ᐂᓮᐊᓯᐅᑉ ᐊᒡᓚᖏᑦ 35:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 35:8 Iomraidhean Croise

ᐃᓐᖏᕈᑎᑦ 118:20

ᑖᓐᓇ ᐊᑕᓂᐅᑉ ᐃᑎᕐᑕᕐᕕᖁᑎᒋᖕᒪᒍ, ᓇᓛᒎᕐᑐᑦ ᑕᕝᕘᓇ ᐃᑎᕐᓂᐊᕐᐳᑦ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:17

ᐃᓱᐊᕐᑐᑦ ᐊᖅᑯᑎᕐᔪᐊᖓᑦ ᐱᐅᖏᑦᑐᒥᒃ ᓴᓂᖅᑯᑦᓯᓂᐅᕗᖅ; ᐊᖅᑯᑎᒋᔭᒥ ᐊᓯᐊᓄᑦ ᓅᑦᑍᓕᔪᖅ ᐃᓅᓯᕐᒥᓂᒃ ᓴᐳᑦᔨᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:4

“ᓇᓪᓕᐊᑦ ᓯᓔᑦᑐᖅ ᕾᓗᓂ ᐃᑎᓕᕐᓕ!” ᓯᓔᑦᑐᒧᓪᓗ ᐅᖃᕐᐳᖅ,

ᐂᓮᐊᓯᐅᑉ ᐊᒡᓚᖏᑦ 11:16

ᐊᓯᕆᐊᒥᓪᓗ ᐱᔪᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᐃᓄᖁᑎᖏᑕ ᐊᒥᐊᒃᑰᔪᑦ ᐃᖏᕐᕋᕕᒃᓴᖓᓂᒃ ᑕᕝᕙᓐᖓᑦ, ᓲᕐᓗ ᐃᓴᕆᐊᓕᒥᐅᑦ ᐊᐅᓪᓚᓚᐅᕐᓂᖏᑎᑐᑦ ᐄᑦᔨᑉᑎᐅᑉ ᓄᓇᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 19:23

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᖅᑯᑎᐊᓗᒃᑕᖃᓕᕈᒫᕐᐳᖅ ᐄᑦᔨᑉᑎᒥᑦ ᐊᓯᕆᐊᒥᐅᑦ ᓄᓇᖓᓐᓄᑦ, ᑖᒃᑯᐊᓗ ᓄᓇᓕᒡᔪᐊᑦ ᒪᕐᕈᐃᑦ ᐊᕙᒻᒧᑦ ᓂᐅᕐᕈᖃᑦᑕᐅᑎᕙᓕᕈᒫᕐᐳᑦ ᑕᒪᕐᒥᒡᓗ ᐊᑕᓂᕐᒥᒃ ᑐᒃᓯᐊᖃᑎᒌᒍᓐᓇᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 33:8

ᐊᖅᑯᑎᓪᓚᕆᐅᕙᓚᐅᕐᑐᑦ ᐊᑐᕐᑕᐅᔪᓐᓁᕐᐳᑦ, ᐃᖏᕐᕋᖃᑦᑕᓚᐅᕐᑑᒐᓗᐊᑦ ᓄᖅᑲᖓᓕᕐᒪᑕ. ᐊᖏᖃᑎᒌᒍᑎᕕᓃᑦ ᓯᖁᒥᑕᐅᕙᓕᕐᐳᑦ, ᐊᖏᖃᑎᒌᒍᑎᓕᐅᕐᑐᕕᓃᓪᓗ ᓇᕐᕈᒋᔭᐅᓕᕐᐳᑦ, ᐃᓄᐃᑦ ᐅᐱᒋᔭᐅᓂᖃᕈᓐᓃᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 4:3

ᓮᐅᓂᒥᓗ ᐊᒥᐊᒃᑯᑦ ᔨᕉᓴᓕᒦᖏᓐᓇᕐᑐᑦ ᑍᔭᐅᔪᒫᕐᐳᑦ ᐃᑦᔪᕐᓁᑦᑐᓂᒃ, ᑕᒪᕐᒥᑦᓯᐊᖅ ᑎᑎᕋᕐᑕᐅᓯᒪᔪᑦ ᔨᕉᓴᓕᒥ ᓄᓇᖃᕐᓂᕋᕐᑕᐅᔪᓕᒫᑦ,

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 43:19

ᑕᑯᒋᑦ, ᓄᑖᒥᒃ ᐱᓇᓱᐊᓕᕐᐳᖓ; ᒫᓐᓇ ᓴᖅᑭᖃᑦᑕᓕᕐᐳᖅ, ᑕᑯᓯᒪᖏᑉᐱᓯᐅᒃ? ᐊᖅᑯᑎᓕᐅᕐᓂᐊᕐᐳᖓ ᐃᓄᖃᖏᑦᑐᒥ ᑰᓕᐅᕐᓗᖓᓗ ᓯᐅᕅᓐᓇᕐᒥ.

ᐂᓮᐊᓯᐅᑉ ᐊᒡᓚᖏᑦ 51:10

ᐃᕝᕕᓂᓐᓈ ᐃᒪᕐᔪᐊᖅ ᐃᒤᕈᑎᑎᓚᐅᕐᐱᐅᒃ? ᐃᒪᕐᐱᒃ ᐃᑎᔪᖅ; ᐊᖅᑯᑎᓕᐅᕐᓗᑎᑦ ᐃᒪᕐᔪᐊᒃᑯᑦ, ᓂᐅᕕᐊᖑᓪᓗᑎᒃ ᐅᑎᕐᑎᑕᐅᓯᒪᔪᑦ ᐊᖅᑯᑎᖃᕐᓗᑎᒃ ᐃᑳᕈᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 31:21

ᐊᖅᑯᑏᑦ ᑎᑎᕋᕐᓯᒪᔪᓂᒃ ᓇᓗᓁᒃᑯᑦᓯᓕᕐᓯᐅᒃ, ᓇᐸᔪᓕᕐᓱᕐᓗᒋᓪᓗ ᐊᖅᑯᓪᓗ ᐊᑐᒐᓪᓚᕆᐅᔪᖅ ᓇᓗᓇᕈᓐᓃᕐᑎᓕᕐᓯᐅᒃ ᐊᑐᕐᐸᒃᑕᓯ, ᐅᑎᓕᕆᑦᓯ, ᐃᓴᕆᐊᓕᑏᑦ, ᐅᑎᓕᕆᑦᓯ ᐃᒡᓗᒐᓴᒡᔪᐊᓄᑦ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 43:12

ᐅᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ; ᖃᖅᑲᐅᑉ ᖄᖓᑕ ᖃᓂᒋᔭᓕᒫᖓ ᐃᑦᔪᕐᓁᑦᑑᓂᕐᐸᐅᔪᒃᓴᐅᕗᖅ. ᑕᑯᒋᑦ, ᑕᒪᓐᓇ ᑕᕝᕙ ᑐᒃᓯᐊᕐᕕᒡᔪᐊᑉ ᐱᖁᔭᖓ.”

ᐃᓯᑭᐊᓕᐅᑉ ᐊᒡᓚᖏᑦ 44:9

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”

ᔪᐃᓕᐅᑉ ᐊᒡᓚᖏᑦ 3:17

“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ. ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ. ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.

ᒨᓯᓯ ᐱᖓᔪᖏᑦ 26:6

“ᓄᓇᓯ ᐅᓇᑕᕐᕕᐅᖃᑕᕐᓂᐊᓐᖏᓚᖅ, ᓯᓂᖃᑦᑕᕐᓂᐊᕐᐳᓯᓗ ᓱᓇᒥ ᑲᑉᐱᐊᓱᖏᓪᓗᓯ. ᓂᕐᔪᑎᑦ ᐃᕐᓯᓇᕐᑐᑦ ᓄᓇᑦᓯᓐᓂᑦ ᐊᐅᓪᓚᕐᑎᓐᓂᐊᕐᐸᒃᑲ, ᑕᒫᓂᓗ ᐅᓇᑕᕐᑐᖃᖃᑦᑕᕐᓂᐊᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 7:17

ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐱᓇᓱᐊᕈᒪᔪᖅ, ᖃᐅᔨᓂᐊᕐᐳᖅ ᐊᔪᕆᕐᑐᐃᔪᑎᒋᔭᒃᑲ ᒎᑎᒥᑦ ᐱᖕᒪᖔᑕ ᐅᕝᕙᓗ ᐅᕙᓐᓂᑐᐃᓐᓇᖅ ᐅᖃᓪᓚᖕᒪᖔᕐᒪ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐲᑦᑐᕉᓯ ᓯᕗᓪᓖᑦ 1:16

ᐊᒡᓚᒃᓯᒪᖕᒪᑦ, “ᐃᑦᔪᕐᓁᑦᑕᕆᐊᖃᕐᐳᓯ, ᐃᑦᔪᕐᓁᑦᑑᒐᒪ.”

ᐲᑦᑐᕉᓯ ᐂᑉᐸᖏᑦ 3:13

ᐅᕙᒍᓪᓕ ᓂᕆᐅᒃᐳᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ ᐃᓗᐊᕐᑐᓕᔪᓄᑦ ᐃᓂᒋᔭᐅᔪᒫᕐᑐᒥᒃ.

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.