ᐂᓮᐊᓯᐅᑉ ᐊᒡᓚᖏᑦ 37:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓄᐃᓪᓗ ᑖᒃᑯᓇᓃᑦᑐᑦ, ᐱᔪᓐᓇᕐᓂᖃᕈᓐᓇᓚᐅᓐᖏᓚᑦ, ᑲᑉᐱᐊᓱᖃᑦᑕᓚᐅᕐᐳᑦ ᓇᓗᓕᕐᐸᒡᓗᑎᒃ, ᐱᕈᕐᓯᐊᑎᑐᑦ ᓇᑎᕐᓇᒦᑦᑐᑎᑐᑦ ᑍᒤᑉᐸᓚᐅᕐᐳᑦ ᐃᕕᒃᓱᒐᕐᑎᑐᑦ ᓇᑲᓴᕅᑦᑐᑎᑐᑦ, ᐃᕕᒃᓱᒐᕐᑎᑐᑦ ᐃᒡᓗᐃᑦ ᖄᖏᓐᓂ, ᐱᕈᕇᓚᐅᕋᑎᒃ ᑐᖁᓕᓕᕐᑐᑐᑦ.

ᐂᓮᐊᓯᐅᑉ ᐊᒡᓚᖏᑦ 37:27 Iomraidhean Croise

ᒨᓯᓯ ᓯᕗᓪᓖᑦ 41:6

ᑕᑯᒋᓪᓗ, ᑭᖑᓂᖓᒍᑦ ᑕᑯᓕᕆᕗᖅ 7ᓂᒃ ᓂᐊᖂᔭᒃᓮᑦ ᓄᕗᖏᓐᓂᒃ, ᐊᒥᑦᑐᓂᒃ ᑐᖁᓕᖓᔪᓂᒃ ᐊᓄᕆᒧᑦ ᓯᕿᓂᐅᑉ ᓄᕕᐊᑕ ᓇᓛᓂᓐᖔᕐᑐᒧᑦ ᓂᐅᓐᖓᒃᑎᑕᐅᓯᒪᔪᓂᒃ.

ᐊᑕᓃᑦ ᐂᑉᐸᖏᑦ 19:26

ᐃᓄᖏᑦ ᓄᑭᖏᕈᑎᓚᐅᕐᐳᑦ ᓴᐱᓕᕐᓗᑎᒃ ᓇᓗᓕᕐᓗᑎᒡᓗ, ᐱᕈᕐᑐᑎᑐᑦ ᓇᑎᕐᓇᒥ ᐃᕕᒃᑎᑐᑦ ᐱᕈᓕᓵᕐᑐᑎᑐᑦ, ᐃᕕᒃᑎᑐᓪᓗ ᐃᒡᓗᐃᑦ ᖄᖏᓐᓂ ᐱᕈᕐᑐᑎᑐᑦ, ᑐᖁᓕᔪᑎᑐᑦ ᐱᕈᕇᓚᐅᕋᑎᒃ.

ᐃᓐᖏᕈᑎᑦ 103:15

ᐃᓅᑉ ᐅᓪᓗᖏᑦ ᐃᕕᒃᓱᒃᑲᑎᑐᑦ ᑍᒤᑉᐳᑦ; ᑕᑯᒥᓇᕐᑐᓂᒃ ᐱᕈᕐᕕᐅᓯᒪᔪᑎᑐᑦ ᐱᕈᕐᓰᕕᖕᒥ;

ᐃᓐᖏᕈᑎᑦ 129:6

ᐃᕕᒃᓱᒐᕐᑎᑐᑦ ᐃᒡᓘᑉ ᖄᖓᓂ ᐱᕈᕐᓯᒪᔪᑎᑐᑦ, ᐱᕈᕈᓐᓇᕐᓯᓚᐅᕋᑎᒃ ᐸᓂᑐᐃᓐᓇᕐᑐᑎᑐᑦ ᑍᒤᓕᕐᓕᑦ,

ᐃᓐᖏᕈᑎᑦ 37:2

ᐃᕕᒃᓱᒃᑲᑎᑐᑦ ᓇᑲᑕᐅᓴᕅᓐᓂᐊᕐᒪᑕ, ᓄᓇᕋᕐᑎᑐᓪᓗ ᑐᖑᔪᕐᑐᑎᑐᑦ ᑐᖁᓕᓴᕅᓐᓂᐊᕐᒪᑕ.

ᐃᓐᖏᕈᑎᑦ 92:7

ᐱᐅᖏᑦᑐᑦ ᐱᕈᓕᕐᐸᑕ ᐃᕕᒃᓱᒃᑲᑎᑐᑦ, ᐊᔪᕐᑐᓕᔪᓪᓗ ᑕᒪᕐᒥᒃ ᓴᖅᑭᓕᕐᐸᑕ ᐱᕈᕐᕕᐅᓕᕐᑐᑎᑐᑦ, ᑖᒃᑯᐊ ᓯᕗᓂᒃᓴᖃᓕᕇᕐᐳᑦ ᐊᓯᕈᕐᑕᐅᕕᒃᓴᒥᖕᓂᒃ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 19:16

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐄᑦᔨᑉᑎᒥᐅᑦ ᐊᕐᓇᑎᑐᑦ ᑍᒤᓕᕈᒫᕐᐳᑦ, ᓴᔪᒍᒫᕐᐳᑦ ᑲᑉᐱᐊᓱᒡᓗᑎᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᒡᒐᖕᒥᓄᑦ ᓴᔪᒃᑎᑦᓱᒫᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 37:10

ᑲᐅᓪᑎᐊᒥᐅᑦ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ ᓵᓚᒋᒐᓗᐊᕈᑦᓯᐅᒃ ᐃᑭᓕᕐᓱᕐᑕᕕᓂᓯᓗ ᓯᓂᒃᑕᕐᕕᖏᓐᓂ ᐊᒥᐊᒃᑯᑐᐊᖑᓕᕋᓗᐊᕐᐸᑕ, ᓱᓕ ᔨᕉᓴᓕᒥᒃ ᐃᑯᐊᓪᓔᔪᓐᓇᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 5:10

ᐸᐅᕐᖓᓕᒃᓴᓂᒃ ᐱᕈᕐᓰᕕᖁᑎᖏᑦ ᐊᓯᕈᓕᕐᓯᐅᒃ, ᑭᓯᐊᓂ ᓄᖑᑎᒻᒪᕆᒃᑍᓕᓗᒋᑦ, ᐊᕙᓚᖓᔪᖏᑦ ᐱᕈᕐᕕᐅᔪᒃᓴᑦ ᓇᑲᑎᕐᓗᒋᑦ, ᑖᒃᑯᐊ ᐊᑕᓂᐅᑉ ᐱᒋᖏᒻᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 35:13

ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.

ᒨᓯᓯ ᓯᑕᒪᖏᑦ 14:9

ᑭᓯᐊᓂ ᐊᑕᓂᖅ ᐊᑭᕋᕐᑐᕐᓂᐊᕐᓇᒍ, ᐅᕝᕙᓗ ᐃᓄᐃᑦ ᑖᕙᓃᑦᑐᑦ ᐃᕐᓯᒋᓂᐊᕐᓇᒋᑦ, ᐅᕙᑦᑎᓐᓄᑦ ᓂᕆᔭᒃᓴᑎᑐᑦ ᑍᒤᑐᐃᓐᓇᕐᒪᑕ; ᓴᐴᓗᑕᖏᑦ ᐊᑐᕈᓐᓁᕐᒪᑕ ᐊᑕᓂᐅᑉ ᐃᓚᒋᖕᒪᑎᒍᑦ. ᐃᕐᓯᒋᓂᐊᕐᓇᒋᑦ.”

ᒫᑎᐅᓯᐅᑉ ᐊᒡᓚᖏᑦ 10:27

ᑖᕐᑐᒥ ᐅᖃᐅᑎᒍᑦᓯ, ᖃᐅᒪᑦᓯᐊᕐᑐᒥ ᐅᖃᐅᓯᕆᔭᒃᓴᕆᕙᓯ; ᓯᐅᑎᒃᑯᑦ ᐃᓯᑦᔪᒃᕕᐅᒍᑦᓯ ᐅᖃᐅᓯᕆᔭᕆᐊᖃᕐᐸᓯ ᐃᒡᓘᑉ ᖄᖏᓐᓂ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.