ᐂᓮᐊᓯᐅᑉ ᐊᒡᓚᖏᑦ 36:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᕼᐃᓯᑬᐊᒥᒃ ᓈᓚᒃᑍᓕᒋᑦᓯ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᕐᒪᑦ: ᖃᓄᐃᓕᐅᕋᑦᓯ ᐅᕙᓐᓂᒃ ᕾᑐᐃᓐᓇᓕᕆᑦᓯ ᐅᕙᓐᓄᑦ, ᕔᓂᒃᓴᓂᒃ ᐸᐅᕐᖓᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕿᖃᕈᓐᓇᕐᑎᑕᐅᓛᕐᐳᓯ, ᓇᖕᒥᓂᕐᓗ ᓇᐹᕐᑐᖁᑎᑦᓯ ᐱᕈᕐᑐᖏᓐᓂᒃ ᓂᕆᖃᑦᑕᕐᓂᐊᕐᐳᓯ, ᓇᖕᒥᓂᕐᓗ ᐃᒥᕐᑕᕐᕕᖁᑎᑦᓯᓐᓂᑦ ᐃᒪᖃᕈᓐᓇᕐᓂᐊᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 36:16 Iomraidhean Croise

ᒨᓯᓯ ᓯᕗᓪᓖᑦ 32:20

ᐃᒤᓕᓗᓯ, ‘ᓱᓕ ᔧᑯ ᐱᔩᑦ ᑭᖑᓂᑦᑎᓐᓃᑉᐳᖅ.’” ᔧᑯ ᐃᓱᒪᖃᓚᐅᕋᒥ, “ᐱᑦᓯᐊᓕᕐᑎᒍᓐᓇᖅᑰᕐᑕᕋ ᑐᓂᕐᕈᑎᓄᑦ ᓯᕗᓂᓐᓃᑦᑐᓄᑦ, ᑭᖑᓂᖓᒍᓪᓗ ᑕᑯᒍᒃᑯ; ᐃᒻᒪᖄ ᐃᓚᓕᐅᕐᓂᐊᕐᐹᖓ.”

ᒨᓯᓯ ᓯᕗᓪᓖᑦ 33:11

ᐊᑏ ᑐᓂᕐᕈᑎᒃᓴᒃᑲ ᓇᒃᓴᕐᓯᒪᒐᒃᑭᑦ ᐃᓕᖕᓄᑦ ᐃᓚᓕᐅᓕᒃᑭᑦ; ᒎᑎᒧᑦ ᐱᑦᓯᐊᕐᕕᐅᓯᒪᒐᒪ, ᐱᒋᔭᓐᓂᒡᓗ ᓈᒻᒪᒃᓯᓯᒪᓪᓗᖓ.” ᔧᑰᓪᓗ ᐱᔭᐅᖁᓪᓚᕆᖕᒪᒋᑦ, ᑕᕝᕙ ᐄᓴᐅᑉ ᐱᑖᕆᕔᑦ.

ᓴᒧᐃᓕ ᐂᑉᐸᖏᑦ 8:6

ᑕᕝᕙ ᑍᕕᑎ ᐅᓇᑕᕐᑐᒃᓴᖁᑎᒥᓂᒃ ᓄᓇᓕᖏᓐᓂ ᐃᓂᑖᕐᑎᑦᓯᓚᐅᕐᐳᖅ ᐊᕌᒻᒥ ᑕᒫᓯᑰᓯᒦᑦᑐᒥ; ᓯᕆᐊᒥᐅᓪᓗ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᑦᓱᒧᖓ. ᐊᑕᓂᐅᓪᓗ ᑍᕕᑎ ᓵᓚᖃᕐᑎᖃᑦᑕᓚᐅᕐᐹ ᓇᒧᑐᐃᓐᓇᖅ ᐂᑐᐊᕌᖓᑦ.

ᐊᑕᓃᑦ ᓯᕗᓪᓖᑦ 4:20

ᐃᓄᐃᑦ ᔫᑎᐊᒥ ᓄᓇᓖᑦ ᐃᓴᕆᐊᓕᒥᓗ ᐅᓄᕐᑐᐊᓘᓕᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ; ᓂᕆᓪᓗᑎᒡᓗ ᐃᒥᕐᓗᑎᒡᓗ ᖁᕕᐊᓱᖃᑎᒌᒃᐳᑦ.

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐊᑕᓃᑦ ᐂᑉᐸᖏᑦ 18:31

ᕼᐃᓯᑬᐊ ᓈᓚᒃᑍᓕᓯᐅᒃ; ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᒐᓴᖕᓂᑦ ᐊᓂᑐᐃᓐᓇᖁᕚᓯ ᖁᓄᖏᓪᓗᓯ: ‘ᑕᕝᕙ ᐸᐅᕐᖓᓂᒃ ᕔᓂᒃᓴᓂᒃ ᓇᖕᒥᓂᖅ ᐱᕈᕐᓰᕕᖁᑎᑦᓯᓐᓂᑦ ᓂᕆᔪᓐᓇᕐᑎᑕᐅᓂᐊᕐᐳᓯ, ᓇᐹᕐᑐᖁᑎᑦᓯᓗ ᐱᕈᕐᑐᖏᓐᓂᒃ ᓂᕿᖃᕈᓐᓇᕐᓗᓯ, ᐃᒥᕐᑕᕐᕕᖁᑎᑦᓯᓐᓂᓪᓗ ᐃᒥᖃᕈᓐᓇᕐᓗᓯ.

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:18

ᓇᓪᓕᐊᑦ ᓇᐹᕐᑐᒥᒃ ᐸᐅᕐᖓᓕᖕᒥᒃ ᑲᒪᑦᓯᐊᕐᑐᖅ ᓂᕆᕕᒋᔪᒫᕐᐹ ᐸᐅᕐᖓᖏᓐᓂᒃ; ᑍᒫᒃᑕᐅᖅ ᐊᖓᔪᖅᑳᒥᓂᒃ ᑲᒪᑦᓯᐊᕐᑐᖅ ᐅᐱᒋᔭᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:15

ᐃᒥᕐᑕᕐᕕᖁᑎᕕᑦ ᓄᓕᐊᕕᑦ ᐊᓯᐊᓂᒃ ᑲᒪᖃᑦᑕᖏᓪᓗᑎᑦ, ᓇᖕᒥᓂᖅ ᐃᒥᕐᑕᕐᕕᓕᐊᕆᓯᒪᔧᑦ ᑖᓐᓇᑐᐊᖅ ᐃᒥᕐᑕᕐᕕᒋᖃᑦᑕᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 36:17

ᐊᐅᓪᓚᕈᑎᓂᐊᕐᐸᑦᓯ ᓇᖕᒥᓂᖅ ᓄᓇᒋᓂᐊᕐᑕᑦᓯᓐᓄᑦ, ᑖᓐᓇ ᓄᓇᑖᕆᓂᐊᕐᑕᓯ ᓄᓇᑦᓯ ᐊᑦᔨᑐᐃᓐᓇᕆᖕᒪᒍ, ᐱᕈᕐᕕᐅᔪᓐᓇᕐᑐᖅ ᓂᐊᖂᔭᒃᓴᓂᒃ ᕔᓂᒃᓮᓪᓗ ᐸᐅᕐᖓᖏᓐᓂᒃ, ᓂᐊᖂᔭᒃᓴᓕᒃ ᕔᓂᒃᓴᖃᕐᓗᓂᓗ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 3:10

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ, ᐃᓕᑦᓯ ᐊᑐᓂᑦ ᓄᓇᖅᑲᑎᑦᓯᓐᓂᒃ ᕾᖁᔨᔪᒫᕐᐳᓯ ᖃᓄᐃᖏᑦᓯᐊᕐᓂᕐᒥ ᖁᕕᐊᓱᖃᑎᒋᓗᒋᑦ ᐃᒃᓯᕙᖃᑎᒋᓗᒋᑦ ᐱᕈᕐᑐᒃᑯᕕᖕᒥ ᕔᓂᓕᒃᓮᓪᓗ ᐱᒋᓕᒃᓮᓪᓗ ᓇᐹᕐᑐᑦ ᐊᑖᓐᓂ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:5

ᑍᒤᒻᒪᑦ ᐱᔭᕆᐊᖃᕋᓱᒋᓚᐅᕋᒃᑯ ᙭ᔅᑑᓯᒥᐅᑕᐅᖃᑎᕗᑦ ᐃᓕᑦᓯᓐᓄᐊᖁᓪᓗᒋᑦ ᓯᕗᓂᑦᑎᓐᓂ, ᐱᔭᕇᕐᓯᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑲᔫᑎᒃᓴᓂᒃ ᑐᓂᓂᐊᕐᓂᕋᓚᐅᕐᑕᑦᓯᓐᓂᒃ, ᐊᑐᐃᓐᓇᐅᑦᓯᐊᕐᑐᒧᑦ ᑎᑭᖁᓪᓗᖓ ᑐᓂᓯᔭᕆᐊᖃᕐᓂᕐᒨᖏᑦᑐᖅ ᐃᑲᔪᕈᒪᓂᕐᒧᓪᓕ ᑐᓂᔭᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 11:3

ᑕᕝᕙ ᔭᐲᓯᐅᑉ ᐊᖓᔪᖅᑳᖏᑦ ᐅᖃᕐᐳᑦ, “ᐅᓪᓗᓂᒃ 7ᓂᒃ ᐱᕕᒃᓴᖃᕐᑎᓚᐅᕐᑎᒍᑦ ᑎᓕᓯᓂᐊᕋᑦᑕ ᐃᓴᕆᐊᓕᒥᐅᑦ ᓄᓇᓕᓕᒫᖏᓐᓄᑦ. ᐃᑲᔪᕐᑕᐅᓂᐊᖏᒃᑯᑦᑕ, ᑕᕝᕙ ᐃᓕᖕᓄᑦ ᒪᓂᔪᒫᕐᐳᒍᑦ.”

ᓴᒧᐃᓕ ᓯᕗᓪᓖᑦ 25:27

ᑖᒃᑯᐊᓗ ᐱᔨᕕᑦ ᑐᓂᔭᖏᑦ ᓈᒻᒪᒋᑭᑦ, ᑐᓂᔭᐅᓗᑎᒡᓗ ᐃᓅᓱᒃᑐᖁᑎᖕᓄᑦ ᐊᖓᔪᖅᑳᓐᓂᒃ ᓈᓚᒃᑐᓄᑦ.