ᐂᓮᐊᓯᐅᑉ ᐊᒡᓚᖏᑦ 37:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 37:20 Iomraidhean Croise

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᐊᑕᓃᑦ ᓯᕗᓪᓖᑦ 8:59

ᐊᑕᓂᐅᑉ ᒎᑎᑦᑕ ᑕᒪᓐᓇ ᐃᖅᑲᐅᒤᓐᓇᕐᓕᐅᒃ ᑐᒃᓯᐊᕐᓂᕆᔭᕗᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐱᔨᓂᓗ ᐃᓄᖁᑎᓂᓗ ᓂᑲᒋᓕᒋᑦ ᐱᔭᕆᐊᖃᕐᑕᖏᓐᓂᒡᓗ ᖃᐅᑕᒫᑦ ᑐᓂᓯᕕᒋᓗᓂᒋᑦ.

ᐊᑕᓃᑦ ᓯᕗᓪᓖᑦ 8:60

ᓄᓇᕐᔪᐊᕐᒥᐅᓕᒫᑦ ᓯᓚᕐᔪᐊᕐᒦᑦᑐᑦ ᑐᑭᓯᖁᓪᓗᒋᑦ ᐊᑕᓂᖅ ᑖᓐᓇᑐᐊᖅ ᒎᑎᐅᖕᒪᑦ; ᐊᓯᖃᕋᓂᓗ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 59:13

ᓂᓐᖓᐅᒪᓂᕐᒧᑦ ᓄᖑᒃᑭᑦ, ᓄᖑᒃᑭᑦ ᐱᑕᖃᕈᓐᓃᕐᑎᑦᓯᐊᕐᓗᒋᑦ; ᖃᐅᔨᓕᖁᓪᓗᒋᑦ ᒎᑎ ᐊᐅᓚᑦᓯᖕᒪᑦ ᔧᑯᒃᑯᓐᓂᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒍ. ᓰᓚ

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 35:4

ᓯᕘᕋᔪᓂᒃ ᐆᒻᒪᑎᓖᑦ ᐅᖃᐅᑎᓕᕐᓯᒋᒃ, “ᓴᓐᖏᒃᑎᓕᕆᑦᓯ, ᐃᕐᓯᓇᓯᓗ! ᑕᑯᒋᑦ, ᒎᑎᓯ ᕾᓕᕐᒪᑦ ᐊᑭᓂᐊᕈᑎᔭᕐᑐᕐᓗᓯ, ᒎᑎᐅᑉ ᐊᑭᓂᐊᕈᓯᖓᓄᑦ; ᑎᑭᓐᓂᐊᕐᐳᖅ ᐱᐅᓕᔭᕐᑐᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 37:16

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᐃᓴᕆᐊᓕᒥᐅᑦ ᒎᑎᖓᑦ, ᐃᒃᓯᕙᐅᑕᕐᔪᐊᕐᒦᑦᑐᖅ ᓯᕈᐱᒻ ᖁᓛᓂ, ᐃᕝᕕᑐᐊᖅ ᒎᑎᑑᕗᑎᑦ, ᐊᖓᔪᖅᑲᐅᕕᖕᓂᒃ ᓯᓚᕐᔪᐊᕐᒥ ᑕᒤᓐᓂ; ᐱᓐᖑᕐᑎᑦᓯᓯᒪᔪᑎᑦ ᕿᓚᕐᒥᒃ ᓄᓇᕐᔪᐊᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 42:8

ᐅᕙᖓᐅᕗᖅ ᐊᑕᓂᖅ, ᑖᓐᓇ ᑕᕝᕙ ᐊᑎᕋ; ᐱᓐᓇᕐᓇᕐᓂᕐᔪᐊᕋ ᓇᒧᓪᓘᓐᓃᑦ ᑐᓂᓂᐊᓐᖏᓚᕋ, ᓂᕐᑐᕐᓇᕐᓂᕋᓗ ᒎᑎᓐᖑᐊᓄᑦ ᑐᓂᓂᐊᓐᖏᓚᕋ.

ᐂᓮᐊᓯᐅᑉ ᐊᒡᓚᖏᑦ 45:5

ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 36:23

ᐊᑎᕐᒪᓗ ᐃᑦᔪᕐᓁᑦᑐᕐᔪᐊᖑᓂᖓ ᖃᐅᔨᔭᐅᑎᓐᓂᐊᕐᐸᕋ, ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓇᕐᕈᓇᕐᓯᑎᑕᐅᓚᐅᕐᑐᖅ, ᑖᒃᑯᓄᖓᓗ ᓇᕐᕈᓇᕐᓯᑎᓚᐅᕐᑕᑦᓯ; ᑕᕝᕙ ᐃᓅᖃᑎᒋᒡᔪᐊᑦ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᐊᑕᓂᖅ ᒎᑎ ᐅᖃᕐᐳᖅ, ᐊᑐᕐᓂᐊᕐᐸᑦᓯ ᐃᑦᔪᕐᓁᑦᑑᓂᓐᓂᒃ ᖃᐅᔨᔭᐅᑎᓕᕈᒪ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 39:21

“ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᕐᑐᕐᓇᕐᓂᕐᔪᐊᕋ ᐃᓂᑖᕐᑎᑦᓱᒫᕐᐸᕋ; ᐃᓅᖃᑎᒌᒡᔪᐊᓕᒫᓪᓗ ᑕᑯᔪᒫᕐᐳᑦ ᐋᖅᑭᒃᓱᐃᓂᒃᑯᑦ ᐱᓇᓱᐊᕐᓯᒪᓂᓐᓂᒃ, ᐱᔪᓐᓇᕐᓂᕋᓗ ᐊᑐᕐᓗᒍ ᐱᓇᓱᐊᕐᕕᒋᓯᒪᒐᒃᑭᑦ.

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.