒥᒃ ᐱᓇᓱᐊᕐᑎᐅᔪᓯ ᕿᒪᓚᐅᕐᓯᓐᖓ; ᐊᑕᓂᐅᑉ ᖁᕝᕕᐅᕐᓂᕐᒪ ᓂᐱᖓ ᑐᓵᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 38:2

ᕼᐃᓯᑬᐊᓗ ᐃᒡᓘᑉ ᐊᑭᓐᓇᖓᓄᑦ ᓵᓐᓇᒥ, ᐊᑕᓂᕐᒧᑦ ᑐᒃᓯᐊᕐᐳᖅ:

ᐂᓮᐊᓯᐅᑉ ᐊᒡᓚᖏᑦ 38:4

ᐊᑕᓂᐅᓪᓗ ᐂᓮᐊᓯ ᐅᖃᐅᑎᕚ,

ᕼᐆᓯᐊᑉ ᐊᒡᓚᖏᑦ 12:4

ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᔪᐊᓇᓯᐅᑉ ᐊᒡᓚᖏᑦ 1:47

ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᕐᑕᖃᓐᖏᓚᖅ!”

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᒨᓯᓯ ᑕᓪᓕᒪᖏᑦ 6:18

ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.