ᐂᓮᐊᓯᐅᑉ ᐊᒡᓚᖏᑦ 37:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᒻᒪᖄ, ᐊᑕᓂᐅᑉ ᒎᑎᕕᑦ ᕌᑉᓴᑭᐅᑉ ᐅᖃᐅᓯᖏᑦ ᑐᓴᕐᐰᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᓚᐅᕐᒪᒍ ᒎᑎᒥᒃ ᐆᒪᔪᒥᒃ ᒥᑕᐅᑎᖃᖁᓪᓗᒍ, ᐃᓂᕐᑎᕆᑐᐃᓐᓇᕆᐊᖃᕐᓗᓂᓗ ᐅᖃᐅᓯᖏᓐᓂᒃ ᐊᑕᓂᐅᑉ ᒎᑎᕕᑦ ᑐᓴᕐᑕᒥᓂᒃ; ᑍᒤᒻᒪᑦ ᑐᒃᓯᐅᑎᓚᐅᒃᑭᑦ ᐃᓄᐃᑦ ᐊᒥᐊᒃᑰᔪᑦ ᐱᓪᓗᒋᑦ.’”

ᐂᓮᐊᓯᐅᑉ ᐊᒡᓚᖏᑦ 37:4 Iomraidhean Croise

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐊᑕᓃᑦ ᐂᑉᐸᖏᑦ 17:18

ᐊᑕᓂᐅᑉ ᐃᓴᕆᐊᓕᒥᐅᑦ ᓂᓐᖓᒡᕕᒋᓚᐅᕐᐰᑦ ᓇᔪᕈᒪᔪᓐᓃᕐᓗᓂᒋᓪᓗ, ᔫᑕᐅᑉ ᑭᖑᕚᖏᑦ ᐃᓚᓕᐅᕐᓯᒪᔭᑐᐊᕆᓕᕐᓗᓂᒋᑦ.

ᐊᑕᓃᑦ ᐂᑉᐸᖏᑦ 19:4

ᐃᒻᒪᖄ ᐊᑕᓂᐅᑉ ᒎᑎᑦᓯ ᑐᓵᓚᐅᕐᐹ ᕌᑉᓴᑭᐅᑉ ᐅᖃᐅᓯᖏᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᓚᐅᕐᑕᖏᑦ ᒎᑎᒥᒃ ᐆᒪᔪᒥᒃ ᒥᑕᐅᑎᖃᕐᑐᓂᒃ, ᐊᑕᓂᐅᑉ ᒎᑎᕕᑦ ᑕᒪᒃᑯᐊ ᐅᖃᐅᓯᐅᔪᑦ ᐅᕙᑦᑎᓐᓄᑦ ᒥᑕᐅᑎᖃᕐᓗᑎᒃ ᓱᒋᐊᕐᓕᒋᑦ ᑍᒤᑦᑐᓂᒃ ᐅᖃᓪᓚᒃᑐᕕᓃᒃ, ᑍᒤᒻᒪᑦ ᐃᓄᖁᑎᑦᑕ ᐊᒥᐊᒃᑯᖏᑦ ᒎᑎᒧᑦ ᑐᒃᓯᐅᑎᒃᑭᑦ.”

ᑯᕉᓂᑲ ᐂᑉᐸᖏᑦ 28:19

ᐊᑕᓂᐅᑉ ᔫᑕ ᓴᓐᖐᓕᑎᓚᐅᕐᐹ ᐊᖓᔪᖅᑳᕐᔪᐊᖅ ᐂᕼᐊᔅ ᐱᓪᓗᒍ, ᑖᓐᓇ ᐃᓱᒪᕐᓱᕐᓗᓂ ᐊᑐᕐᓂᕐᓗᓚᐅᕐᒪᑦ ᔫᑕᒥᐅᓄᑦ ᐅᒃᐱᕐᓂᖃᓚᐅᖏᒻᒪᓪᓗ ᐊᑕᓂᕐᒧᑦ.

ᑯᕉᓂᑲ ᐂᑉᐸᖏᑦ 34:21

“ᐂᓕᕆᑦᓯ ᐊᑕᓂᖅ ᖃᐅᔨᒋᐊᕐᕕᒋᓗᒍ ᐱᓪᓗᖓ ᔫᑕᐅᓪᓗ ᐃᓴᕆᐊᓕᒥᐅᓪᓗ ᐊᒥᐊᒃᑯᖏᑦ, ᑖᒃᑯᐊ ᐅᖃᐅᓰᑦ ᐊᒡᓚᖕᓂᑦ ᐱᔪᑦ ᓇᓂᔭᐅᓚᐅᕐᑐᑦ ᐱᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐊᖏᔫᕗᖅ ᐅᕙᑦᑎᓐᓄᑦ ᑯᕕᔭᐅᓯᒪᔪᖅ, ᓯᕗᓕᕆᓚᐅᕐᑕᕗᑦ ᐊᑕᓂᐅᑉ ᐅᖃᐅᓯᖓᓂᒃ ᒪᓕᓚᐅᖏᒻᒪᑕ, ᐱᓇᓱᐊᓚᐅᕋᑎᒡᓗ ᑖᒃᑯᓂᖓ ᐊᒡᓚᒃᓯᒪᔪᑦ ᒪᓕᒡᓗᒋᑦ.”

ᐃᓐᖏᕈᑎᑦ 106:23

ᑍᒤᒻᒪᑦ ᐅᖃᓚᐅᕐᐳᖅ ᑖᒃᑯᓂᖓ ᓄᖒᑦᓯᔪᒪᓕᕐᓗᓂ, ᓂᕈᐊᕐᓯᒪᔭᖓᓕ ᒨᓯᓯ ᒎᑎᐅᑉ ᓵᖓᓂ ᓂᑯᕕᓚᐅᕐᐳᖅ, ᓂᓐᖓᐅᒪᓂᖓ ᓴᖑᑎᓪᓗᓂᐅᒃ, ᓄᖒᑦᓯᖁᓇᒍ ᑖᒃᑯᓂᖓ.

ᐃᓐᖏᕈᑎᑦ 50:21

ᑕᒪᒃᑯᓂᖓ ᑍᒤᓕᐅᕐᓯᒪᕗᓯ, ᐅᕙᖓᓗ ᓂᓪᓕᓚᐅᓐᖏᓚᖓ; ᐃᓱᒪᓚᐅᕐᐳᓯ ᐃᓕᑦᓯᓂᒃ ᑕᒤᑎᒍᑦ ᐊᑦᔨᖃᕋᓱᒋᓪᓗᖓ; ᓱᒋᐊᓕᕐᐸᑦᓯᓕ, ᓵᓐᖓᓕᕐᓗᓯᓗ ᓇᖕᒥᓂᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 1:9

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓄᐃᑦ ᐃᓚᖏᓐᓂᒃ ᐊᒥᐊᒃᑯᖃᕐᑎᓚᐅᖏᑉᐸᑎᒍᑦ, ᓄᖑᑕᐅᓇᔭᓚᐅᕐᐳᒍᑦ ᓱᑑᒪᑐᑦ ᒍᒨᕋᒥᐅᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 10:20

ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᓴᕆᐊᓕᒃᑯᓐᓂ ᐊᒥᐊᒃᑰᔪᑦ ᐊᓐᓇᒃᓯᒪᔪᓪᓗ ᔧᑰᑉ ᑭᖑᕚᖏᓐᓂᑦ, ᓵᓚᒋᔨᒋᓚᐅᕐᑕᒥᖕᓂᒃ ᑕᑎᖃᕈᓐᓃᕐᕕᒃᓴᖓᑦ, ᐊᑕᓂᕐᒥᒡᓕ ᑕᑎᖃᓕᕈᒫᕐᐳᑦ, ᐃᓴᕆᐊᓕᒃᑯᑦ ᐃᑦᔪᕐᓁᑦᑐᖁᑎᖓᓂᒃ, ᓱᓕᑦᓯᐊᕐᓂᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 10:22

ᐃᓴᕆᐊᓕᒥᐅᓪᓕ ᐃᓄᖁᑎᑎᑦ ᐃᒪᐅᑉ ᓯᓈᓂ ᓯᐅᕋᕐᑎᑐᑦ ᐅᓄᕐᑎᒋᒐᓗᐊᕐᐸᑕ, ᑖᒃᑯᐊ ᐊᒥᐊᒃᑯᖏᑦ ᐅᓄᖏᑦᑐᑦ ᐅᑎᕈᒫᕐᐳᑦ; ᓄᖑᑕᐅᓂᒃᓴᖓᑦ ᐱᖁᔭᐅᓯᒪᓕᕐᐳᖅ ᐃᓱᐊᕐᑐᓕᓂᕐᒥᒃ ᑕᑕᓯᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 36:13

ᑕᕝᕙ ᕌᑉᓴᑭ ᓂᑯᕕᓪᓗᓂ ᓂᐱᖅᑯᕐᑐᓪᓗᓂᓗ ᔫᑎᑎᑐᑦ ᐅᖃᓕᕐᐳᖅ, “ᑐᓴᕆᑦᓯ ᐊᖓᔪᖅᑳᕐᔪᐊᑉ ᐊᔪᖏᑦᑑᑉ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᓯᐅᖁᔭᖏᓐᓂᒃ ᐃᓕᑦᓯᓐᓄᑦ!

ᐂᓮᐊᓯᐅᑉ ᐊᒡᓚᖏᑦ 36:18

ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᕐᓗᓂ, “ᐊᑕᓂᐅᑉ ᓴᐳᑎᓂᐊᕐᐹᑎᒍᑦ.” ᐊᓯᓯ ᐃᓅᖃᑎᒌᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᖃᑦᑕᓚᐅᕐᐹᑦ? ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ?

ᐂᓮᐊᓯᐅᑉ ᐊᒡᓚᖏᑦ 36:20

ᖃᖓ ᑖᒃᑯᐊ ᓄᓇᓕᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᕐᑎᓪᓗᒋᑦ ᖃᐅᔨᖃᑦᑕᓚᐅᕐᐱᓰ? ᖃᓄᐃᒻᒪᓪᓕ ᑕᕝᕙ ᐊᑕᓂᕐᒧᑦ ᔨᕉᓴᓕᒻ ᓴᐳᑎᔭᐅᔪᓐᓇᕋᓱᒋᓪᓗᒍ ᐃᓱᒪᓇᓱᐊᕐᐱᓰ?’”

ᐂᓮᐊᓯᐅᑉ ᐊᒡᓚᖏᑦ 37:17

ᒫᓐᓇ ᐊᑕᓃᖅ ᓈᓚᓚᐅᕆᑦ ᑐᓴᕐᓗᑎᓪᓗ; ᐊᑕᓃᖅ ᑕᑯᓕᕆᑦ; ᑐᓵᓗᑎᓪᓗ ᓯᓇᑯᕆᐅᑉ ᐅᖃᐅᓯᖏᓐᓂᒃ ᑕᒤᓐᓂᒃ, ᑎᓕᓯᑦᔪᑎᒋᓚᐅᕐᑕᖏᑦ ᒥᑕᐅᑎᖃᕐᑐᑦ ᒎᑎᒥᒃ ᐆᒪᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 37:31

ᔫᑕᐅᓪᓗ ᑭᖑᕚᖏᓐᓂ ᐊᒥᐊᒃᑰᑦ ᓱᓕ ᐊᒻᒧᑦ ᐊᒫᖃᓕᕈᒫᕐᐳᑦ, ᐆᒻᒪᕐᒥᓗᑎᒡᓗ ᐱᕈᕐᑐᖃᑦᓯᐊᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 37:32

ᔨᕉᓴᓕᒥᑦ ᐊᓂᔪᒫᕐᐳᑦ ᐊᒥᐊᒃᑯᑦ, ᓮᐅᓂᐅᑉ ᖃᖅᑲᖓᓂ ᐊᓐᓇᒃᑐᑦ ᐊᓂᔪᒫᕐᐳᑦ, ᑕᒪᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑲᔪᓯᑎᑦᓱᒪᒐᒥᐅᒃ ᐱᓇᓱᐊᕈᒫᕐᒪᒍ.

ᐂᓮᐊᓯᐅᑉ ᐊᒡᓚᖏᑦ 37:5

ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᐱᔨᖏᑦ ᕾᖕᒪᑕ ᐂᓮᐊᓯᒧᑦ,

ᐂᓮᐊᓯᐅᑉ ᐊᒡᓚᖏᑦ 41:14

ᑲᑉᐱᐊᓱᒃᑍᓕᒋᑦ ᓱᓇᐅᔪᕆᖏᓐᓂᕐᒧᑦ ᓴᓐᖐᑦᑑᒐᓗᐊᕈᕕᑦ ᔧᑰᑉ ᑭᖑᕚᖓ, ᐃᓕᑦᓯ ᐃᓴᕆᐊᓕᐅᑉ ᐃᓄᖏᑦ! ᐅᕙᖓ ᐃᑲᔪᕐᓂᐊᕐᐸᑦᓯ, ᐊᑕᓂᖅ ᐅᖃᕐᐳᖅ; ᓴᐳᑦᔨᔨᓯ ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ.

ᐂᓮᐊᓯᐅᑉ ᐊᒡᓚᖏᑦ 46:3

“ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

ᔨᕆᒤᐊᐅᑉ ᐊᒡᓚᖏᑦ 26:19

ᕼᐃᓯᑬᐊᐅᑉ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐊᓯᐊᑕᓘᓐᓃᑦ ᔫᑕᒥᐅᑕᐅᔪᑦ ᒤᑲ ᑍᒤᓕᐅᕐᓂᖓᓄᑦ ᑐᖁᑕᐅᓚᐅᓐᖏᓚᖅ, ᑭᓯᐊᓂᓕ ᕼᐃᓯᑬᐊ ᐊᑕᓂᕐᒥᒃ ᐃᒃᐱᒍᓱᑦᓯᐊᓚᐅᕐᐳᖅ ᐊᑲᐅᒋᔭᖓᓂᒡᓗ ᐱᓇᓱᐊᕋᓱᐊᕐᓗᓂ, ᐊᑕᓂᐅᓪᓗ ᐃᓱᒪᒋᓚᐅᕐᑕᓂ ᓴᖑᑎᓚᐅᕐᐹ ᐊᓯᕈᐃᔪᓐᓃᕐᓗᓂ ᐊᓯᕈᕐᓂᐊᕐᓂᕋᓚᐅᕐᑕᕋᓗᐊᒥᓂᒃ, ᐅᕙᒍᓪᓕ ᑲᑉᐱᐊᓲᑎᒃᓴᒥᒃ ᐊᖏᔪᒥᒃ ᐋᖅᑭᒃᓲᑎᓕᕐᐳᒍᑦ ᓇᖕᒥᓂᖅ!”

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᑖᓂᐊᓕᐅᑉ ᐊᒡᓚᖏᑦ 2:18

ᑖᒃᑯᐊ ᒎᑎᒧᑦ ᕿᓚᖕᒦᑦᑐᒧᑦ ᓂᑲᒋᔭᐅᔪᒪᓪᓗᑎᒃ ᑐᒃᓯᐊᖁᕔᑦ ᑕᒪᓐᓇ ᓇᓗᓇᕐᑐᖅ ᐱᑦᔪᑎᒋᓪᓗᒍ; ᑖᓂᐊᓕ ᐃᓚᓐᓇᕆᔭᓂᓗ ᑐᖁᑕᐅᖃᑕᐅᔪᒪᓇᑎᒃ ᐹᐱᓘᓂᒥᐅᑦ ᓯᓚᑐᔪᖁᑎᓕᒫᖏᑦ ᐃᓚᒋᓗᒋᑦ.

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᐂᒨᓯᐅᑉ ᐊᒡᓚᖏᑦ 5:15

ᐱᐅᖏᑦᑐᖅ ᐆᒥᒋᓯᐅᒃ, ᐱᐅᔪᖅ ᐅᖓᒋᓗᒍ, ᐊᑲᐅᔪᒥᒡᓕ ᐱᓇᓱᐊᕆᑦᓯ ᐃᖅᑲᕐᑐᐃᕕᖕᓂ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᓂᑲᒍᓱᓕᖁᓪᓗᒍ ᔫᓯᐱᐅᑉ ᑭᖑᕚᖏᑕ ᐊᒥᐊᒃᑯᖏᓐᓂᒃ.”

ᐂᒨᓯᐅᑉ ᐊᒡᓚᖏᑦ 7:2

ᐱᒡᓕᕐᑕᐅᔮᕐᑐᑦ ᓄᖒᑦᓯᖕᒪᑕ ᐃᕕᖕᓂᒃ ᓄᓇᒦᑦᑐᓂᒃ, ᐅᖃᓚᐅᕐᐳᖓ; ᐊᑕᓃᖅ ᒎᑏᒃ ᕿᓄᕗᖓ ᐃᓱᒪᒋᔪᓐᓁᕐᕕᒋᒃᑭᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ, ᒥᑭᔫᓗᐊᕐᒪᑕ.

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᔮᓱᐊᑉ ᐊᒡᓚᖏᑦ 14:12

ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”

ᓴᒧᐃᓕ ᓯᕗᓪᓖᑦ 12:19

ᐃᓄᓕᒫᓪᓗ ᓴᒧᐃᓕᒧᑦ ᐅᖃᕐᐳᑦ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐱᑦᔪᑎᒋᓗᑕ ᑐᖁᖁᓇᑕ; ᒫᓐᓇ ᖃᐅᔨᕗᒍᑦ ᐊᔪᕐᑐᓕᓂᑦᑕ ᐊᓯᐊᒍᑦ ᐊᔪᕐᑐᓕᒃᑲᓐᓂᓚᐅᕋᑦᑕ, ᐊᖓᔪᖅᑳᕐᔪᐊᕐᑖᕈᒪᓪᓗᑕ ᑐᒃᓯᐊᓚᐅᕐᓂᑦᑎᓐᓄᑦ.”

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 7:8

ᐅᖃᕐᓗᑎᒡᓗ ᓴᒧᐃᓕᒧᑦ, “ᑐᒃᓯᐊᖏᓐᓇᕆᑦ ᐊᑕᓂᕐᒧᑦ ᒎᑎᑦᑎᓐᓄᑦ, ᐱᐅᓕᔭᐅᖁᓪᓗᑕ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”